غيرة الزوجه الثانيه

[HayaaB]

أتمنى من الحريم يفكرون منطقياً
إحنا مسلمين و الشرع حلل أربع
والزواج الثاني ممكن يكون بديل أفضل للطلاق
ممكن الرجل مايكون يحب زوجته لكن يحترمها و بينهم عيال
وعنده بديل للطلاق و من حقة يتزوج،
المرأة سعادتها بعدة فتره من الزواج تكون عيالها
بس الرجل سعادته مع الزوجه اللي يحبها و يتمناها،
إنت كمسلمة اذا ماتقدرين تتحملين زواجه عندج حق الطلاق او الخلع،
لكن مو من حقج تدعين عليه او عليها،
هذا حلال و شرع الله ومافيه ظلم لج اذا ظلمج ادعي عليه.

 

[HayaaB]

فمن قال إن في تعدد الزوجات إهانة للمرأة فقد افتأت على الشرع وقال فيه بغير علم وأتى بهتاناً عظيماً؛ لأن الله تعالى هو خالق الزوجين الذكر والأنثى، وهو الذي شرع التعدد لحكم عظيمة ومصالح جليلة لا يعرفها إلا من نوَّر الله بصيرته بنور علم الشريعة، أما من اتبع هواه وزعم الانتصار للمرأة وحقوقها فهو الذي تعمى بصيرته عن معرفة الحق بدليله، فيتبع كل ناعق ويحاكي كل جهول، ويكفيك أيها السائل أن النبي الأعظم صلى الله عليه وسلم الذي أوصى بالمرأة خيراً وبيَّن حقوقها في أشرف المواقف وهو بصعيد عرفات، في زمانٍ ما كان أحد يعرف للمرأة حقوقاً ولا يرعى لها عهداً؛ كان هو أول المعدِّدين، وقد أقام معه نساؤه كلهن بخير حال وأهنأ عيش صلوات الله وسلامه عليه.

 

[كليـ دلعـ]

^^^^^^^^^^^


الشرع قصد اذا كانت عقيم

او مريييضه

او ماتقدر تلبي طلباته

الشرع حلل للضرووره

الشرع مااقال عقب مايسطر منها ٥ او٦

ازهق منها وازهق من البيت والعيال وروح تشبب!!


الشرع مااقال اذا بتعاندها واهلك مشيشيينك اكسرها وتزوج عليهاا


الشرع ماقال اذا انت مزوااج وتشتهي التغييير غير ع كيفك!!

الشرع ماقال ليكنت ضعيف شخصيه وغير عاادل

واصلا مومستطيع نفسياا ومادياا عدد!!


لا يااعمري الشرع اضبط من انه يحلل هاالتفاهات

الشرع ماقال اذا ذرك اعيال روح تزوج دور الولذ!!


واهو اصلا تحديد النوع منه!!!!

شنو عذر الشرع لاصارت المره مصليه مسميه

حلوه انيقه سنعه كااااامله حاطته ع راسها

وحاشمته وحاشمه اهله ويروح يتزوج عليها

هذا بالله شعذره!؟؟


بعدين الله قال فان خفتو ان لاتعدلو فواحده تكفي


قووليلي منو العادل بزمننا الحين!؟

نضحك ع بعض احناا!؟

منو العادل!؟

يتزوج الثانيه ويحذف الاولى. وينسااها

وينسا حتى عياله منها!!

انتي وين عايشه!؟

الواقع غير الكلام

منو اللي يعدل بالضحكه وبالكلمه الحلوه؟!

منو اللي يعدل بالعطا والصرف والمعامله والاحساس!!

خيــــٓـٓٓٓٓـٓــــــــــــــــــــًاااااااااال


كلامج خيااال

والله لايعيشج هالماسااه ان شالله

ولايعيشنا اياااهاا اجمعين

بس الانسان اذا ياا يناقش موضوع من الافضل

يحط نفسه بمكان صاحب المشكله عشان جذي

يحس بالمعاناه عدل،،،



واذا النبي عليه الصلاه والسلام عدد

فزمااانه غير زماااننا

وبعدين هذا محمد بن عبدالله منو نفسه!؟

منو بطهارته !؟ وبعدله!؟

تحطين هذيلا مثله!؟

هذا ماعنده الازوجه وحده مشيب فيها وناسيها وهاظم

حقووقها فمابالج ثنتين؟؟؟!!!

النبي وهو النبي كان يدعي ربي يحاسبه ع اللي بيده

ولايحاسبه ع اللي بقلبه!!!؟

لان القلب يميل لووواحد

ويفضل وااحد

ويعشق واحد

نقص ع نفسنا احنا!؟!

وحتى زوجات العادل اللي اهو النبي كانو يغارون!!

هذا وهو عاااااادل!!!

مافي مجال اصلاا

واكرررر

الشرع حللل لاسباااب موو لعنااد ولتغيير ولفررفششه

وملل،،


والله يكون بعون كل وحده تزوج عليها ريلها وكسرها

واهي ماتستاهل،،،،،


انا هذا رايي *اتمنى تتقبلينه ​

 

[غالية زمانها]

مامدح نفسي بس مصليه ومسميه وسنعه ومو مقصره بشي كلششش
واهو اللي مايصلي بس عرف ربه بالتعدد !!!!
ولو زوجي مو حاس بالتانيب الضمير جان مو كلش مراضيني بشي
حسبي الله عليهم وين ما راحواااا الله لايوفقهم وعسى حيلهم بينهم
ويالله ياكريم نفس ماظلموني وبجوني وعشت بحرررررررزرره عساهم يذوقون دبالاته عشان يعرفون ان الله يمهل ولا يهمل ومايحب الظلم وكافي دامي توكلت وفوضت امري الى ربي وبدعي وباقول حسبي الله ونعم الوكيل

 

[كليـ دلعـ]

لاتحرين نفسج ياقلبي

شتحرين نفسج عليه!؟

لكل ساقط لاقط واعتبريه لقاا لاقطه بالطقااق

عيشي لنفسج وعيالج وبس

ماتوقف الدنيا علشان احد

 

[HayaaB]

عفوا أختي شرعاً يجوز للرجل التعدد اذا كان قادر و يستطيع يعدل
والعدل يكون بالأشياء المادية ( السكن و المأكل و النفقة و المبيت)
الحب بالقلب.
مفهوم العدل في التعدد مفهوم العدل بين الزوجات
أنا اعرف حريم أزواجهم متزوجين عليهم كل وحدة لها بيت و خدم و عادلين معاهم في النفقة و المبيت،
بس أكيد يحب وحدة أكثر من الثانية ، في حريم زوجها مو متزوج عليها وماتحبه بس تحترمة و مرتاحه معاه
الحب خارج عن سيطرة الإنسان.

الوحدة لازم تفكر منطيقاً و ترضى بشرع الله و قدرها واذا الوحده ماتقدر عندها حل، بس إحنا مسلمين ولازم
نرضى بشرع الله .

الله يسعد كل زوجه معى زوجها و تراعي الله فيه و يراعي الله فيها.

 

[غالية زمانها]

كلي دلع قاعدهاحاول ادز لج رساله خاصه مو راضي لان عندج الرسايل متروسه

 

[كليـ دلعـ]

^^^^^^^^^

فضيته حبيبتي

 

[bzness world]

عفوا أختي شرعاً يجوز للرجل التعدد اذا كان قادر و يستطيع يعدل
والعدل يكون بالأشياء المادية ( السكن و المأكل و النفقة و المبيت)
الحب بالقلب.
مفهوم العدل في التعدد مفهوم العدل بين الزوجات
أنا اعرف حريم أزواجهم متزوجين عليهم كل وحدة لها بيت و خدم و عادلين معاهم في النفقة و المبيت،
بس أكيد يحب وحدة أكثر من الثانية ، في حريم زوجها مو متزوج عليها وماتحبه بس تحترمة و مرتاحه معاه
الحب خارج عن سيطرة الإنسان.

الوحدة لازم تفكر منطيقاً و ترضى بشرع الله و قدرها واذا الوحده ماتقدر عندها حل، بس إحنا مسلمين ولازم
نرضى بشرع الله .

الله يسعد كل زوجه معى زوجها و تراعي الله فيه و يراعي الله فيها.

يعني تبين تقنعينه انه عادي عندج ريلج يزوج عليج لاسمح الله


حبيتبي ااذا الريال عنده مرته وعياله ومرتاحين ليش يعدد ؟؟

في هالحاله يهدم بيتهوالاول ويبني بيت ثاني


وانا مع كلي دلع في كل كلمه قالتها


و ترا سهل الكلام بس حطي نفسج مكان زوجه اولى وبتعرفين كيف شعور يحر بعيد الشر عنج

 

[كليـ دلعـ]

فمن قال إن في تعدد الزوجات إهانة للمرأة فقد افتأت على الشرع وقال فيه بغير علم وأتى بهتاناً عظيماً؛ لأن الله تعالى هو خالق الزوجين الذكر والأنثى، وهو الذي شرع التعدد لحكم عظيمة ومصالح جليلة لا يعرفها إلا من نوَّر الله بصيرته بنور علم الشريعة، أما من اتبع هواه وزعم الانتصار للمرأة وحقوقها فهو الذي تعمى بصيرته عن معرفة الحق بدليله، فيتبع كل ناعق ويحاكي كل جهول، ويكفيك أيها السائل أن النبي الأعظم صلى الله عليه وسلم الذي أوصى بالمرأة خيراً وبيَّن حقوقها في أشرف المواقف وهو بصعيد عرفات، في زمانٍ ما كان أحد يعرف للمرأة حقوقاً ولا يرعى لها عهداً؛ كان هو أول المعدِّدين، وقد أقام معه نساؤه كلهن بخير حال وأهنأ عيش صلوات الله وسلامه عليه.

لوكان الزواج الثاني مافيه اهانه للمره جان ماثار الرسوول ورفض ان زوج بنته يتزوج عليهاا

هذا وهو معدد رفض ان بنته تحس بهالاحسااس


*
صحيح الترمذي - المناقب ، عن رسول الله - ماجاء في فضل فاطمة (ر) - رقم الحديث : ( 3802 )
*
- حدثنا : ‏ ‏قتيبة ‏ ، حدثنا : ‏ ‏الليث ‏ ‏، عن ‏ ‏إبن أبي مليكة ‏ ‏، عن ‏ ‏المسور بن مخرمة ‏ ‏قال : ‏ سمعت النبي ‏ (ص) ‏ ‏يقول وهو على المنبر ‏: ‏إن بني ‏ ‏هشام بن
المغيرة ‏ ‏إستأذنوني في أن ينكحوا ‏ ‏إبنتهم ‏ ‏علي بن أبي طالب ‏ ‏فلا إذن ثم لا إذن ثم لا إذن ألا إن يريد ‏ ‏إبن أبي طالب ‏ ‏أن يطلق إبنتي وينكح إبنتهم فإنها ‏ ‏بضعة ‏ ‏مني ‏ ‏يريبني ‏ ‏ما ‏ ‏رابها ‏ ‏ويؤذيني ما آذاها ‏ ، قال ‏أبو عيسى : ‏‏هذا ‏ حديث حسن صحيح ‏ ‏وقد رواه ‏ ‏عمرو بن دينار ‏ ‏، عن ‏ ‏إبن أبي مليكة ‏ ‏، عن ‏ ‏المسور بن مخرمة ‏ ‏نحو هذا.




لوكان مافيه اهانه واذا وتعب نفسي ومرض واحبااط وذل وفتنه جان ماا استحرمه ع بنته

تكلمي بالواقع وماتدرين يمكن يتزوج عليج ريلج وتذوقين طعم المعاناه تالي راح تحسين ان الواحد اذابيطبق

الشرع خ يطبقه بمعاملته مع اهله بخوفه من ربه بحفظه لربه ومايسوي المعاصي ويخون زوجته

وماايعذبها معاه واذا ميت ع تطبيق الشرع خ يتمسك بصلاته خ يزكي خ يحافظ ع صيامي خ يبر والدينه

ويعامل زوجته باللتي هي احسن

مو يشرب زقااير

ومايصلي

وقاطع رحم

ولايعرف زكاه

وممرمط بنت الاياويد ويااه

ومبهذل عيشتها ولينوا

قال الششششششرررع!!

ماعرف الشرع الا بتكود الحريم

وع بس وع

والمره العاجل اذا شافت القيفه ناوي يتزوج

تمسكه الباب وتجحته برا البييت وبالطقاق اللي يطقه

ولاتقعد تذورف هالدمووع وتبججبجج واهوو يتزكرت ويتضح
وطااير مع المتعسه اليديده

اهو بس ترا الضغط شلل!!

 

[bzness world]

^^^^^^**


كفووو صح لسانج في كل كلمه قلتيهوما عليج زود كفيتي و وفيتي

 

[كليـ دلعـ]

^^^^^^^^^^^^^٪

ع راسي كلامج يالغاليه وماعليج زوود صراحه شي يحر​

 

[HayaaB]

عفوا إختي كلي دلع، مايصير تقولين عن شي مذكور بالقرآن
و الله شرعه فيه إهانه للشخص،
انا ماقلت المرأة تفرح اذا زوجها تزوج عليها بس قلت مايصير
نحرم ماحلل الله ،
المرأة اذا ماتقدر تتحمل الزواج الثاني تقدر تطلب الطلاق او الخلع
اذا حست انها يسبب لها الأذى،
بعدين الزوج اللي مايزكي او مايصلي و يزني المسلمة المؤمنة شيقعدها عنده،
اتمنى تسئلين شيخ دين يكون عالم عن إهانة التعدد للمرأة.

 

[كليـ دلعـ]

^^^^^^^^٪

ماقلنا حرام ولاحرمناه

قلنا كل نفس سويه ابيه ترفض الشرك

انتي تقدرين تشربين السور!؟

يعني قلاصج اللي تشربين منه يشرب معاج شخص ثاني

تشربين سووره!!!؟


لاوالله النفس الزكيه ماتسااور

ووالناس اجناس

وردي لردوودي كلها ماراح تلقين كلمه حرااااام

وكلامي وااضح جدااا وضوح الشمس


واكررر امبلا التعدد فيه اهاانه كبيييره للمره الله يعينهاا ويساعدها
​

 

[احلام روحي]

ويمكن الاولى ماهمها لان زوجها مابسوا وتبي هي فرقاه بس ماتبي طلاق

 

[انسام الكويت]

أتمنى من الحريم يفكرون منطقياً
إحنا مسلمين و الشرع حلل أربع
والزواج الثاني ممكن يكون بديل أفضل للطلاق
ممكن الرجل مايكون يحب زوجته لكن يحترمها و بينهم عيال
وعنده بديل للطلاق و من حقة يتزوج،
المرأة سعادتها بعدة فتره من الزواج تكون عيالها
بس الرجل سعادته مع الزوجه اللي يحبها و يتمناها،
إنت كمسلمة اذا ماتقدرين تتحملين زواجه عندج حق الطلاق او الخلع،
لكن مو من حقج تدعين عليه او عليها،
هذا حلال و شرع الله ومافيه ظلم لج اذا ظلمج ادعي عليه.

انا حسيت من ردودج انج زوجه ثانيه صح :eh_s(10): وقاعده تبررين التعدد لنا


عموماا الريال اذا مو قاصره شي ليش يتزوج ثانيه شنو بيلقى عند الثانية !!!


اغلبهم نزوه وعقبها يتحسفون ..اللي بيتزوج ثانيه تكون له أسباب معينه والشرع حلل التعدد لحالات خاصه


مرته مريضه او ما تحمل هاذي أسباب مقنعه.


لمن ريلج يتزوج عليج حزنها هاذي وبهي اذا قلتي لنا الشرع حلل التعدد !!

 

[كليـ دلعـ]

شفتي ؟!

قلتلج النفس الزكيه ترفض هالحجي ولاحد راح يعجبه كلامج!

الله يهديج

 

[HayaaB]

لا والله مو زوجة ثانية ولا أمي او إختي حتى خالاتي و عماتي
بالعكس ناس قراب مني أزواجهم متزوجين عليهم.
انا بس عندي نقطة بوضحها:
الأصل في التعامل مع الأحكام الشرعية هو التسليم المطلق حتى ولو لم تتبد الحكمة منه، {إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَنْ يَقُولُوا سَمِعْنَا وَأَطَعْنَا وَأُولَئِكَ هُمُ الْمُفْلِحُونَ} [النور: 51]، ولكن ذلك لا يمنع من استباط الحكمة والسعي للوصول إليها، ويمكننا باستصحاب خصائص الشريعة، واستقراء الواقع نتلمس جيدًا مبررات التعدد في الإسلام:

لا أكثر ولا أقل الدنيا ماتسوى الوحدة تقول عن شي الله شرعه وحلل إهانة للمرأة او تفسره على كيفها
في علماء شريعة وضحوا كل شي. الاسلام عمره ماظلم أحد او فيه شريعة تهين أحد.

 

[HayaaB]

شفتي ؟!

قلتلج النفس الزكيه ترفض هالحجي ولاحد راح يعجبه كلامج!

الله يهديج

آمين الله يهدي الجميع وينور عقلنا و قلبنا

 

[كليـ دلعـ]

امييييين

ويبعد عننا الخضووع والخنوع للرجال اذا تزوجو علينا لاقدر الله

الله يبعد عننا المسكنه والذل

ويسخي عليناا من عزته وكبرياائه

اللهم امييين​