بتسافرين النمسا والمانيا هالصيف؟؟!! حياج بتجمعنا صيف 2010

[مدمازيل]

صباح الورد بنات
مشكورين على المعلومات الحلوه اللي تقدمونها
حبيت آخذ رايكم في الفنادق اللي حاجزتها
فيينا _ام باركينج هوتيل بجانب الماريوت
سالسبورغ_ فندق رمادا
زيلامسي_فندق نيوبوست
ميونخ_فندق السوفتيل
وبغيت اسالكم هل احجزهم مع الفطور ولا لا ؟لأن ودي افطر في كل يوم في فندق للتنويع :080402ask_prv:

 

[شيخة الحلوة]

الله يهنيكم يارب

 

[ام مهاوش]

.."] ..[/url]

ههههههههههههههه الله يهنيكم يارب وتستانسون انشالله وتردون بالسلامه

 

[bent-oboha]

ابشركم شريت جناط للسفره والله المستعان
رايحه اشتري لحمامي هوز يديد ولا شحليل جناطهم بلوازم العائله بس مو مغلفين

 

[ام مهاوش]

صباح الورد بنات
مشكورين على المعلومات الحلوه اللي تقدمونها
حبيت آخذ رايكم في الفنادق اللي حاجزتها
فيينا _ام باركينج هوتيل بجانب الماريوت
سالسبورغ_ فندق رمادا
زيلامسي_فندق نيوبوست
ميونخ_فندق السوفتيل
وبغيت اسالكم هل احجزهم مع الفطور ولا لا ؟لأن ودي افطر في كل يوم في فندق للتنويع :080402ask_prv:

صباح النور والسرور
فندق فيينا ماعرفه
سالزبورغ سمعت فيه بس ماعندي فكره عنه فناددق رمادا زينه مايبيلها كلام
نيوبوست موقعه حلو اينن بس عيبه مافي ثلاجه
سوفتيل حلو

 

[ام مهاوش]

ابشركم شريت جناط للسفره والله المستعان
رايحه اشتري لحمامي هوز يديد ولا شحليل جناطهم بلوازم العائله بس مو مغلفين

يالله زين تسوين انا لي الحين ماشفت جناطي اذا يصلحون حق السفر ولا انتهت المده الافتراضيه لهم ههههههههههه
اليوم بروح بيت اهلي وبشوف الجناط

 

[ام مهاوش]

الله يهنيكم يارب

يسلمج ويهنيج يارب

 

[^^ام ميمي^^]

نيو بوست حلو موقعه وتأكدي لما تحجزين فيه انج حاجزه شقة مو سويت لان الشقة متوفر فيها ثلاجة وتكون واسعه اما السويت بدون ثلاجة


بنات اهم شيء اهم شيء اهم شيء بالسفر جناط الكروس لا تنسونها وتكون خفيفه وعملية يعني تكفي موبايل و فلوس و كلينكس


اخذو معاكم اسماء الرحلات بالانجليزي كتابتا علشان اذا بتروحون وتورونهم لان بعضهم ما يفهمون النطق الانجليزي بسرعه ومناطقهم متشابهه بالاسماء .
اماراتية توهقت تقولهم الزحليقة الصيفية و مو فاهمين عليها اخر شيء ورتهم الصورة مالتها يالله فهمو

 

[^^ام ميمي^^]

يلا انا استأذنكم بروح احجز للقطار باجر و عقب بنروح قمم كابرون



الى اللقاء

 

[ام عفاف الكويت]

ام ميمي انتي وين اي دوله ؟

 

[خشف بدو]

مرحبا بنات شخبار تجهيزاتكم؟؟

 

[ام مهاوش]

موفقه ام ميمي واذا عندج اسامي الاماكن السياحيه كتبيها لنا بالانجليزي عشان نستفيد منها وصاجه اهم شي الجناط الكروس مريحه وعمليه
ام عفاف ام ميمي بالنمسا بزلمسي
خشف بدو والله قاعده اجهز اشوي اشوي
اهم شي عزكم الله الجواتي شريت ورحت هذاك اليوم خذيتلي جم كارديقان من العدساني حلوين والوانهم حلوه لاني بصراحه دورت بالسوق ماشاءالله كل شي خالص وقاعده ادورلي جنطه كروس بس مايعجبني العجب لقيت هذاك اليوم جنطه من كلفن كلاين ولما رحت باخذها ولا خالصه عليها بالعافيه اللي ماخذتها ولي الحين اللي باقيلي اشوف الجناط اذا يصلحون ولا لا وودي اخذ جم قميص بعد اللي خذيتهم ماعجبوني
وباخذ اللفات القطن عمليين حق السفر وبس

 

[Ms.LoL]

لوول أتوقع أم ميمي كويتيه ^.^
بس تتكلم عن وحده إمارتيه شافتها هناك و الله أعلم ..

أم ميمي
لووول أهم شي المطااره
حلوة حركة الفلم
ذكرتيني شريت الفلم طلع مو واضع و لي الحين ما بدلته !
خفت آخذ وياي أفلام يفتشوني يقولون ممنوع تقليد و يسوولي سالفة !؟
و لا هو عادي يعني ؟؟

أم ميمي مراح تأجرون سياره .؟

أبي أعرف وين أحسن الأماكن للتأجير .؟
و يخلونكم تروحون فيهم من النمسا لي إيطاليا ؟!

احنا بنأجر سيارة من فيينا ..
بس شرايكم نسكن بسالزبورغ و نروح لي زلمسي و كابرون ونرجع لسالزبورغ ..
ولا وين و شلون ؟

إيي بعددد
الفنادق وا لشقق فيها صحون و قفاش .؟
و لا مرات إيه مرات لأ ؟

و لما تجهزون الجناط ..
شلون تغلفون السوائل الشامبو و الكريمات لأنه من ضغط الطياره مرات يطلعون بره ..
نعطهم بجيس نايلون شفاف و نلفهم زين ..
بس هم يتسرب \-=


===

حق قمة الثلج ..
خذينا قفازات جلد من بره
يقولون مو زين الثانين يدش ماي لي أصابعج أقصد الثلج
مادري شنو يأثر على العظام ..
فالجلد أحسن ، و لأنه بعد قفازاتهم التأجير ب 7 دنانير شلون لو نشتري \= !
إنزين الجاكيت شلون ماخذين؟
صوف .؟ و لا عادي متين .؟ و لا ملوت قاب .؟

حق الطلعة بالأماكن العادية ..
الجو يصلح ألبس قميس تحته بدي .. يعني مو جاكيت ؟
قلت آخذ بديين و أحطهم تحت كل القميس ..
أحسن من إني اخذ جاكيت و ما يلوق و يخرب هدومي ..
أو آخذ لكل هدوم جاكيت لايق بتنترس الجنطه ..

فيعني بدي تحت القميس يدفي و لا حر و لا زين؟

 

[ام مهاوش]

مس لول اشلونج واشلون التجهيزات انقطعت عنكم هالجم يوم من المنتدى كله اعادة المحاوله

 

[Ms.LoL]

بناات !
فندق هلتون فيينا
دقوا علينا كنسلوا حجزنا !!
و لا بينوا السبب !
قالوا سستم الحجز اخترب و بنرجع فلوسكم خلال 10 أيام !
كنا حاجزين عن طريقة موقع وندر لاند هوتيلز و الموقع اللي كنسلوا
معنه دقينا على الفندق قب لو أكدوا \=
الحين وين نقعد نحصل !
والاسعار زادت !
عاد هذا أول فندق بنروحله ..
الأثنين !

انتو وين حاجزين \= ؟

 

[ام مهاوش]

ولايضيق خخلقج ولا شي حجزوا هالفندق وسعره زين وبالسنتر بصراحه خيره هيلتون الدانوب بعيد بس يمكم نهر انا السنتر عند ساحة ستيفانز
فندق اوروبا خالي مجربه كان ساكن فيه يمدحه بشكل موطبيعي ويقول اذا رحت فيينا مره ثانيه ماراح اسكن الا فيه وسعر الليله من موقع بوكنق 36 دينار يعني بلاش http://www.booking.com/hotel/at/austria-trend-europa-wien.html?sid=c650bf6e53077d984de7cac45c688bab
واذا تبون فندق خمس نجوم وبالسنتر وسعره زين عندج هذا
http://www.booking.com/hotel/at/radisson-blu-palais.html?sid=c650bf6e53077d984de7cac45c688bab

بس انا افضل الاول لانه من تجربت خالي

 

[ام عفاف الكويت]

بالنسبه لجناط كروس اخذت من سرداب الشايع يهبلون
واخذت ملافع قطن
عشان بدون امطه احسن وعملي
بدون كلفه اخذت بدينار ونص يهبللللللللون
وشريت اجياس الضغط من ام عبدالله سالمين
بس المشكله ودي اعرف طبيعه الجو بالمانيا خصوصا احنا بنطول هناك علاج ولدي
انا شريت جاكيتيات لعيالي ؟

 

[ام مهاوش]

ام عفاف عسى ماشر اشفيه ولدج
مايشوف شر يارب
الجو براد وناس يقولون حر بس زين تسوين خذيتيلهم جاكيتات احتياط
متى سفرتج وباي منطقه بالمانيا بتروحين؟

 

[ام عفاف الكويت]

سفرتنا الله كريم
كل يوم الوزاره تقول نوقع الورقه باجر
لانه علاج ولدي بو سنه ونص بالخارج
وبالنسبه حق المكان
اخن

 

[ام عفاف الكويت]

ولدي ريله فيها تقوس ناحيه الساق وشوي الحوض مايل