تعالوا ماتصدقون بس تعالوا (( خلطة القهوة ))

[حواء الكون]

قوة بنات..
الله يعطيج العافية يا **حواء الكون** على هالفايدة بصراحة انا قريت موضوعج وامس اول يوم طبقته ..
ما تصدقين شنو صار لي والله مو مصدقة عمري تميت ادلك امس لفترة طويلة والله طاحت ايدي بس وانا قاعدة ادلك واضغط شفت شئ ما ادري شلون اوصفه بصراحة انصدمت هذا اول يوم شلون لو استمريت ..
الله يجزاج الجنة يالغالية...........

يعافيج قلبي:eh_s(6):

فرحتيني قولي شنو صار معاج اوصفي لي اللي صار

يزاج الله خير عالدعوه ...

 

[حواء الكون]

حواء ... بعد عمري


لاتبخلين علينا بوصفة السودانيات ...واللي يسلمج

ولو ممكن إذا ماتبين تحطينها على العام طرشي لي على الخاص

شاكرة لج وممنونة لج ....ويزاج الله خير

ماراح ابخل علييييج فيها ولا يهمج بس نطري كلها يومين اجربها لغاية اسبوع ليابت النتيجه اللي اهي ببلغج فيها على طول

يقولون انها مو بس تضعف ! لا تخلي جسمج يتشقق من الشد

واهوا اسمه البخار السوداني الجاف

ادعي لي اتوفق فيه وبكتب لج تجربتي حبوبه تامرين امر

:eh_s(17):

 

[حواء الكون]

موضووووع مااااااااااااسي بصراحه رحت شريت قهوه تركيه والحين الحين بجرب بس بدون خل بس ليمون


وتشكرين مليووووووووون مره عالفاااايده والله يفوقج وييين ماااتروحين


مع تحياتي يا حياتي

مزيونه وشقره​

​

مزيونه وشقره عندناااااا يا مرحبا يامرحببببببااااااااا:eh_s(6):

نورك طفا الكهربا :eh_s(3):

نورتي حبيبتي

بس ليش ماتستخدمين الخل ترى تختفي ريحته بالقهوه جربي

وفايدة الخل اقوى مع القهوه ياقمر

ومشكوووره

 

[حواء الكون]

هذي مشاركة من بنات عالم حواء على موضوعي

:eh_s(17):

 

[ام عبود_q8]

قوه يالغالية والله اني ادعيلج كل ما ادلك شفت مثل هالدعوة ياعمري ..؟؟؟؟؟
بصراحة انا مو لاقية وصف اوصف فيه انا اليوم ثالث يوم لي من استخدمت هالوصفة وانا قاعدة ادلك شفت فخذي تغير وانا شادة حيلي وايدي طاحت من كثر ما ادلك من قلب المهم استغربت بالبداية وقلت يمكن شكلها جذي بس يوم رحت لرجلي الثانية واشوف نفس الشئ احس رجولي شدت بعدها هذا طبعا غير النعومة مشكورة ياعمري وعسى الله يوفقج وين ما رحتي................

 

[قهوة عربية]

وينج حواء !!!!!

جربتها اليوم ....شريت القهوة من بن الصافي

يابه لي للبيت وحطيت معاها خل التفاح والليمون

وزدت عليها ملعقة واحدة من كل من ( زيت الزيتون وزيت اللوز وجلسرين )

وقعدت بالحمام وحيل فرك بجسمي ...وتدليك ...تقريباً 25 دقيقة وحسيت جسمي

قام يعورني وايدي طاحت وبكل مكان بجسمي حطيتها ..... بس إن شاء الله

طريقة تدليكي صحيحة ... إلا الظهر ...عيزت ماوصلت له خبرج أنا متينة وااايد وايدي قصيرة ماتطول >>>> من المتن

وبعدين غسلت بماي فقط مااستخدمت شور جل ولاشي ..>>>> أخاف يأثر على النتيجة ...وباجر الصبح أتسبح كامل

وعقب الماي حطيت زيت بيبي جونسون اللي بخلطة الصبار


واااااي على النعومه يابنات .....وإن شاء الله ربي يهديني واواظب على التدليك

وأنا قلت بسويها يوم وترك عشان ماأمل أو اتعب


بارك الله فيج ياحبيبتي ..ويزاج الله خير


والله حتى لو مافادت ...راح أدعيلج ...

يعطيج ألف عافية على المجهود والنصايح

تسلمين ياالغالية

 

[أعترفلك]

الله يجزاج خير بجربها ان شاء الله وابي الطريقه السودانيه اللي قلتي عنها


بس سؤال اقدر استخدم الخلطه للصدر لانه وايد مترهل

 

[حواء الكون]

قوه يالغالية والله اني ادعيلج كل ما ادلك شفت مثل هالدعوة ياعمري ..؟؟؟؟؟
بصراحة انا مو لاقية وصف اوصف فيه انا اليوم ثالث يوم لي من استخدمت هالوصفة وانا قاعدة ادلك شفت فخذي تغير وانا شادة حيلي وايدي طاحت من كثر ما ادلك من قلب المهم استغربت بالبداية وقلت يمكن شكلها جذي بس يوم رحت لرجلي الثانية واشوف نفس الشئ احس رجولي شدت بعدها هذا طبعا غير النعومة مشكورة ياعمري وعسى الله يوفقج وين ما رحتي................

بعد عمري

تستاهلين انتي عطيتي مجهود وهذي النتيجه وانتي تدلكين آكو طريقه اضمن لج ماتتعبين فيها دلكي بتركيز على الدهون لكن مو بقوه شديده بالراحه وكرري التدليك وخلي ايدج تنتقل من مكان لمكان براحه واستمتاع استرخي لاتفكرين بالنتيجه ماراح تحسين بتعب انا هذي طريقتي ما احس بتعب او هدة حيل مثلكم لاني ما اشد بقوه او سرعه كبيره لا اشتغل عالراحه وتمر نص ساعه او ربع ساعه لو مالي مزاج بسرعه كبيره

 

[حواء الكون]

وينج حواء !!!!!

جربتها اليوم ....شريت القهوة من بن الصافي

يابه لي للبيت وحطيت معاها خل التفاح والليمون

وزدت عليها ملعقة واحدة من كل من ( زيت الزيتون وزيت اللوز وجلسرين )

وقعدت بالحمام وحيل فرك بجسمي ...وتدليك ...تقريباً 25 دقيقة وحسيت جسمي

قام يعورني وايدي طاحت وبكل مكان بجسمي حطيتها ..... بس إن شاء الله

طريقة تدليكي صحيحة ... إلا الظهر ...عيزت ماوصلت له خبرج أنا متينة وااايد وايدي قصيرة ماتطول >>>> من المتن

وبعدين غسلت بماي فقط مااستخدمت شور جل ولاشي ..>>>> أخاف يأثر على النتيجة ...وباجر الصبح أتسبح كامل

وعقب الماي حطيت زيت بيبي جونسون اللي بخلطة الصبار


واااااي على النعومه يابنات .....وإن شاء الله ربي يهديني واواظب على التدليك

وأنا قلت بسويها يوم وترك عشان ماأمل أو اتعب


بارك الله فيج ياحبيبتي ..ويزاج الله خير


والله حتى لو مافادت ...راح أدعيلج ...

يعطيج ألف عافية على المجهود والنصايح

تسلمين ياالغالية

هلا قلبييييييي انتي

لا لا مايأثر الشور جل ابدا عالنتيجه وحتى لو تاخذين شور كامل مايأثر لان اهوا خلاص تغلغل داخل مسام الجلد

اول شي بللي جسمج بماي حار وبعدي عن الماي الحار يعني لايلمس جسمج ماي مباشر

وزعي القهوه بالبدايه على الرقبه والاجتاف والصدر اوكى دلكي عدل

قعدي بالبانيو او شوفي لج اي مطرح يريحك :eh_s(6):

ابتدي دلكي ايدج رفعيها فوق دلكي الايد بحركة ملتفه مع الاكتاف دلكيها من تحت ومن فوق عدل

بايدج الثنتين تدلكين الرقبه وترفعين راسج شويه لفوق ودلكيها من جدام لورا ومن تحت لفوق واسترخي كأنج خدرانه دلكي براحه وخفيف

بعدين نزلي عالصدر مسحي بالقهوه عليه ليما يتغطى فيها ودلكي الصدر بحركات دائريه وضغط مستمر هذا لو تبينه يصغر وكل ايد دلكي فيها جانب من الصدر من تحت لفوق عشان ينشد وضغطي الصدر من الجانبين برا على داخل ليما يلتصقون وكرري الحركه 5 مرات عالاقل

وكرري دلكي الصدر براحه بعدين مسحي البطن ودلكيه بحركات دائريه 10 دقايق باتجاه عقارب الساعه و 10 دقايق عكسها وامسحي بحراره واسترخي

بخصوص الظهر حتى لو متينه شتسوين ؟ وانتي قاعده بتسهل عليج دخلي ايدج لورا لتحت المؤخره دلكي او مسحي مسح عالمكان حركات متكرره
رفعي ايدج لفوق كثر ماتقدرين ومسحي بايدج الثنتين من الجهتين

بتحسين اغلب الظهر من تحت لامسته قهوه صح؟؟

بعدين رفعي ايدج لفوق اجتافج من ورا مسحي الظهر كله من اليمين وبعدين روحي الجتف اليسار مسحي من فوق الظهر كله

هم يبقى بالنص صح؟

دخلي ايدج من تحت الابط لي ورا هذي طريقتي مسكي الزوايد ودلكي فيها من الناحيتين او براحتج كل ناحيه تدلكينها لما تخلصين الثانيه

انا لما اخلص من الظهر اجندس شويه ويكون عندي كوب صغير في قهوه ازيد عليها شوية ماي حار ليما تصير سائله بس على ثقيله شوي

واصبه من ورا رقبتي ينزل على ظهري كله بالوسط

واتم ادلك كثر ما اقدر ظهري ساعات اجندس وايد وانزل روحي لجدام عشان اوصل له من كل ناحيه

الحمدلله مرتاحه جذي لول

وبالتوفيق لج كرري التجربه عالاقل 3 مرات بالاسبوع ياقلبي

:eh_s(6):

 

[حواء الكون]

الله يجزاج خير بجربها ان شاء الله وابي الطريقه السودانيه اللي قلتي عنها


بس سؤال اقدر استخدم الخلطه للصدر لانه وايد مترهل

هلا قلبي

طبعا تصير للصدر وممتازه حقه وسوي رياضه للصدر راح يتحسن قلبي

والطريقه السودانيه قيد التجربه

ولعيونج راح احطها لكم لو شفت نتايج طيبه :eh_s(6):

اهي عباره عن بخار جاف تقعدين فيه ليما جسمج يعرق فتطلع السوائل والسموم من الجسم ويضعف ويشد وانا الحين قاعده اشتري بعض الاغراض بصراحه جربتها بغرفه فوق اختنقت اول مره لووووول ماعرفت لها

بس سويت لها تخطيط صح وراح اجربها بالسطح ان شاء الله

عشان اتهوى عدل لووووووووول

:eh_s(6):

 

[ام كرز]

صباحج الخير اختي حواء الكون

واسم الله عليج من الحنقه خيانه طايحين له خلطه السودانيات شسالفتها شتسوي؟؟؟ <=-=- داشه تتهاوش من صباح الله خير هههههههههه اتغشمر


بس حبيت اصبح عليج واقول لج امس قبل لا انام اشتهيت اسوي الخلطه وامس كان 5 مادري 6 يوم اسويها مو مثبته وامس دلكت وايد صوب البطن والزند والصدر والظهر من ورا وفخوذي وتعبت جان اريح بو جم دقيقه وارد ادلك هم لمده 5 او 10 دقايق وحسيييييييييييييت بنشاااااااااااااااااااااط اول كنت مشتطه اسوي بو خمس دقايق وافج وارد اسبح

بس امس غير ارتحت وخليت القهوه على جسمي بو جم دقيقه ورديت دلكة واحس بنشااااااااااااااااط فضيع ونعومه مو طبيعيه وييت بنام وفرقت كرشتي والتصفط من ورا بنسبة اكثر 70% وزندي 50% وفخوذي اتوقع50% بس صدري للأسف 40% اقل شي مادري ليش؟؟؟ تهقين ليش؟

وتحياتي لج

 

[حواء الكون]

صباحج الخير اختي حواء الكون

واسم الله عليج من الحنقه خيانه طايحين له خلطه السودانيات شسالفتها شتسوي؟؟؟ <=-=- داشه تتهاوش من صباح الله خير هههههههههه اتغشمر


بس حبيت اصبح عليج واقول لج امس قبل لا انام اشتهيت اسوي الخلطه وامس كان 5 مادري 6 يوم اسويها مو مثبته وامس دلكت وايد صوب البطن والزند والصدر والظهر من ورا وفخوذي وتعبت جان اريح بو جم دقيقه وارد ادلك هم لمده 5 او 10 دقايق وحسيييييييييييييت بنشاااااااااااااااااااااط اول كنت مشتطه اسوي بو خمس دقايق وافج وارد اسبح

بس امس غير ارتحت وخليت القهوه على جسمي بو جم دقيقه ورديت دلكة واحس بنشااااااااااااااااط فضيع ونعومه مو طبيعيه وييت بنام وفرقت كرشتي والتصفط من ورا بنسبة اكثر 70% وزندي 50% وفخوذي اتوقع50% بس صدري للأسف 40% اقل شي مادري ليش؟؟؟ تهقين ليش؟

وتحياتي لج

هلا وغلااااااااااا :eh_s(6): بالنور كلللللللللله اشتقت لج اتصدقين :eh_s(22):

سكتي لو ضبطت وصفة السودانيه والله والله بصير العيد عيدين قهوه من صوب وبخار جاف من صوب انا حالفه لاصير باربي لووووووووووول

اي صج نشااااااااااااااااط سأليني

الحمدلله نتائج مبهره ب6 ايام ماشاء الله يارب دووووووووم

شوفي الصدر مافي الا دهون يعني لج ضمان يروح بس يبي له وقت اكثر

انزين انا صدري اصغر يعني وسط والله صغر حتى اختي تقولي وايد صغرتيه حرام قلت احسن لان جسمي صغير ابي كل شي يتناسق لووووووول

ماعليج بس كملي كملي مو خسرانين :eh_s(15): شي

تدليك الصدر بحركات دائريه يعني تمسكينه بايدج وتحركينه بشكل دائري قلتها على بلاطه عشان تفهمين حركيه باتجاهات معاكسه وشوفي

 

[ام كرز]

هلا وغلااااااااااا :eh_s(6): بالنور كلللللللللله اشتقت لج اتصدقين :eh_s(22):

سكتي لو ضبطت وصفة السودانيه والله والله بصير العيد عيدين قهوه من صوب وبخار جاف من صوب انا حالفه لاصير باربي لووووووووووول

اي صج نشااااااااااااااااط سأليني

الحمدلله نتائج مبهره ب6 ايام ماشاء الله يارب دووووووووم

شوفي الصدر مافي الا دهون يعني لج ضمان يروح بس يبي له وقت اكثر

انزين انا صدري اصغر يعني وسط والله صغر حتى اختي تقولي وايد صغرتيه حرام قلت احسن لان جسمي صغير ابي كل شي يتناسق لووووووول

ماعليج بس كملي كملي مو خسرانين :eh_s(15): شي

تدليك الصدر بحركات دائريه يعني تمسكينه بايدج وتحركينه بشكل دائري قلتها على بلاطه عشان تفهمين حركيه باتجاهات معاكسه وشوفي

تشتاق لج العافيه ياقلبي انتي انا اكثر ترى استحي :eh_s(22):

وانا بجرب لين مدة شهر بشوف يا انا يا صدري لانه يكبرني شوي متروس وكل ما ودي انزل بوزن اكثر احسن مابي اخاف صدري مايصغر ويسببلي عقده ولو انه جسمي الحين متروس شوووويه واخاف اصير عصله <=-=- بالعيد المهم اخاف اصير ضعيفه وصدري كبير مو حلو شكليييييييييييييي اهوا حجمه مو كبير وايد بس متروس عرفتي يعني تهقين يختفي ويا الوقت؟؟

امبيه امنيتي امشي بدون ستيان ههههههههههههه ويتم واقف مو سايح

وهذي الخلطه السودانية شسالفتها شتسوي؟؟؟

انزين ينفع احط قهوه اللي من ستاربكس لونها اسود شويه مو مثل القهوه التركيه امس ضفتها على التركيه لانه التركيه خلصت وضفت عليها اللي من ستاربكس والنتيجه حلوه كانت يعني مو شرط نوع معين من القهوه؟؟ صح

بقزر فيها طايحه بجبدي هالجم يوم ولمه تخلص برد اشتري التركيه ان شاء الله

 

[حواء الكون]

تشتااااااق لج العافيه

صدرج راح يصغر مو طيب لا بالغصب لوووووول

جربي قهوه ثانيه على كيفج اعتقد تنفع بس انا عرضت قهوتي لان للامانه ماجربت غيرها ليومنا هذا

وهذي الخلطه السودانية شسالفتها شتسوي؟؟؟

هذي عباره عن بخار جاف لما يعرق جسمج تطلع منه السوائل اللي اهي سبب السمنه الرئيسي عرفتي

وتشد الجسم شد ولا اجدعها ريااااااااااضه:eh_s(9): :eh_s(15):

بس اسويها اسبوع وارد لكم الخبر اليقين

لان بشتري شوية اغراض لها لوووول

متشوقه اسويها يقولون من كثر ماتنحف تصيرين عظم بدون لحم لووووووووول بس يبي لها صبر 3 مرات بالاسبوع تسوينها

 

[ام كرز]

الله يسمع منج ويصغر صدرررررري مسبب لي ازمه

والخلطه السودانية شنو الاغراض اللي يستخدمونها والبخار مال تكرمين الحمام ولا جهاز البخار؟؟؟

 

[حواء الكون]

لا بخار جاف يعني فحم وكرسي وتغطين روحج بكفر

بس تعطيني نتيجه بكتب كل الاشياء اللي نحتاجها فيها

بس اول اضمن النتيجه

 

[قهوة عربية]

ويه حواء !!!

شكلها يخرع هذه الوصفة السودانية !!

يعني أقمت روحي وأشم الفحم وهو يحترق ....عشان أعرق ؟؟؟؟

لا بالله الصدر راح فيها ......

خلينا على خلطة القهوة ...مامنها ضرر

 

[حواء الكون]

لوووووووووووول

قهوه عربيه ضحكتيني واللللللللله

انتي خليج عالقهوه انا قلت بجربها وبعدين ما اختنق ولا شي لان اسكرها من تحت رقبتي ماخلي للبخار منفذ

بس اجربها واشوف عندي فضول قاتل مممممم

 

[ام كرز]

ويييييييييه اخاف نحترق او انقمت؟؟؟

لا يمه تخرع شكلها انا اموت خوف من الفحم وهالمره اتقمقم واغطي روحي اخاف

 

[حواء الكون]

لوووووووووول

ام كرز انتي بعد تحفه

مع الشرح راح تفهمون وبعدين عادي اللي تخاف لاتسوي ولاهم يحزنون بس انا بجربهااااااااا متحمسه لها