بتسافرين النمسا والمانيا هالصيف؟؟!! حياج بتجمعنا صيف 2010

[خشف بدو]

صباح الخير

 

[زيزية سمره]

بنااااااااااااااااااات بغيت اسئلكم الليسن اليديد يصير يستخدمه ريلي هناك ؟؟ ومايطلع اجازه دوليه؟

ربعه قالوله يصير وانها مكتوبه بالانقليزي وجذي ودوليه صج هالحجي ولا لا .. ولا نحتاج اجازه دوليه ؟

آنا أقول لا توهقون روووحكم ... طلعو ليسن دولي أضمن... إحنا صارلنا أربع سنين كل سنة نطلع ليسن دولي مع إن ولا مرة أحد سألنا عنه... بس ريلي يقول لازم نطلع ... و جنه شركة السيارات تسأل عن الليسن لما تستلمين السيارة ... بس مو متأكده.

 

[White Musk]

صباح الخير

صباحج ورد
خليج على دايسوههههه

كملت لكم تقريرصور من كاميرتي النمسا 2008:sfg:

 

[معشووقة السفر]

السلام عليكم
انا وزوجي قدمنا عالفيزا من تاريخ 16 يونيو ولي الحين ما اطلعت وسفرتي ب 11 يوليو
الله يستر
قاعده احاتي شدعوه طولت جذي

 

[^^ام ميمي^^]

مرحبا بنات اشلونكم


مراسلتكم من زيلامسي


الجو براد خفيف يعني اللبس صيفي خفيف علشان تستمتعين بالبراد الحلو


ام مهاوش الشقه اللي قلتيلي عنها وايد حلو موقعها ورانا بشوية وانا بشقتي اشوف فندق نيو بوست و تحتي محطة الباصات حلو موقع الشقه بس عيبها ازعاج اشوية الباصات وعيبها التكييف بدون تكييف والجو اشوي حار داخل الشقة يعني لازم انبطل الدرايش


فيينا تهبل و كلها تنزيلات بالبداية لقينا صعوبة بركوب الاندر قراوند بس اطلعت وايد سهله اهم شيء اللي يبي يروح فيينا يطلب من الفندق الخريطة مالت الاندر قراوند و راح تكون الامور سهله جدا

بفيينا قعدنا يومين اول يوم ركبنا خيول بساحة ستيفانز وفر لنا المنطقة كلها تقريبا ب 65 يورو

وثاني يوم رحنا منطقة القطارات و حجزنا حق زيلامسي

المشكلة اللي صارت معانه ان ما حصلنا قطار يودي حق زيلامسي الا اللي يطب بسالزبورغ يعني نغير القطار و لما نزلنا سالزبورغ نزلنا من محطة رقم 4 ونروح نركب القطار بمحطة 11 و لازم ننزل من سلم و نرد نصعد بالثاني و الفترة اللي بين القطارين 10 دقايق كانت و على ما وصلنا قطارنا اللي يودي زيلامسي الا كل الناس راكبة و المشرف مال القطار توه بيركب وبيمشي وساعدنا بشيلة الجناط بس ركضة وتعب

ولما وصلنا زيلامسي يوم الاحد الشقق اللي ماخذنها ابارتمنت بوست مصكر قطنا التاكسي ومشى الا مكتوب رقم على الباب دقينا عليهم و قالتلنا على طول في صندوق صغير وعطتني رقم سري تبطل معاي واخذت كرت الفندق وبطلنا الباب ودشينا ورحنا شقتنا ولقينا ورقة مكتوب عليها مرحبا بكم عائلة ........ المحترمة وكاتبين لنا متى مواعيد الريسبشن و حاطين لنا كرت نت مدتة اسبوع ومكتوب عليه فري

ان شاء الله يوم الجمعه بنروح سالزبورغ

رحنا الزحليقية الصيفيه على قولتهم

ورحنا كابرون رحلة البحيرات و الجبال واااااااااايد حلوه وماشاء باااااااااااردة و طبيعة

وكل يوم طبعا نروح السنتر و نتمشى و نركب القوارب الكهربائية

اليوم ان شاء الله بنروح شلالات كريميل وباجر قمم كابرون و اللي بعدة نروح سالزبورغ

اذا تبون اي شيء بنات دزو رسالة على الخاص لان ماعندي وقت اقرى الصفحات اللي طافت


صارلي 3 ايام احاول ادش يقولي الموقع اعادة المحاولة

 

[^^ام ميمي^^]

بنات ..
من وين شريتوا الأوتي البخار اللي يصير غلايه ..؟
الغانم و لا يوريكا ؟

الاوتي البخار من يوريكا وصدقيني على حطتة بالجنطة قاعدة استخدم الاوتي العادي لان احس يبط الجبد يطول ويصلح بس للبس الخفيف مثل الملافع الشيفون والعبايات بس اما قمصان وجينزات ما يصلح كلش

بنااااااااااااااااااات بغيت اسئلكم الليسن اليديد يصير يستخدمه ريلي هناك ؟؟ ومايطلع اجازه دوليه؟

ربعه قالوله يصير وانها مكتوبه بالانقليزي وجذي ودوليه صج هالحجي ولا لا .. ولا نحتاج اجازه دوليه ؟

لازم يطلع اجازة دولية والا يدفع غرامة مبلغ وقدره

السلام عليكم
انا وزوجي قدمنا عالفيزا من تاريخ 16 يونيو ولي الحين ما اطلعت وسفرتي ب 11 يوليو
الله يستر
قاعده احاتي شدعوه طولت جذي

احنا الفيزا مالتنا اطلعت قبل السفر بيوم عادي لا تحاتون لان فيزا الشينغن ما اطول

 

[^^ام ميمي^^]

بنات اللي يحاتون النقاب ترى عادي الامور طبيعيه وسهالات وايد حريم منقبات مثل نقابهم وعبايتهم اللي بالكويت ومن كثر الخليجين والعرب بكل مكان ما اتحسين بالغربة


اكثر التكاسي و اصحاب المطاعم و اللي يبيعون عرب (( مصريين , تونس ,, جزائر ))

وفيينا راح تنصدمون ان وااااااااااايد فيها مصريين و اتراك وايرانيين وماشاء الله محجبات وايد


طبعا ما تقدرون تنامون الا عقب الساعه 12 بليل لان العشاء يأذن 11 ونص

والمغرب 9 ونص الدنيا ما اتظلم الا 9 النهاااااااااار طويييييييييييييييييييييل

امس رحنا رحلة البحيرات والجبال بكابرون و عقب تغدينا بالسنتر وتمشينا و ردينا الفندق الساعه 7 و شغلتلي فلم ماي نيم از خان و قعدت اطالعه وريلي شابك على النت و للحين نهاااااااااااااااار

 

[نورة بنت الكويت]

مسائكم ورد خواتي
شخباركم غن شاءالله تمام
^^ام ميمي^^ الله يهنيكم بالسفرة إن شاءالله
بس حبيت أسألج أنا بروح للنمسا و ألمانيا أول مرة شلون بالنسبه للتفاهم معاهم عادي إنجليزي يا ليت تفيديني و يعطيج العافية

 

[Ms.LoL]

وايت مسك
إيي زين أشوووه ..
اختي تضحك على شكله بس ما علي منها
فيها خير تقولي عطيني إيااه بتشووف >_>
إنزين شنو مثلا تاخذين معاج .؟
أمي ما تطبخ هناك ..
إلا لو كنا ماخذين شقه و بنسوي ريوق ..
و وجبة الغدا تكون متأخرة و هي وجبة العشا ..
و بليل لو يعنا .. بسكوت أو شوربات خضار كنور ومادري شنو ..

أم ميمي
هلاا و الله
عاشت مراسلتنا عااشت
عاد أوتي البخار رغم انه صغير بس بعد ثقيل ..
بعد ناخذ العادي \= !
و الله جنتطي صغييره ><"

مدمازيل ..
حياااج الله حبيبتي ..
إن شاء الله تتوفقين يارب ..

أمي تسألكم ..
في مصبغة إللي نحط فلوس و مادري شنو تشتغل .؟
يعني بألمانيا و زلمسي و وغيرهم ..

 

[Ms.LoL]

إي بناات
يقولون ألمانيا كل نهاية الشهر يسوون تنزيلات آخر 10 أيام ..

 

[كوكو لاتي]

دقوا علينا اليوم الصبح وقالوا خلصت الفيز


تخيلوا ودينا الفيز الخميس واستلمناها اليوم بسرعه قياسيه وانشاله مسافرين الجمعه


رفيجتي بالمانيا تقول حر مووووت

 

[معشووقة السفر]

هلا فيج ام ميمي ومشكووووره على البث المباشر
عليج بالعافيه

 

[memei]

بنات عندي سؤال وابي جواب سريع وحلو مثلكم موفرين بفنادقهم اجهزه كمبيوتر عشان النت ولا اخذ الاب توب

 

[كوكو لاتي]

بنات عندي سؤال وابي جواب سريع وحلو مثلكم موفرين بفنادقهم اجهزه كمبيوتر عشان النت ولا اخذ الاب توب

اخذي لابتوبج ماكو كمبيوترات بالفنادق

 

[^^ام ميمي^^]

مسائكم ورد خواتي
شخباركم غن شاءالله تمام
^^ام ميمي^^ الله يهنيكم بالسفرة إن شاءالله
بس حبيت أسألج أنا بروح للنمسا و ألمانيا أول مرة شلون بالنسبه للتفاهم معاهم عادي إنجليزي يا ليت تفيديني و يعطيج العافية

اي حبيبتي عادي يتكلمون انجليزي واليوم قعدنا بقهوه ما تتكلم انجليزي بس يابت لنا منيو انجليزي و اشرنا لها اللي نبيه بس حتى لو ما يعرفون انجليزي يعرفون الاساسيات يعني يطقطقون تفهمين عليهم المانيا للحين مارحت لها

بنات عندي سؤال وابي جواب سريع وحلو مثلكم موفرين بفنادقهم اجهزه كمبيوتر عشان النت ولا اخذ الاب توب

نوووووووو مآخذين لابتوبات معانه

 

[^^ام ميمي^^]

نصايح خفيفه

اذا بتروحون الزحلاقية الصيفيه

الزحليقة الصيفية sommer rodel bahnn تقصون تذاكر الى منطقة سالفيلدين وتبلغون سايق الباص يوقف عند محطة biberg

الرحلة الى شلالات كريمل طريجها ساعه وربع تقريبا يعني اخذو معاكم مسليات للطريج مثلا حب وماي وهالسوالف
اول ماتوصلون تكرمون دشو الحمام و اخذولكم عقبها تاكسي يصعدكم لي فوق تقريبا سعره للشخص 6يورو ونص ونزلو مشي لان الناس كلها حرام هلكانه وكرهت الرحلة تخيلو مشي كيلوين ونص تقريبا احنا خذينا تاكسي ودانه فوق ونزلنا مشي ووايد تعبنا وفي ناس حرام معاهم ياهال وشايلينهم

اذا بتاخذون قطار في محطة تغيرون فيها القطار لازم يكون بينهم وقت مو اقل من نص ساعه

حجزو للقطار من قبله بيوم

كل رحلة تروحون قولو حق اللي تبيع التذاكر تعطيكم مواعيد الباصات متى الذهاب ومتى العودة

 

[ام مهاوش]

مرحبا بناااااااااااااااااااااااااات اخييييييييييييييييييييرا شبك معاي المنتدى الحمدالله
ام ميمي حبيبتي مشكووووووووووووووووووره صج صج صج ريحتيني الله يريحج دنيا واخره وانشالله تستانسين بسفرتج وتردين بالسلامه يارب

 

[ام مهاوش]

ام ميمي من الفرحه رحت قعدت ريلي من النوم قلتله يمدحون الشقه بزلمسي هههههههههههه
اشويه ويذبحني ويغير رايه مايسافر خخخخخخخخخخخخخخ

 

[^^ام ميمي^^]

حبيبتي عسى دوم


ترى وايد قريبة من شقتنا


وموقعها احلا من فندقنا بعد لان احنا عيبة تحته محطة الباصات ازعاج اشوية بالنهار


لا تنسين القهوه العربية وعلى البلكونة ترى الجو عجييييييييييييييب مو بارد ولا حار براد يرد الرووووووووووووح براد خفيف

 

[^^ام ميمي^^]

.."] ..[/URL]