الصراخ على الخدم ... شرايج ؟!

[blue ocean]

بسم الله الرحمن الرحيم

صباحكم ورد مورد على ايامكم ... :eh_s(7):

بنات اللي خلاني اكتب هالموضوع موقف صارلي قبل جم يوم بمكان عام ..

يمكن تقولون شي بسيط بس انا اشوفه يحز بالخاطر .. وطبعآ هذا شيء من اشياء ..

كنت قاعده بمكان عام والوضع عادي .. ماوعيت الا هاللي تصارخ ومشتطه .. وحده قعد تصارخ

على خادمه .. بس لانها سوت غلط بسيط طلعته من عينها .. وهذا اللي شفته جدامي .. صراخ ماله

والي .. الحق ينقال ماشتمتها .. لكن صرخت عليها صراخ اييب اليهد .. عشان غلطه بسيطه كل يوم يمكن نغلطها !!

اللي احب اقوله ..قوليلي شرايج بهالشي وهل انتي من النوع اللي تصارخ على خدامتها لمن ترتكب غلط او تعلمها

وتصبر عليها !! او تتغافل .. يمكن في ناس تقولي انتي متهاونه مع الخدم والخدم ماوراهم الا الشقى ؟ لا طعآ

اقولهم انا اعاملهم بما يرضي الله .. لا شده ولا لين .. عشان جذي عمرهم ماضروني .. يابنات اللي ابي اوصله

كلام يمكن سمعتوه من قبل بس لازم اقوله للي تعنف خدامتها على كلشي .. هذي روح انتي مسؤووووووله عنها جدام الله ورسوله .. حتى صراخج عليها

يجرح !! انسانه متغربه عن اهلها وحياتها وومضيعه سنين عمرها على لقمة العيش !! انتي تسوينها لاسمح الله ؟

اقول للي تعامل الخادمه بقسوه فكري الف مره اختي قبل لا تقسين عليها وحطي نفسج مكانها ... الدنيا كلها مو مستاهله ..

هذي نفس حالها من حالج قبل لا تكون خادمه فيها وفيها !!! وفي ناس وايد نست ان من معاملتها الحاده للخدم ..

الخدم ضروها ... انا ماتكلم عن العنف او المعامله الجارحه بالتحديد .. انا اشدد على التجريح او التقليل منها نفسيآ .. حرام والله

هالشي ياجماعه ..



..
بالنهايه اعذروني لو طولت عليكم ...

ورده حب للجميع .. :eh_s(17):​

 

[دنيتى زوجي M]

اكلمها واتعامل معاها بهدوووء

وتم التصويت

 

[تآعِبنْ قَلْبِيْ]

والله يوم كنت بيت أهلي ..

أتعامل معاهم كأنهم خوآتي واللهـ حتى التلفزيون يشوفون معآنآآآآ ..

( ولهت عليهم ) ^.^

الخدامه انسآنه لها مشاعر وأحاسيس والانسان مو معصوم عن الغلط
بس بعض الناس يتعاملون معاهم معامله قآآآآآسيه

ترى الخدامه فقيره مسكينه جايه من بلدها تتعب وتشتغل عشان لقمة العيش فالمفروض التعامل
معاهم يكون أرقى من هيك ..

أذكر مرة قريت عن وحده كاتبه انها مخصصه للخدامه صحون وملاعق لها بروحها
عشان ماتاكل من مواعينهم !!!
شدعوووة ترى إهي انسااانه حالها حآآآآلنا

بس شنقول بعض الناس عقولهم مادري شلون تفكر ..

مشكوورهـ ^.^

وتم التصويت

 

[katko0ota]

بما اني ضد مبدا الشغالات بالبيت و لكن بتكلم عن طريقه الوالده مع الشغاله تكلمها بهدوووء عشان ما تغلط

تقبلي مروري

 

[موت وميلاد]

اكثر ناس يكسرون خاطري الخدم

شغلتهم كلها مذله بمذله

 

[قدساووويه كووول]

تم التصويت

=======

وانا اشوف انج تكلميها بس كل هدوء هاذي احسن طريقه ,,

لان ما تسوى عليج تحقد عليج .. وتسويلج شي لا سمح الله ,.. يعني اهي بالنهايه بتروح لديرتها ولا راح يهمها شي ,,

تقبلي مرور

 

[دانه بعين رباني]

انا بصراحه خدامتي معتبرتها اختي مستحيل اغلط عليها بس بصراحه ساعات تنرفزني ومع هذا اسكت بس لازم اناقشها مااخليها تكمل الغلط

تم التصويت

 

[manhattan girl]

انا عمري حياتي ما ناشبت خدامه و لا عصبت عليها من كنت في بيت ابوي بس الحين اذا يبت خدامه اتعامل معاها عادي بس من البدايه اكون ناشفه معاها عشان تخاف مني و تتعلم مني عدل و اذا صار و اغلطت اكلمها مره مرتين ثلاث و بعدها عاد مو معقوله ما تفهم ترد و تغلط بيشتغل الالسان و الصراخ مادري بنلحق على مشاكل الدوام و الا اليهال و الا اهي موضوع قوي و حلو تسلمين حبوبه

 

[غيآبڪ عذآبي]

حمممممدلله آنا مآعمممري صصرخت ع خدآمه!!

وحييل متعآطفه معآهم

 

[SARA_912]

انا اول مستحيل اصيح عالخدامه الحين من زود التعب كله اصيح
موعشان غلطه هي كلها غلط بس عمري ماقصرت عليها كل شي موفرته لها
وهي تطلب لها اغراض ولخدامات البيت

 

[دانه الريم]

بصراحه اهى بشر مثلنا مثلهم
ولازم كما تدين تدان
يعنى يوم لك ويوم عليك
ولا تنسين كل البيت بيدها وتبقى مع اليهال يعنى من
تحسنى لها وتعامليها جيد تعطيكى افضل مما اعطيتيها ومن العكس تطلع عليج انتى بس
تسلمى قلبي على الموضوع

 

[امورة زماني]

لا اكييييد اتعااامل معها بهدؤ لانه بشر مثلي مثلها تغربت من ديرتها وتركت عيالها وزوجها وبيتها عشااان لقمة العيش مستحيل اعاااملها بقسوه وثاني شي مااضمنهاااا معروووفات الله يستر عليينا اغلبهن بالسحر والبلاوووي
يعطييييج العااافيه ياقلبو

 

[اموله111]

بما اني ضد مبدا الشغالات بالبيت و لكن بتكلم عن طريقه الوالده مع الشغاله تكلمها بهدوووء عشان ما تغلط

تقبلي مروري

نفسها بالتمام

 

[puppet]

اللي ترضى تصرخ على خدامة لازم تسأل نفسها ترضى أخد يسوي فيها جذي ؟

وما في انسان ما يغلط !! لازم الانسان يكون easygoing ويمشيها عشان الدنيا تمشي

بس مع الأسف في أوادم عايشين بالدنيا همهم يحاسبون

 

[توته وااااااااو]

اللي ترضى تصرخ على خدامة لازم تسأل نفسها ترضى أخد يسوي فيها جذي ؟

وما في انسان ما يغلط !! لازم الانسان يكون easygoing ويمشيها عشان الدنيا تمشي

بس مع الأسف في أوادم عايشين بالدنيا همهم يحاسبون

معاج

 

[happy&single]

والله بعض الحريم الله يهداهم تصرخ عليها وتهينها وتحسر فيها واخرتها تطلع من البيت وتخلي عيالها عندها!!!!؟؟
انزين اشلون ما تخافين على عيالج !!.. شنو هالترهي !!؟؟

لا والله نخاف الله فيهم ونداريهم جنهم منا واذا ما عجبني شغلها اردها المكتب وكان الله غفور رحيم
ليش اصارخ واستاثم فيها وتاليتها تسوي فيني شي ولا في عيالي!!؟؟

تدرون عاد انا شفت حلقة مسويها عبدالعزيز المسلم ان احنا صرنا خدم عند الهنود الله لا يقوله اكثر شي أثر فيني لما دخلت عليهم ياية من المكتب وسألوها عن اسمها قالت حصه ردوا عليها لا مو حلو حصه بنغيره وبعيونها الدمعه .. حطيت نفسي مكانها لو يغيرون اسمي غصبن علي احس اهانه!!؟؟
وقلت حق امي شسم خدامتنا خل اناديها فيه اهي اسمها روزالين ونسميها روز قلت خلاص بناديها باسمها بصراحة ضاق خلقي من الحلقة

 

[CUTE ENGINEER]

بهدوء وبميانة طايحة يعني نفس الخوات عاااادي

 

[blue ocean]

ماشالله الاغلبيه تكلم الخادمه بهدوء وتفهمها وهذا الصح يالغاليات ...

ان شالله دووم هالتفتح والتعامل الراقي مع الغير

مشكورين حبايبي عالمرور كلكم وحياكم الله

:aha::aha:​

 

[chanel N22]

انا والله مااحب اصرخ على احد
الرسول صلي الله عليه وسلم علمنا شلون نتعامل مع الخدم

 

[ام_يويو]

الخدم بشر وناس نفسنا بس الحاجه الى خلتهم يهدون اهلهم واعيالهم ويتغربون عن بلدهم انه وحد متغربه مع ريلى يدرس بمريكا
الصراح تعب تعب وفى كل معنه الكلمه خصوصن انه انه اعيالى اصغار بروضه و بالحضانه الواحد ما يحس إلا لمن يعيش التجربه