OoOoO تجمـع قسـايـم صبــاح الاحمــد OoOoO / تم دمج المواضيع

[مي الحلوة]

رد: عريفجان ؟؟وشنو الحل؟

بصراحة اختى كارلوفي فاري..حتى انا ودي اعرف اكثررر..عن احسن شركة بناء ..وشلون على التصميمات ناخذهم جاهزة
ولا نروح مهندسين وهم يضبطون لناااا التصيميم..انا حدي محتارة..
وتهقون بنات 70 الف تكفي ولا لا؟؟لانا بنبنى بس دورين ونص..زوجي كل يوم له اقتراح يقول يمكن يسلمهااا مقاول..
اختى كارلوفي فاري..احنااا قطاع سي ..انتم اي قطاع..ان شاء الله نطلع جيران..

 

[كارلوفي فاري]

رد: عريفجان ؟؟وشنو الحل؟

بصراحة اختى كارلوفي فاري..حتى انا ودي اعرف اكثررر..عن احسن شركة بناء ..وشلون على التصميمات ناخذهم جاهزة
ولا نروح مهندسين وهم يضبطون لناااا التصيميم..انا حدي محتارة..
وتهقون بنات 70 الف تكفي ولا لا؟؟لانا بنبنى بس دورين ونص..زوجي كل يوم له اقتراح يقول يمكن يسلمهااا مقاول..
اختى كارلوفي فاري..احنااا قطاع سي ..انتم اي قطاع..ان شاء الله نطلع جيران..

هلا اختي مي -زوجي بياخذ بقطاع سي يقول انه احسن والظاهر انه 70 الف تبني دورين ونصف وسرداب تقربا بس مااتوقع حق اللي يبي يبني 600 متر -وبالنسبه لزوجي عندنا وعندج خير نفس الشي مايدري شنو يبي -ياختج هالعريفجان طلعتهم من طورهم -وانشالله نطلع جيران

 

[مي الحلوة]

رد: عريفجان ؟؟وشنو الحل؟

هلا اختى كارلوفي..شلونج ان شاء الله بخيررر:friends:
شكل الموضوع ما يرد عليه الا انا وانت ما في احد..:eh_s(9):
يالله الله يرزقج بالبيت المبارك ان شاء الله..عاد من كثر ما اقرى عن مدينه صباح اكثر اللى
بيبنون فيهااا ما راح يبنون 600 كلهااا لان القرض الاسكاني ما يكفي..والله ونستينى يوم قلتى ان 70 الف
تكفي دورين ..الحمد الله لاننا ما لنااا خلق بعد قروض..

 

[البرق80]

رد: عريفجان ؟؟وشنو الحل؟

عاد تدرون انا ما ودي اضيق خلقكم بس اختي بالاسكان تقول التخصيص وصل لي 12/2000 حق مدينة صباح واحتمال يدخلون على ال

2002 لان وايد رافضينها ومو قاعدين اييون اخصصون والخبر الثاني ان الاسكان الحين بتفتح التوزيع بمدينة جابر حق قطعتين

احنا المفروض اروح انخصص حق مدينة صباح بس ريلي رافض نهائيا حاولت معاه ما كوفايده اقول اقعد طول عمري باجار ولا اقعد بالبر

فالحين بننطر ليما يوصلنا التبديل او انشوف البديل عن مدينة صباح والله في ناس بالها طويل من 93 ولي لحين توهم يستلمون اراضي يعني

هذيل اشكثر ارفضوا...

وفعلا انا لما شفت المخطط مال المدينه مو كل الوزارات راح اكون فيها افرع بس وزارة التجاره والماء والكهربا والاسكان انزين في اماكن

وايد لايمكن اكون فيها افرع مثل الديوان الاميري ومجلس الوزرا وديوان المحاسبه ديوان الخدمه المدنيه هالاماكن ما حطوا افرع بالمحافظات

بحطون بالبر... وبنفسهم المسئولين اقولون يبيلها مو اقل من 8 الى 10 سنوات عشان تكتمل كل الخدمات يعني خل اخلصون المشاريع اللي

بالديره عشان يلتفتون حق البر...

ادري هثرت وايد بس من حر ما فيني...

 

[كارلوفي فاري]

رد: عريفجان ؟؟وشنو الحل؟

الله المستعا-شنسوي على قولة المثل على قد رجولك مد لحافك وهذوله ناس ماشاللله راهين والله مااصبروا كل هالوقت الا انهم مو حاسين بضيقه وعندهم فلوس متكلين عليها -وفي ناس بعد من كثر ماتحب تجمع فلوس مستعدين يسكنون عند اهلهم 20 سنه -في ناس اعرفهم والله زوجوا بناتهم وهم للحين عند اهلهم -بس عزائنا الوحيد اننا في وسط الديره يعني اذا نقصنا شي يوم بالاسبوع نروح ونقضي شغلاتنا يعني نصير مثل الكويت اول لما كانوا يبون يروحون الفنطاس يقولون انه سفر وانهم بيحدرون للفنطاس -احنا جذي بنصير - اختي مي الحلوة حياج الله ياقلبي احنا بندردش بالقسم هذا عن عريفجان ليما نسكن بيوتنا انشالله

 

[مي الحلوة]

رد: عريفجان ؟؟وشنو الحل؟

اختى البرق 80 ..صراحة اللى ساكن عند اهله مو مثل اللى طول عمره اجار وحالته حاله وكل يوم في منطقة تدرين ان اخر مرة اكثر المؤجرين يقولون ما اناجر اللى عندهم 3 عيال.. يالله بطلعة الروح لقيناااا واحد الله يجزاه خير اجرناااا..يعنى وين نروح اليوم بنلقى اجار بكرة بيقولون لا..انتم عوايل كبيرة..طيب زين وين نودي عيالناااا..
غير جذيه المؤجر اذا حب يطلعك يطلع الف عذر..ابي ازوج ولدي ولا ابي ارمم البيت..واحنااا حالتنا حاله من شقة لشقة..
الحمد الله انا الله رزقنااا بيت لنااا ولعيالناااا..
غير جذيه الحمد الله السيارة ما في شيء بعيد عليهاااا..
امي الله يخليهااا لي تقول قبل لما طلع لهم بيت بالمنطقة العاشرة وهم كانوااا ساكنين حولي..قالوا الناس وين تروحون المنطقة العاشرة
بعيدة وانتوااا مو صاحين..وشوفي الدنيااا تغيرت والكويت كبرت..وصارت المنطقة العاشرة كل شيء فيهاااا..
يعنى ان شاء الله ما في شيء يقعد على حاله..ولازم نقتنع ان الشعب قاعد يزيد وان لازم تكون في مناطق شوى بعيده..
يعنى مو معقوله في منطقة بتقوم من غير خدمات..هذا رايي..
اختى كارلوفي..الله يحييج ان شاء الله.. واللى يبي يدردش ويانا حياة الله..
يمكن احنااا اليوم متخوفين من المنطقة من كثر ما سمعناااا عنهااا..بس يمكن لاسكناها شوي شوي نحبهااااا..

 

[كارلوفي فاري]

رد: عريفجان ؟؟وشنو الحل؟

هلا يفج مي -اي والله انه الخوف موجود والملامه علينا كثيره بس لازم نصبر نفسنا وكل مانسمع خبر حلو راح نونس روحنا -ومن الاخبار الحلوة اللي بس للحين تحت الدراسه انه راح يخلون قرض صباح الاحمد يوصل لي 100 الف الله كريم -بس الموت راح يزيدون المقاولين الشغل -مو كافي انهم راح يتحججون بالطريق وبيزيدون السعر واذا خلوها 100 شراح يسوون

 

[مي الحلوة]

رد: عريفجان ؟؟وشنو الحل؟

شلونج اختى كارلوفي..ان شاء الله بخيرر..
بالنسبة للقرض الاسكاني اذا صار 100 الف راح يرتفع كل شيء..عشان جذية ياليته ما يزيد..
اذا يبون يساعدون سكان مدينه صباح الاحمد..يدعمونهم اكثر بمواد البناء من حديد واسمنت بالنسبة لي هذا
احسن..:eh_s(10):
وترى امس كان في قرعة على قسايم صباح الاحمد<<<< متابعة الاخبار عدل
ومبروك للي طلعت لهم القسايم والله يرزقنااا ويرزقهم بالجيرة الطيبة..
عاد رفيج زوجي داش القرعة امس ولما كلمه زوجي
قاله هاااا بشرر قال قسيمة سد ولد <<<قلت الحمد الله مو بس احناااا:weight_lift:
ما ادري قبل قالوااا المنطقة ما راح يكون فيهااا سد ولد..الحين اكثر المواقع سد ولد..
وان شاء الله اختى كارلوفي من اسمع خبر حلوو مني مناك عن منطقة المستقبل احطه على طول بالموضوع..
والله الظاهر ما في احد مقتنع بالمنطقة الا انا وانتى..

 

[كارلوفي فاري]

رد: عريفجان ؟؟وشنو الحل؟

هلا فيج اي والله محد مقتنع ويقص على روحه الا انا ونتي -وزوجي الله يستر هالايام كانه خامه بليس -لانه قعد يشوف ناس قاعد ترفض -هذه مشكلة الكويتين واحد يخرب على الثاني

 

[روحي زوجي]

رد: عريفجان ؟؟وشنو الحل؟

يا حليكم والله سوالفكم تونس مي و كار لوفي

<<< انا طلب 97

وكنا متطرين انا ناخذ بسعد العبدالله بس الله ماكتب لنا وكا احنا ننتظر البيوت الحكوميه علشان نبدلها ويمكن مايحوشنا بعد والحين سمعت خبر اكو منطقه جديده اسمها قسايم النسيم بين منطقة سعد العبدالله ومنطقه النسيم ومساحتها 500 وللحين ماندري متى يوزعونها وعن منطقه صباح الاحمد ناس واجد راح تسكنها لانهم منحدين عليها من الاجارات ورفيج زوجي راح يسكن فيها ويبني 400 متر والباقي حديقه واسئل ربي ان يهنيكم ببيوتكم ويرزقني ببيت عاجلا غير اجلا يارب

 

[البرق80]

رد: عريفجان ؟؟وشنو الحل؟

متابعه .... متابعه

حلوه سوالفكم... :eh_s(9): :eh_s(9):

 

[مي الحلوة]

رد: عريفجان ؟؟وشنو الحل؟

هلا بنات شلونكم ان شاء الله بخيررر..
روح زوجي.. الله يرزقكم ان شاء واليوم قريت بجريدة الوطن انهم بيسلمون 443 بيت في سعد العبد الله
ان شاء الله يحوشوكم..عاد لاتنسين تبشريناااااا..بالنسبة للمنطقة اللى تقولين عنها قسايم النسيم والله ما سمعت فيهااا يمكن خبررر طازه

**************************
اختى كارلو في..ذاك اليوم رحنااا انا وزوجي في رحلة ميدانية عشان نشوف بعد مدينه صباح الاحمد عن المنطقة العاشرة
زوجي يبي يعودني على الطريج.. والله شفنااا كذا سيارة بعد وافقين عند المشروع يتفرجون اعتقد بعد القرعة جايين يشوفون
المنطقة..وولدي يقول بابا احنااا بنسكن بالصحراء..بس صراحة بئر برقان بعيد عن المنطقة..والمنطقة يقولون فيهاااا روايح مو طبيعية
عاد والله المنطقة مو لهدرجة ملوثة لناااا ما شمينااااا شيء فيهااااا كان جوهاااا زين ..بس يقولون ان في ناس تطلع هالاشاعات ما تبي احد ياخذ فيهااا لان مدينه صباح الاحمد راح تغطي اكثر الطلبات اذا ما ني غلطانه 11 الف وحده سكنية..
***************
حياج الله اختي البرق 80..شاركيناااا..والله ما عندهااا الا هل الموضوع نتكلم فيه عن هالمنطقة اللى من طلعت والكل يذم فيهاااا
بس قالوااا شحادك يالمسمار قال المطرقة..يعنى احناااا والله حتى لو مو مقتنعين بالمنطقة شنو نسوى ..مافي بديل..
ترى خاصة اللى طلباتهم 96 /97/98 هذي المنطقة اللى تحوشهم..
ما اقول الا الله يرزقناااا بالمنزل المبارك والجيرة الطيبة..

 

[كارلوفي فاري]

رد: عريفجان ؟؟وشنو الحل؟

هلا والله بحبيباتي مي الحلوة والبرق وحياج اختي رو حيزوجي معانا وخليج وينا متابعه الموضوع وعسى الله يفرحنا بالبيوت المباركه

اه يامي لو يقرى زوجي عن روحتج لصباح الاحمد بياكلني بقشوري
مره ثانيه كتبي تهبل وشزينها وياحلاتها وحذفة عصى وحواليها هالخضره والعشب الاخر ولا يقولون بيطلع فها نهر وبيصير طق عصي على البيوت اللي حوالين النهر -شرايكم الحين بعريفجان تسوى نروح لها صح -راحت عليج ياروحي زوجي بدلوا من سعد العبدالله

 

[دانه بعين رباني]

رد: عريفجان ؟؟وشنو الحل؟

انا بعد محتاااااااااااااره مثلكم انا موبخاطري وخايفه من البعد لان اهلنا كلهم بالمناطق الداخليه
المشكله ان البيوت غاليه حيل حتي بيوت الحكومه مرتفعه اسعارها

بس مدام انتو بعد مثلي عجل يالله خلونه نكنسل فكرة شراء البيوت ونروح لصباح الاحمد عل وعسى نرتاح فيها

 

[لوكريسيا]

رد: عريفجان ؟؟وشنو الحل؟

بنات شلون تقولون وصل التخصيص شهر 12 سنة 2000 و احنا مادرينا و لا احد بلغنا احنا شهر 7 سنة 2000؟؟؟؟؟؟؟

 

[كارلوفي فاري]

رد: عريفجان ؟؟وشنو الحل؟

انا بعد محتاااااااااااااره مثلكم انا موبخاطري وخايفه من البعد لان اهلنا كلهم بالمناطق الداخليه
المشكله ان البيوت غاليه حيل حتي بيوت الحكومه مرتفعه اسعارها

بس مدام انتو بعد مثلي عجل يالله خلونه نكنسل فكرة شراء البيوت ونروح لصباح الاحمد عل وعسى نرتاح فيها

اي والله يادانه خليج ويانا وكلنا نقول نعم لعريفجان :denya:وانشالله تصير المنطقه هذه عمار بسواعدنا وتحدينا للمستحيل ولا لشراء البيوت :0bee2e8d89:
(مو حاصله )

 

[كارلوفي فاري]

رد: عريفجان ؟؟وشنو الحل؟

بنات شلون تقولون وصل التخصيص شهر 12 سنة 2000 و احنا مادرينا و لا احد بلغنا احنا شهر 7 سنة 2000؟؟؟؟؟؟؟

شكله زوجج من طقة اللي عندي داري بس مطنش

 

[CrystalQ8]

رد: عريفجان ؟؟وشنو الحل؟

مرحبااا ياحلوات

اللي يتحلطمون يقولون منطقه بعيده كل شي تقربه السياره الكويت تفرينها بساعه اهم شي بيت تستقرين وتستقلين فيه انت وعيالج لا قرض ولادين تقاسطينه سنين
انا ودي فيها مع ان اهلي بالمنطقه الرابعه بعيد علي بس بيفتحون الدائري الثامن بتصير المنطقه قريبه ربع ساعه الله يكتب لنا الخيره
ادعولي يابنات بيتعاجلاغبر اجل
الله يهديك يازوجي

وهذه ورده للي طلعت لهم بيوت الله يهنيكم:tek:

 

[مي الحلوة]

رد: عريفجان ؟؟وشنو الحل؟

شلونكم بنات ان شاء الله بخيرر..:eh_s(9):
بصراحة انا حدي خايفة زوجي ما عمره بناااا ولا يعرف بالبناء..ومفكر ياخذ مقاولين وانا اقول لا سلمهااا شركة
تكفون اذا تعرفون احد بناء عند مقاول زين ولا شركة قولولي..:eh_s(22):
غير جذيه ناخذ تصميم جاهز ولا نروح للمهندس هو يسوى لناااا التصميم اللى نبيه..
تصدقون من طلعت لنااا القسيمة وانا اللى حالتى حاله ولا زوجي عادي عندي يقول انتى شنو فيج تاكلين بعمرج..
بعد شسوي لازم احاتي ..هذا بيت العمر ..
سمعت ان في قرعة الاسبوع الجاي..يالله الله يوفق اللى بيدخلونهااا..:bye22:

 

[لوكريسيا]

رد: عريفجان ؟؟وشنو الحل؟

صباح الخير بالليل

كارلوفي .. لا ممسكين امس لما قلتله ان واصل دور التخصيص شهر 12 /2000 اليوم من الصبح راح الاسكان و سأل و تأكد و عطوه طلبات ان لازم اييب اوراق من التأمينات و نزع ملكية و هالسوالف

يالله الحمدلله تحركنا شوي و الفال لما نستلم ورقة البيت