"/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

[suger_spice99]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

suger صج خصم على كتاب طبخ بيت وناااسه مشكووووووووووووره على المعلومه خل نلحق عليه قبل لا يخلص ونفرفر من مكان لي مكان علشان نحصله الله يعطيج العافيه شكله يهبل

حبيبتي هذا الخصم بس في مكتبة العجيري على جميع كتب الطبخ

 

[عمشه المنتفشه]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

شلونكم شخباركم ؟؟


اول مره ادش هالقسم بس الصراحه وايد صفحات مايمديني افتر عليهم بس بسال

اي معرض اللي مسوين فيه خصومات على كتب الطبخ ؟

وكتاب المطاحن العام ماعجبني فيه الا الحلويات هالسنه شلونه ؟.؟

ومنو بنت عبدالله اول مره اسمع بكتابها ؟؟

 

[otroja]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

شكله بس العجيري مسوي خصم مثل ما قالت suger وسئلتي عن بنت عبدالله غريبه هذي مشهوره بالكويت والوحيده إلي كتبها كله تخلص ونقعد نودر من مكان لي مكان علشان نحصله وهم ما نحصل الحين منزله جزء ثالث بس يهبل أنا أغناني عن باجي الكتب بصراحه كل إلي أبيه موجود فيه وبس سلامتج حسافه كنت أحب كتب المطاحن لكن السنه إلي طافت ضيقو خلقي يلوع الجبد هالسنه ما أدري آخذه وإلا لا ؟؟ بنات إلي شرته وتشوفه يسوى تقولنا

 

[لؤلؤ ومرجان]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

عمشه كتاب بنت عبدالله مشاء الله يهبل كل إصداراتها حلوه وكل شي فيهم يعني شامل إحنا حسبالنا إنها سعوديه إطلعت لا كويتيه بس صج إصداراتها تسوى وكله فيه فناتق

 

[عمشه المنتفشه]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

مشكورين وايد بس صج اول مره اسمع فيها بروح العجيري هاليومين اشتري كتبها وانشالله احصل

 

[suger_spice99]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

مشكورين وايد بس صج اول مره اسمع فيها بروح العجيري هاليومين اشتري كتبها وانشالله احصل

حبيبتي كتب بنت عبدالله ما تطوف وما راح اتحصلين الا الجزء الثالث الجمعه نزل في المكتبات لانه الجزء الأول والثاني خالصين مافي من العام وانا ناطرتها تطبع الجزء الثاني قالتلي انها انشالله راح تبلش تطبعه يمكن بعد رمضان

 

[ام عزيزان]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

هذي الوصفه

يا بنات روحوا دريم مول كل الكتب هناك تلقوونها

اشتريت كتاب منوعات التوست

واشتريت كتب المطاحن الاخير من مخبز اليرموك

وانا من مدمنات الكتب بس ما اطبق هههههههههه

 

[مجنونة عبودى]

رد : "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

عندي لكم كتاب الاطباق المميزه مره حلو

 

[عمشه المنتفشه]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

بنات عفيه عرض العجيري متى اخر يوم ؟؟


ووين القى كتب بنت عبدالله وياليت تحطولنا جم وصفه منها شوقتوني حييل

 

[otroja]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

عمشه العجيري مسوي بس بمعرض الغذاء على كل الكتب جزاه الله خير
واذا تدورين كتب بنت عبدالله لا تعورين راسج خالصين ما كو الا الطبعه اليديده والجزء اليديد الي اهو الثالث اخذت الكتاب وسويت كبة القرع تهبل ودياي 65 لذيييذ ومرق كورما جنه اسمه جذيه يهبللل وحلو البطيخ لذييييذ بارد اشحلوه عمشه ودي احطلج وصفه بس ما يصير ليش الكتاب فيه حقوق المؤلفه ممنوع

 

[ام فريده]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

حبيت اشارككم بخصوص كتب الطبخ
انا مدمنة كتب طبخ وتوني اشتريت كتاب طبخ بيت لبنت عبدالله الجزء الثالث وبصراااحه كلمت روعه فيه شويه
وآخر الكتب الجديده اللي اشتريتها هي:
كتاب افكاري في اطباقي للمؤلفه بتول الكندري الجزء الخامس
كتاب السفره للمؤلفه غنيمه التركي الجزء الثالث
كتاب المطاحن سنسز 2
كتاب ماي وورد للمؤلفه ناديه جواد الاربش الجزء الثاني
جادة الشوكولاته للمؤلفه هناء السيد هاشم العلوي وهي من اصدارات الراقي
كتاب وصفات رمضانيه للمؤلفه منال العالم
كتاب كنوز الطبخ للمؤلفه أمل الاربش الجزء السادس
كتاب الذواقه للمؤلفه عبير الراشد الجزء السادس
كتاب موالح وحلويات هيل وزعفران للمؤلفه عرفات جواد الاربش الاصدار السابع

 

[otroja]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

ام فريده مشاء الله لا قوة الا بالله خامه الكتب كلها هههههههه حبيبتي شنو تنصحين فيه انا عندي بنت عبدالله كل الاجزاء وصج صج رووووعه غانيني عن باجي الكتب اهو التوب عندي وعند كل الي اعرفهم من الاهل وبنات الدوام شوقتيني شنو اخذاي كتاب يكون شامل ؟

 

[suger_spice99]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

بنات عفيه عرض العجيري متى اخر يوم ؟؟


ووين القى كتب بنت عبدالله وياليت تحطولنا جم وصفه منها شوقتوني حييل

حبيبتي مكتبة العجيري دايما اشوف عندهم خصم على كتب الطبخ وبنت عبدالله ما راح تحصلين لها الا الجزء الثالث لاني انا ابي الجزء الثاني و ما في

 

[suger_spice99]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

ام فريده مشاء الله لا قوة الا بالله خامه الكتب كلها هههههههه حبيبتي شنو تنصحين فيه انا عندي بنت عبدالله كل الاجزاء وصج صج رووووعه غانيني عن باجي الكتب اهو التوب عندي وعند كل الي اعرفهم من الاهل وبنات الدوام شوقتيني شنو اخذاي كتاب يكون شامل ؟

otroja حبيت اسأل الجزء الثاني لـ بنت عبدالله أحلى من الجزء الاول و أي جزء تشوفينه أحلى

 

[otroja]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

suger لو تشوفين كتاب طبخ بيت الجزئين منهرين الاوراق ذابت من كثر ما اسوي منه كله موجود بالمطبخ شوفي الله يسلم ما اقدر اقول الاول احلى والا الثاني احلى اثنينهم روععععه هذا في شغلات والثاني في شغلات وبعدين انا عندي الكتاب الاول 2 منه يعني طبعتين واحد الطبعه الاولى والثاني الطبعه الثانيه وغصب حصلته ليش بالطبعه الثانية في شغلات ضايفتهم وايد حلوه والجزء الثاني مشاء الله متروس وصفات والثالث هذا قمه وايد ذربببب وسويت كبة العربانه وكبة القرع وبسوي هذي الي جنه قطايف والبقشه طبعا اذا مداني
الحين ودي اسئلج شريتي كتاب المطاحن ؟ بصراحه مع انه رخيص بي متردده اخذه عاد قبل كنا ننطر مناطر

 

[لؤلؤ ومرجان]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

otroja صاجه الجزئيين حلوين مع انه الجزء الاول تصويره عادي لكن الوصفات تهبل مثل ما قلتي طبخ بيت والله ما اتحسف اني شريته مشاء الله كل شي في وايد وصفات وكل شي بالجمعيه هذا شي مهم عندي

 

[ايمانو حلوة]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

انا الحين بالنفاس وماراح اقدر اطبخ شي لاني قيصري وشريت كتاب عبير الراشد وكتاب هناء العلوي وابي كتاب بنت عبدالله وبتول وبنت الاربش نسيت اسمها

 

[حور الحلوة]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

يا بنات وين صايره المكتبه بدريم مول ؟؟

تقصدون دريم مول اللي بالري ؟ وين عقيه انا بروح له باجر ابي اعرف اي صوب

 

[لؤلؤ ومرجان]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

ايمانو حمدلله على السلامه ومبروك ماياج انا اصدارات هناء العلوي ما تعجبني كيك وتزيين احس بس تصوير حلو بس يعني بس شكل اخذت الاول والثاني يلوعون الجبد سويت منه مره وخليته بالمكتبه بعد مافجيته حلات الكتاب يكون كل شي فيه من سلطات الى حلويات اما بس كيك لا وكيك خليط جاهز واغير بالتزيين لا مو صوبنا كللللش الحين بروح اخذ كتاب افنان الزياني بشوفه اول قبل لا اشتريه بصراحه اشكثر انقص علي بالكتب

 

[ام فريده]

رد: "/.. تعالو نسولف عن كتب الطبـــخ ..\"دمج المواضيع الخاصه بكتب الطبخ متجدد

ام فريده مشاء الله لا قوة الا بالله خامه الكتب كلها هههههههه حبيبتي شنو تنصحين فيه انا عندي بنت عبدالله كل الاجزاء وصج صج رووووعه غانيني عن باجي الكتب اهو التوب عندي وعند كل الي اعرفهم من الاهل وبنات الدوام شوقتيني شنو اخذاي كتاب يكون شامل ؟

هلا حبيبتي
اي والله صاجه انا خامه الكتب كلها لاني اشتريها حق سنه كامله اشتغل عليها
طبعا كتاب طبخ بيت هو القمه وامس اتصلت على مؤلفة الكتاب اسألها عن بعض الوصفات وكانت في قمة الاخلاق والتعاون على الرد على استفساراتي وقالت راح تعيد طباعة الجزء الاول وراح ينزل فيه اعلان بالجرايد
وبخصوص باقي الكتب عندج كتاب افكاري في اطباقي وايد حلو وافكارها وايد عجبتني
وكتاب الذواقه حق اللي تبي الشي الغريب بس احس ان كتبها كل سنه احلى من جذي بس لا زال عندي ضروري ان يكون في مكتبتي
وكتاب السفره هو كتاب للطبخ الكويتي الاصلي 100% يعني مقارب لكتاب فاطمه حسين وتقدرين تقولين موسوعه كويتيه اصليه
وبالنسبه لكتاب وصفات رمضانيه مطبخ منال العالم ما انصح فيه نهائيا
وكتاب موالح وحلويات هيل وزعفران اشوفه وااايد حلو
وكتاب كنوز الطبخ عااادي جدا
وكتاب ماي ورد عااادي
وهذا كل اللي عندي
واي سؤال حاضر