الصراخ على الخدم ... شرايج ؟!

[ReeMoh]

الصراحة انا اتعامل معاهم عدل لكن لي غلطوا غلطة كبر راسهم ماقدر اسكت الصراحة اهما يعلون الجبد والله
بس لما اسرخ عليهم مو جني مينونة عاد مو حيل
بس ازفهم الصراحة
وحتى احنا الموظفين ننزف من مديرنا

 

[Tutti-Frutti]

انـا طـول عـمـري مـا اصـرخ عـ الـخـدم .. واكـلـمـهـم بـهـدوء

دايـمـا احـط روحـي بـمـكـاانـهـم .. ومـثـل مـا انـا مـا ارضـاهـا عـلـى نـفـسـي مـا ارضـاهـا عـلـيـهـم
اهـم بـعـد بـشـر ولـهـم حـقـوق مـثـلـنـا

 

[Stylista_Q8]

انقهر ليما اشوف ام تقعد تصرخ من قمة راسها على خدامتها !

شخلت حق اليهال ;/ اذكر وحده من الاهل من كثر ما الام متساهلة بهالسالفة

قامت البنت عمرها 6 سنين وطقت الخدامة طق تدرين ليش ؟

لنه ما سوتلها بيض متخيله !!! عشان بيض تقعد تطقها جنها ياااااهل

ساعات الناس ينسوون انهم مغتربين وياايين من different backgrounds واللغة غير يعني مو بسرعه يستوعبون اللي نبي

يعني مراة شكبرها ياية وانتي تصرخين عليها ؟!

اصلن بعض الخدم من دووون شي يسوون سحورة هالدور نصرخ عليهم عشان القتل على طول لوول

والله يكملهم بعقلهم ان شالله ..

ومشكورة حبيبتي ع الموضوع

 

[ام ناصر 2009]

والله يوم كنت بيت أهلي ..

أتعامل معاهم كأنهم خوآتي واللهـ حتى التلفزيون يشوفون معآنآآآآ ..

( ولهت عليهم ) ^.^

الخدامه انسآنه لها مشاعر وأحاسيس والانسان مو معصوم عن الغلط
بس بعض الناس يتعاملون معاهم معامله قآآآآآسيه

ترى الخدامه فقيره مسكينه جايه من بلدها تتعب وتشتغل عشان لقمة العيش فالمفروض التعامل
معاهم يكون أرقى من هيك ..

أذكر مرة قريت عن وحده كاتبه انها مخصصه للخدامه صحون وملاعق لها بروحها
عشان ماتاكل من مواعينهم !!!
شدعوووة ترى إهي انسااانه حالها حآآآآلنا

بس شنقول بعض الناس عقولهم مادري شلون تفكر ..

مشكوورهـ ^.^

وتم التصويت

/والله نفسهاااا:rerrerek:
واعتبرها نفس اختي
عشان الله مايحاسبني
حرام فقاره
لانصير حنا والزمن عليهم

 

[علولي]

تم التصويت

وما تعودنا نهاوش الخدم لانهم بشر زينا
وما خلاهم يشتغلو خدم ويتركو اهلهم الا الجوع والفقر
الله يحفظ علينا النعمة
والحمد الله خداماتنا ما يروحون من عندنا الى اذا خلاص كبرو ومافيهم للشغل حتى اذا خلصت فيزتها
يطلبون نجددها لهم
لاني امي ما تهاوشهم ولا ترضى احد فينا يهاوش
تقول خافو ربكم فيهم
ومشكورة على الموضوع

 

[دلوعة أبوهآ]

تم التصوويت

 

[Pink.Barbie]

مستحيل اصرخ على الخدامه مستحيل

حتى لو غلطة بس اكلمها بهدوء و تعاملي معاهم جدا راقي و رسمي

والحمدالله عمر بيتنا مادخلو اي شي سواء من اكل او شرب او لبس الا واعطيناهم نفس ما اخذنا لانفسنا

حتى بالعيد نشتريلهم هدوم جديده ولمن نرجع من السفر نجيب لهم هدايه كمان

وطبعا انا ضد العمامله العنيفه للخدم سواء كانت بالكلام او الضرب

يسلموا حبوبه وموضوعك مهم وانساني

 

[دنيا رديه]

تم التصووووويت

 

[ميس الورد والشوق]

تم التصويت

واكيد اذا ابيهاا ماتكرر الغلط اكلمهاا بهدوء مهما يكوون حراام يكسروون الخااطر جايين هاديين عيالهم وبيوتهم عشاان لقمة العيش

ربي لك الحمد

طبعا مو كلهم


بس اغلبهم صج يكسروووون خااطري

ومااحب اهاوش او اعصب الا على اللي اشووف فيهاا بلاوي

هاذي عااد حاله خاصه يعني طاقه جااهل ادخل رجال البيت هذوول حسابهم ثاني

 

[Sparkle]

اكلمها واتعامل معاها بهدوووء

وتم التصويت

 

[mee.mee]

اكيييد اكلمها بهدووووء

 

[شنكولة]

تم التصويت
احنا مو سالمين واحنا نحاجيهم بهدوء نقعد نصارخ ونطق تصير جرايم الله يكفينا الشر

 

[الأماكن]

في ناس أستغفر الله ما تخاف الله بالخدم

كرف من صباح الله خير
والغدا و السبوح بالحسرة
و فوق هذا ينامون الفجر

واللي يبط الجبد إن المعزبة تقول هذه شغلتها و أقصاها خدااامة << يعني ماكينة ما تتعب

و اللي صج يحز بخاطري ... بعض الأمهات عيالهم يطقون الخدم طق حذف و صرااخ و إذا الخدامة قالت شي قاموا عليها هي بعد

أنا عيالي أذبحهم إذا صرخوا على الخدامة ... كافي انها متحملتنا و متحملة غثى عيالي

كافي إنها المسكينة مبتعدة عن عيالها و زوجها و أهلها لا نصير احنا و الزمن عليها

بصراحة اللي تصيح على الخدامة بالطالعة و النازلة ... انسانة مو صاحية و ماتخاف ربها

لو غلطت أكلمها بهدوء و بإسلوب حااازم عشان ما يتكرر الغلط .... و بس

مو أصرخ و أطق ... و بعدين أطلع و أخلي عيالي الصغار تحت رحمتها

 

[vogue grl]

والله بعض الحريم الله يهداهم تصرخ عليها وتهينها وتحسر فيها واخرتها تطلع من البيت وتخلي عيالها عندها!!!!؟؟
انزين اشلون ما تخافين على عيالج !!.. شنو هالترهي !!؟؟

لا والله نخاف الله فيهم ونداريهم جنهم منا واذا ما عجبني شغلها اردها المكتب وكان الله غفور رحيم
ليش اصارخ واستاثم فيها وتاليتها تسوي فيني شي ولا في عيالي!!؟؟

تدرون عاد انا شفت حلقة مسويها عبدالعزيز المسلم ان احنا صرنا خدم عند الهنود الله لا يقوله اكثر شي أثر فيني لما دخلت عليهم ياية من المكتب وسألوها عن اسمها قالت حصه ردوا عليها لا مو حلو حصه بنغيره وبعيونها الدمعه .. حطيت نفسي مكانها لو يغيرون اسمي غصبن علي احس اهانه!!؟؟
وقلت حق امي شسم خدامتنا خل اناديها فيه اهي اسمها روزالين ونسميها روز قلت خلاص بناديها باسمها بصراحة ضاق خلقي من الحلقة

معاها100%

 

[رفرف]

لا ما اصرخ وضد هشي طبعا ..
لان اهيه ادمية حالها من حالنا ..
احنا بدواماتنا لو مسئولينا يسمعونا كلمة انقثينا واحترينا شلون اهي مو ادمية بعد ؟؟
لا انا اصرخ ولا بناتي يتعرضون لها ولا يصرخون ولا يغلطون ولا حتى يامرون عليها بشي سخيف مثل يبون ماي او عصير يقومون اييبون لنفسهم !!
اهيه عليها الشغل والتنظيف ولي غلطت او قصرت اكلمها بهدوء ورسمية وحزم واذا مصختها اعاقبها بالشغل يعني ازيد عليها الشغل وهي تفهم انه بسبب تقصيرها ..

 

[المحاماة فن رفيع]

قوه حبيبتي
صوتت حق اعلي صوتي عليها اذا اكثر من مره غلطت بس مو دايم
الطق مستحيييييييييييييييييييييل
حرام هذي مو بنتي مره بحالها مالي شغل فيها
وبس حبيت اعلق على نكج وايد عجبني
بلو اوشن
ذكرني بعصير كله اطلبه من مطعم دعوات
لذيييييييييييييييييييييييييييييييييييييييييييييييييييييييييييييييييييذ
:d
لول
شكرا

 

[SeLf^CoNfiDeNce]

تم التصويت
و لا شي ينفع غير التفاهم

 

[miss-Dior]

انا صرااااااحه اخاف اصارخ على الخدامات ..لأني راح احتاجها في يوم من الايام..وانا الصراحه استغرب من بعض الحريم الي تهاوش خدامتها وعقب تطلع من البيت وتخلي عيالها عند الخدامه..تسمحلي اقولها انتي ما تحبين عيالج ولا تخافين عليهم ..
وخافوا الله فيهم ..هذول بشر محتاجين لقمة العيش..وحاولي تتجاوزين الاخطاء اللي تسوينها اذا انتي صج تخافين على عيالج وعلى نفسج ..وحاولي تكسبين الخدامه وتخلينها مثل اختج ((((((( والله يا بنات ماكو احسن من راحت الباآآآآآآآآآآل))))))))

 

[ملآمح يوسفية]

مرة بـــــسس صارت عندنــاا خدامه ..!

نكلمها بهدوووء ومسسستحيل نهزئها حتى لو غلطت , عشآنها انسانه ولها مششاعر مثلنا وعشان اخواني الصغار لاتحط حرتها فيهم ..

عــآد خدامتنا حدها مطييييحه الميانه حتى اخر شي سسووته يعني بحكم الميانه .. ضربت اخوي بجيس الخبز تبيه يروح البقاله يشتري لها اندومي
<الموقف داخل عرض بس تذكرته وضحكت ههههههههههـ ..

 

[ضحكتي هيبة بكاي]

تم التصويت

اتوقع اللي تصرخ على الخدامة فهي تعكس تربيتها وشخصيتها لان تعاملج مع الخدامة لازم مايختلف في تعاملج مع الناس
يعني رفيجتج لين غلطت عليج بتصرخين عليها !!
ريلج لين غلط عليج بتصرخين عليه !!

الخدامة حالها من حالهم .. لا تقولون خدامة .. يمكن هالفقيرة تكون عند ربها اعظم واكثر اجراً ورتبه منج ..
بالنسبة لي تعاملي معاهم بهدوء ولين غلطو مع انهم ابدددددددددد الحمدلله ماغلطو بتصرف ولا فعل لكن اقصد ممكن يفهمون غلط من ناحية الشغل ولا التنظيف فـ افهمهم واذا مافهمو اعيد عليهم مره ومرتين وثلاث .. عادي مب عيب يعني احنا لين اشتغلنا مانخربط عيل شلون هم ؟!

موضوعج غايه في الاهمية والحمدلله ان في عدد كبير متفهم وواعي ويتعامل بالطريقة الصحيحة مع خدمهم
وجة نظري