روان وحسين انتي زوجتي حبيبتي.....انتي اختي@@!! (قصه حقيقيه) !

[com-teacher]

مشكووووووووووووووورة وسوري عالتحلطم
بس كله منج محد قالج حطي قصة حلوة

 

[اوركيييد]

ناطرين

انشالله ما انتعلق خخخخخخخخخ

يعطيج العافيه

 

[سيتي]

نااااااااطرين
يعطيج العافية على القصة الحلوة

 

[اسوى ملايين]

مشكوووووووووووووووووووووووووووره عالبارت .. وياله ناطرين الباجي

 

[D3laa]

القصصصصصه روووووووووووعه

بالانتظار التكمله بليييييييييز لآ تتأخرين علييينا

 

[P!NKia]

وين التكمله

 

[RaAaRy]

لا تكفييييييييييييييييييييييييييييين مو جذي يعلقوون ولا يسكبووون اكثر علقينا الله يخليييييييييييييييييج
امبي يعني والله احس كرهت القصة خلاص ما ابي اعرف النهاية من كثر ما انا انطر مو شي جذي والله ترى وعد الحر دين انتي قلتي كل يووم بارت مو كل اسبوووووعين بارت

 

[alMzYona]

غرفه احمد :-

احمد و منيره غاااايص بالنوم و بالحب ........ مو مصدق اذا الي قاعد يصير حلم او حقيقه .. و اذا حلم وده ما يصحى منه ........

الساعه 10 الصبح ... و احمد نايم بالعسل ..... ولا يفز على صووت طقطقه الباب ..... بطل احمد عيونه... و منيره قامت مخترعه تبي تعرف شصاير...

احمد: منو ......؟
فوزيه: انا امك قوووم صارلي ساعه اطق الباب صار الظهر يلا
احمد: هلا يما .. يما توا الصبح ...(واهو بيقوم يبطل الباب ... لكن تذكر ان لازم يقوم يبدل شي علشان يبطل لها .. ف هووووون)
فوزيه: قوووم قوووم شالكسل هذااا ... انزل تريق انت مع مرتك..
احمد: يماا مو يواعه (واهو تعبان و عيونه مغمضه ...)
فوزيه: اقولك انزل تعال ابيك بسرعه ....
احمد: (بقلبه اففففف ) ,,, انشالله يما انشالله ... ربع ساعه و انزلج ..
فوزيه: ناطرتك تحت مو تطول ...

وقام احمد فز من فراااشه ... علشان يغسل و يبدل ملابسه و ينزل ..

منيره: اشفيها خالتي؟ عسى مو صاير شي؟
احمد: لأ لأ مو صاير شي .... اشفي ويهج مخترع حبيبتي بسمالله عليج..
منيره: ماادري اختبصت يوم طقت الباب ... روح شوفها شصااير خرعتني...
احمد: لا ماعليج .. انا الحين انزل لها.... وانتي كملي نومتج .. ادري تعبانه,,,
منيره: لألألألأااا ... تخليني و تروح ؟!؟!
احمد: ماراح اطول حياتي.... انزل حق امي و اردلج ...اوكي؟ (ويبوسها على راسها)
منيره: انشالله ...
منيره كانت تعبانه ... لكن انها مستغربه فوزيه ليش مقعدتهم من الصبح ... مع ان احمد ماعنده دوام ...واهي ممنوع انها تطلع ... و خايف ان صاير فيها شي ...... و كسر خاطرها احمد .. فز من النوم و اهو مو نايم شي ...........................بدل احمد و خلص و نزل لها ....


احمد: صباح الخير (واهو يتثاوب)
فوزيه: أي صباح الا قول مسا ء الخير ... صار الضحى العود.. وانت ليلحينك ما قعدت انت مع مرتك؟!
احمد: شسوي يما .. كنت تعبان صارلي جم يوم مو نايم .. تدرين اللويه اللي كنا فيها ف قلت فرصه انام دام ان اليوم عطله .. اريح شوي ....
فوزيه: (تتحلطم و تلتفت الصوب الثاني......الا قول حلت النومه مع ست الحسن) ,,, لا يما خلك نشيط مثل قبل تقعد من الصبح و تنزل تتريق معانا .. لا تعفس نومتك .. ووقت نومة الليل معروفه من 12 بليل لي 8 الصبح .. السهر بعد شماله؟
احمد: الله كريم .. بس يما توني معرس يعني .. شسوي اقعد من الصبح ..
فوزيه:شنوووووووووووو؟؟ وخير انشالله معرس؟؟ شنو محد عرس بالعالم غيرك؟ كلنا تزوجنا و يبنا عيال .. و كاني اقوم من الصبح و ازهب الريوق..........


فوزيه : و مرتك وينها مانزلت ليلحين ؟
احمد: يما نايمه ,, طول الليل تسنع اغراضها .. خليها نايمه ,,
فوزيه: لا لا ماعندي عاد انا سوالف الدلع .. تصير مايعه مثل حريم اخوانك ... لاتعودها على هالسوالف .. باجر يكبر راسها
احمد: لا يما .. منيره مو جذي... بنت فقيره ماعندها هالسوالف... و ميخالف شوي و بتنزل خليها .. خل اقعد معاج انا ... ولا مو كافي وجودي؟
فوزيه:,,, اايي .. انزين !



وقعد احمد علشان امه و بجاملها ...... و كل شوي تطلعله بسالفه .. " روح يب خبز و نخي ,,, بعدها .. طرشته للشبره ,, بعدها للجمعيه,,,,,,,,"

و كان احمد يروح و يرد ولا يقولها أي شي......مع ان كان ويهه تعبان مو نايم .... احمد مايدري ليش امه قاعده تعاقبه .؟ ليش كل هذا؟؟؟ بس علشان تزوج؟؟؟ حس انه مسوي جريمه .. مو متزوج! .... لكن يصبر و يتحمل ........


العلاقه ما بين فوزيه و منيره ,,, منيره حاطه خالتها على راسها .. و تهتم فيها .. و تراعي مشاعرها دايما ... علشان احمد ...... و فوزيه الغيره ذابحتها من منيره .......... و احمد تايهه بين نارين .. نار امه و نار حبيبته .... و كانت اول الاسابيع منيره دايم تلبس العبايه السوده و ماكانت تنزل بمكياج ولا شي مع انها عروس و الواجب انها تكشخ!!! و بعد مرور شهر و بعد ما جهزت منيره جهازها من بدل يديده و بسيطه.... منيره البست بدله و انزلت تحت اقعدت عن ريلها................ و فوزيه اول ما شافتها !!!!
فوزيه: شنو هذاااا.... شنو الي قاعده اشوفه انا ؟!
منيره: (انصدمت و اخترعت من نظرة خالتها بنفس الوقت).....هلا خالتي؟!
فوزيه: كاشخه و لابسه و نازلتلي تحت؟؟!!!!
منيره:...............................
فوزيه:وشحقه هالكشخه ...؟؟؟ ,., ماتدرين بو فواز ما مر عليه من وفاته؟!
منيره: (منيره كانت ساكته طول الوقت.... و قعدت شهر واهي تتحمل غثا الخاله .. لكن ردت عليها)...... خالتي قلت البس بدله يعني .. مو كله عبايه انا قاعده بالبيت..
فوزيه: بدله و بدله... لا نزليلي بعد باجر وانتي حاطه مكياج و متزلطه ...؟؟؟؟ شنو هذاا؟؟؟؟ مو عيب؟؟؟ و بالبيت انتي مو بروحج ... فوزا و فهد و نواف موجودين!

ومنيره طول الوقت قاعده عند احمد .......... لكن يوم زادت الجي ماقدرت تتحمل ... و صعدت دارها فوق ...تبجي!!

احمد: يما شفيج عليها... ما سوت شي غلط خو ..؟
فوزيه: لا والله خوش؟؟؟ خوش حجي هذا؟ وانت واقف وياها بعد؟؟؟؟؟؟؟؟؟ وياها ضدي؟؟؟ ياولد بطني؟؟
احمد: يما صلي عالنبي.... بعدين يايما اهي عروس... قاعده طول هالفتره تجاملنا لابسه العبااايه ..والله لو غيرها جان مالها شغل بشي!! وبعدين لبسها مو ضيج ولا مرصرص ... عادي اشوفه!
فوزيه: عادي مو عادي ... خل تلبس فوووق بدارها تكشخ مواهني..... لا و قاعدتلي طول الوقت لازقه فيك.... شنو هذا ما تستحي.؟؟؟؟؟
احمد: استغفر الله العظيم............... يما انا بقوم اروح فووق برتاااح بنااام تعبت

فوزيه: ااي ااي روح لها روح لها


الاحداث باختصار بين روان و حسين.....:

مرت الايام ... و روان صار كل همها حسين ....... و حسين صار كل همه روان و حب روان اللي معذبه... ... ومع استمرار الدوام ... روان كانت تدوام من 8 الصبح لي 4 العصر عقب ترد البيت تتغدا ...
يعني كان دوامها هلاك .... كان بريكها يوم الاثنين بس ساعتين ....
ف كانت كل اثنين يمرها حسين ... و يروحون يتغدون ..... و كل اثنين من كل اسبوع .. يعيشون قصه حب يديدة......

تقولي روان على لسانها :-

يوم الاثنين كنت اخلص 2 ونص
يشتري لي حسين غدا ويمرني نروح اماكن محد يعرفنا فييها... اممممم ف فكرنا وين نروح وين نروح ....!!!! الفنطاس!!! تخيلي علشان محد يعرفنا هناك....
نتغدى بالسياره
انا : شدعوة فنطاااااااس
لوووووول الجهرا اقرب

روان: نقعد على البحر
والجهرا مافيها بحر
هههههههههههههه

انا: اي اي بهذي صح هههههههه
روان: عقب دلينا الفنطاس عدل ومطاعمها
انا: لول شغداكم كان
مكدونالدز؟

روان: ايييييي
بعدين يوم دلينا هناك تطورنا
قمنا ننزل نقعد بابل بيز
هههههههههههههه
انا: لوووووووووووول يه يه يه
روان: اي اي اي كشخه شعلى بالج
روان: اول الايام كنت اخااااااااااااف يسوي فيني شي
ولا ايام الثانويه من بعيد لي بعيد
حتى بالطلعات .. لمن اطلع اواعده مايقرب لان امي معاي

روان: لا ساعات تصير سالفه مثلا ... اقوله ليش وفكر وميخالف وجذي وياخذني الحماس....عاد اهوو يطالعني و يطفرني يقولي,,, خلصنا يقولي.......... والله حاط ايدي على قلبي اخاف تسوين شي
قاعد افكر من وين اييب اسفنج الحين
وصابون وعلى ما ينشف ولييييين (سالفه الحادث )
لين مره كنت صج معصبه قال جذي جان ازيد و اعصب ..
ماقام يقولها ... ههههههه
واذا صارت مناسبه يطالعني ويضحك اقوله قول بعد قول؟؟؟؟؟؟
هههه يقول انا ما تكلمت انتي فتحتيها على عمرج !!!

معن تدرين ان اهو اكبر مني ب 6 اسنين؟؟؟ بس ماحس بالفرق الكبير بيني و بينه !!

واهو من النوع الي ياخذ كل وضع
اي صحح يعني ساعات يتصرف مثل ابوي
قومي اكلي روحي درسي
يزفني ساعات على اشياء اسويها
: واهو ياخذ وضع انه يسمعني ويقولي رايه وينصحني
ويدلعني وااااايد
وبنفس الوقت ايي يقولي والله بسوي جذي وجذي شرايج
ياخذ رايي بكل شي ..
: يا انه يقتنع او لا
عادي
وانا نفس الشي اقوله يا اقتنع واسوي الي يقوله او لا ....

: وساعات احس انه عووود اقوله شايب شايب!!!!
يقول لي اي والشياب كله ياخذون بنات صغار تدرين ليش؟؟؟؟؟؟؟؟؟؟
اقوله ليش !!!
يقول علشان يدلعونه
يالله همزي راسي

ههههههههههههههههه
: فعادي ماكانت مشكله العمر
وحلو ترى شعور انج تحسين انج صغيره معاه
بس مو يتغافلج
لا بس يعلمج وجذي حلو
تتدللين .................
مره كان اهو يبي يروح البنك بسوي معامله
وانا فاضي بالكليه
دقيت عليه ولا قريب قلت له مرني وانت انزل سو شغلك وانا اقعد بلسياره عادي
قال اوكي و مرني..... المهم نزل خلص شغله عقب رحنا الفنطاس
ههههه
اول مره ننزل من السياره نتمشى على البحر
كنت لابسه جوتي عزج الله مشربك
فالرمل يدش بريولي
جان تدش زجاجه بريلي
طبعا اهو يعور
بس ماكان وااايد يعور
بس انا الفتفت عليه ولا اهو ميت من لخوف
تخيلي نزل قعد على الرمل
وفصخنيي جوتي.............................


طبعا اول مره يجيسني هاليوم...... من سنين عرفته
وانا كاش شعر ينبي
وجامده بمكاني
فصخني اياه وانا العوار الي فيني عاااااادي
اقدر اتحمله
بس عياره البنات شفته خايف
جان ازيييد
هههههههه
اقوله........... ااااي يعور وشلون الحين.......خخخخخ فرصتي !!
ومو قادره
ههههههه
مسكين بس صج لما يمسك الزجاجه تعووور
اقوله اسحبها يقولي لا مالي قلب!!!!!!
اقوله عااادي
يقولي لا
هني اوووووووول مره يمسك ايدي عقب 3 سنين من اعرفه
وساندني لي السياره ولو بيده يشيلني
والله انسى حسين يمسك ايدي وقتها...............
نروح ونيي وكل شي بس ما يجيسني كللللللش
عقب خدرت ريلي بس ورمل وعلى ريل وحده صج تعبت
واهو يحط ايده بخصري انا اجمد اوقف
يشيلها
ونكمل
هههههههههه
لي السياره
راح ياب بطل ماي نظف ريلي وانا
ماهان عليييييي
اقوله قوم انا اغسلها
يقولي قعدي انا اغسلها عادي
اقوله خلاص ودي الكليه وانا ادبر عمري اروح بسيارتي الطبيب
قالي لا انا اوديج قلت له اخاف احد يشوفنا قالي لا مستشفى لندن
ووداني
وربطوا ريلي وجذي
بعدين وداني الكليه
عاد عقبها صج دخت واهو يشربني ماي وماادري شنو
وشرالي عصير برتقال على قولته عوضي الدم الي راح
اي ه فقير
صج راسه يابس ساعات ويعاند
بس فقير قلبه طيب بكلمتين حلوين وشوي دلع يطخ
أي والله ... كان يعاملني مثل ما يعامل اهله..... كان لمن يعطيهم فلوس يعطيني انا معاهم تخيلي!!!!
محسسني اني بنته !!!
ساعات اروح اسوي بوستر حق الكليه وجذي يكون اهو معاي
اهو يدفع انسي انا ادفع

مايرضى !!!
كل اثنين كان يغديني
واختاري المطعم الي تبينه
اقوله صمون
نواره ما يقول شي
يقولي روحي زين شنو تبين؟؟!!!
اي ساعات اقوله بروح اسوي بوستر وجذي
يقولي خلني الحقج شوديج هناك بروحج
اقوله لا لا عادي
بس علشان ما يدفع !!!
وايي معاي ويدفع
ايي اقوله ملييييق
يطالعني و يقولي ااايييي حدييييي !!

كنت اقعد احسب شكثر اهو دفع لي هالشهر
جم يوصلون تقريبا
في شهر وص معاي قريب ال 40 او 60 دينار
فششششششله ... اهو كان معاشه على قده و يصرف على خواته و على نفسه وانا فوقهم بعد!!
هههههههههه
لا بس تهاوشنا مره على هالسالفه
يقولي دقي دقه وسديه اهو فواتير
اقوله مابي
يقولي امبلى
وما اسويها
قام شسوي يسده بويهي ويدق
نجره انا وياه على هالموضوع
مره رحنا الكوت بشتري هديه حق امي
طبعا احنا نروح هناك علشان ما نعرف احد هناك
دخلنا اون تايم
وشريت لها ساعه
المهم كان في ساعه ارماني عجبته
وصج حلوه
قالي الشهر الاسبوع الياي ينزل المعاش واخذها
وانا صار لي شهرين ايمع فلوس بشتري له شي
جان اروح اشتريها وطبعا زت من عندي واعطيه اياه
ويييي شسوى!!!!!!!!!!!!!!!!!!!!!!!@@
وليش وماله داعي وانا كنت راح اخذها وكلفتي على عمرج!!!!!!!!! ههه عصب علي
اقوله خو هذي فلوسك مو انت تقول ماكو فرق بيننا عادي؟
عاد اشوه خذاها
هههههههههههههههه
الحمدلله الحمدلله صج الي سويته غلط
بس والله ما تحسفت عليه
ولما استمرض...................................( و استمرت روان بالكلام عن يومياتها اهي و حسين... وانا حذفت وايد اشياء من حياة حسين ...ماحبيت اذكر التفاصيل... خصوصا حياة حسين الشخصيه و المشاكل اللي تصير مع اهله ).......


ومع الايام خلاص .. قرر حسين ان يروح يكلم ام روان في مكتبها ......

حسين: السلام عليكم... (واهو داخل مكتب خالده ال....)
خالده: عليكم السلام ... تفضل اخوي .. معاملتك ...
حسين: عفوا.... معاي خالده ال....؟
خالده: اااي ... امرني.... حاب اخدمك بشي؟
حسين:بصراحه ..... انا مو ياي حالي حال المراجعين .. ولا عندي معامله ابي اخلصها عندكم ولا شي...
خالده: امم .. عيل شنو اقدر افيدك فيه ؟
حسين: بصراحه ... بدون مقدمات ... قبل لا ادش بالموضوع .... حاب اقول شي .. و حاب اعرفج بنفسي اولا ....انا فلان الفلان .... اشتغل بالمكان الفلاني ... و عمري كذا ... و انا و انا.......................... و قال تفاصيل حياته كلها .......
خالده: (استغربت من هالشخص .. و ياي يقول تفاصيل حياته كلها ...)..... اوكي؟
حسين: .... و بدون لف ولا دوران ......... انا ياي طالب القرب منكم..
خالده: شلون؟!؟!؟!؟!؟ (بصدمه)!!!
حسين: طالب ايد بنتج روان ...
خالده ..روان!!!! وشلون و متى و وين عرفتهاا؟؟؟ وانا ويني؟؟؟؟
حسين: هدي خالتي ... انا راح اقولج السالفه كلها ... وين عرفتها ووين شفتها........ خالتي تذكرين لما تشركين بنتج بالنادي؟؟ نادي الانجلييزي.. قبل جم سنه ؟؟؟؟؟ انا عرفتها بالنادي .... و لو بنتج مو مؤدبه و محترمه و خلوقه ... جان ماتقدمت و يت بخطبها منج ..و ...و...و....و...وو ألخ ( قالها كل شي )
خالده: (طبعا اسمعته خالده لي الاخر) ,,,,,,,,,,,,,, امممممم ... يعني انت لك علاقه بروان؟؟
حسين: صدقيني خالتي علاقتي معاها جدا شريفه ... ولا حاولت اني افكر ااذيها او العب عليها او المسها... انا بصراحه يوم قلت بخطبها ... قلت ماكو الا انتي اخطبها منج .. يوم عرفت علاقتكم ب ابو روان ......و هذا كل اللي عندي... و اتمنى اني اسمع الرد باقرب فرصه..
خالده: (طبعا خالده انصدمت في بنتها ... و تقول بنتي كل هالسنين بعلاقه مع واحد .. وانا مغفله عنها؟!؟!) ...........
حسين: متى اقدر اعرف الرد؟
خالده: مادري.... وعن اذنك ... انا عندي شغل الحين .. تقدر تتوكل!!
حسين: ........................................على خير .. مع السلامه,,

(طبعا من طلع حسين من مكتبها واهي النار تاكل بقلبها ........... روان اخرتها جذي وانا ويني عنج من زماااااااااااااااااااان ..... تستغفليني ياروان ..............الخ)




بيت فوزيه:-

اااي نسيت لا اقولكم الاحداث اللي صارت في بيت فوزيه خلال شهر .....

احمد عاش مع منيره احلا حيااااااااة ....عاش بالحب ... كافح من كل اللي يحاربه .. علشان يحافظ على حبه ,,
كافح من هجوم امه و غيرتها من منيره .... و كافح من الحياة اللي عايشها ... اهو طبعا مايشتغل ف عايش اهو و منيره على 500 دينار فقط بالشهر... ابسط من البساااااط جداااااااااا... يعني زوج و زوجته معاريس .. ما يصرفون الا بحدود ال 500.. شلون ؟؟ 350 الاعانه الشهريه للمتزوجين من الجامعه .... 150 بدل اجار ...المجموع = 500 دينار بالشهر .!.!.!. ..ااااي و على طاري وين مهر منيره؟؟؟ 4 الاف الحكومه .. منيره عطت هال 2000 دينار يردهم للحكومه اللي خذاهم سلف.. و بالقصب اخذهم ... و قالها اسددهم بعدين مو مستعيل... لكن منيره ماتضمن الضروف لي بعيدن .. ف قالت له سددهم .. الحمدلله مو محتاجين شي .. و مو ناقصنا شي .. و ال 2000 الباجي ... اخذت منهم 500 و بقى 1500 خشتهم ...
.. و يالله يمديهم يوفرون لي اخر الشهر ... لبس بسيط .. سياره بسيطه ... بعد ما ذاق طعم الويل .. حاول ان يدرس و يخلص و يجتهد .. و يعيش مرته عيشه حلوة .. عيشه اللي كل زوج يتمنى يعيش مرته فيها...مانقدر نقول عيشه ملوك ... لكن .. عيشه حلوة .. بحكم ان توهم معاريس! ...


اااااي و شنو بعد ؟؟!!!

ااااي في نقطه مهمه جداا نسيت اذكرهااا ...

طبعا بعد وفاة زياد (ابو فواز) ....... تفرعن فواز واخوه فهد .. طبعا من بعد تأثير حريمهم عليهم ... و شافو الفرصه يتلهم من بعد تشيش و حنة حريمهم ... ان يروح يطالب بورث ابوه..... وان يبيع البيت ... بحجه ان اهو يبي ورثه حسب الشرع و القانون ...
طبعا فوزيه من بعد وفاة زياد ... صارت حالتها منتكسه.............ف كانت مالها شغل بشي... مكسوره نوعا مااا.... كانت دايم حاطه في بالها .. ان "الدنيا زايله" .. ما تسوا اني اتكلم وايد و احرق اعصابي... مردي بهد الدنيا و بروح مثل ما راح بو فواز ... ف كانت في اغلب الاوقات مستمعه ........

احمد:يعني شنو تبي ورثك؟؟؟
فواز: يعني انا عندي حلال حقي من حلال المرحوم.. وانا ابي اخذه... مايصير اسكت عنه ....
احمد: ترا يعني لا يغرك الحلال اللي تتكلم عنه! مو عمارات و لا شركات ولا مباني... كله بيت واحد و جم فلس بس .. زين الله يستر علينا فيه و عايشين!
فواز: والله عاد انا وااحد .. عندي مره و بيصير عندي قريب .. مو معقوله بحكرهم بغرفه و حمام في بيت واحد !!! ولا اني بنطر بيت الحكومة عقب مليون سنه يالله يطلع اسمي ! .. وبعدين انت شعليك يا اخي.. انا قايلك عطني شي من جيبك؟؟؟ حلالي و باخذه...
احمد:...............................لا حول ولا قوة الا بالله .. استغفر لله العلي العظيم... يا فواز يا اخوي .. عيب اللي قاعد يصير بينا.. تفرق شمل عايله علشان بيت و علشان وصخ دنيا...؟ ماتسوا ترا ......
فواز: وصخ دنيا ... انا راضي بهالوصخ .. الله و العايله عاد خخخخ ... المهم .. انا مالي شغل من هالحجي .. انا ريال وراي مسؤوليات و بيت ... و انا و فهد مصممين على راينا ... وانتو كيفكم...
احمد: استغفر الله .................(و يلتفت على امه قاعده عالقنفه و منزلها راسها و تستغفر و تسبح بايدها) .... شرايج يما بكلامه ؟؟
فوزيه:.........................................(تطالعهم.. و ترد تنزل راسها و تكمل استغفار)
احمد: (راح احمد صوبها و قعد يمها ).... يما حبيبتي جاوبيني... شرايج بكلام ولدج؟؟؟ اذا انتي راضيه انا ماعندي مانع يايما.. لكن اذا منتي راضيه.. ماراح اوفق...
فواز: (وعصب و قام يصارخ).... اهو بكيفك علشان ما توافق؟؟ منو انت علشان توافق ولا لا ...
احمد: (التفت عليه و رد التفت على امه ),,, يما شقتلي؟؟
فوزيه:.........................سوووو اللي تبونه.......
احمد: لاحول الله ... (واخذ احمد فواز و حاول يهديه.. و يفهمه ان الفلوس مو كل شي بالدنيا....مو اهم من الاسره و السعاده الي تصير.. لا تخلي الفلوس تعمي قلبك و عينك ...و لا تمشي ورا حريمك .. اهم يبون الفكه من امك... اوقف مع امك اهي محتاجتنا من أي وقت ثاني.... و لكن فوزا و فهد... راكبين راسهم ,,,, يبيعون البيت يعني يبيعونه)

و صار ما صار مني ..... و انباااع البييييييت الكبير... بيتهم كان كبير مساحه و ارتداد و بمنطقه جداااااااا راقيه ... ف كان اييب مبلغ و قدره...... ....

و فواز اخذ ورثه .. و شراله بيت ... و عاش مع مرته اللي عاله قلبها بطلباااته ... و كل يوم عازمه اهلها بالبيت .... يعني البيت تقريبا صار لأهل نوال


و فهد كذلك.... شراله شقه تمليك....بقيمة الفلوس اللي طلعلتله



اما عن احمد..... ف شراله بيت بمنطقه حلوة ... و فوزيه حطت الفلوس اللي طلعله مع فلوس احمد و نواف طبعا لا تنسونه .... اخوهم الصغير....
صار فلوس نواف و احمد و فوزيه ... و شرو بيت احسن من بيوت اخوانهم... و فوزيه قالتله ان ينكتب البيت بأسم احمد و بأسم نواف اخوه ... وان لا يسجل شي بأسم فوزيه......ليش؟؟؟؟

علشان لا يورثونه اخوانه و يمرمرونه من بعد وفاة فوزيه.. و لا يشوف اللي شافه عند وفاة ابوه ....

واهني بدت مشكله ثانيه بين احمد اخوان امهم.....
ان " قص عليج احمد و خلاج تكتبين حلالج بأسمه ؟؟"
و كل يوم روح و تعال على هالسالفه ...........

اممممم.... شرايكم اكمل لكم الاحداث باجر...ههههه لاني اختصرت بالاحداث بما فيه الكفاايه ...

 

[fatma90]

مشكووووووووووووووورة وسوري عالتحلطم
بس كله منج محد قالج حطي قصة حلوة

حياتي حضوورج الاحلى :tek:

 

[fatma90]

ناطرين

انشالله ما انتعلق خخخخخخخخخ

يعطيج العافيه

الله يعافيج و سوري عالتأخير

نااااااااطرين
يعطيج العافية على القصة الحلوة

مرورج الحلووو :tek:

مشكوووووووووووووووووووووووووووره عالبارت .. وياله ناطرين الباجي

العفو قلبي حيااج :eh_s(6):

القصصصصصه روووووووووووعه

بالانتظار التكمله بليييييييييز لآ تتأخرين علييينا

مشكورة من ذوووقج :ggdw:

لا تكفييييييييييييييييييييييييييييين مو جذي يعلقوون ولا يسكبووون اكثر علقينا الله يخليييييييييييييييييج
امبي يعني والله احس كرهت القصة خلاص ما ابي اعرف النهاية من كثر ما انا انطر مو شي جذي والله ترى وعد الحر دين انتي قلتي كل يووم بارت مو كل اسبوووووعين بارت

حقج علي .. سوري اذا ضايقتج .... و تشرفين القصه بأي وقت ....

و علشانج قمت اختصر بالنهايه ... بس ابي احط الزبده من القصه ... لأني ما اقدر اكتب تفاصيل سنين طويله بيوم واحد ...
ف قلت الاختصار احسن علشان محد ينطر وايد
واشكرج

 

[D3laa]

حبييبتي اذا البارت اللي بعده جاااهز حطييييييييه


وبليييز لا تطووولين > ما احب انتظر

 

[RaAaRy]

حبيبتي ففطوووووووووووووووووووووووووووووم :ggdw: تموووووووووووووووووونين<<<<<<<<<<<<<تشققت لما قرت البار اليديد _03BA:
بس حدي متشوقة ابي اكمل الباجي ابي اعرف شيصير على روان وحسين حدي ميتة بعرف شيصير لهم يعطيج الف عافية حوبي وناطرين الباجي على احر من الجمر

 

[fatma90]

لا البارت بعده ... بالفرن

لسه ما استواا

بس انشالله انشالله .... باجر اخر باااارت


بنزل فيه كل الاحداااااااث لو باختصااار ... مثل هالبارت للي فووق


شرايكم ب جذي ... احسن؟؟

 

[D3laa]

وتعمقي شوي بالاحداث وطوووووووووليه > صار فستاان


ناااطريييييييييييييينج

 

[fatma90]

لووول اذا بطوله عالاقل بنزله بعد يومين


نشوف على حسب الظروف


يلا تصبحون على خير

 

[احلى غلا]

ولو اني متاخره بس عفيه لا اطولين وكملي القصه بسرررعه
قصه عجيبه
ومشكوره حبيبتي وايد تعبانج

 

[range lover]

laaaaaa2 ambeeee ana masdooomaaa lesh chetheeeee :eh_s(2)::eh_s(2)::eh_s(2):
waaied e5tesarteehaaaa
plz ma abee e5tesaraat plzzzzzzzz​

 

[RaAaRy]

ها يا حلوة اليةم في بارت ؟؟
ترى متحمسة حدي للقصة <<<<<<<بتموت وتعرف شنو يعني العنوان

 

[اسوووره]

وااااااااااااااااااايد شكرا فطوم حبيبتي و احنا ناطرين و متابعين ... و مانبي الا انج توفين بوعدج لنا و تكملينها حبيبتي ... لا تعلقينا واللي يسلمج و اذا بتختصرين اختصري بس مو وايد وايد يعني اشويوووووووووووونا ...

 

[warood]

ee zain 7beebti 3adi ;** il 8e9a 7adha tshawig!! mu 6awlyn 3alaina!!