تجمع امهات العالمية الامريكية

[lyale]

شلونكم امهات العالميه اخباركم انا عيالي مدرستهم حفلة العيد الوطني الاربعا باجر بس شرايكم بالجووو ما يشجع حق احتفالات خصوصا عيالنا ما يحتملون الغبار كله امراض

 

[mr000]

سلام أمهات اشلونكم.. اليوم الجو استغفرالله كلش مو شي.. وديت ولدي المدرسه ودخلت كلمت السكرتيره عن التيوترينج ودفعت له حق شهر بعد تيوترينج تالي مريت الجمعيه شويه ..ماشاءالله ماجني البارحه بمركز سلطان تارسه العربانه.. بس لازم هم ناقصنا شي..ورديت البيت شفت بنت ولدي قاعده من الصبح وشكلها دايخه أخذتها نيمتها وحطيت راسي ونمت معاها لي ال10.. استغفرالله الغبار داش ابلاعيمنا حتى وآنا نايمه أحس بغبار في بلاعيمي..بس لاحظتوا أن الجو بارد مو مثل اليومين اللي طافوا كان حر! نونا مسكين ولدج اي مسيره مودينهم بهالجو موزين عليهم.. والله الهنود والفلبن ماشاءالله عليهم هم اللي لابسين كمامات ..حتى الحارس المصري مال المدرسه لابس كمام..!!كراميلا عاد على حظج حق ردتكم قلب الجو غبار بس ان شاءالله يتعدل الأيام اليايه..فوز ارتاحي وشبعي نوم تالي ان شاءالله لي الله سهل عليج وولدتي بالسلامه وراج سهر ونوم مقطع.. استغلي هالفتره وارتاحي..!!أهلين ليالي اشلونج.. لو يسوون حفلتهم بالمسرح او صالة الرياضه أحسن عن هالغبار!

 

[bella bambina]

هلا والله أمهات اشلونكم مع الغبار ؟
فوز آنا دلول لازم اتييب بيتزا و عصير فباجر لازم أطلع أبجر بعد من كل يوم فوز آنا ماني موديه بعد اكل كويتي آنل اللي فهمته نييب بس اللي طلبوه من كل ياهل وبعدين أخاف اليهال بياكلون اكل كويتي وباخذ حق اخوانها بعد رفيجتي يايبه لها نفنوف قياس 4 حسبالها بنتي تلبس نفس عمرها رحت أمس أبدله ما لقيت ولا رضو يردون الفلوس فاضطريت آخذ مثل تنوره وجليه على علم الكويت ولازم أدور بدي تحته والله مو عاجبني بس شسوي باجر اذا فيه غبار راح يلغون الباريد

 

[ReeMaN]

سلام يالغاليات

شلونكم وشلوننكم مع الغبار اليوم . يالهوييي شي مو طبيعي وسبحان الله الجو بارد ... مادري ولهان علينا الغبار من زمان مازارنا

طالبين من ولدي صحون بلاستيك .... و اكله كويتيه قديمه ماكو الا الغريبه ماشالله المدرسه كلها بتييب غريبه هههههههه

 

[mr000]

سلام أمهات اشلونكم..بيلا عندج كيك آندبيك بشارع بن خلدون بظهر المدرسه يفتح مبجر تقدرين تاخذين منه بيتزا صغار وهم يمه امبرس.. قبل الكريسمس لما كانوا بيسوون حفله بالصفوف وبقى ولدي يودي معجنات ودونت رحت المغرب وصيت كيك آند بيك بمشرف ودفعتله وقلتله أبي استلمه من المحل اللي بشارع بن خلدون,, ومرينا الصبح 7 واحنا رايحين المدرسه استلمناه.. وقالي هالمره لي بقيتي بس طلبي بالتلفون ولما تستلمينه دفعي هناك عادي..وترى عنده الحلويات الكويتيه.. الغريبه والسمبوسه الحلوه مادري إذا لها اسم ثاني.. وشغلات وايد..

 

[caramella]

وييييييييييييي غبار يا حسره لما برجع صار غبار لا آنا بس ابي حر
طبعا الجو هني مو طبيعي بااااااااااااااااااااااااااااااااااااااااااااااارد ذبحنا و اليوم نزل شوي سنو و إحنا بالسياره درجة الحراره 5 برد والله متنا
عفيه لا يبرد الجو بالكويت جم درجة الحراره طمنوني بليز
الله أكل كويتي يا سلام
لو ولدي بالكويت جان قاللي سوي حق المدرسه قبوط سمالله عليه يموت عالقبوط سويت له هني قبوط و طرشت حق ريفيجتي ينت عليه عجبها --------> عاد قامت تمدح بروحها كراميلا سكتي عاد
والحلويات الكويتيه ما آحبها كلش إلا لقيمات و قرص عقيلي مال هيل و زعفران ياييييييييييييي إينن لما يه حماي قلت له ييب لي منه الله وكيلكم الطاسه خلصت بيومين لوووووول طافحه متن
عفيه فوز و بيلا بغيت أسألكم شنو حرف هالإسبوع بالعربي

 

[bella bambina]

صباح الخير أمهات
مروو صح كلامج آنا العام ماخذه من كيك آند بيك العام توني أبطل المنتدى وناسيه السالفه رحت مخبز الجمعيه من الفجر وشريت لهم فطاير وبيتزا
كراميلا ما عطتنا أبلة العربي هالاسبوع ولا ورقه يمكن اليوم تعطيهم اوراق الأسبوع اي والله ما كو أحلى من هيل وزعفران الرهش والحلوى
طبعا اليوم لغو الباريد عشان جونا وايد حلو غبار ومطر

 

[mr000]

سلام أمهات اشلونكم..اشلون الجو..شكله مازال غبار.. اليوم ماطلعت ولدي ابوه وداه بآخر لحظه تذكر ان قايلين لهم يلبسون دشاديش وغير ملابسه..آنا خلصت شغلي بالمطبخ وودي انام البارحه كلش مونايمه عدل كله بسبة القهوه شاربه بمول 360.. ماشاءالله الناس ترس المجمع ولاجنه غبار والعيال طبعا غايبين ماوراهم مدارس..آنا كنت رايحه اييب ملابس بنتي من محل هناك والشارع مايبين من الغبار..طبعا ولدي راح يبتدي بعد شوي يدزلي مسجات تعالوا أخذوني.. بحط النقال سايلنت وبنام شويه قبل لاتقعد بنت ولدي وتبتدي اللويه لي الظهر!!كراميلا والله شكلج بتلحقين على الغبار.. بعد لازم تاخذين سهمج مايصير!!فوز شخبارج اليوم..ريمان .. نونا .. المحاميه اشلونكم!!بيلا الله يعينج طلعتي من الصبح والله آنا أمس حاولت أكتب لج العصر بس كان الانترنت يفصل تالي طلعت ومافتحت المنتدى إلا بالليل قلت اكتب لج ويمكن بالصدفه تشوفينه بالليل قبل لاتتعنين الصبح مبجر!!يلا ميخالف المناسبات اليايه تذكري المحل!

 

[Fouz]

صباح الخير
شلونكم أمهات، استغفر الله شنو هالجو؟؟ هذا و احنا بشهر فبراير عيل بالصيف شبصير

اليوم طرشت السايق اييب الفطاير كنت طالبتها من أمس و قلت له يزهبها الصبح، و ابوها الله يعافيه راح الحلواجي اللي بالجمعية و ياب لها صينيتين وحدة حلوى ووحدة رهش مصفوفين في مواعين بلاستيك صغار يمكن الصينية فيها 30 او 40 علبة صغيرة وايد اظف و الكل ياخذ نصيبه بدون بربسة

بيلا هذي فرصتهم مستحيل يردون شي بايعينه، انا خذيت لها نفنوف حلو من مشغل، الله يعافيها بنت خالي ودتني حق صاحبة المشغل لانهم نسايب و كان اخر نفنوف الحمدلله على حظ بنتي صج ما فيني شدة افتر، كان يبيله تصليح و اشوة سووه بنفس الوقت، مرت اخوي تقول خذت حق عيالها من الاوقاف و تمدحهم بس انا ما شفتهم علشان احكم

أهلين مرو، والله صاجة لازم انام بس استغفر الله ما تقدرين تنامين ساعتين على بعض يا اما تكرمين حمام يا اسم الله عليكم اختنق و لازم اقعد شوي على حيلي تالي ارد انسدح، و امس بالليل احس اني اتنفس غبار مع ان الشترات مسكرة من الصبح بس غبار الكويت يدش من كل مكان

ريمان شخبارج؟ وديتي غريبة، انا وديت حلوى ورهش

كاراميلا الجو حار تطمني بس بصراحة ماكو شي غريب على الكويت والا منو يهقى ان ممكن ايينا غبار هالحزة؟؟؟ بس برد والله ما اظن راح نشوف بعد،، شعلييييج يمدحون قبوطج،، عيل حق نفاسي يالله السلامة بتتوصين فيني
بشري عسى لقيتوا حجز؟؟ ان شاءالله تردون بالسلامة، انا اخوي الثاني بيرجع اليوم ويا عايلته ان شاءالله يوصلون بالسلامة


اي خل اقولكم عن مراجعتي، الدكتور يقولي اني مطولة، الياهل ما نزل بالحوص بالمرة، السهالات من الله ان شاءالله و عسى ربي يهون علي لان ودي امشي بس ما اقدر من امشي خطوتين تحوشني مثل النغزة اخر بطني و لازم اقعد و اذا قعدت ما اقدر اقوم ورجي (وركي) يشبن على و تصير ريلي ثقيلة و بصراحة اخاف اشرب سوالف تسرع الطلق احس الشي الطبيعي وايد احسن

 

[mr000]

أهلين فوز.. يلا ميخالف لاتحاتين.. ان شاءالله تولدين بموعدج..متى ماالله أراد..وان شاءالله سهاله لاتحاتين..مره أختي لي قبل لاتولد بكم يوم والطبيبه تقولها الياهل بالعرض وماراح تولدين طبيعي سبحان الله الياهل مع الطلق لف بروحه.. حتى الطبيبه استغربت لما راحت حق الولاده قالتلها راسه بالحوض وولدت طبيعي الحمدلله..!! اليوم مثل ماتوقعت ولدي دزلي كم مسج (عفيه اخذوني والله الصبيان قاعد ياخذونهم أهلهم ومدرس السوشيال مال الحصه الأخيره يقول ماكو درس يديد نفس الدرس)..وآنا سايلنت.. بشوف أبوه لما يطلع من الدوام أقوله يروحله..

 

[ReeMaN]

صباح الجو المغبر والصدر المتنك ....

شلونكم امهات العالميات المغبرات هههههههههه امبيه لاااا اتغشمر .... يالهووييييييييييي هالجو اللي يانا شاللي صاير شي فظيع...

بغيت اغيب ولدي بس قاعد من الصبح وقال يبي يروح شوقوه الظاهر بالاحتفال اللي بيسوونه وشكله بينصدم ان ماكو باريد مسكين ....

والله مشالله اليوم اشوف اليهال تبارك الرحمن ايشوقووووووووووون ماشالله مفنتقين افكار عجيبه غريبه حتى الصبيان مفنتقين فيهم

فوز الله يسهل عليج انشالله لاتسبقين الاحداث انشالله بتولدين بموعدج بس وخرى عن الطلق الصناعي و كثر ماتقدرين حاولي تمشين تحملي

هالنغزه اللي اتييلج مع المشي ايخف انشالله ..... الله يسلمج امس مريت جمعيه المنصوريه عندهم فرع الحلواجي اخذت منهم كعك العيد

وماشالله كان فريش اخذت حق الدوام اليوم واخذت له نفسج رهش بقواطي بلاستيك صغار مع قفاجهم ( ملاعق) لغير الناطقين بالكويتي هههه

وقال يبي يوزع على صفه كاكاو حلاو من كيفه نقى لهم كاكاو بو قفجه و حلاو قلب الحب .....

كاراميلا يالج الغبار انشالله وانتى بالطياره بتعاطسين لا دشيتى الاجواء الكويتيه بالسلامه انشالله

بيلا شخبارج عساج بخير من زمان ماشفناج ......

 

[bella bambina]

السلام أمهات اشلونكم مع الغبار ؟
الحمدلله اليهال ردو مستانسين بنتي الكبيرة تسالني ليش عيال عمامها اللي بالحكومه لما تصير حفله يغيبون ليش ما يحبون يروحون يستانسون ما عرفت أرد عليها مع ان صج أمس بمدرستنا يايبين شخصيات وقلنا لهم لبسو ومسوين لهم مسابقات وهدايا بس معظمهم غايبين واليوم طبعا المدرسه تصفر
هلا والله ريمان مو بس مغبرين آنا اليوم مع المطر والغبار صرت من المطينين
فوز مو أحد يقص عليج يقول لج شربي شي يسهل الولاده بولدي خلوني أشرب خروع قمت أطلق كل دقيقه وعنق الرحم ما فتح ولا سانتي
مرو آنا عيالي دوام كامل واليوم عندهم امتحانات واملاء

 

[Fouz]

أهلين فوز.. يلا ميخالف لاتحاتين.. ان شاءالله تولدين بموعدج..متى ماالله أراد..وان شاءالله سهاله لاتحاتين..مره أختي لي قبل لاتولد بكم يوم والطبيبه تقولها الياهل بالعرض وماراح تولدين طبيعي سبحان الله الياهل مع الطلق لف بروحه.. حتى الطبيبه استغربت لما راحت حق الولاده قالتلها راسه بالحوض وولدت طبيعي الحمدلله..

هلا والله مرو، ان شاءالله ربي يسهل الامور علي مثل ما سهلها على اختج يارب، سبحان الله اخر الايام ما تطيقين عمرج والله ودي ما افكر بس مو بيدي كل ما شفت روحي تعبانة و مو قادرة اسوي ابسط الامور اقول ياربي متى اولد يالسلامة

صباح الجو المغبر والصدر المتنك ....

شلونكم امهات العالميات المغبرات هههههههههه امبيه لاااا اتغشمر .... يالهووييييييييييي هالجو اللي يانا شاللي صاير شي فظيع...

فوز الله يسهل عليج انشالله لاتسبقين الاحداث انشالله بتولدين بموعدج بس وخرى عن الطلق الصناعي و كثر ماتقدرين حاولي تمشين تحملي هالنغزه اللي اتييلج مع المشي ايخف انشالله ..... الله يسلمج امس مريت جمعيه المنصوريه عندهم فرع الحلواجي اخذت منهم كعك العيد وماشالله كان فريش اخذت حق الدوام اليوم واخذت له نفسج رهش بقواطي بلاستيك صغار مع قفاجهم ( ملاعق) لغير الناطقين بالكويتي هههه

هلا والله ريمان، انا و لله الحمد ما شفت السكة صار لي يومين، بس الغبار احس طعمه بحلجي و يخنق استغفر الله ، صدقيني ريمان انا احاول اتحمل كثر ما اقدر بس هالعوار ما ينطاق و انتي بكرامة احتاج حمام مع المشي و ماشاءالله حمامات البحر وايد تشجع انج تدخلينها
عليهم بالعافية دوامج و اليهال بالمدرسة و فعلا بنتي رادة مستانسة اسم الله عليها

السلام أمهات اشلونكم مع الغبار ؟

فوز مو أحد يقص عليج يقول لج شربي شي يسهل الولاده بولدي خلوني أشرب خروع قمت أطلق كل دقيقه وعنق الرحم ما فتح ولا سانتي

أهلين بيلا، اليوم بنتي تقول مس مروة قالت لها what a beautiful dress و طبعا متشققة، و تقول اكلت سنبوسك جبن مادري منو اللي يايب مع ان اللستة ما فيها سنبوسك، على سالفة يقصون علي انا حدي ما اجازف و اموت خوف و عقب تجربتج لا يحوشك بعد الوحدة مو ناقصة

 

[mr000]

السلام أمهات اشلونكم..بيلا اليوم ماأخذنا ولدي إلا الساعه 2 يعني قبل الهده بنص ساعه بس والامتحان تأجل ماخذوا تست أنجلش.. والله آنا لوشنو ماأخليه يغيب.. بالتكامل مره انكسر صبعين من أيده وجبسوها لي الكوع ومره انكسرت ريله وهم جبس لي الركبه.. خو ولدي يمشي ويتكسر.. والله كان يداوم من ثاني يوم هو وعكازاته..بس صج الحكومه مأساة يعني عيال خواتي بالمتوسط والثانويه وهم عيال حماي غايبين من أمس الثلاثا والله وكيلج بتشوفين الغياب حتى اسبوع الياي واللي يداوم بيدق من نص الدوام أخذوني محد مداوم.. مادري اشلون يخلصون المناهج..!!

 

[bella bambina]

فوز دلول على الاكل اللي ودوه اليهال تقول ما كلت شي وايد صعبه بالأكل البيتز اذا صغار ما تاكل والسمبوسه والكب كيك والكوكيز وكل الأشياء اللي يابوها اليهال ولاتجرب ما أدري ليش عيالي جذي بالأكل عيل شفتي ياهل ما ياكل ككاو وبس نوع واحد بطاط والله غريبه هالبنيه

 

[bella bambina]

اي والله مرو ما أدري اشلون بنخلص المناهج وبعدين اتيي الموجهه تناجرنا

 

[mr000]

سلام امهات اشلونكم..الحمدلله عيالكم استانسوا.. مادري أحس المدارس الخاصه حفلاتهم وانشطتهم غير تونس الياهل بصراحه بعض مدارس الحكومه إذا سووا شي أغلب الاوقات موقصدهم يونسون اليهال بس علشان جدام الموجهات وإلا المسؤولين اللي بيون من الوزاره.. وتلاقين المدرسات متوترين وزف باليهال.. ولا سالفة حفلة المتفوقين اللي تلاقينهم بالمسرح مع المتفوقين وباقي المدرسه هدد والحصص احتياط معطينهم السكرتيرات وأمينات المخزن يوقفون على الصفوف.. واليهال مساكين يملون محكورين بالصفوف.. يعني يغيبون احسن لهم!الله يخليج شوفي النشاط المدرسي عندهم اللي يوم بالاسبوع والله كان فوضى ولامنه فايده..

 

[mr000]

بيلا.. حالة بنتج مع الاكل مو غريبه آنا ولدي العود ريال ومتزوج ولي ألحين ماعنده استعداد يجرب الاكل اللي عمره ماذاقه من كان صغير يعني الفواكه حده موز وتفاح والخضروات بس خيار والأجبان ولاشي منها, و لامرق اللحم والدياي ولاالسمج والربيان مانسويه إلا إذا كان معزوم أو بيتغدى بره البيت.. لايمكن يتقبل ريحته..والله جنه وحده تتنسى تلوع جبده يدوخ مايقدر يشم ريحة سمج نفتح الدرايش ونشب بخور! مع ان ماشاءالله وزنه زين وزايد وعلى طول يسوي ريجيم ويلعب رياضه.. بس الأشياءاللي ياكلها محدوده جدا!

 

[المحامية لطوفة]

مساء الخير بنات
كل عام وانتوا بخير واجازة سعيدة باذن اللة
فوز اللة يسهل عليك وتقومين بالسلامة

 

[المحامية لطوفة]

سلام امهات اشلونكم..الحمدلله عيالكم استانسوا.. مادري أحس المدارس الخاصه حفلاتهم وانشطتهم غير تونس الياهل بصراحه بعض مدارس الحكومه إذا سووا شي أغلب الاوقات موقصدهم يونسون اليهال بس علشان جدام الموجهات وإلا المسؤولين اللي بيون من الوزاره.. وتلاقين المدرسات متوترين وزف باليهال.. ولا سالفة حفلة المتفوقين اللي تلاقينهم بالمسرح مع المتفوقين وباقي المدرسه هدد والحصص احتياط معطينهم السكرتيرات وأمينات المخزن يوقفون على الصفوف.. واليهال مساكين يملون محكورين بالصفوف.. يعني يغيبون احسن لهم!الله يخليج شوفي النشاط المدرسي عندهم اللي يوم بالاسبوع والله كان فوضى ولامنه فايده..

اايدك 100%