OoOoO تجمـع قسـايـم صبــاح الاحمــد OoOoO / تم دمج المواضيع

[مي الحلوة]

رد: عريفجان ؟؟وشنو الحل؟

استخيري وتوكلي على الله..الوحده ودهاااا بيت لهاااا مو كل يوم بمنطقة..ودهااا بحديقة لعيالهااا..
خلاص تعبنااااا..ودناااا نستقررر..والله يرزقنااا المنزل المبارك..ان شاء الله..

 

[أغلى حبيبه]

رد: عريفجان ؟؟وشنو الحل؟

انا خذيت فيها

وشهر 6
2011 نستلم الارض ان شاءالله
الحين بلشوو بالبنيه التحتيه وبعد سنه اتخلص

والبيوت 600 متر غير الارتداد واذا حضكم حلو يطلع ع الزاويه ولاالشارع الرئيسي

يعني شي حلوو

ومافي شي بعيييييد ع السياره

 

[أسولة]

رد: عريفجان ؟؟وشنو الحل؟

الأخت إلي قالت صباح الأحمد (عريفجان سابقاً) ابعد من ام الهيمان حبيت أصحح معلومتها منطقة صباح الأحمد أقرب من أم الهيمان لأنه منطقة صباح في ميناء عبدالله الوفرة مقابل داومي بالضبط وإلي متخوفه إن راح تكون بعيدة لاتحاتي راح يفتحون دائري ثامن جديد ويبيلها المنطقة 3 سنين​

 

[كارلوفي فاري]

رد: عريفجان ؟؟وشنو الحل؟

يعطيكم العافيه جميعا وانشالله تطلعنا بيوت مواقع ونكون جيران ونسوي دوانيات نسائيه والله يوفق الجميييييييع

 

[البرق80]

رد: عريفجان ؟؟وشنو الحل؟

انا بعد نفس حالتج طلبي في صباح الاحمد وريلي كلش مو عاجبه تبون الصج عنده حق انا شفت موقعها عالخريطه تدرون وين بعد استراحة

الادعمي بكيلوا تقريبا دخلت مزارع الوفره اللي تبي تشوفها تدخل موقع المؤسسه العامه لرعايه السكنيه وتشوف كل المدن الجديده واصلا

ماراح اكون فيها افرع من الوزارات حسب ما هو موجود عالخريطه يعني انا دوامي بشرق الساعه جم اطلع الصبح ؟؟؟؟؟؟؟

ولا انام بالدوام يعني وارجع البيت بالعطله شالسالفه الديره متروسه اراضي فاضيه ويحذفونه عالحدود ليييييييييييييييييش شي يقهر ريلي اقول

مستعد ابدل بمدينة سعدالعبدالله بيت حكومه ولا اروح آخر الدنيا ....

لو الناس كلها اعترضت عالمكان جان الحكومه ماتشجعت وبنت فيها

 

[مي الحلوة]

رد: عريفجان ؟؟وشنو الحل؟

في ناس واجد بياخذون فيهاااا..
وصج المنطقة بعيده بس ما في بدائل لهاااا..ومشروع غرب هدية للحين معلق واحتمال يجي واحتمال لا..
يعنى مافي شيء اكيد..واحنااا تعبنااا من الانتظار صار لنااا 12 سنه ايجارات..وصراحة مافي حل الا انا ناخذ فيهااا
وبعدين مدينه صباح الاحمد هي اول مدينه متكاملة على كلام الحكومة..انا وزوجي استخرنااا وخلاص بناخذ فيهااا..
اهم شيء نضمن مستقبل عيالنااا..ونضمن لهم بيت..الواحد مايدري شنو يصير له بكرة..
في ناس اعرفهم بياخذون فيهااا وهم مو مقتنعين بس يقولون بنشوف يمكن صج المنطقة تقوم وتطلع زينه..
والله يرزقناااا ان شاء الله المنزل المبارك..

 

[مي الحلوة]

رد: عريفجان ؟؟وشنو الحل؟

ادعوااا لزوجي بكرة بيدخل القرعة ..الله يرزقنااااا بيت على ثلاث شوارع
ويرزقنااا ان شاء الله بالجيران الطيبين..
حدي متحمســـــــــــــــــــــــــة..

 

[البرق80]

رد: عريفجان ؟؟وشنو الحل؟

مي الله يرزقكم بالمكان الزين انشاءالله بس متى تستلمون القسيمه وتبنون وانتو طلبكم اي سنه

 

[لوكريسيا]

رد: عريفجان ؟؟وشنو الحل؟

أغلى حبيبة .. وين وصلوا اي شهر و اي سنة .. جنه ليلحينهم شهر 12 1996 ؟؟؟؟

 

[أغلى حبيبه]

رد: عريفجان ؟؟وشنو الحل؟

مي الله يرزكم احلى موقع

بشرينااا

 

[أغلى حبيبه]

رد: عريفجان ؟؟وشنو الحل؟

أغلى حبيبة .. وين وصلوا اي شهر و اي سنة .. جنه ليلحينهم شهر 12 1996 ؟؟؟؟

لا واصلين سنه 99 الحين

وباجر قرعتهم

 

[al7noona]

رد: عريفجان ؟؟وشنو الحل؟

حبيبتي انا موظفه بالاسكان

اوصلوا الطلبات التخصيص لي شهر 6-2000

انصحج تقدمين فيها وترى قاعدين يوزعون فيها

وزعوا دفعات شهر 12 و1 و3 والتوزيع يكون على المخطط سنه او سنتين تبدون تبنون انشاءالله والسنين تركض ماشالله

 

[al7noona]

رد: عريفجان ؟؟وشنو الحل؟

حبيبتي انا موظفه بالاسكان

اوصلوا الطلبات التخصيص لي شهر 6-2000

انصحج تقدمين فيها وترى قاعدين يوزعون فيها

وزعوا دفعات شهر 12 و1 و3 والتوزيع يكون على المخطط سنه او سنتين تبدون تبنون انشاءالله والسنين تركض ماشالله

 

[البرق80]

رد: عريفجان ؟؟وشنو الحل؟

احنا طلبنا شهر 6/2000 اختي تشتغل بالاسكان قالت لي تعالوا خصصوا لان بيعطونا بصباح الاحمد بس ما دري ليش مو مستوعبه البعد

 

[حروف من ذهب*]

رد: عريفجان ؟؟وشنو الحل؟

توكلي على الله وخذي عرفجان احسن من بيت الحكومه النتفه
رفيجتي طوفت ام الهيمان والحين متحسفه تقول ياليتني ماخذه من بيوتها وهي الحين بشقتها
لا طوفينها تر رزق وجايج لا ترفسينه

 

[مي الحلوة]

رد: عريفجان ؟؟وشنو الحل؟

احنااا طلبنا 98 وزوجي داخل احتياط..بس جنى سمعت انهم وصلوااا ل2000
على قولة احتى الحنونه السنين تركض..ومحد ياخذ الا نصيبه..واول شيء الله يرزقنااا بالجيران
الطيبين..ومشكورين خواتي على الدعوة الحلوة منكم..

 

[أغلى حبيبه]

رد: عريفجان ؟؟وشنو الحل؟

هاا مي دشيتو القرعه ولا بعدكم

 

[البرق80]

رد: عريفجان ؟؟وشنو الحل؟

ايه والله بشرينا مي اشصار على قرعتكم

 

[ام _خلودي]

رد: عريفجان ؟؟وشنو الحل؟

بيييييه توا الناس علينااا

احنا شهر 9 /2004

يبلنااا جم سنه

 

[كارلوفي فاري]

رد: عريفجان ؟؟وشنو الحل؟

هلا بحبيباتي والله تفاعلكم رفع المعنويات وانشالله انكم تكونون جاراتي بس الاخت مي طمنينا -والله تصدقون احنا 98 شهر 9 والظاهر طافتنا القرعه زوجي يقول بانطر قطاع سي والله مايندرى عنه الله يستر