تجمع أولياء أمور مدرسة التكامل(صباح السالم)للعام الدراسي2009-2010

[الثقيلة]

السلام عليكم شلونكم بنات
بسألكم انا عيالي بقريد2 وكي جي 2 ان شاء الله
شريت لهم ملابس من ماركس وسبنسر تي شيرتات وبنطلونات عادي والا لازم من المدرسه؟
عفيا ابي الاجابه عشان اذامايصير اردهم
ومشكرين ماقصرتوا

 

[أم يوسفاني]

السلام عليكم صبايا
بالنسبة للملابس ايصير حبيبتي الثقيلة
والمدرسة تبطل يوم 1\9 حق المدرسين يعني الأربعاء الياي
الي تبي تروح تروح عادي وتسأل الأدارة من وين تاخد الملابس ويدلونها

 

[Miss_Tiger79]

رد : تجمع أولياء أمور مدرسة التكامل(صباح السالم)للعام الدراسي2009-2010

الثقيله
اي عادي تاخذيلهم البنطلون وانا مرات اخذلهم البلايز البولو من ماركس سبنسر بس اليهال كل يوم والثاني يقولون ان مستر براين يقول لبسو تي شيرتات المدرسه
ومادري هالسنه اخذ التيشرتات من المدرسه او لا
بس ترى عادي لا تحاتين

 

[الثقيلة]

مشكورين ماقصرتوا طمنتوني جزاكم الله خير
الله يوفق عيالي وعيالكم ويسهل عليهم السنه اليايه يارب.......

 

[نواره الحلوة]

السلام عليكم با أمهات

بسألكم صج وزعوا مع الشهادات الأغراض المطلوبة من الطلبة للسنة اليياية اللي اهي الكورس هذا اذا صج الله يعافيكم تعطوني طلبات قريد 3 وكي جي 2
:hjy5jewf::hjy5jewf:

 

[كويتيه ذربه]

السلام عليكم با أمهات

بسألكم صج وزعوا مع الشهادات الأغراض المطلوبة من الطلبة للسنة اليياية اللي اهي الكورس هذا اذا صج الله يعافيكم تعطوني طلبات قريد 3 وكي جي 2
:hjy5jewf::hjy5jewf:

هلا نوارة اشلونج
لا ماكان في شي مع الشهاده

 

[كويتيه ذربه]

لقيت ورقة الطلبات
احاول اصورها وانزل صوره الورقه

 

[نواره الحلوة]

كويتية ذربة
مشكوووووووووورة ما تقصرين والله عشان افتك آنا جهزت وشريت اقلام ومساحات وفولدرات وكل شي بس خايفة انهم يكونون طالبين ماركة معينة لانهم العام طلبوا الوان الماركة الصفرا نسيت اسمها وتوهقت ورديت شريت مرة ثانية وطاحوا الثانين بجبدي

 

[كويتيه ذربه]

طلبات قريد 3

one box of pencils

two large white erasers

one pencil sharpener

one pair of scissors

four large glue sticks

one ruler- 30 cm ( clear, plastic or wooden)

five clear pocket folders

one box of crayons

one box of colored pencils

one box of colored washable markers

one packet of colored construction paper

tow blue and two red colored pens

two boxes of tissues\ kleenes

one bottle of antibacterial hand cleaner

two packets of self adhesive white labels- medium size

​

 

[نواره الحلوة]

مشكورة يالغالية ما قصرتي :e3:

 

[كويتيه ذربه]

مشكورة يالغالية ما قصرتي :e3:

العفو


ماسوينا شي

:eh_s(17):

 

[ام حسون وفطومه]

السلام عليكم
شلونكم امهات شخباركم ولهت على سوالفكم:
ومباركم عليكم باقي الشهر وعساكم من عواااده
شلون استعاداتكم حق السنه الدراسيه؟ انا والله شريت اغراض بنتي بس بمر اخذلها من المدرسة النفنوف والتي شيرت على قطعه قطعه لانه بوقت التصوير يطلبون لبس المدرسة الموحد
حبيت اعرف الكي جي2شنو طلباتهم اذا احد يتذكر وبعدين يصير نسال عند اي تيجر حاطين اليهال من الحين

وانا دقيت على المدرسة قالولي 19-9 دوام الكي جي

 

[دروبك يالسهر]

انزين بنات ماتدرون قريد 1 متى دوامهم واااااي والله احس اني ضايعه مع ولدي بيروح قريد 1 وانا مو ذاك الزود بالانجليزي يعني اطقطق ماادري شلون بحل الهوم ورك بنات عفيه شلون تدرسون عيالكم

 

[jegrom]

سلام عليكم

بنات شنو الطلبات حق الكي جي 1 ما عليكم امر

ومتى اروح اشتري الملابس؟.

 

[كويتيه ذربه]

انزين بنات ماتدرون قريد 1 متى دوامهم واااااي والله احس اني ضايعه مع ولدي بيروح قريد 1 وانا مو ذاك الزود بالانجليزي يعني اطقطق ماادري شلون بحل الهوم ورك بنات عفيه شلون تدرسون عيالكم

دوامهم ان شاءالله 14\9
بس اذا صادف اجازه العيد اكيد 15\9
عادي لاتحاتين بالهوم ورك الحال زي بعضه نمشي الله يعافي القاموس ولا ترجمه قوقل ولا الوافي
بس لاتشيلين هم سهالات ان شاءالله و كتب الانجليزي تكون بالمدرسه يعني ماتحتاجين تدرسين الا ورقه الكلمات كل اسبوع 5 كلمات
واذا حسيتي ان مو قادره تدرسينه عندهم تقويه حق الواجبات بنهايه الدوام او ايام السبت
الله يوفقه ان شاءالله
واي هوم وورك تلقيين هني الكل يتكلم عنه

 

[كويتيه ذربه]

سلام عليكم

بنات شنو الطلبات حق الكي جي 1 ما عليكم امر

ومتى اروح اشتري الملابس؟.

وعليكم السلام

مافي طلبات بس ملفات اتوقع

وبالنسبه للملابس موجودين بالمدرسه كل يوم من 9 ونص لي 12

 

[jegrom]

مشكووره حبيبتي ما قصرتي

 

[كويتيه ذربه]

مشكووره حبيبتي ما قصرتي

العفو
ماسوينا شي

 

[Miss_Tiger79]

رد : رد: تجمع أولياء أمور مدرسة التكامل(صباح السالم)للعام الدراسي2009-2010

بنات شلونكم

ذربه ما تقصرين حطيتي الطلبات وتقريبا الطلبات نفس قريد ١و٢ تقريبا
ونا شريت الملابي من ماركس سبنسر والتي شيرتات من المدرسه مع ملابس الرياضه
وكل عام وانتو بالف خير


دروبك يالسهر

لا تحاتين ان شاءالله انتي مثل ما قالتلج ذربه عندج تحفظينه الكلمات واي هوموورك صعب عليج حطيه بالموضوع وراح نعلمج عليه ولازم تخليين الدكشنري يمج
*

 

[ام حسون وفطومه]

السلام عليكم
طلبات الكي جي1 ملفين واقلام سبورة ومساحة لوحه وقصه بالعربي وبالانجليزي هذا اللي اتذكره

بنات يعني المخزن مفتوووح؟؟؟