الجزء الثالث والعشرين
دخلووو ريهام ومبارك ومبين عليهم الصدمه
ام ريهام : خير يما شنو كان يبي بو محمد
ريهام : لا عن الورث وجذي
ام ريهام : لا تجذبين علي ريهام شنو كان يبي
مبارك : لا صج خالتي انا كنت معاها
ام ريهام : اذا ما قلتولي بروح وادق عليه
ريهام :هدي بالج يمه كلكم لازم تعرفون
ريهام حست انه امها لازم تدري اخوانها الاثنين تعذبو بما فيه الكفايه ودها امها تعوضهم قررت تقول لهم كل شي
وطلعت من جنطتها اوراق وبدت تقول لهم الي صار
(( اول ما وصلت ريهام ومبارك مكتب بو محمد قام وعزاهم وقعدهم
بو محمد : ريهام يبا الله يعينج يا بنتي الحمل ثقيل عليج وانا ماودي ااخر وصيه ابوج الله يرحمه الوصية في شرط انه انت اول وحده تعرفينها وتغييرن أي شي مايعجبج فيها
ريهام : ياحبيبي يايبا
بومحمد: اول شي لازم تعرفينه انه ابوج الله يرحمه وسكت مده بعدين كمل كان متزوج
ريهام شنووووووووووووووووووووووووووووووووووووووووووووووووو
بو محمد : من 10 سنين
ريهام وقفت على حيلها :ما اصدق ما اصدق
بومحمد : ريهام الموضوع ما يتحمل الله يخليج خليني اكمل
سكتت ريهام ومبارك يطبطط على ايدها يعني خليه يكمل
بومحمد: وعندج اخوان صبيان اثنين راكان و مشاري
ريهام صدمتها زادت اخوان 2 مو واحد بعد
بومحمد : وانتي ياريهام الوصية عليهم
ريهام من الصدمه قامت تعرق حيل وتلعب بايدهااا من التوتر : ليش وين امهم
بو محمد : الله يرحمها توفقت بولادتهم اهما توام
ريهام سكتت وقعدت تتذكر كلام ابوها والامانه الي وصاها عليهم دموعها تنزل
بو محمد : يبا ياريهام اخوانج من عقبج مالهم احد
ريهام : اهما وين الحين ؟
عطاها العنوان : شنو ناويه تسوين
ريهام : مادري مادري
بومحمد : اخوانج خلال اسبوعين لازم يكونون بلندن والوالد الي كان راح يوصلهم ومن عقبه اذا وافقتي انتي الي لازم توصلينهم راكان ومشاري امانه عندج
ريهام بداخلها متلخبطه ماتدري شنو تسوي وفعلا كسرو خاطرها مهما يكون اخوانها ومساكين يتامه من الام والابو بس كانت تحاتي موقف امها ))
كل الموجودين كانو مصدومين مو من الي سمعوه لا من ام ريهام شلون انها ساكته وعلى ويها ابتسامه حزينه حيللللللللللللللللللللللل
ام مبارك كانت حاسه فيها تبيها تتكلم تقول أي شي اطلع الي فيها : ليلى حبيبتي ريهام تبي رايج قبل لاترد على بومحمد
ام ريهام : كنت ادري وقتله اكثر من مرة من عشر سنين اول مرة دخل علي وكان حيل متكدر وسالته شفيك وحط راسه على صدري ولمني وقالي (( لو شنو ماصار انا احبج انتي ولا تزعلين مني مهما سمعتي عني انتي الاولى والاخيرة بحياتي )) عرفت حزتها انه في وحده ثانيه سكت لاني ما كنت ابي اضايقه اكثر وكنت على امل انه بيوم يصارحني تمسح دموعها وتكمل انا مو زعلانه انا مسامحته وانا موافقه يعيشون معانا على الاقل شي من ريحته وقامت بتصعد غرفتها
ريهام : يما
ام ريهام : ريهام هذول مهما يكون اخوانج وهذا بيت ابوهم الله يعينهم انحرمو من الام والابو مابي بعد احرمهم منج
انصدمووو كلهم من ردت فعلها وريهام طالعت مبارك : نروح لهم
مبارك : وخالتي
ريهام : عمتي عفيه خلج معاها مع اني احسها متقبله الوضع جنها صج كانت تدري
ام مبارك : انا الي ابي احد معاي معقوله واخوي وليد متزوج وانا مادري
وقعدو يهدونها وريهام كانت على نار تبي تشوف اخوانها وصية الغالي لها
شريفه حاسه بريهام : خلاص مبارك روحو يبوو الشباب خل نشوفهم
ام مبارك : انا بصعد حق ليلى
وطلعوو ريهام ومبارك ريهام حدهاا متشوقه تشوف اخوانها
كانت مشاعرها متلخبطه
مرة تكون مستانسه بثقه ابوها فيها انه امنها على اخوانهااا
ومرة زعلانه ليش ماقالها
ومرة متضايقه عشان امها
ومرة مستانسه عندها اخوان ؟
وصلو العنوان
نزلو ريهام ومبارك
طقوو الباب وطلعت لها مره عيوز اجنبية عرفت تالي انها مربية اخوانها
دخلت ريهام وما وعت الا باثنين لامينها من ريلوها
انصدمت وطالعت المره العيوز
طبعا الحوار كله انجليزي
ساندي : شباب بليزز خلو اختكم تقعد
راكان : نوووووووووووووو ويييييييييييييييييي
ريهام : منصدمه حتى ما تضحك فتدارك مبارك الموقف
مبارك: زين انا تعرفوني
مشاري : اتوقع انك ولد عمتي صح
انصدمو مبارك وريهام اكثر مبارك : عفيه عليك بس منو قالك
هدووو ريهام وسحبوو مبارك لي طاوله كبيرة وقعدو معاه يورونه الصور
ريهام : انا ريهام
ساندي: وانا ساندي مربية الاولاد
ريهام : انا مو فاهمه شلون يعرفوني وليش مايتكلمون عربي
ساندي :اخونج مواليد لندن اول مانولدووو انا كنت السستر المشرفه على علاجهم ولما ماتت امهم وشفت ابوج منهار مو عارف شلون يتصرف حاولت ادله على مربية بس انا حسيت نفسي متعلقه فيهم كنت امرهم بين فتره وفتره وبعدها عرفت موضوع ابوج وعرض علي اني اشتغل عنده بدبل الراتب ووافقت ويت معاه اهني بس للحين اخوانج يدروسون هناك مدرسه داخليه وهذا كله عشان ابوج ماكان يبي الموضوع يوصلكم انتي وامج لا من بعيد ولا من قريب
ريهام حيل قلبها عورها على حياة اخوانها وانه ابوهم ظلمهم عشانها وعشان امها : زين اهما شلون يعرفوني
ساندي : ابوج زرع محبتج بقلبهم كانو على طول يكلمهم عنج وعن امج لي درجه انهم حبوكم قبل لا يعرفونكم لما قتلهم انج راح تيلهم اليوم ماصدقووو طارو من الفرحه
ريهام قامت تبجي من غير صوت بس دموع تنزل حيل كسروخاطرها هاليهال طول وقتهم برى ديرتهم ومتغربين عشانها
راحت لهم ولقتهم قاعدين يورون مبارك صور العايله كلها ويسالون عن واحد واحد اطالعهم بحب وبداخلها تقول بعيش لكم وبحبكم وبربيكم بحطكم بعيوني يا وصيه الغالي
راكان صدمها صدمه حياتها: متى بنروح حق ماما عيل
ريهام نزلت لي مستوها وباسته وطالعت ساندي عشان تنقذها
ساندي : الحين نجهز السيارة ونروح حق ماما ليلى اوكي
مبارك طالعم وبعيونه دموع ماسكها غصب لا تنزل يهال عمرهم 8 سيين مساكين عايشين غرب بديرتهم ومتغربين كله عشان شي مالهم ذنب فيه
طبعا راكان ومشاري ولا كلمه عربيه ميح مساكين منو الي بيكلمهم عربي
طلعووو وكان سايقهم مجهز السيارة بس لما شافو فراري ريهام
مشاري : وااااااااااااااااااااااااااااااو بليز بليز انا اركب معاج
مبارك يضحك : وانا وين
راكان : مشاري بليز روح مع مبارك وساندي وانا مع ريهام
ريهام : مبارك عفيه ارجع مع سايقهم انا باخذهم اثنينهم معاي
وفعلا خذتهم وركبته اثنينهم يمها وراحت فيهم البيت وصلووو كلهم مع بعض نزلووو ويشمون يمها وكل واحد ماسك ايد
اول مادخلووو لقووو ام مبارك وشريفه وشيخه
قامت ام مبارك ولمته وتشم ريحتهم واهي تبجي واهما مساكين مخترعين مو فاهمين بس يطالعون ريهام
ريهام : هذي عمتي ام مبارك
راكان : وين ماما عيل
ام مبارك اطالع ريهام عشان تشرح لها
ريهام : يقصدون امي
ام مبارك : وديهم لها صدقيني لماتشوفهم بتنسى كل شي وبتعيش لهم
ريهام هزت راسها ودتهم لها
ام ريهام كانت قاعده على غنفه بدارها وطالعه نقطه مجهوله
فتحت ريهام الباب ودخلت مع الصبيان وقفو يطالعونها ويضحكون راكان هد ريهام وراح لها ركض
راكان : ماما اشتقتلج وايد
مشاري يطالع ريهام : اهو دايم جذي
ريهام تمسح على راس اخوها :ماتبي تسلم على ماما انت
هز مشاري راسه أي وراح وقف ورا راكان
ام ريهام لامه راكان حيل وتبوسه وتبجي بحرقه وبنفس الوقت كاسرين خاطرها اهما مالهم ذنب ولا يدرون شنو مخبيه لهم الدنيا
مشاري يطالع ريهام : ماما مشتاقه بس حق راكان
ضحكت ام ريهام اول مرة من عقب العزا وسحبته اهو بعد ولمته وباستهم وقعدتهم اثنينهم يمها وتمسح على شعورهم وتبوسهم واطالعم كانو حيل يشابهون ابوهم وريهام حلوين ماشاء الله عليهم
ريهام تكلم امها : يما اهما ابوي كان حاطهم بمدرسه داخليه بلندن
ام ريهام : ليش ماله داعي ياكثر المدارس بالكويت
ريهام : هااا شباب تبون مدستكم او اوديكم مدرسه ثانيه اهني
راكان ومشاري يطالعون بعض نط راكان : لا اهني
مشاري : بس بابا قال مستوى التعليم ضعيف
راكان : وانت مصدق بس يقص علينا
ريهام وامها ماتوووو ضحك لي درجه انه ام مبارك دشت عليهم
ام مبارك : هووو مدامك تضحكون جان ناديتونا نضحك معاكم
ريهام : لحقي عمتي النزغ مو عاجبهم مستوى التعليم اهني
ام مبارك : وي وي وي ياخافظ ليش
ريهام : شدراني الحين قولولي شسوي وين اوديهم اخليهم بمكانهم يكملون ولا اسحبهم واردهم اهني
ام مبارك: تبون شوري ردوهم اهني شوفيهم مساكين عربي ما يعرفون شلون باجر يعرفون امور دينهم ولغتهم ونبيهم حتى عاداتهم بتتغير
ريهام : بس اخاف يفرق عليهم المستوى صج
ام ريهام : لمته ممن جتوفهم اثنينهم عقب ما وصلو عندي مابي شي ياخذهم مني عفيه ريهام
ريهام راحت حق امها وباست راسها : ان شاءالله يمه بس جذي لازم اسافر باسرع وقت لندن واسحب الاوراق
ام مبارك : وي وشلون الجامعه ماباقي شي
ريهام : بوقف قيدي كورس مع هالويه ما اظن اقدر
ام ريهام : تروحين بروحج
ريهام : أي يما عادي او اخذ ساندي بس اخاف ياذونج ماتقدرين عليهم
ام ريهام : منو ساندي
ريهام : مربيتهم انجليزية من انولدووو
ام ريهام : لا اخذيها معاج على الاقل ادليج وتدابج معاج وخليها اهناك وردي بعد
ام مبارك :هههههههههههههههه تبين تتوحدين باليهال
ام ريهام استحت ونزلت راسها انهم افهموها
ريهام : يما مابيهم يفقدونها توه الناس شوي شوي عليهم مدرسه يديده وابوي الله يرحمه وبعد اخذ مربيتهم الي حسبت امهم ؟؟
ام مبارك: صاجه ريهام شوفي شريفه ويوسف اهي اصلا موقفه قيدها هالكورس ووعليه شهر عسلهم اخترب عليهم خل يروحون معاج منها تخلصون شغل ومنها يغيرون جووو
ريهام : والله خوش فكره
رجعت الضحكه حق بيت وليد من اول ماوصلو اليهال اهما مساكين حيل طايرين بامهم الي اهي ام ريهام وام ريهام بعد طارت فيهم مسكين بوريهام كان يتمنى يكون موجود بهذي اللحظه بس ماكان يبي يصدم حبيبته وكان خايف يخسرهااا
ماكان عارف انه ام ريهام حاسه فيه وبس تبيه يصارحهاااا بس يالله خيره والحمدالله انها تقبلتهم ولا كانوو شنو بيسون مساكين
عند سجى وابوها وصلووو الهلتون مكان الي عازم ابوها احمد وفارس وامين واهما معاهم جم موظفه من الشركه او ماوصلووو انصدمو الاثنين بوجود ريهام يم ابوها طالعو بعض وكملوو مشي واحمد شاق الحلج من الضحك وسجى مستحيه ماتبي اطالع
وااااااااااااااااو فارس حده كيوت بالبس الخليجي امبيه انا من صجي طالعت احمد وابتسمت له
سجى تحاول تبين عكس احساسهااااا
عقب السلام
احمد : ها سجى شلونج من زمان عنج
سجى : تمام وانت شلونك
احمد : يحط ايده على قلبه من غير محد يلاحظه زين وايد زين
فارس اتبه على كلام اخوه خصوصا انه يمه تجدمت عيونه بالاوراق مو قادر يرفعهااا وقعدوو يناقشون الشغل وسجى تمللت استاذنت من ابوها وقامت تبي تتمشى بالمحلات الي بالفندق
طلعت وطلع وراهاااااااااااااااااااااااااااااااااااااا منو تتوقعون يلاه ابي اشوف التفاعل القوي جدا جدااا عشان احط لكم جزء ثاني باجر بعد:eh_s(3):
miss-_-smart
New member
شاااااااااااااااااااااااااااااااااااااااااااااااافت فاااااااااااااااااااااااااااارس ..........زناطرييينج لا تطولييين
_shh_:
DALLY
New member
صاجه حبيبتي انا قتلج قبل انه بالنسبة لي القصه مابدت
الحين اقدر اقولج انها بدتتتتت صج
ماعليه تحملي لي باجر حبيبتي
وعلى فكره انتي قتلي اسلوبي حيركم ترى انا متعمده بحسسكم بحساس سجى شلون كانت مو فاهمه نفسها :eh_s(13):
الجزء الرابع والعشرين
طلع وراها فارس استاذن بيروح الحمام
سجى طول ما اهي تمشي كانت تفكر فيه ليش يتجاهلها ليش ما يطالعها ما يكلمها معقوله عشان قاعده اسولف مع احمد ولا اصلا اهو كان باسبانيا بيلعب ولما طلع يعرفنا خلاص ؟ انا شكو فيه كيفه اووو انا ليش افكر فيه بس مثايل قالتلي انه كان صاج باسباينا
وصل فارس يمها وشاف ويها منزعج وسرحانه اطالع شغله
فارس : سجى شلونج
سجى : الحمدالله
فارس : انتي للحين زعلانه مني
سجى : لا ابد نسيت السالفه اصلا
فارس : مشكوره وايد سجى
سجى : على شنو
فارس : انتي غيرتيني صنعتي مني انسان ثاني بس للاسف
سجى : شنو الي للاسف
فارس : ما اقدر اقول اكثر من جذي يالله عن اذنج يا بيمشي
سجى : فارس
اول مرة تنادي اسمه فلا شعوري رد عليها : ياعيون فارس
نزلت راسها سجى بس هالمره مو ارف مثل كل مرة لا كان خجل
فارس : انا اسفه وبعدين هذي كلمه عادي عندنا نقولها حق كل من
سجى انصدمت كل من هااا اوكي يا فارس بتثقل اوريك :اممم عادي ماصار شي
فارس : شنو كنتي بتقولين
سجى : ههههه نسيت >>>اهي اصلا ماكانت تبي شي بس ماتبيه يروح
ضحك فارس على ضحكها وردو مع بعض
احمد : انت مو رحت الحمام وين لقيت سجى
انصدمووووو كلهم من جرات احمد وشلون حطهم بهذا الموقف بس فارس تداركه على طول
فارس : لا تلاقينا عند الباب
ارتاحت سجى وطالعت فارس وباتسمت له
احمد ما صدق وظل طول الوقت متنرفز اهو يدري انه فارس يحبها ليش يكابر والحين يسوي جذي يطلع وراها ومادري شنو لو قالت شي مرة ثانيه حق ابوها
اما سجى ماتدري شنو احساسها من اخر مره شافتهم كان في احساس غصب يجتاحها احساسها بفارس ساعات تحس انها مشتاقتله فاقدته بس تطرد هالاحاسيس بسرعه وتطفر من روحها شنو الي تغير وخلالها تحس بفارس من عقب ماكانت كارهته
يمكن كلام ابوهااا عنه انه تغير يمكن لما تقعد مع رفيجاتها ويسولفون عنه وعن الي سواه باسبانيا معاها
الشي الي كانت متاكده منه انها متضايقه من روحها
اطلعو من الطعم سجى مع ابوها والسايق سرحانه وكلش مو مع ابوها
عند احمد وفارس كان احمد حيل متضايق من اخوه وفارس متوتر خايف من مواجهت اخوه
احمد : فارس انت ليش تسوي جذي
فارس : شنو احمد لا تكبر الموضوع انا رايح الحمام رديت لقيتها بويهي دخلنا مع بعض
احمد : ولو انه كلامك كلش مو داش مخي بطوفها فارس انت تحب سجى ليش تنكر
فارس : اووووووو احمد ردينا منو قالك احبها بروحك تحكم
احمد : اوكي يا فارس ما تحبها هاااا ماشي بس ارجع بقول حق ابوي يدق على عمي عبدالله عشان يخطبها اوكي
احمد كان متاكد من اخر مناشقه بينهم عن سجى انه فارس يحبها واهو مسكين صحيح معجب فيها بس مو لي درجه الحب يعني ماراح يموت لو ماتزوجها
اهو متنرفز من اخوه ليش ينكر شنو يبي
فارس : احمد انا قتلك اذا تبيها وتحبها تزوجهااااا مالك شغل فيني
احمد : فهمني فهمني كلمه مالك شغل فيني شنو يعني
فارس ارتبك: يعني انا ما احبها
احمد : اوكي انت الظاهر حاب دور الفارس الهمام الي يضحي بحبيبته عشان اخوه حلو خوش دور لايق عليك بس نرجع زهب روحك عشان تخطبها لي مع ابوي
احمد كان يحالو يضغط عليه عشان يعترف بس فارس حسباله انه احمد يسوي جذي من غيرته على سجى كل واحد يتكلم بوادي
فارس : اوكي مبروك
احمد كلش ماكان ناوي يقول شي حق ابوه حتى لما اهله فتحو معاه الموضوع قالهم ما اقدر وخلاص كل الي يسويه هدفه انه فارس يتحرك وياخذ سجى قبل ال تضيع من ايده
فارس نار شبت بقلبه حبيبتي وبخطبها حق اخوي الله يا دنيا بس ماعليه احمد يحاول يطيحني بلساني لمايقول ما يبيها انا ادري انه معجب فيها اخخخخخخخخخخخخ ياقلبي ما اقدر اسوي شي
عند ريهام كانت ريهام قاعده ومعاها شريفه ومثايل
ويسولفون شوي ريهام احسن من قبل كانت ماباقي الا يومين على سفرتهم هي وشريفه ويوسف ومثايل بعد معاها بتسحب على قولته اول اسبوع
ريهام : شروف اخذي شي ثقيل شوي ترى لندن برد الحين
شريفه : أي خذيت
مثايل ساكته وكلش مو معاهم
ريهام : مثايل شفيج حبيبتي
مثايل : تصدقين براك صارله فتره مو الاولي
ريهام : شلون يعني
مثايل : مادري في شي الحين لما قتله بسافر معاكم حتى ما سال أي طيران
شريفه : حاله حال باجي الشباب فتره قظاها معاج يمكن اربع شهور وبيدور على غيرج
حيل كلامها جرح مثايل : يعني انتي شاايفه اني من البنات الي ممكن يقضون معاهم وقت وخلاص
شريفه حست انها جرحتها : لا حبيبتي مثايل انااقول اهما جذي تفكيرهم
سكتوو كلهم فتره كل وحده فيها هم يكفيها وفجاه دخلووو عليهم مثل الاعصار
بصوت واحد: في شاب وسيم يسال عن ريهام
ضحكووو البنات عليهم
ريهام : شباب وسيم مثلكم ولا اكثر اقل ماراح اطلعله
راكان : لا اهو اكبر منا
قامت ريهام بتشوف منو الي يسال عنها نزلت تحت وكان راشد قاعد مع ام مبارك ومبارك
اهو شرح لهم الوضع انه خاطبها وانه ابوها موافق على حسب كلام مبارك وانه موصيه عليها بعد
ريهام مو مصدقه الي قاعده تشوفه راشد متغير 180 درجه ضعفان ويها حيل تعبان
ريهام : السلام عليكم
الكل عليكم السلام
ام مبارك : يما حبيبي راشد خاطبج وعلى كلام امج ومبارك انه انتي موافقه وابوج الله يرحمه موافق بعد وراشد ياي يسلم عليج قبل لا تسافرين وماخذ على خاطره شلون محد قاله
ريهام دموعها تنزل واهي تشوف راشد واقف راحت له ومدت ايدهاا
شعور راشد بالضبط لما تكونون صايمين بيوم حار بالصيف وتفطرون على قلاص ماي بارد شلون يقشعر كل بدنكم جذي كان مسكين مو مصدقه انه جافهااا واهي مسكينه تحبه ووده تلمه جدام الناس بس خلاص ماتقدر ترتبط فيه
قامت ام مبارك مع مبارك الصاله الثانيه
وقعدوو راشد وريهام
راشد : هنت عليج يا ريهام هنت عليج جذي تتخلين عني
ريهام : سامحني راشد بس ماعاد ينفع نرتبط
راشد حط أيده على حلجها وسكتها : ريهام هذا اعدام بحقي وبحقج انا ادري انا شنو بالنسبة لج وانتي شنو بالنسبه لي انتي الماي والهوا يا ريهام احد يقدر يعيش من غيرهم انتي حب 20 سنه لا تهدمينه انا من ويعيت على الدنيا وانا احبج من غيرج مادري شسوي
سكت راشد شوي مسكين يخاف تنزل دموعه الي غصب ماسكه وكمل واصلا عمي الله يرحمه موصيني عليج وقالي مااخليج ماراح اخليج بظل معاج طول عمري كيفج عاد
ابتسمت ريهام على كلام راشد مسكت ايده : راشد الحمل ثقيل علي منت ملزوم تتحمله عشاني
راشد : لا ملزوم ملزوم يا ريهام لو يطلع عندج 12 اخو بتحملهم وامج مثل امي وبحطها بعيوني لا تردين علي الحين عفيه فكري روحي لندن وردي ورديلي خبر بس عفيه لا تعدميني
رجع لهم مبارك : جنكم استانستووو يالله كافي
راشد : ههههههههههه أي بس خلاص كافي صح
انتبهت ريهام على ايدها الي للحين ماسكه راشد وجنها ما صدقت رجع لها ومسكته ماتبي تهده مره ثانيه وجنها تبي تودعه ؟؟؟؟؟؟؟؟؟؟؟؟؟؟؟؟
مبارك : احم احم انا اهني ترى
هدت ريهام راشد واهي تضحك وراشد مسح على راسها : تروحين وتردين بسلامه يا خطيبتي يعني في حال ولد عمتج ناسي انج خطيبتي
مبارك : ههههههههههه لا مو ناسي بس ماعندنا هالسوالف
طلع مبارك ووصل راشد وقعدت ريهام مكانها محتاره اهي عقلها وقلبها وروحها يبون راشد بس خايفه تظلمه معاها لوضع اخوانها
نزلت عمتها مع امها وقعدووو معاها
شنو بيقولون لها وشنو بيكون قرارهااااااا
وبراك شفيه مع مثايل ليش تغيرر صح كلا شريفه تتوقعون
وشريفه ويوسف بيقدر يقرب لها بلندن ؟؟؟؟
طلع وراها فارس استاذن بيروح الحمام
سجى طول ما اهي تمشي كانت تفكر فيه ليش يتجاهلها ليش ما يطالعها ما يكلمها معقوله عشان قاعده اسولف مع احمد ولا اصلا اهو كان باسبانيا بيلعب ولما طلع يعرفنا خلاص ؟ انا شكو فيه كيفه اووو انا ليش افكر فيه بس مثايل قالتلي انه كان صاج باسباينا
وصل فارس يمها وشاف ويها منزعج وسرحانه اطالع شغله
فارس : سجى شلونج
سجى : الحمدالله
فارس : انتي للحين زعلانه مني
سجى : لا ابد نسيت السالفه اصلا
فارس : مشكوره وايد سجى
سجى : على شنو
فارس : انتي غيرتيني صنعتي مني انسان ثاني بس للاسف
سجى : شنو الي للاسف
فارس : ما اقدر اقول اكثر من جذي يالله عن اذنج يا بيمشي
سجى : فارس
اول مرة تنادي اسمه فلا شعوري رد عليها : ياعيون فارس
نزلت راسها سجى بس هالمره مو ارف مثل كل مرة لا كان خجل
فارس : انا اسفه وبعدين هذي كلمه عادي عندنا نقولها حق كل من
سجى انصدمت كل من هااا اوكي يا فارس بتثقل اوريك :اممم عادي ماصار شي
فارس : شنو كنتي بتقولين
سجى : ههههه نسيت >>>اهي اصلا ماكانت تبي شي بس ماتبيه يروح
ضحك فارس على ضحكها وردو مع بعض
احمد : انت مو رحت الحمام وين لقيت سجى
انصدمووووو كلهم من جرات احمد وشلون حطهم بهذا الموقف بس فارس تداركه على طول
فارس : لا تلاقينا عند الباب
ارتاحت سجى وطالعت فارس وباتسمت له
احمد ما صدق وظل طول الوقت متنرفز اهو يدري انه فارس يحبها ليش يكابر والحين يسوي جذي يطلع وراها ومادري شنو لو قالت شي مرة ثانيه حق ابوها
اما سجى ماتدري شنو احساسها من اخر مره شافتهم كان في احساس غصب يجتاحها احساسها بفارس ساعات تحس انها مشتاقتله فاقدته بس تطرد هالاحاسيس بسرعه وتطفر من روحها شنو الي تغير وخلالها تحس بفارس من عقب ماكانت كارهته
يمكن كلام ابوهااا عنه انه تغير يمكن لما تقعد مع رفيجاتها ويسولفون عنه وعن الي سواه باسبانيا معاها
الشي الي كانت متاكده منه انها متضايقه من روحها
اطلعو من الطعم سجى مع ابوها والسايق سرحانه وكلش مو مع ابوها
عند احمد وفارس كان احمد حيل متضايق من اخوه وفارس متوتر خايف من مواجهت اخوه
احمد : فارس انت ليش تسوي جذي
فارس : شنو احمد لا تكبر الموضوع انا رايح الحمام رديت لقيتها بويهي دخلنا مع بعض
احمد : ولو انه كلامك كلش مو داش مخي بطوفها فارس انت تحب سجى ليش تنكر
فارس : اووووووو احمد ردينا منو قالك احبها بروحك تحكم
احمد : اوكي يا فارس ما تحبها هاااا ماشي بس ارجع بقول حق ابوي يدق على عمي عبدالله عشان يخطبها اوكي
احمد كان متاكد من اخر مناشقه بينهم عن سجى انه فارس يحبها واهو مسكين صحيح معجب فيها بس مو لي درجه الحب يعني ماراح يموت لو ماتزوجها
اهو متنرفز من اخوه ليش ينكر شنو يبي
فارس : احمد انا قتلك اذا تبيها وتحبها تزوجهااااا مالك شغل فيني
احمد : فهمني فهمني كلمه مالك شغل فيني شنو يعني
فارس ارتبك: يعني انا ما احبها
احمد : اوكي انت الظاهر حاب دور الفارس الهمام الي يضحي بحبيبته عشان اخوه حلو خوش دور لايق عليك بس نرجع زهب روحك عشان تخطبها لي مع ابوي
احمد كان يحالو يضغط عليه عشان يعترف بس فارس حسباله انه احمد يسوي جذي من غيرته على سجى كل واحد يتكلم بوادي
فارس : اوكي مبروك
احمد كلش ماكان ناوي يقول شي حق ابوه حتى لما اهله فتحو معاه الموضوع قالهم ما اقدر وخلاص كل الي يسويه هدفه انه فارس يتحرك وياخذ سجى قبل ال تضيع من ايده
فارس نار شبت بقلبه حبيبتي وبخطبها حق اخوي الله يا دنيا بس ماعليه احمد يحاول يطيحني بلساني لمايقول ما يبيها انا ادري انه معجب فيها اخخخخخخخخخخخخ ياقلبي ما اقدر اسوي شي
عند ريهام كانت ريهام قاعده ومعاها شريفه ومثايل
ويسولفون شوي ريهام احسن من قبل كانت ماباقي الا يومين على سفرتهم هي وشريفه ويوسف ومثايل بعد معاها بتسحب على قولته اول اسبوع
ريهام : شروف اخذي شي ثقيل شوي ترى لندن برد الحين
شريفه : أي خذيت
مثايل ساكته وكلش مو معاهم
ريهام : مثايل شفيج حبيبتي
مثايل : تصدقين براك صارله فتره مو الاولي
ريهام : شلون يعني
مثايل : مادري في شي الحين لما قتله بسافر معاكم حتى ما سال أي طيران
شريفه : حاله حال باجي الشباب فتره قظاها معاج يمكن اربع شهور وبيدور على غيرج
حيل كلامها جرح مثايل : يعني انتي شاايفه اني من البنات الي ممكن يقضون معاهم وقت وخلاص
شريفه حست انها جرحتها : لا حبيبتي مثايل انااقول اهما جذي تفكيرهم
سكتوو كلهم فتره كل وحده فيها هم يكفيها وفجاه دخلووو عليهم مثل الاعصار
بصوت واحد: في شاب وسيم يسال عن ريهام
ضحكووو البنات عليهم
ريهام : شباب وسيم مثلكم ولا اكثر اقل ماراح اطلعله
راكان : لا اهو اكبر منا
قامت ريهام بتشوف منو الي يسال عنها نزلت تحت وكان راشد قاعد مع ام مبارك ومبارك
اهو شرح لهم الوضع انه خاطبها وانه ابوها موافق على حسب كلام مبارك وانه موصيه عليها بعد
ريهام مو مصدقه الي قاعده تشوفه راشد متغير 180 درجه ضعفان ويها حيل تعبان
ريهام : السلام عليكم
الكل عليكم السلام
ام مبارك : يما حبيبي راشد خاطبج وعلى كلام امج ومبارك انه انتي موافقه وابوج الله يرحمه موافق بعد وراشد ياي يسلم عليج قبل لا تسافرين وماخذ على خاطره شلون محد قاله
ريهام دموعها تنزل واهي تشوف راشد واقف راحت له ومدت ايدهاا
شعور راشد بالضبط لما تكونون صايمين بيوم حار بالصيف وتفطرون على قلاص ماي بارد شلون يقشعر كل بدنكم جذي كان مسكين مو مصدقه انه جافهااا واهي مسكينه تحبه ووده تلمه جدام الناس بس خلاص ماتقدر ترتبط فيه
قامت ام مبارك مع مبارك الصاله الثانيه
وقعدوو راشد وريهام
راشد : هنت عليج يا ريهام هنت عليج جذي تتخلين عني
ريهام : سامحني راشد بس ماعاد ينفع نرتبط
راشد حط أيده على حلجها وسكتها : ريهام هذا اعدام بحقي وبحقج انا ادري انا شنو بالنسبة لج وانتي شنو بالنسبه لي انتي الماي والهوا يا ريهام احد يقدر يعيش من غيرهم انتي حب 20 سنه لا تهدمينه انا من ويعيت على الدنيا وانا احبج من غيرج مادري شسوي
سكت راشد شوي مسكين يخاف تنزل دموعه الي غصب ماسكه وكمل واصلا عمي الله يرحمه موصيني عليج وقالي مااخليج ماراح اخليج بظل معاج طول عمري كيفج عاد
ابتسمت ريهام على كلام راشد مسكت ايده : راشد الحمل ثقيل علي منت ملزوم تتحمله عشاني
راشد : لا ملزوم ملزوم يا ريهام لو يطلع عندج 12 اخو بتحملهم وامج مثل امي وبحطها بعيوني لا تردين علي الحين عفيه فكري روحي لندن وردي ورديلي خبر بس عفيه لا تعدميني
رجع لهم مبارك : جنكم استانستووو يالله كافي
راشد : ههههههههههه أي بس خلاص كافي صح
انتبهت ريهام على ايدها الي للحين ماسكه راشد وجنها ما صدقت رجع لها ومسكته ماتبي تهده مره ثانيه وجنها تبي تودعه ؟؟؟؟؟؟؟؟؟؟؟؟؟؟؟؟
مبارك : احم احم انا اهني ترى
هدت ريهام راشد واهي تضحك وراشد مسح على راسها : تروحين وتردين بسلامه يا خطيبتي يعني في حال ولد عمتج ناسي انج خطيبتي
مبارك : ههههههههههه لا مو ناسي بس ماعندنا هالسوالف
طلع مبارك ووصل راشد وقعدت ريهام مكانها محتاره اهي عقلها وقلبها وروحها يبون راشد بس خايفه تظلمه معاها لوضع اخوانها
نزلت عمتها مع امها وقعدووو معاها
شنو بيقولون لها وشنو بيكون قرارهااااااا
وبراك شفيه مع مثايل ليش تغيرر صح كلا شريفه تتوقعون
وشريفه ويوسف بيقدر يقرب لها بلندن ؟؟؟؟
MeeMeeYoo_2
New member
DALLY
New member
بعد عمري والله عادي حيرينا وشوقينا
توقعاتي
ريهام بتظل على رايها على ابو ان ماتبي تشييل راشد الحمل وعشان احساسها بالذنب بس اتوقع امها وام مبارك راضيين براشد
براك ومثايل كلش مو على بالي اي توقع بس ماادري احساسي ان هو كابتن ومليون الف وحده يشوفها يعني ماادري هل هو صادق مع مثايل او كان مجرد اعجاب
يوسف وشريفه امممم اكيد يوسف بيحاول يتقرب منها وهي بتم تصده
ناطرينج عسوله
توقعاتي
ريهام بتظل على رايها على ابو ان ماتبي تشييل راشد الحمل وعشان احساسها بالذنب بس اتوقع امها وام مبارك راضيين براشد
براك ومثايل كلش مو على بالي اي توقع بس ماادري احساسي ان هو كابتن ومليون الف وحده يشوفها يعني ماادري هل هو صادق مع مثايل او كان مجرد اعجاب
يوسف وشريفه امممم اكيد يوسف بيحاول يتقرب منها وهي بتم تصده
ناطرينج عسوله
miss-_-smart
New member
pearlq8
New member
- إنضم
- 31 أكتوبر 2007
- المشاركات
- 710
- مستوى التفاعل
- 0
- النقاط
- 0
امممممممممم
اولا : رهام بحاولوون فيها و راح تظل متمسكه برايها و بظل راشد على كلامه ماراح يخليها .. و عقب عاد ماراح تقدر تتحمل اكثر و بترضىى .
ثانيا : اي والله براك سالفته سالفه ما ندري شصار عليه بس ما اتوقع ان يخربط ولا شي ... بس في سر بالموضوع الي راج نعرفه منج قريا ان شاء الله :d
و يسلموووووووووووووووو ناطرينج نبي احداث اكثر هالجزء شوي مافيه احداث :] و يعطيج العافيه حبيبتي
اولا : رهام بحاولوون فيها و راح تظل متمسكه برايها و بظل راشد على كلامه ماراح يخليها .. و عقب عاد ماراح تقدر تتحمل اكثر و بترضىى .
ثانيا : اي والله براك سالفته سالفه ما ندري شصار عليه بس ما اتوقع ان يخربط ولا شي ... بس في سر بالموضوع الي راج نعرفه منج قريا ان شاء الله :d
و يسلموووووووووووووووو ناطرينج نبي احداث اكثر هالجزء شوي مافيه احداث :] و يعطيج العافيه حبيبتي
dlo3t^baba
New member
- إنضم
- 24 مايو 2008
- المشاركات
- 1,102
- مستوى التفاعل
- 0
- النقاط
- 0
