الرضاعة الطبيعية .... جد واجتهاد

[مراسي الحب]

يعطيج العافية اختي على هالموضوع المهم و المفيد
والله نورتينا انا حامل في بجري و مقتنعة بالرضاعة الطبيعية 100% و عقب ماقريت تمسكت بهالشي زيادة الله يقدرني انشالله
و صج عرفنا ليش في ناس ماترضع لأن ماعتدها سالفة و مافيهم صبر و سبحان الله كل شي من الله طبيعي اهو المفيد ولا شلون ايام قبل كانوا عايشين مو كل شي يديد و متطور صح

انا من امس اقرا الموضوع و توني بالصفحات الأولى بس قلت اعلق عشان ارفع الموضوع

ياليت المشرفات يثبتونه لأهميته و فائدته للجميع حرام وحدة يطوفها و ماتقراه

و الله يوفقج انشالله و ياجرج مثل مافدتينا :yaaaaaarb:

مشكورة يالغالية ... وان شاء الله ربي يسهل عليج وتقدرين اترضعين

 

[RiMa_08]

السلام شخباركم يا امهات ويا مرضعات ...
انا ارضع بنتي من يبتها من صدري و صار لي اسبوع صدري نشف ما ادري شسوي حتي لما ترضع تمل وتل فيه وتصيح ما تبي مع العلم اني من يبتها رضعة اخر الليل صناعي عشا تنام وترتاح شسوي الحين شنو الحل..؟

 

[نوووونـــي]

اهو جهاز اقرب شي يشبه غلاية الماي يعني اتحطين فيه ماي ... انا عن نفسي استعملت مال مذركير ... ياخذ شوية وقت على ما يسخن الماي .. بس ما يخليه يغلي (وهذي ميزة علشان لا يصير الماي وايد حار يخرب بعض الفيتامينات اللي بالحليب) ... اشكثر ياخذ وقت على ما يسخن الحليب يعتمد على انتي بشنو مخزنة الحليب ... يعني ... انا استخدم بلايتكس .. ولأنه نايلون خفيف جدا فخلال يمكن 30-60 ثانية يسخن الحليب ... لكن اذا كانت الرضاعة أسمك تاخذ 3-5 دقايق على ما تسخن ...

ومرة ثانية عسى ربي يسهل عليج الولادة والرضاعة

مشكووووووره مشكووووووووره ياحياتي

وانا قبل اشوي مريت مذركير وخذيتلي وحده من ماركة افنت

يعني اذا ابيها تسخن بسرعه احط ممية بلاستيك ؟؟

وبسألج بالنسبه لتخزين الحليب بالثلاجه .. ابي العلبه اللي نفس شكل المميه اللي اقدر اخزن فيها حليب وين القاهاااا ؟؟

ما اقصد الجيس لاااا

ابي البلاستيك اللي نفس المميه ؟؟ احصله بسنتر بوينت ؟؟ لاني مالقيته بمذركير !!!

 

[مراسي الحب]

السلام شخباركم يا امهات ويا مرضعات ...
انا ارضع بنتي من يبتها من صدري و صار لي اسبوع صدري نشف ما ادري شسوي حتي لما ترضع تمل وتل فيه وتصيح ما تبي مع العلم اني من يبتها رضعة اخر الليل صناعي عشا تنام وترتاح شسوي الحين شنو الحل..؟

هلا حبيبتي وحياج الله ... انتي قاعدة تاكلين عدل؟؟

شربي ماي وايد .. لوز ني ... نامي عدل ... وخبرينا شنو يصير

 

[مراسي الحب]

مشكووووووره مشكووووووووره ياحياتي

وانا قبل اشوي مريت مذركير وخذيتلي وحده من ماركة افنت

يعني اذا ابيها تسخن بسرعه احط ممية بلاستيك ؟؟

وبسألج بالنسبه لتخزين الحليب بالثلاجه .. ابي العلبه اللي نفس شكل المميه اللي اقدر اخزن فيها حليب وين القاهاااا ؟؟

ما اقصد الجيس لاااا

ابي البلاستيك اللي نفس المميه ؟؟ احصله بسنتر بوينت ؟؟ لاني مالقيته بمذركير !!!

حياج الله

التسخين يعتمد على سماكة الرضاعة ... اذا تبين جربي الحين بماي خالي ... حطي ماي بارد ودربي اتسخنينه بالسخانة .. وشوفي شنو يصير واشكثر الممية تاخذ وقت على ما تسخن ...

بالنسبة للسؤال الثاني أعتقد والله اعلم انه مميات آفنتز لهم غطا خاص اتسكرين فيه الرضاعة فتصير للتخزين ... وجربي سنتر بوينت أو بوووتس اذا ما حصلتيه في مذركير ... بس شلون راح تكتبين التاريخ والساعة على الممية؟؟

 

[مراسي الحب]

حياكم الله

 

[مراسي الحب]

وين راحوا بنات الرضاعة؟؟

 

[وردة النرجس]

السلام عليكم

موجودين

بس كل من لاهي الظاهر وماأدري وين راحوا البنات ام حيدر وبحر الغموض وأوبرا

 

[الام الحنونه]

انزين والي ما تعرف ترضع ؟؟واذا يبس الصدر علي مابي احد ايي يمه لاني امووووت من العوار,ساعديني بمعلوماتج لعل ارضع بنتي هذه المره

 

[مراسي الحب]

هلا وردة النرجس ... شلون الامورة الصغيرة؟

الأم الحنونة ... حبيبتي اذا يبس صدرج ... ابسرعة شفطي الحليب ... وحطي كمادات دافية علشان يدر الحليب أسرع ... أو اخذي شاور دافي علشان هم يدر الحليب ...

وشنو واجهتي أول مرة اللي ما عرفتي اترضعين؟؟

 

[*علاية*]

السلام عليكم

ما شاء الله خوش موضوع وهذا اللي شجعني أسجل في هالموقع الحلو مع اني من زمااان اتابع وياكم بس سايلنت

عندي بنت ماكملت شهرين للحين ,, واخلط لها رضاعة طبيعي وصناعي ,,, المشكلة اني اتعب من رضاعتها لأني لو أظل ارضعها ساعة وزود تظل ترضع .. وبعد ماتشبع ,, يعني لازم في النهاية الصناعي هو الحل !!

شريت شفاطة مديلا بس تعبتني ,, قعدت لها اكثر من نص ساعة ما طلعت الا بثلاثين مل !!

وين الخلل مادري

 

[GucCiQ8]

ويلوووووووو ويلووووووووووووووووووووو

عاااشت والله هاذي المواضيع السنعه ولا بلاااش

ايييي اييي فيدوناا خواتي خصوصا احنا البجرياات نحتاج هالمعلومات كلهااااا

انا صراحه انسانه ناويه بأذن الله والله يقدرني اني ارضع طبيعيي وريلي محلفني ارضع ولدي من صدري
ووالدتي ماتقصر الله يطول بعمرها قاعده تقولي من الحين عن الشغلات الي لازم اكلها عشان تزيد نسبة الحليب بالصدر بأذن الله

والله يبعد اعيالنا عن الحليب الصناعي ومايصيرون من اعيال النيدوو والماك تشيكن لووووول
:krkrkr::krkrkr::krkrkr:

الف شكر لج حبوبه

 

[أم رفيف]

السلالالام علييكم و رحمة الله و بركااته
هلالالا و الله شلووونكم شلوونك حبييبتي مراسييي و الله ليكي وحشة و الله شخياارك و شخبار عيالك ان شاء الله كلكم ساالميين

 

[أم رفيف]

هلالالالالالالالالالا فيينكم بناات

 

[RiMa_08]

السلام بنات .. انا اكلي عادي يعني مو اكيله وايد بس احاول اكل و المكسرات اكلهم كل يوم اما عن الماي بحاول ازيد الكميه انزين الحين شنو الحل صدر اليسار ينترس حليب مرا باليوم يعني بس قامت ترضع مره مني بالليل و الصدر الثاني نشف مافي ولا شي شسوي فيدوني دكتورتي انصحتني ببروتين شربتيه مافيب نتيجه شسوي ..؟!

 

[وردة النرجس]

أهلين مراسي

شلونج إنتي

مانشوفج بتجمعنا بالمجموعه ؟؟

أكيد لاهية ها ؟

 

[مراسي الحب]

السلام عليكم

ما شاء الله خوش موضوع وهذا اللي شجعني أسجل في هالموقع الحلو مع اني من زمااان اتابع وياكم بس سايلنت

عندي بنت ماكملت شهرين للحين ,, واخلط لها رضاعة طبيعي وصناعي ,,, المشكلة اني اتعب من رضاعتها لأني لو أظل ارضعها ساعة وزود تظل ترضع .. وبعد ماتشبع ,, يعني لازم في النهاية الصناعي هو الحل !!

شريت شفاطة مديلا بس تعبتني ,, قعدت لها اكثر من نص ساعة ما طلعت الا بثلاثين مل !!

وين الخلل مادري

هلا حبيبتي وحياج الله معانا ....

مشكورة وايد على الإطراء ونتشرف ان نكون سبب انضمامج للمنتدى

الرضاعة يبيلها طولة بال ... أكلج شلون صاير؟؟ اذا خفيف يصير حليبج خفيف وما يشبعها ... شربي ماي وايد واكلي عدل ... الصناعي من يدخل يعفس الانتاج شوية ...

ساعات الشفاطات ما تضبط ... جربي واحدة ثانية اذا تبين ...

جربتي تاكلين مكسرات؟؟ لوز ني ... ضروري

 

[مراسي الحب]

ويلوووووووو ويلووووووووووووووووووووو

عاااشت والله هاذي المواضيع السنعه ولا بلاااش

ايييي اييي فيدوناا خواتي خصوصا احنا البجرياات نحتاج هالمعلومات كلهااااا

انا صراحه انسانه ناويه بأذن الله والله يقدرني اني ارضع طبيعيي وريلي محلفني ارضع ولدي من صدري
ووالدتي ماتقصر الله يطول بعمرها قاعده تقولي من الحين عن الشغلات الي لازم اكلها عشان تزيد نسبة الحليب بالصدر بأذن الله

والله يبعد اعيالنا عن الحليب الصناعي ومايصيرون من اعيال النيدوو والماك تشيكن لووووول
:krkrkr::krkrkr::krkrkr:

الف شكر لج حبوبه

يا حبيبتي مشكوووورة وايد

ان شاء الله الله يسهل عليج الولادة والرضاعة

اهم شي تتأهلين لأنج بجر ان الموضوع يبيله شوية جهاد في البداية ... وبعدين كلشي يصير عادي ...

يتربى بعزكم البيبي ان شاء الله

 

[مراسي الحب]

السلالالام علييكم و رحمة الله و بركااته
هلالالا و الله شلووونكم شلوونك حبييبتي مراسييي و الله ليكي وحشة و الله شخياارك و شخبار عيالك ان شاء الله كلكم ساالميين

ام رفييييييييييييييف ... حبيبتي والله لج وحشة ... شلون يوسف؟؟؟ اسم الله عليه اكيد صار رياااال شلون الإجازة؟؟ ان شاء الله انبسطتوا مع الاهل؟؟

:33_1185028183:

 

[أم حيدر]

السلااااااام عليكم

شلونكم كلللللكم ")

مراسي

والبنات

بتول وقت دوامي ماات خذ حليب خير شر رااااااافضة الممية

السؤال: عادي اذا كلت باليوم 4-5 وجبات؟

مأزمتني نفسيا هالبنت