ظاهرة في البنات وللاسف انها ظاهرة ----------تعالوا نتناقش:

[Mrs_Efron]

لا الحمدالله يعني مروا بس مو ان كانت رفيجتي تكون وحده وسامعه طراطيش والمشكله كلام زين بحق وحده تروح تعكسه و توصله لها !@ يعني اختصار حميره!! تولي اخاف صج بس طنش تعش وتنتعش

 

[toolate]

الحمد الله ما مريت على هالأشكال او يمكن مريت بس انا من النوع الحذر جدا جدا مو اي وحده اقول لها اللي بقلبي الحمد لله وان شا الله ما اشوف هالاشكال يا رب.. اذا حبيتي ترافجين دوري البنت اللي بقلبها خوف من الله.. اشلون تعرفين البنت اللي جذي؟؟ هالشي راح يبيين من تصرفاتها

بس حبيت اعلق على شغله:: انا اشوف الأساتذه او المسؤولين اللي يتبعون هذي الطريقة ويدزون جواسيس لهم ان دل فا هالشي يدل على ضعف شخصيتة وتذبذبه و بصراحه غير مؤهل انه يمسك منصب او يكون استاذ

ياليت في جهة تقييمهم و تحاسبهم ما تخلي الجمل بما حمل يسرح و يمرح على كيفه

معاج حق وأؤيد كلامج 100%

 

[toolate]

عز الله خوش مشهد لما يطالعه واهو مصدوم نظرته مو طبيعيه


امممم


مرت علي كثييييييييييييييييييييييييييييييييييييييييييييييييير

عدد شعر راسي

يمكن بصوره اقسى من الى انتي قلتيه

واحيان كثيره بصوره اخف

بس مرت علي وايد

عن نفسي صحيح اهاوش وكل شي

بس بالحاالات هذي بالذات اسكت وامشي

اترفع عنها واتركها لربها

والحمدالله الحمدالله ما يخيب رجا عبيده


عادي يالغلا طوفي الدنيا جذي مالها امان

اي حبيبتي ، اهو اصلا مصوب بسهم وكان يقاتل بس لما اكتشف الخيانة انهد حيلة وبين عليه الالم مضاعف لدرجة اته استسلم للالم وطاح ،

صح كلامج ، الله سبحانه وتعالى ياخذ حقنا دنيا وآخرة ان شاءالله

 

[toolate]

ذم النميمة التي فيها فساد ذات البين


أخبرنا أبو الحسين بن بشران ، أنبأنا أبو جعفر الرزاز ، حدثنا العباس بن محمد بن حاتم الدوري ، حدثنا يعلى بن عبيد ، حدثنا الأعمش ، عن إبراهيم ، عن همام قال : كنت جالسا عند حذيفة مر رجل ، فقالوا : هذا يرفع الحديث إلى السلطان ، فقال حذيفة : قال رسول الله صلى الله عليه وسلم : « لا يدخل الجنة قتات (1) » قال الأعمش : والقتات : النمام . وروينا في حديث ابن عباس وغيره ، عن النبي صلى الله عليه وسلم ، في اللذين كانا يعذبان في قبرهما : « أما أحدهما فكان يمشي بالنميمة ، وفي حديث عبادة بن الصامت عن النبي صلى الله عليه وسلم في البيعة : » ولا يعضه بعضنا بعضا « ، ثم في حديث ابن مسعود عن النبي صلى الله عليه وسلم : » ألا أنبئكم ما العضه ؟ هي النميمة ، القالة بين الناس « ، وفي حديث سنان عن أنس عن النبي صلى الله عليه وسلم في تفسير ذلك . » نقل الحديث من بعض الناس إلى بعض ، ليفسد بينهم وروينا عن ابن مسعود عن النبي صلى الله عليه وسلم قال : « لا تبلغوني عن أحد من أصحابي شيئا ، فإني أحب أن أخرج إليكم وأنا سليم القلب » ، وروينا عن يحيى بن أبي كثير أنه قال : « النمام يفسد في ساعة ما لا يفسد الساحر في شهر
__________
(1) القتات : النمام الذي يتسمّع كلام الناس من حيث لا يعلمون ثم ينقل ما سمع
أخبرنا أبو عبد الله الحافظ ، حدثنا أبو العباس محمد بن يعقوب ، حدثنا الحسن بن علي بن عفان ، حدثنا ابن نمير ، عن الأعمش ، عن أبي صالح ، عن أبي هريرة قال : قال رسول الله صلى الله عليه وسلم : « تجد شرار الناس يوم القيامة ذا الوجهين : الذي يأتي هؤلاء بحديث هؤلاء ، وهؤلاء بحديث هؤلاء »

جزاج الله خير حبيبتي وان شاءالله تعم الفائدة

 

[toolate]

مروا علي هالأشكاااال

وحده كانت رفيجتي حيييل وكنت ابديها حتى على بنات خالتي واحبها اكثر من اختي وما ارضى عليها وبعدين صار بينا تج بسبب موضوع تافهه ودقيت عليها ونفست علي وانا مو نوعي احب اعتذر حق احد وانا مو غلطانه بس تنازلت عشانها ونفست فا مارديت دقيت واهي بعدها دقت تبي تطلع معاي وطلعت معاها ماكسرت فيها وردينا بس مونفس قبل بعدها انصدمت انها متكلمه عني عند واحد من اهلي صدمتنييي
انزييين ليييش ونص الي قايلته اهي جذب الله ياخذها ولايوفقها انشالله صج حرقت قلبي وانقهرت منها لان انا مع الي صار ماتكلمت عنها إلا بالزين عشان العشره الي بينا اما اهي شوهت سمعتي وياريت بس عند الي يصير لي عند وايد ناس والله يجازيها انشالله لاتقولون الله يسامحها لان لو تابت واعتذرت جان قلت ميخالف بس مبكره راسها وشايخه وناسيه اهي شنو الله لايوريها يوم حلو يااااارب

والثانيه هذي انا مسحتها من حياتي والله يسامحها انشالله لان رافجتها وكنت اعزهاا حيل بنات والله كانوا يقولون لي ترى موزينه ورايحه فيها وخري عنها وكنت اقوول حراام انتوا ماتعرفونها عدل وكنت مغمضه عيوني عن الي يقولونه اخر شي طعنتني بظهري وصدمتني والمشكله انها يت وقالتلي بويهي انها سوت جذي فيني انزييين ليييش ماكان عندها اي رد بس سويت فيها جم حركه حقيره والحين لما تشوفني تنحاش لوووووووول

والثالثه قبل فترة تعرفت على بنات وصاروا حيل معاي بس انا ماقمت اثق بأي وحده يعني بس اسولف معاهم سوالف عاديه واهي على قولتها كانت تعزنيييي حيييل وطلعات وروحات ومره كنا قاعدين تقريبا 6 بنات نسولف ولا وحده تقول بنات انا ملاحظه شي على وحده قلت لها لايكون الي فبالي وقمنا نسولف بالنغزااات بعدين البنات فهموا وعرفوا عن منو نتكلم إلا هذي قالت منو تقصدوون قالوا فلانه اليوم الي وراه رايحه قايله كل شي حقها والمشكله انها تدري ان انا وهالبنت بينا تج واهي راحت كرهتها فيني زياده وترست راسها علي زييين لييش !! ومن يومها قطعت علاقتي فيها وبرفيجاتي الي يماشونها وصار بس سلاااام بينا والحين مفتكه من القيل والقال

زين تسوين ، على قولة المثل اقرب لك عقرب لك !! الله لا يطيحج فيهم مرة ثانية

 

[toolate]

انا مستغربة منكم بنات انتو شنو متوقعين من الدنيا ؟؟!!


تبونها حلوة وكاملة وسعيدة !!!!


عيل شفايدة الجنة اذا كل شي بالدنيا حلو وصح!!


كلنا جربنا هالنوع من "الخيانة" بس مامتنا ولا تعطلنا......

انا اقول الدنيا فيها خير وعلى النيات ترزقون لا تحاتون الله فوقكم ويشوف وكل شي خيرة​

وتقبلوا رايي بصدر رحب:eh_s(7):

نورتي يا قلبي ورايج احترمه
كاني كاتبه الموضوع وعايشة حياتي ومستفيدة من تجاربي والحمدلله ، وصح الله يرزقنا على نياتنا انا على يقين من هالشي لان الله سبحانه وتعالى دايما يكشفهم على حقيقتهم ، احنا كبشر كتلة مشاعر واحاسيس طبيعي نتأثر لان حبيناهم وتقبلي رايي يرحابة صدر

 

[toolate]

مرت علي هالأشكال هذي واااااااااايد ومن أقرب الناس لي الي اهي رفيجتي وكانت كانت توأم وحي 7 سنين معاها واخر شي تتهمني بشي انا ماسويته لها وشوهت سمعتي عند اهلها الي كانوا يعزووووني حيل الله يسامحها ان شاءالله

الله يسامح الجميع

حبيبتي هذي باجر تعض اصابعها ندم لما تدور الدنيا ويصير لها نفس الموقف من وحدة العن منها وحزتها تذوق من نفس الكاس

 

[toolate]

اي صح في نوعية تبني صداقاتها مع الناس

على النميمة والنفاق والخيانة

ما تدري انها وسيلة راح تنتهي صلاحيتها بأقرب وقت

انا للاسف مروا علي اهل من هالنوعية مو اصدقاء

والله يا قلبي حتى انا ، لكن الفرق ان الاهل ما نختارهم ونختار الصديقات .. والمشكلة باختيارنا ..

الحمدلله على كل حال

 

[toolate]

ماااااااااااااالت عليهم اللي جذي :cxxxp:

اي بس ديري بالج منهم حبيبتي

 

[toolate]

بـفهم شي واحد ليش الناس الحيين مايقدرون شي اسمه صداقه !

قليل قليل الي ينحطون علي الجرح يبري ! والله toolate عدي وخربطي بتشوفيين هالنوعيه وايييييييييد !

احس عيوني صاروا كبااااااار من كثر ما شفت ! سينما مو عيون !

 

[toolate]

وييييييييييع هذي النوعيه ويع
عمومن احنه بزمن مافيه خير
زمن الصداقه و الوفى انتهى
انا اقول فكو نفسكم لا ترافجون و لا شي
بتحسين نفسج مرتاحه من المشاكل و عوار الراس

اسمحي لي اعارضج الراي ، في هالحالة راح يحسون انهم انتصروا واني انكسرت واهم طبعا يخسون، ولا تنسين ان الانسان اجتماعي بطبعه

 

[toolate]

والله حدها هالظاهرة منتشرة !!!

بس يعني شتسويين بعد يعني مانرافج خلاص ! صج اريح بس الوحدة تبي تسولف وتونس مو كالشيي مع خواتي طلعات وسوالف أتطق أجبودنا !!

أنا صارتلي هالشغلات عدي وخربطي بس انا من النوع اللي ماوقف عالوحدة وأحاسب عموماً دايماً أطنش صج اني اتضايق بس ما أحب تكبر السالفة أفوت !!!

وألحيين هابين بشي ألعن من الخيانة
بلا ( الخيانة ) مصيرها تنفضح بس شتسوون إذا كانت رفيجتج
أتطنش وماتدق وإذا شافتج أتسلم أبرود :cxxxp:

وإذا تبي شغلة أتصير أتدق وتسلم وجنى البخت :eh_s(14):

بلا شتسوين ؟؟؟؟؟

انا إذا شفت الوحدة أتعاملنى بجفى أسامحها يمكن ظروف بس إذا مصختها عاد والله أطنشها حتى لو تسنعت خلاص ماأرد مثل أول

"ما ينفع الصوت إذا فات الفوت "​

اسم الله علينا يحسبونا اغبياء ! انا اقول طنشيها ها واذا تبين انا اطنشها معاج بعد !!

 

[toolate]

بوجهة نظري انهاا مو ظاهرة يعني
وما اشوفها منتشرة وايد والحمدلله ما سارلي موقف معا احد
ومن كل شي في الزين والشين
مشكوورة

احترم وجهة نظرج وبنفس الوقت ادري انها راح تتحول الى ظاهرة برايج اول ما يصير لج موقف مشابه

 

[toolate]

سلآم على الدنيأ أن لم يكن بهأ .. صديقٌ صدوقٌ صأدق الوعد منصفأ ..

صح لسانج ولسان الشافعي

وقال ابو العتاهية

اصبر على كيد الحسود ان صبرك قاتله
فالنار تأكل بعضها ان لم تجد ما تأكله

 

[toolate]

لا الحمدالله يعني مروا بس مو ان كانت رفيجتي تكون وحده وسامعه طراطيش والمشكله كلام زين بحق وحده تروح تعكسه و توصله لها !@ يعني اختصار حميره!! تولي اخاف صج بس طنش تعش وتنتعش

اجل ، حميرة ، حيونة ، ثم ملعنة

نعم نعم طنش واشرب الببسي

 

[Dr.Nouf]

زين سويتي ... هالأشكال حرام تنزلين مستواج لها

أنا من دشيت الجامعة وأنا ماسحة كلمة صداقة من معجم حياتي ...
صديقاتي صج... اهما اللي معاي من الابتدائي والا المتوسطة والا الثنوي ...
أما اللي بالجامعة أسميها زمالة... ليش؟؟؟ لأن أغلبهم يكونون علاقة وياج لمصله معينه إهيا الدراسة ...
هذا ما يعني اني ما أحبهم ... لكن ماخذه حذري شوي ....​

:rerrerek::eh_s(15):

 

[جان دارك]

المرضى النفسيين بهالزمن ياكثرهم

 

[CUTE ENGINEER]

الله يعين فيه من هالأشكال واااايد

بس صعب الواحد يعيش بدون صداقة

 

[toolate]

المرضى النفسيين بهالزمن ياكثرهم

اهو على الاغلب عدم ضبط للنفس ، أكثر من كونه مرض نفسي

 

[toolate]

الله يعين فيه من هالأشكال واااايد

بس صعب الواحد يعيش بدون صداقة

احنا نعيش حياتنا عادي ، الكلاب تنبح والقافلة تسير !! ماراح نسمح لهم يخربون علينا