غيرة الزوجه الثانيه

[روحي تحبه غصب]

بنات انا في بالي سؤال دايما يدور :gr4uu:




ليش الزوجه الثانيه دايما تغار من الزوجه الاولى وتلاقينها اهيا واهلها من الملجه يوصلون حجي لزوجه الاولى ويبدون بالمشاكل

يعني مو كافي انج رضيتي تاخذين واحد على مرته وتسببتي في تعاسة انسانه ماتعرفج ولاتعرفينها

يتقولون ليش هالموضوع

انا ساكنه بايجار وصاحب البيت الليله عرسه متزوج على زوجته
زوجته ساكنه بالارضي والثانيه بالدور الثالث
والله يابنات من الساعه 8 واليباب ماوقف والاغاني والرقص والعروس موجوده بدري واللي قاهرني انهم ييببون بره الشقه
خذيتي الريال عليج بالعافيه بس ليش تبدين فالمشاكل مو كافي حرة المره وموقفها اللي مافي احد يحسدها عليه
انا ماادري عن ضروفهم بس ليش مسوين الحفله في شقة العروس وداخلين على قوي

انتي رضيتي تاخذين الريال من زوجته اتقي الله عشان الله يوفقج ويسعدج انتي ماتعرفين الريال عشان تبين تسحبينه يمج وتاخذينه يمكن مايستاهل

والله يابنات اني ادعي ان زوجته ماتكون في البيت بس حسافه انها موجوده مع اعيالها في بيتها

وادعي ربي انه يثبتها الليله ويقوي صبرها ويعينها على مابلاها لانها ماتستاهل اللي يصير فيها

 

[*سحآبة*]

رد : غيرة الزوجه الثانيه



بصراحه ما احب اكون شريكة .. ولا زوجي متزوج علي يمااااا


بقولج ع شي


دلااااااااقي ..اللي هو دلااااااااق


ما احب احد يلبســـه غيري ..


شلون وحده تشاركني برجال؟


عفيه عليها الشريكه .. شلون ليله عندها وليله عند هذيج

خخخخخخخخ احس السالفه تصير بايخه !!

 

[ام هزاع]

انتي اللي داشه عالمره

وماخذه زوجها

وماخذه مكان مو مكانج

وتغارين بعد!!!!!!!!!!!!


قطع

والله لو انا منها ادش بسكات !!

هذا اللي يقول جا عقبك وعقّبك

الله لا يوفق اللي ترضى تبني سعادتها على تعاسة غيرها


ياقلبي قلبها اكيد اسمعتهم واكيد عيالها اسمعوا
الله يستر عليها لا يوقف قلبها وتموت من الحررره على ناس ماتسوا

 

[بنت شرق]

الله يعينها ويصبرها

يمه حره اشلون تنام بروحها وريلها نايم مع وحده ثانيه

 

[فوفو22]

رد : غيرة الزوجه الثانيه

انا تقدرين تقولين عني الاولى وتقدرين تقولين الثانية

الغيره موجوده بطبيعه الانسان

ولكن لها درجات متفاوته

بداية الزواج ....

كان فيه غيره ....ولكن

ولله الحمد والشكر والمنًه

لانا ثنتينا نخاف الله ونخشاه

كل منا صاده عن الثانية

<<<قولوا ما شاء الله

وما نجيب طاري بعض

بالاضافة الى

كل منا لها حياتها وبيتها وعيالها وحياتها الاجتماعية الخاصة فيها

فلا انا فاضية لها ولا هي فاضية لي


واحس الانشغال بالآخرين مضيعه للوقت

فوفو

 

[نونا المجنونه]

فوق شينها قوات عين
ماخذا الرجال من حرمته وعياله وتغارين يعلج الغيره اللي تحرقج حراق
عمى ابي اعرف شلون لج نفس تاخذين رجال متزوج وتخربين بيته
ما اعمم على كل الحريم لان في بعضهم لهم اسباب بس اللي يقهرني اللي ما عندها سبب بس جذي لعانه تاخذ الرجال من زوجته


بنات انا منبطه جبدي من اللي عمرها صغير وتاخذ رجال عمره كبير وعنده عيال كبرها طيب ليش بحجت تقول <<الشباب يعلل والشايب يدلل >>
اكره موضوع الشريكه وربي لما اسمع انا احد تزوج على زوجته اقعد ادعي عليه واللي يقهرج بدون سبب اما اذا له اسباب فا اكون عاذرته

بنات عندي وحده من رفيجاتي جوها ناس ياكثر يخطبونها وهي ترفض وبعد فتره جاها واحد يخطبها متزوج وعنده عيال وزوجته الكل يمدح فيها حتى هو يمدحها ولما اسألت ليش تبي تزوج عليها اذا هي ما عليها تخيلوو شنو قال قال الشرع محلل لي اربع واللي قهرني اكثر واكثر رفيجتي وافقت عليه وعرسها بعد سبوعين والله يابنات طاحت من عيني هي عمرها 22 وهو 37
بالله هذا شي مايرفع الضغط ويقهر هذا ماعنده اسباب الا عشان الشرع محلل له
شي يرفع الضغط

 

[So MuCh PaIn]

رد : غيرة الزوجه الثانيه

حبيبتي الشرهه عالريال مو عليها

وسالفة الغيره ما اعتقد تفرق مو بس الثانيه تغار حتى الاولى بعد تغار

 

[روحي تحبه غصب]

وااااااي نونا المجنونه صج رفيجتج تحر

وفوفو الله يكملج بعقلج وانا بصراحه دايما تعجبني ردودج

وحبوبه بصراحه تشبيهج لزواج الريال على مرته عجيب

 

[pяiήcєşš]

سبحان الله
منو منا ما تغار وخصوصا على الزوج !!

حتى زوجات الرسول عليه الصلاه والسلام امهات المؤمنين رضى الله عنهن كانوا يغارون من بعض

شلوون عااد واحنا عامه الناااااااااااس !!


بس اذا تقولين على المشاكل فكل انسان يسوي بأصله

 

[فوفو22]

رد : رد: غيرة الزوجه الثانيه

وااااااي نونا المجنونه صج رفيجتج تحر

وفوفو الله يكملج بعقلج وانا بصراحه دايما تعجبني ردودج

وحبوبه بصراحه تشبيهج لزواج الريال على مرته عجيب

عفوا ما فهمت شنو تشبيهي ؟؟؟

ذكريني

 

[ام هزاع]

اشرايكم باللي تداوم مع زوجج وتسحره وتخليه يجيها غصبن عليه .. وتعاشره معاشرة الازواج .. وتكرهه بزوجته وبالاخير يطلق زوجته عشان وحده رخيصه وماتسوا فلس

حسبي الله ونعم الوكيل

 

[فوفو22]

رد : رد: غيرة الزوجه الثانيه

اشرايكم باللي تداوم مع زوجج وتسحره وتخليه يجيها غصبن عليه .. وتعاشره معاشرة الازواج .. وتكرهه بزوجته وبالاخير يطلق زوجته عشان وحده رخيصه وماتسوا فلس

حسبي الله ونعم الوكيل

وهو ما يسوى فلس

اللي يفرط بالاولى عشان الثانية

حبيبتي هذا ما عليه حسافه

فوفو

 

[سحر ستايل]

العتب مو على الزوجة التانية ولكن على الزوج وجبروته المفروض انه يتذكر لام اولاده وزوجته الاولى لحظات جمعتهم ويرحم غيرتها ومشاعرها وكمان عليها ان تتذكر ليه وصلت لهذه المرحلة هل لمشاكل متكررة لم تحل بشكل جذؤي بالسابق ان لعلة هي تعرفها بزوجها وعليها ان تقرر هل يستحق ان تكمل معه ام افضل لها ان تكون بدونه وحسب مدى احتياجها له ومدي تلبيته لطلباتها واشباع كل متطلباتها نفسية ومادية
والله يصبرها
,قصة حقيقية
ولكن اقولكم الصدق مثل ما في نساء تسوي سحر لرجل متزوج كمان في حالة انا شاهده عليها وانا مسكت هالسحر بايدي ومن تحت سريره زوجتة اخده من اظافرة وشعره وايات من القران وعاملة ليه سحر اسود بان لا يرى ولا يسمع ولا يشك بها ولا يناقشها بامر ولا يسير الا بامرها لدرجة انها وصل من تعب ارجله الى كي اعصاب رجله والله انه بعد ما اكتشف هالسحر وحرقة وتخلص منه صار ولا يحس باي الم برجلية بعد 10 سنين يالله يقدر يمشي ، تخيلوا انه اكتشفه بالصدفة مع العلم انه قضى عمرة كله مسافر وماله استقرار وما يدري عنها غير القليل وفاق لقا اغلب امواله بحسابها اكتشف ذلك بعد 35 سنه زواج و5 اولاد رجال ونساء وهي راقدة بالمستشفى بانتظار تغيير قلب
برايكم شو الي ممكن يسويه هذا الرجل ارجو الرد وارسال تعليقاتكم لانه كاد ان يصل الى مرحلة الجنون بعد ان قضى عمره شارد ومهاجر عن ذاته

 

[أم حمد =)]

الله يكون بعون الزوجه الاولى =(

 

[اشتياق]

ذكرتيني بموقف للحين ما انساه
لمن كنت صغيره تزوج ولد جيرانا على زوجته
وبيوم العرس كان يرن تلفون البيت
ويقومون خوات المعرس وامه وخالاته يردون على التلفون واهم يببون ويصفقون ويقصدون
جان يدش المعرس مععصب الصاله ويصرررررررخ ويكسر التلفون ويقول والله ان سمعت وحده فيكم قاهرتها ياويلكم.

طلق الثانيه وردتله الاولى وكاهي العزيزه الغاليه ام عياله
الثانيه حملت من ليلتها بس ماتم معاها الا شهر او اقل


على فكره شفت الاولى من اسبوعين بعزا يدتي ماشاء الله تبارك الرحمن والله ماجنها اكبر مني
الحريم يتناغزون على جنطتها ولبسها وجمالها :d

هالحجي من 16سنه تقريبا

يعني دوام الحال من المحال وغالبا الثانيه نزوه

 

[~*~الملكة~*~]

واااااااااي حريتني

الشرهه على الزوج يعني انت متزوج وحارق قلبها

ومخليهم يحتفلون بوجودها لي هالدرجه مالها اعتبار عنده

الله يبرد على قلبها ويصبرها يااااااااااااارب

 

[حجيه هيونه]

رد : غيرة الزوجه الثانيه

والله صج شي يقهر مادري ليش جذي خلاص تزوجتي استريحي لازم تقهرين غيرج

 

[chakletaA]

يارب مابي اشوف هالمظر

لكم دينكم ولي ديني في الشيطان
بس مو يم بيتي
يكفي اللي شفته من ابووووووووووووووووووووووي

كل من شاف بيتنا يقول فيلا
ههههههههههههههههههههههههههههههههههههههههه
مايدروون ان نظام شقق حق حريم وبنات
والله يالحكره ثلاث بنات في غرفه وحده
اللهم يامسهل الشديد ياملين الحديد
اخرجني من دائره الضيق الى اوسع الطريق

 

[ورد منثور]

اول شي سلاااااااااااااااااااااااااااااااااااام
العتب مو على مرته اليديده العتب والقهر من الزوج اللي راضي تصير طقطقه بالبيت ومرته الاولى موجوده >منقهره جد
بس هالنوعيه من البشر عندها حب قهر الغير والاستمتاع بأذلال الاخرين > لايكثر
ناس مشاعرها ميته بالعربي >
أحبكم فالله

 

[روحي تحبه غصب]

رد: رد : رد: غيرة الزوجه الثانيه

عفوا ما فهمت شنو تشبيهي ؟؟؟

ذكريني

لا حبيبتي اقصد تشبيه العضوه حبوبه

ومشكووووره عالمرور