تجمع أولياء أمور مدرسة التكامل(صباح السالم)للعام الدراسي2009-2010

[كويتيه ذربه]

اشلوووووونكم

انا عن نفسي ماشريت ولا شي غير الشباصات هذا اللي فالحه فيه

 

[كويتيه ذربه]

انا عندي تنوره المدرسه اذيه شويه لانها لف وتحتها شورت عندي البنطلون والنفنوف اريح
انا اخذلها بنطلون وتنوره ونفنوف
ماتدرون متى تبطل المدرسه ؟؟؟ عشان يمدينا نروح ونحصل قياسات

 

[ام _خلودي]

صباح الخير

شلونكم امهات

انا الحمدالله خلصت شريت للعيد والقرقيعان

وهم المدرسه تقريباا شريت كل شىء

خذيت لبنتى ولدى تيشريات من بولو ودرينق سوتات

وشريتلهم جاكيتات وهم جناط وجواتى بس قلت باخذ لبنتى

نفانيف من مارك سبنسر ولدى جم بنطرون وافتك بصراحه

ينفيورمات المدرسه كلش مو كوليتى

بغيت اسال كى جى 2 عندهم منهج وكتب ولا نفس كى جى 1

 

[كويتيه ذربه]

هلا ام خلودي
زين سوتي خلصتي شغلج
والله انا اخذ من المدرسه الملابس بالعكس خامتهم وايد زينه ولمن شريتلها من ماركس سبنسر مارضت تلبسه تقول مابي اكون غير عنهم
وبالنسبه الكي جي 2 كتبهم بالمدرسه بس اخذي جنطه الاكل والملفات
لان الاوراق ييبونها بالملفات وبس دفتر العربيهما يعطونهم

 

[رفرف]

مبارك عليكم الشهر بنات



ذربة ..

اي والله هذا اللي فالحين فيه بس شبابيص ..
وجان زين تلبسهم .. ذبحتني تمشط شعرها وتلبس تاج اسهل شي .. بكسر التيجان يمكن ترضى تلبس شبابيص

والتنورة انا اخذ لها من بره والبسها تحتها شورت رياضة قصير قطن من سنتربوينت كحلي او اسود او ابيض
بس شكلي السنة باخذ النفنوف .. تغيير ..

 

[كويتيه ذربه]

هلا والله رفرف انا بنتي تحب الشبابيص
بس من يوم قصيت شعرها مجبورين بس ماشات ولاتاج او سيور
انا غير اللي شريتهم شريت شرايط وسيور بقعد اسويلها بعد

وبنتي تحب الساعات والاكسسورات ماخلت شي كحلي ولا ابيض بعد ماشرته

بس هاليومين بوديها السوق ابي اخلص شغلها
عشان اتفرغ حق القرقيعان والعيد

 

[ام _خلودي]

خووش كويتيه يعنى عندهم منهج

انزين شلون على الكتب نشتريهم ولا اهم يعطون ايااهاا

مع انه مااعتقد اكو شىء عندهم بلاااش واذا الكتب بفلوس جم ؟؟

 

[manarah]

رد : تجمع أولياء أمور مدرسة التكامل(صباح السالم)للعام الدراسي2009-2010

السلام عليكم ..

مبارك عليكم الشهر .. شخباركم انشالله بخير

ام خلودي الكي جي عندهم منهج بس مافي كتب يعني شغلهم كله على الاوراق نفس كي جي 1 .

 

[كويتيه ذربه]

السلام عليكم
ومبارك عليكم الشهر


ام خلودي الكي جي نفس ماقالت مناره بدون كتب بس اوراق

 

[ام _خلودي]

السلام عليكم

مبارك عليكم الشهر

مشكوره مناره وذربه

 

[أم سارونه المزيونه]

السلام عليكم خواتي
مبارك عليكم الشهر
الله يعطيها العافية الي اتقولي
كي جي 1 شنو يحتاجون من ادوات مكتبية ؟؟
اقلام وانواع الالوان وملفات
الي تعرف اتقولي
عشان ودي اشتري وافتك

 

[ام _خلودي]

هلااا ام ساارونه

انا بنت طلبوا منها العام قصتين وحده بالعربي وحده بالانجليزى

مقص صمغ وملفات مااذكر اذ طلبو الوان ولالا

هذا الا متذكرته حالياا

 

[أم سارونه المزيونه]

أم خلودي مشكوره ما قصرتي
خل اروح اشتري الي قلتي عنه
والقصص عندها بالانجليزي
بس ماعندها عربي
بنتي ماتعرف عربي ما ادري شسوي
والملفات جم عددهم؟؟
والي اتعرف بعد من الاغراض الي يبونها اتقولي

 

[جوري الحلوة]

سلاااااااام بنات
مبارك عليكم الشهر

ما تدرون متى تبطل المدرسة؟؟ يعني متى اروح اشتري هدوم؟؟ وتعرفون متى يبدي دوامهم؟؟؟

 

[كويتيه ذربه]

مساء الخير اشلونكم

جوري دوام الابتدائي 14\9

بس مادري متى تبطل المدرسه حق الملابس كل يوم اقول بدق وانسى

 

[نواره الحلوة]

بنات الحمدلله أنا افتكيت شريت كل شيء قبل اللويه والزحمة حتى القرطاسية خلصت منهم بس بقالي الألوان لأن السنة الي طافت عقب ما شريت اطلبوا ماركة معينة ورديت شريت مرة ثانية

 

[حلم الطفولة]

السلام عليكم ورحمة الله شلوونكم حبي ؟؟
بكتب موضوع جديد فيه سؤال وأرجو دخوله والإجابه
شـــكـــــــرا

 

[كويتيه ذربه]

السلام عليكم

اشلوووووووونكم امهات

بشروا جهزتوا اغراض اليهال ؟

ماتدرون متى ناخذ الملابس من المدرسه؟؟؟؟


ومتى نعرف باي كلاس حاطينهم؟؟؟؟


كل يوم اقول بدق وانسى

 

[رفرف]

ذربة

اتوقع اول 9 لي داومو الادارة ابونا بيروح يشتري الملابس ويسأل اهيه بأي صف مرة وحدة

 

[كويتيه ذربه]

رفرف

الاداره مداومين

انا دقيت المدرسه الاحد قالتلي انهم مداومين