رودي للاستشارات الهندسية

[FerGie]

هاااااي رووودي
اشكرج علي هالموضوع الاكثر من روعه

بس انا عندي سؤال
انا احب الاثاث المودرن لغرفه النوم بس عندي عقده
غرفتي اذا ما فيها صوري ما اقدر اعيش
حاليا ابغرفتي تقريبا 40 برواز علي الطوفه كلها صوري


اشلون اقدر القا استايل حلو للغرفه يمشي مع الصور بحيث ان شكله ما يبين اوفر ولا مبالغ فيه ولا لويه و عفيسه



ثانكيو حبي
بانتظارج

 

[rudy]

:eh_s(9):


ميرسي اوي على التثبيت

انا قعدت ادور الموضوع ماني لاقيته وفتحت الصفحه الثانية هم مالقيته

بعدين


.


.


ها

لايكون الي في بالي

وتثبت

وما اقول الى شكرا على ثقتكم

:eh_s(6):
​

 

[rudy]

مرحبا
FerGie


انا اقترح اذا بتحطين صور حطي ما يمنع بس حطيهم ابيض واسود ووحدي الإطارات مو بالضبط لا بس خل يكون المديل او الون موحد وصفيهم صفه حلوه مودرن مثل الي بالصورة التالية

ونشاء الله راح يطلعون حلوين​

 

[الكيكة]

مبروك رودي و شكرا للمشرفات
الموضوع يستاهل التثبيت من زمان

 

[سيدة الكويت]

مبروك رودى على التثبيت تستاهلين

 

[FerGie]

مشكووووووووره رودي هم فكره حلوه
مبرووووك علي التثبيت بالفعل موضوع يستاهل

 

[rudy]

الله
يبارك
فيكم

FerGie....:eh_s(17):


سيدة الكويت.....:eh_s(17):

الكيكه.....:eh_s(17): ​

 

[MyLittleBerry]

اشكرج على المجهود الاكثر من رائع وموضوعج المتميز

واشكرج على المرور الطيب لموقعي البسيط

 

[rudy]

اشكرج على المجهود الاكثر من رائع وموضوعج المتميز

واشكرج على المرور الطيب لموقعي البسيط

العفو فراشة
وموقع عجيب

صج مرجع للصور​

 

[sara3]

انا احتاج رايك احنا قاعدين نبنى وتفاجئنا بوجود عامود بالسرداب بعيد عن الجدار متر ونصف ابى طريقة احس انة مو موجود فيها يعنى تموية



واختى عندها عامود بالمخل تصورى اول ما تدشين بويهك عامود بعيد عن الباب مترين بس شتسوى فية اتموهة ولا اتزينة واشلون:eh_s(17):

 

[sunshine22]

بالمبارك بالمبارك التثبيت

صراحه يستاهل وعن جداره


رودي نبي نبي صور اثاث مغربي اي شي


شنو تقترحين علي بالتلفزيون انا ابي بلازما

بس شلون ع الرسيفر والفيديو وين يروحون

وشنو تنصحين اكسسوارات لانه خبرج لامكتبه تلفزيون ولا حتى طاوله

 

[rudy]

الله يبارك فيك سن شاين

وبالنسبة للأثاث المغربي مالك الا البيرتو بينتو

والحين راح اعرضلك بعض الصور الي سبق ان عرضتها

تفضلي

​

 

[الكيكة]

ساره .. عامودج اسهل من عامود اختج لانه بيدش بين القنفات و بيضيع ماراح يبين لما تفرشين سردابج بس هم بعد لبسيه ورق جدران نفس لون صبغ السرداب و تكون نقشته ساده بس خشن مثل المحبحب ..

عامود اختج خل تصبغه لون مخالف يعني واضح و يمشي على لون اثاثها او ممكن بعد تركب له ورق جدران جاكار او معتق و بعدين تحط عليه منظره ايطارها حلو و اذا المكان يسمح تحط كونسول ناعم ماياخذ مكان يصير شكله حلو بالمدخل .. بويهج اول ما تدشين :eh_s(15):

 

[rudy]

مشكورة الكيكه علي الرد
وآسفه سارة ما انتبهت لسؤالك
بس الكيكه ما قصرت

والعمود تقدرين ادخلينه بين الأثاث واتستفيدين منه بعدة طرق
مثلا حطي فيه ارفف اصغيرة عمق 10 سم يصلح للتحف
او
سويه معرض للاطباق اقصد الصحون الملونه الفخار عرفتيهم ترسيه من فوق لي تحت
او
حطي دار مدارة طاولة تفصال من جميع الجهات وسويه مثل البوفيه.
الافكار وايد بس على حسب موقع العامودبالنسبة لمنطقة الجلوس.​

 

[rudy]

سن شاين

بالنسبه للتلفزيون البلازم الى يتعلق بالطوفه

لازم تكون تمديدات الكهرباء وراه بالضبط عشان الشكل يصير حلو

وبما ان اغلب ابيوتنا لابد من وجود رسيفر وديفيدي او فيديو

لذا اقترح وضع رف مستطيل تحت التلفزيون يوضع عليه الرسيفر

ومرة شفت صوره اذا لقيتها بحطها باذن الله وهي عبارة عن لوح خشب اكبير يعلق على الطوفه ويتم تمديد جميع الوايرات من خلفه ويعلق به التلفزيون وبه رف للرسيفر وهذا الاقتراح اسهل من انك اتكسرين الطوفه واتمددين الوايرات مرة ثانية.

انشاء الله اكون فدتك​

 

[rudy]

مرحبا بضيوفي العزيزات

سأخذكم في جولة في المنزل الذي كان مفترض أن تعيش فيه الأميرة ديانا والتي لقيت مصرعها عام1997
يقع هذا المنزل في مدينة ماليبوالساحرة في ولاية كاليفورنيا
وقد قام بتصميمه مصمم بيوت الأثرياء والمشاهير رون ويلسون الذي صممه بطراز توسكانا الريفي
ويتمتع بمنظر خلاب على المحيط الهادي......فهو منزل مثالي للإسترخاء.
من جيران هذا المنزل توم هانكس، جاك نيكلسون، ريتشارد جير، وباربرا سترايسند.

منقول ​

 

[فازة ورد]

في بالافنيوز محل اثاث مغربي رائع

 

[الكيكة]

رودي .. انا حست على باب رئيسي للصالة و مالقيت شي

رحت الشواف و توب روك و الروابط و جم محل كحيان يمهم .. و رحت الكندور
و رحت محلات بالشويخ اساميهم الغدير و الروضه و آرت مادري شنو
ماعجبني شي

ماتعرفين وين احصل شي زين ؟

و اشرايج الخشب احلى ولا الحديد المشغول؟
ابي الافخم و الاكشخ ..

عندج صور؟

 

[rudy]

هاي كيكه
اشلونك
انا بنسبه لي نو واي احط خشب
لأن بيت ابوي من عمر بابهم خشب
وعلى طول يبيله صيانه صج حلو واينن بس متعب وخاصه مع جونا الحلو

 

[الكيكة]

هايات رودي .. انا بخير مشكوره .. و انتي شخبار بيتج وين وصل؟

مشكوره عالصور حلوين ... الثرية اللي بالصوره الثانيه انا شاريه منها ثنتين لاستراحات السلم ( الدري ) و ثنتين مثلها بعد بس لزق عالطوفه ( المجموع 4 ) استانست لما شفتها بالصوره ...

الحين نرجع لمحور حديثنا ههههههه

الابواب الزجاج تكشف خصوصا احنا مانسوي استقبالات و انتيمع الا بالليل يعني هالجام فضيحه .

اما الابواب الخشب اللي اقول عنهم ... مو خشب خشب .... يكون شكلهم خشب بس اهم المنيوم مصبوغين لون الخشب
ادري الخشب ما يصلح لجونا .

اتصدقين ذاك اليوم قمت افتر بسيارتي بمنطقه كشخه و اطالع ابوابهم الداخليه و انا بسيارتي ههههه ( لقافه) ... اكتشفت كل البيوت الكشخه حاطين ابواب خشب ( عاد اذا بس لونهم خشب ولا صج خشب ما ادري ماقدر انزل و اتمقل عن قرب بيقولون اشهالمينونه ) هههه تخيلي

محتااااااااره بالباب و المشكله انه يبيله شهر على ما يصنعونه ... و انا بارده للحين ما نقيت شي .

محتاره حتى باللون ... على اي اساس انقي اللون ... على لون ديكور البيت الداخلي و لا على لون واجهة البيت الخارجية و لون السيجما و المنيوم الدرايش و الشتر؟

ادري مصختها