تجمع أولياء أمور مدرسة التكامل(صباح السالم)للعام الدراسي2009-2010

[ام حسون وفطومه]

صباح النور شلونكم
انا بعد بخلي بنتي تدوام الاسبوع هذا عطلتهم طويله وبتمل من القعده خل تروح تستانس
منارة اول مرة اسمع بهالمكان حلو يعني ونقدر نودي اليهال العصاري؟؟؟

 

[كاكاو مارس]

شلونكم امهات
منو احسن مس حق قريد 1 غير نافيدا

 

[ام _خلودي]

شخباركم بنات ...
اشلونكم مع حفله الكي جي ...
ام خلودي عيل انتوا حفلتكم ويانا القسم الثاني .. يتروالي الصف اللي تتكلمين عنه صف مس نتالي اهم اللي كان اعتماد الفقره على اليهال وكانوا لابسين لبس نمل ... بصراحه الحفله كان مستوى البس فيها شي عجييييب كل الصفوف بلا استثناء كان اللبس حلو .. وفقرات العربي واغانيهم اليهال يهبلون فيها اسم الله عليهم ... انتوا اي صف شنو كنت لابسين .

مس تايقر كل ما رحتي تسألين عن ابله قالولج احتمال تتغير ليلحين مو مستقرين والظاهر يشوفون النقص بكل مرحله ويحاولون ينقلون الابلات لها . ... انتي سألتي مره عن مس زمزم حق كي جي1 ؟؟؟ هذي كانت اسستنت حق مس نيللي يعني لما مس نيللي كانت تدرس ولدي بكي جي 1 هذي كانت الاسستنت وايد حنونه وطيبه مع اليهال وتوني ادري ان حطوها مدرسه .
أمس بالحفله اخر شي براين قال ان بيهد المدرسه بعد وبيروح الصين بس مادري منو بيحطون بداله .

لا احنا مو القسم الثانى احنا حفلتنا الصبح كانت الساعه 8 ونص

وصف بنتى كانوا لابسين بترفلاى وبالنسبه للصف اهما كان كى جى 1 دى بس مااعرف اسم المس

بس جنه كانوا لاابسين ارنب اسود واكو بنتين لاابسين احمر وحده منهم كانت تبجى وماشاركتهم الفقره كسرت خاطرى

 

[manarah]

صباح النور شلونكم
انا بعد بخلي بنتي تدوام الاسبوع هذا عطلتهم طويله وبتمل من القعده خل تروح تستانس
منارة اول مرة اسمع بهالمكان حلو يعني ونقدر نودي اليهال العصاري؟؟؟

ام حسون هذا اهو نفسه النادي اللي راحوله اعيالنا مره لعبوا وسووا بيتزا بس هالمره بيروحون يشوفون عرض للعرايس انا ولا مره رايحتله بس اللي اعرفه انهم موجودين طول السنه كنادي وفيه انشطه وتقدرين تشركين الياهل فيه .

 

[manarah]

صباح الخير اشلووونكم

صباح النور شخبارج ذربه انشالله بخير واشلونكم مع الدراسه انا بالنسبه لي فجيييت ومليت

 

[نواره الحلوة]

السلام عليكم يا أمهات
شخباركم عقب الحفلة الحلوة والله استانسنا عليهم ولدي كان مع البط وماكان يغني ويرقص بس يرتب ربعه مت من الحرة حتى بالتصوير يضحك و يتعلج ويعدل اللاين خو اوقف انت وماعليك من الباجي وآنا قررت أخليه يداوم حتى آخر يوم ما ودي يقعد بالبيت حق المحاتاة وبعدين أحسن له أمس يابلي أوراق كاتب فيهم الأحرف والأرقام الظاهر ان المس امتحنته


أما قريد 2 فخلاص طقت جبدنا ومليييييييييينا

 

[كويتيه ذربه]

صباح النور شخبارج ذربه انشالله بخير واشلونكم مع الدراسه انا بالنسبه لي فجيييت ومليت

صباح النور
بخير الحمدلله
انتي اشلونج
انا بعد مليت المنهج صار صعب امس واجبها طليت فيه ضاق خلقي اشوه هيا طلعت تعرف تحله
بس انا الحين مجابله ولدي اكثر الله يعييني علما يخلص احس شيبت منهم :eh_s(1):

 

[كويتيه ذربه]

السلام عليكم يا أمهات
شخباركم عقب الحفلة الحلوة والله استانسنا عليهم ولدي كان مع البط وماكان يغني ويرقص بس يرتب ربعه مت من الحرة حتى بالتصوير يضحك و يتعلج ويعدل اللاين خو اوقف انت وماعليك من الباجي وآنا قررت أخليه يداوم حتى آخر يوم ما ودي يقعد بالبيت حق المحاتاة وبعدين أحسن له أمس يابلي أوراق كاتب فيهم الأحرف والأرقام الظاهر ان المس امتحنته


أما قريد 2 فخلاص طقت جبدنا ومليييييييييينا

اشلونج
تقولين قريد 2

:0bee2e8d89:


الله يعيينا على قريد 3 اذا يقولون اصعب
مااخترتي المس للحين؟

 

[نواره الحلوة]

البنات اللي يسألون عن puppet Kingdom
http://puppetkingdom.net/homepage.html

 

[نواره الحلوة]

كويتية ذربة
لا والله بعد للحين

 

[كاكاو مارس]

شلونكم امهات
منو احسن مس حق قريد 1 غير نافيدا

ايشدعوا امهات ما في رد زعلتوني :eh_s(16):

 

[كويتيه ذربه]

كاكاو والله مادري
انا بنتي كانت عند مس سلوى الصراحه ماعجبتني بارده حيل شرحها اوكي بس احس انها بارده ماتنفع حق تاسيس

 

[manarah]

ايشدعوا امهات ما في رد زعلتوني :eh_s(16):

البنات امدحوا مس فاطمه بس انا ماعرفها ... وانا ماقدر افيدج لان احنا صفنا قصته قصه كانت مس جودي وبعدين شالوها لانها حدها خواره والحين تدرسنا الاسستنت اللي كانت بصف مس نافيدا .

 

[manarah]

البنات اللي يسألون عن puppet kingdom
http://puppetkingdom.net/homepage.html

نواره وين مكانهم ؟؟ لان ولدي لما راح الرحله قال مكان عالمي الممتع !!

 

[باونتى]

بنات شلونكم .. بسألكم ناويين تدخلون عيالكم نادى التكامل الصيفى ؟؟؟ أو أى نادى ثانى ؟؟ أنا بصراحه ودى أدخله بس أخاف يمل ويكره الدراسة :0bee2e8d89: أنتوا اشرايكم ؟؟؟

 

[um 3li]

باونتي

انا ان شاء الله بسجل ولدي بالنادي الصيفي

وهم بعد راح ادخله نادي تشامبين اوفلكس ليلحين ما ادري وين ادخله عشان يلعب ويستانس وبالمدرسة يتعلم

وبرمضان اقعده بالبيت معاي

 

[manarah]

باونتي انا ليلحين ما رسيت على مكان حق الصغار كان ودي ادخلهم التكامل عشان اللي بيروح اولى روضه يتأقلم بس احتمال في سفره بفتره النادي عشان جذي ماقدر .. بس ولدي الكبير ودي ادخله القاعده الحلبيه احد منكم مجربها ؟

 

[Miss_Tiger79]

باونتي
انا ان شاءالله مفكره بدخل بنتي النادي مال التكامل عشان تاخذ الاكسنت وتتعود على المدرسه
والباجي احتمال كبير يدشون فت فور فن

واااااي بنات محتاره بين مس آن وجيتا. ليلحين ..... تخيلو

الي سألت عن مس بقريد ١ يمدحون فاطمه وايد وحطيت ولدي عندها
واايد مرتبه وخبره عدل وشاطره وبتصير كوردنيت السنه اليايه حق قريد١ وجنه صفها صار فل الحين .... هذا كلام التسجيل

 

[رفرف]

تايقر


تأكدتي مس نافيدا بتدرس قريد 2 ولا 3 ؟
امس تلم بنتي الصغيرة تقول بليز بليز خليها أبيها اخذي صبا وخليها .. عاد صبا مدت بوزها شوي خو الغيرة ذباحة عندنا ..
ولما ردينا الظهر ثنتينهم يتهاوشون عليها .. قلت والله شكلها مهي مدرسة ولا وحدة فيكم ..

 

[رفرف]

باونتي ..
انا احس اللي بيدخلون كيجي1 احسن لهم يدخلون نادي التكامل يتعودون ع المدرسة والمكان والمدرسات وهم ياخذون شوي لغة .. يعني انشالله بنتي السنة الياية لي بغت تدش الروضة بدخلها ..
بس اللي اصلا بالمدرسة يملون طول السنة فيها مادري انا ضد هالفكرة .. في اماكن حلوة حق الصبيان مثل فت فور فن او تشامبين او فليكس يكون رياضة تفرغ نشاطهم ويستانسون او دخليه نادي سباحة او كراتيه او كرة قدم ..
احنا بنيتنا تبي باليه .. تدرون وين في نوادي باليه بالكويت ؟؟ شريت لها ديفيدي تعليمي بس تبي نادي وانا متوهقة


مناره

انا عقب الضيم اللي شفته بالتدريس غيرت فكرتي .. ماراح ادخلها نادي فيه نتفة دراسة بالصيف .. كافي عليها ..
بس طبعا انا ادرسهم بالبيت فيعني ماراح ينسون انشالله ..
شكلي السنة مثل كل سنة النادي العلمي .. حتى اهيه صبوية متحمسة تنطر العطلة علشان تدش النادي ..
بس الله يعين السنة الصغيرة بتبلش فيها وبتتملل بروحها مادري شسوي فيها طبعا صغيرة ما ينفع ادخلها نادي بروحها 3 سنين ..