عادي عندج تشيلين جنطه تقليد؟؟

[@سيدة نفسي@]

والله انا عندي ثقة بنفسي سواء شارية جنطة تقليد ولا أصلية

وعلي بن أبي طالب رضي الله عنه قال:

ليس الجمال بأثواب تزيننا ان الجمال جمال العلم والأدب

 

[QUEEN-LUXURY]

شوفي حبيبتى

آنا عن نفسي ما احب التقليد ولا احب اشيل بيدي مو عن شىء بس الاصلي سعره فيه

وفي ماركات رخيصه

عندج لويس فيتون الى اسمها نيفر فل على 207 وااااااايد عمليه حق الجامعه
الفيرو مارتيني 160 هم رزه
شروتي على 100 واااايد عمليه
موسكينو على 200
قوتشي عنده على 250
شوبارد 250 الخام وااااااااايد رزه بلبس


هذولالى جناطى يعنى ما احب اتعدى 250 اذا كثرت 300 اسعارهم واااااااايد مناسبه

ان شاءالله اكون فدتج

 

[-aToNa-]

انا بالجامعه وما عمري شلت تقليد ولا افكر اشيل تقليد
اصلا يبين وما احب هالسوالف

 

[عاشقة المايسترو]

رد : عادي عندج تشيلين جنطه تقليد؟؟

أنا عندي أمسك جنطه guess أصليه ولا إني أمسك GuCCi تقليد =)

كنت بآخذ وحده تقليد بس هونت أحس ماكو ثقه ..

بس صرآحه حق الجامعه ألبس جناط عمليه عآديه =)

 

[أحلى_نونه]

ما شاء الله على التشيحط الحين كل البنات قالو ما نلبس تقليد

الله يعافي النت اللي خلا البنات يتشيحطون ويتفلسفون ولا محد شايف احد من ورا الكمبيوتر

الله يهديكم بس

 

[مس فاشن]

لا ما اشتري تقليد مو عشان اتفلسف واقول جنطي اصليه لا بس ليش اقط على تقليد مابينها وبين الاصليه الا فرق بسيط حرام
عالاقل الاصليه كد ومد

 

[Leann]

رد : عادي عندج تشيلين جنطه تقليد؟؟

ماحب اشتري تقليد..مافي شي لمن اشتري جنطة عملية من ماركة عادية رخيصة.. بس اني اشيل تقليد هذا ماله داعي .. و يغثوني البنات اللي يشترون تقليد و يكشخون فيها جدامنا على الفاضي و يجذبون انه شارينها من اوروبا .. ترا حده يبين

حق الجامعة اشيل جناط عملية مثل كارولينا هريرا.. جوسي.. بول بوتيك و غيرها
و الطلعات و المناسبات جناط اصلية

و صح معظم بنات الجامعة ماخذين جناط من امهاتهم او خواتهم الكبار و حتى هرمز انا استغرب شلون كل بنات الجامعة عندهم منها.. مع انه ال waiting list حق الجنطة مو اقل من ٨ اشهر او سنة .. اشكره تقليد​

 

[تفداج روحي]

رد : عادي عندج تشيلين جنطه تقليد؟؟

الحمدلله ردتلي قناعتي وصج احس الماركات راحت زهوتها واللبس يعني رايحه الدوام كااااااااااااااشخه تقولين عيد ما ادري بالزواره واليمعات شبتسوي بعمرها

صج صج حبيتكم

اهم شي يكون اللبس متناسق وذوقه ناعم ومرتب

 

[~ غـــيـــر البِشـــر }}]

الجناط عادي وجنه البخت بس تقليد درجه اولي فوق ال50 و70

الساعات لا مستحيل البس تقليد احس يبين

 

[فواصل]

رد : عادي عندج تشيلين جنطه تقليد؟؟

قبل كنت البس تقليد بس لما وصل لين قريب الالف ريال قطر قلت ازيدهم واشتري اصلية


وبعدين التلقيد يبين حتى لو كان درجة اولى ويخترب بسرعة


بعكس الاصلية تعيش معاج العمر كلة


فقررت نعم للاصلية او من الماركات اللي اقل منها مثل مانجو او زارا وغيرهم من هالطخة


ولا التقليد لالالالالالالالالالالا

 

[miss_Ba6oOo6a]

والله اذا سوبر وما يبين البس وجن العييييييييييد
انا عندي الاصلي وعندي التقليد ما يفرق معاااااي كلش حدي بالجناط والساعات 200 ما اشتري اكثر لان حراااااااااااام انا وحده ملوله فوق 25 حنطه عندي كل جم شهر شاريه يديده اخذي بربري كوتش دكني قس روكو بروكو اقنر هذول اسعارهم زينه بحدود 200 واقل ومالج شغل دام واثقه بروحج وعارفه بالماركات التقليد السوبر ما يبين وما يفرقونه بالعين المجرده لوووووووووول

 

[شمس 20]

ياشين التفلسف واذا تقليد عادي

انا شفت الهيرمز الاصليه وشفت التقليد درجه اولى نفس الشي عادي مايفرق ولا شي عاادي

ةاذا يعني

 

[معشوقته]

رد : عادي عندج تشيلين جنطه تقليد؟؟

ومنو اللي بيفتش الشنطه وبيشوفها اصليه او ماركه
الحين كلهم تقليد بعض ماتفرقين الاصليه من التقليد

 

[Purple Occasion]

رد : عادي عندج تشيلين جنطه تقليد؟؟

شوفى حبيبتي
عندج الاوت ليت تحصلين لقطات الاصليه واسعارهم حلوه
او تلبسين تقليد بس يكون درجه اولى وما يفشل يوم تلبسينه
او تقليد ماركه ونص الجنطه مو طبق البوتيك لا والله البس جنطه عاديه احسن لى
يعني التنويع ما فيها شى
مو معقوله على ميزانيتي البس كله اصلي واسعاره مرتفعه
بالنسبه للجناط
لكن الساعات عندج صعبه تفرقين بين الاصليه والتقليد تفرق الكواليتي وايد مثل النظارت تختلف عن الوكاله مو نفس الجناط والجلود
السالفه سالفه ذوق وقناعه
وعلى قوله امهتنا الحلو حلو لو قعد من منامه ولبس خيشه
وبالتوفيق

 

[سأشرق]

عادي اخذ تقليد بس بالجناط لو كانت حيييييل غاليه و سوبر كواليتي ما يفرق
و الاغلبية العظمى تقليد و من اكبرها و اسمنها يعني ليش التعقد و العقد المكلكعه
محد له شغل باحد على قولة المثل اكل على ما تشتهي و البس على ما تشتهي مو على ما يشتهون الناس
<<< غيرت المثل على حسب قناعتها ^_*

 

[Gilmore Girl]

شوفي الصراحه لبست جم مره تقليد ايام المراهقه

بس الحين مستحيييييل اذا ماقدر على سعرها مو الا ما راح ينقطع عني الهوا

يعني عندي جناط ماركه وجناط عاديه المهم شكلها حلو

بس بعض البنات عليهم ثقه ولا اللي يشيلون الهيرمز اشدعوه عليكم جنطه يوصل سعرها بالالاف ولازم طلبية واهم كل من هب ودب شايلها

قلنا الكويتيين ما عليهم قاصر بس مو جذيه صج مصخروها هالجنطه هههههه :23_asmilies-com:

 

[ام حمودي@]

اي في تقليد طبق الاصل وذرب ليش لا شي طيب

 

[Extra cute]

رد : عادي عندج تشيلين جنطه تقليد؟؟

Hellllllllllllllllllo....

الصراحة أنا ألبسهم كلهم الجناط العادية ألي لاماركة ولا هم يحزنون...والماركات الرخيصة ألي حدها ميتين أكثر من ميتين تدفني أمي خخخ:eh_s(13)::eh_s(13)::eh_s(13):
إما الجناط التقليد هذول سالفتهم سالفة أشتريهم بس ما ألبسهم لما أشتري الجنطة ألبسها أول مره بعدين مادري أحس مافي ثقة أحس شكلي ويييييييع مو شي..مع ان في بنات يلبسون جناط تقليد أحس عادي شحلاتها عليهم بس ما ادري أكره التقليد ألي اشتريه...وأرد أشتري أقول يمكن هاذي غير ونفس الشيء وهلم جرا يعني لوشاريه لي ماركة أبرك لووووووووووول..

_03BA:_03BA:
بعلق عالبنات ألي يعلقون عالبنات ألي يلبسون تقليد...أن يعني البنت بتتشيحط أنها لابسه الماركة الفلانية وأنها بنت فلوس موشرط يمكن باختصار شديد عاجبها الدزاين بس ما عندها فلوس...بالعكس أنا أشوفهم بقمة الثقة..وياليت عندي نفس ثقتهم جان ما انفجر درجي جناط تقليد :eh_s(16)::eh_s(16):

وبالنسبة للساعات طبعا أصلية لأن الساعة تبقى للأبد مو نفس الجنطة..أنا أتكلم عن نفسي عشرة عمر مع ساعاتي...

وبس...:wqedqw:

 

[يفداك قلبى]

رد : عادي عندج تشيلين جنطه تقليد؟؟

انا اشترى الاصلي دايما
بس الحين مفكره اشترى وحده تقليد حق الكرف وخاطرى بالال فى اليديده
لان الغلي اللى عندى اخاف عليهم بصراحه مو حق اى مشوار

 

[شوكلاطه]

رد : عادي عندج تشيلين جنطه تقليد؟؟

صراااحه التقليد يبييين خاصه البنات الي يشترون من معارض ولا من اهني ويقولون من بيدري !

اشدعوة اذا انتي ماتفهمين بالجلود الاصليه وووالخامات ترا غيرج يفهم يباا

عن نفسسسي اعرف الي تلبس تقليييد واصلي وافففرق والاغلبيه يفهموون والبنت الكشيييخه كشيخه من يومها انا لايمكن البس تقليد لان الناس خلاصص بياخذون طابع عني اني قعيطيه وماااااشتري اصلي وانا مدرسه ومعاششي ماشي !

شحقه ابخل ع عمري ؟ واخلي الناس تحجاا عني وتقول قعيطيه !!
اساسااا شلون تمشون في التقليد والي يضحك لاجت وحده صاروخيه وقالت هاذي من الماركه الفلانيه وبمبلغ وقدره وانا شايفتهاا بالمعرض وماتعددت عشرين دينار !


بنات الجاااامعه تنعرف راعيه للاصلي وتنعرف راعيه التقلييييييييييد اشدعوه ماتفرقين ؟

واناااااااا نظامي اشتري جنطه عمليه سعرها مياتعدا اميه وشييي للكرااف واشتري شنطه غويله شووي للمناسباات استغلها كم شهر مو شرط كل مناسبه جننطه شكل واهيا تقليد ! جمعي سعر جناطج التقليديه واشتري اصليييه استغليها فتره موضضضتها وووبسس المساله مو هياط بسس الي تبي الرزه والكشخه ماتلقاااها عند التقليد كلش كلش

والي تلبس تقليييد بنظري هيلقيه ووتبي الرززه والكشخه واهي مو حولهاا
لاتلبسسين تقليد لبسسسي جنتطه سعرها معقووول ولاتصيرين بدون ثقه اريح لج

والساعااات سالفه ثانييه امبي ساااعه شي ضروري تقليد كم بتقعد عندج بالله ؟
اشتري اصليه وخليها بيدج دايم وصل الله وبارك


وكلن يمد ريوله ع قد لحافه وسلاااامتكم !!




..