تجمع أولياء أمور مدرسة التكامل(صباح السالم)للعام الدراسي2009-2010

[غلا ستايل]

بنات التسجيل خلص ؟؟ اللي بيدشون شهر 9 تسجيلهم خلص ؟؟؟؟

مو خوش خبر ... تهقون اذا مريتهم بيسمحون ولا ؟؟؟

وعندي سؤال جم رسومهم

 

[غلا ستايل]

الدراسه تبدا متى شهر 4 ؟؟ ولا شهر 9

واااااي احس توهقت اخوي معتمد علي انا حدي دايخه زين ما أجلت الموضوع اكثر من جذي

 

[manarah]

الدراسه تبدا متى شهر 4 ؟؟ ولا شهر 9

واااااي احس توهقت اخوي معتمد علي انا حدي دايخه زين ما أجلت الموضوع اكثر من جذي

الدراسه تبدي شهر 9 بكل المداس ... المدارس الباكستانيه بس اهي اللي تبدي شهر 4 .. التسجيل خلص بس دقي عالمدرسه وسأليهم بعد أحسن وهذا رقمهم 25522204

 

[نواره الحلوة]

نوارة اشلووونج
منو اخترتي حق قريد 3

والله لليحين محتاره بس باسأل مس آن ومستر براين لأنهم السنة اللي طافت اهم اللي اختاروا مس آن عشان ولدي نوتي

 

[نواره الحلوة]

كويتية ذربة
اشسالفة الرحلة اللي الأسبوع الياي بروحونها ؟؟؟؟ قالي ولدي عطيني فلوس حق الرحلة بس ما شفت الورقة

 

[بشوشه]

السلام يا الغاليات

بليز حابه اسال ذا ما فيها كلافه البجاما داي راح يروحون المدرسه بالبجامه او يلبسونها هناك

 

[كويتيه ذربه]

بشوشه
يلبسونها من البيت


نوارة انا اخترت مس فاطمه مدحوها لي وحطيت بنتي عندها
وورقه الرحله عطوها من قبل اسبوع انا كنت مسافره ماقريتها وين بس دفعت

 

[بشوشه]

بشوشه
يلبسونها من البيت


نوارة انا اخترت مس فاطمه مدحوها لي وحطيت بنتي عندها
وورقه الرحله عطوها من قبل اسبوع انا كنت مسافره ماقريتها وين بس دفعت

مشكوره يا قلبي ما قصرتي

 

[نواره الحلوة]

كويتية ذربة
عسى الله يوفق ابنيتج آنا اليوم ان شاء الله بروح المدرسة وبسأل بس شفتوا اليهال اليوم اشلون مستانسين بالبجامات واللي يشوق ان المدرسين بعد لابسين بجامات شفت مدرس عند الباب لابس بجامة ستن لووووول

 

[um 3li]

صباح الخير

ولدي اليوم فاصل علي الا يبي يغيب ؟؟؟؟!!!!!!

ماما ليش اليهال يغيبون وانا لأ ؟؟ قتله ماما اليهال يغيبون اذا كانوا مرضى وانت الحمدلله مافيك شي ليش تغيب وتطوفك أشياء وما تلعب مع ربعك ؟؟؟؟

والنهاية كانت انه غاب ( 1-0 ) لوووووووووووووول

بعدين قلت لييييييييش انا أعور قلبي كلها اولى روضه

مع ان الفترة الي طافت عطوه شهاده تقديرية ليش انه ماغاب ولا يوم وكان ودي يعطونه الفتره هذي بعد

قتله خلاص غيب وانا نمت لي ال 7 وقمت رحت دوامي

أظن ان اليهال بس خلاص ملوا

 

[Miss_Tiger79]

اي اليوم وناااااسه
احس كان جو نوم بالمدرسه حتي المدرسات بيجامات

كويتيه ذربه
شلون اخترتي المدرسه عند منو ؟؟؟؟
لان بروح احط عيالي

وترى مس فاطمه وااايد يمدحونها اهيه كانت بقريد ١ وكل من يمدحها

 

[manarah]

انا من شفت الشكل العام واليهال لابسين بجاماتهم وياني احساس النوم .. حتى براين لابس بيجاما ... بس والله يحليلهم مستانسين انا ولدي كان يبي ينام فيها من بالليل كان يبي يطبق مفهوم البجاما عدل .
مس تايقر روحي التسجيل نفسه واختاري المدرسه
ام على اليهال مو عن ملوا بس لانهم يشوفون في يهال يغيبون ويبون يسوون نفسهم يعني حتى بنتي كل يوم بالليل قبل لا تنام لازم تقوللي جملتها لا تقعديني باجر ترى مابي اروح بغيب لأن فلان غاب وفلانه غابت

 

[رفرف]

يحليلهم اليهال اليوم ايننون


مناره
حتى بنتي حالفة تنام بالبجاما ما خليتها ..
وامس مناديتني تقولي تعالي المس تبي تقولج شي .. ولا طلعت المس قايلتلهم على ضحك مو لازم حتى تمشطون شعوركم وبنتي مناديتني علشان اسمع باذوني واقتنع .. قلت لها لا ياروح امج بتمشطين يعني بتمشطين .. وحطت كليبس يعني شعرها معفوس وخلاص ..

 

[رفرف]

بنات في احد مجرب مس انالو اللي كانت تدرس بالكيجي ؟ لأن الحين تدرس قريد2 وابلة بنتي وايد تمدحها تقول تصلح حق شخصية بنتي لأن بنتي حساسة وخجولة وبنتي تحبها بس بعرف مستواها شلون وتعاملها مع اليهال

 

[كويتيه ذربه]

بشوشه
العفو حبيبتي

نوارة
تسلمين حبيبتي وبوفق عيالج يارب
انا ماكنت ادري المفروض يودون مخده ضاق خلقي لمن شفتها مو يايبه
وحسافه كنت بوديها الصبح عشان اصورها ويا اليهال كنت تعبانه ومو مداومه خليت ابوها يوديها ولمن طلعت ماينفع اصورهم توهم كانوا طالعين من السويمنج والشعور مبلله

ام علي
انا بنتي طالعه بحركه كل يوم تقول تعالي مبجر اخذي ورقه من مستر براين وطلعيني مبجر قبل اليهال

مس تايجر
عند الاداره تحطين بالكمبيوتر
بس مس فاطمه وحده ثانيه مااعتقد اللي بقريد ون رحت اشوفها ماحصلتها

مناره ورفرف
بنتي نفس الحاله من امس بتنام بالبجاما
شريت لها كذا بجامه خذيت لها وحده ستان حلوه من بروي مارضت تلبسها تقول مو من صج يعني بجاما نوم قالوا بجاما بيت
ووي وامس تترجى الا انام فيها قلت ماكو ولا تعلقها يم سريرها < نذكرت شعورنا قبل يوم العيد واحنا صغار مادري ليش اللي يسمع يقول اول مره بنلبس شي يديد

رفرف احلى صدفه والله يوم شفتج

 

[كويتيه ذربه]

رفرف والله مادري اول مره اسمع اسمها

 

[Miss_Tiger79]

كويتيه ذربه
مس فاطمه اهيه عراقيه الاصل بس ماخذه جنسيه كنديه واهيه متحجبه اتوقع جذي
اذكر وحده مدحتها حيييييل

ما قلتيلنا بنتج عند اي مس وشلونها معاهم

 

[توتاتوتا]

ياليت تجاوبون على استفساراتي ن افكر اسجل عيالي في حضانة التكامل

هل طابعها اسلامي تربوي؟
كم يحفظون من القران في روضه اولى و ثانيه؟ و الابتدائي؟

ادارتهم زينه؟

مستوى الصراخ و الصوت العالي في الفصول و الاسياب؟<< مهم

من احسن مدرسه ابي صوتها هادي يالله ينسمع و حبوبه مرررررره


مابي ادفع فلوس بدون فايده او يعقدون عيالي لانهم حساسين جدا


تحياتي

 

[رفرف]

ذربه ..

عاد تدرين اني ما شفتج اليوم ؟؟ بنتي قالتلي ماما شوووفي هالبنية اللي لابسة اخضر بمدرستي .. التفت جان اشوفج اي والله يا حلات الصدف اللي جذي
عاد هذاك اليوم شايفة مناره بعد .. هم بالافينيوز ..
يحليلها بنتج نفس بنتي لازم كل شي يديد على السرير ..

توتاتوتا
التكامل ما عندهم حضانة .. من الروضة لي الثنوي
ويحفظونهم قرآن من الروضة
والمدرسات مادري طلي ع الموضوع كل وحدة تمدح مدرسة معينة

 

[manarah]

ذربه ..

عاد تدرين اني ما شفتج اليوم ؟؟ بنتي قالتلي ماما شوووفي هالبنية اللي لابسة اخضر بمدرستي .. التفت جان اشوفج اي والله يا حلات الصدف اللي جذي
عاد هذاك اليوم شايفة مناره بعد .. هم بالافينيوز ..

مو الله يسلمج انا يوم الثلاثا لازم ارفه عن عمري استعدادا حق الدراسه ليوم الاربعا اللي اهو ندرس فيه حق الاملاء والتيست عشان أقدر أواصل المسيره