روان وحسين انتي زوجتي حبيبتي.....انتي اختي@@!! (قصه حقيقيه) !

[عاشقة روحها]

عجيييب الباارت..

بس فطووووم بليييييييز لا تختصرين مو حلوو

نبي بالتفصيل نفس قبل..

وثااتكيووو حبي..

 

[عاشقة البحر 93]

تسلمين فطوووومة على هالبارت الحلووو ويعطيج الف عاافية


بس اذا في احداث يعني زينة حطيها عشان انعرف النهاية بالضبط

ومشكووورة ناطرينج فديتج

 

[P!NKia]

مسكين احمد يطلع بمشكله ويطيح بغيرها
ومالت على فواز وفهد وعلى حريمهم

 

[ma3boocha]

لأ بلييييييييييييييز


بالتفاصيل وايد أحسن.....

مو حلو الاختصار كلش كلش كلش....


و يعطيج العافيه حبيبتي



و يالله نزلي بارت

 

[com-teacher]

يسلموووووووووووووووو

 

[شــــــــــــــوقــــه]

لا فطوم صدقيني مو حلو تختصرين

طول القصه بالتفاصيل على اخر شي اختصار مو حلو

خليه عادي

 

[احلى غلا]

فطوم يالله شدي حيلج باجي اخر بارت حدي متشوقه نزليه بسرعه
يعطيج العافيه حبيبتي

 

[خاشووقه]

امس واليوم ليما وصلت لي الصفحه الاخيره
موووووو تطوووووووولين علينا

 

[عاشقة البحر 93]

ناطرينج فطووومة

ويعطيج الف عافية

 

[ALyaNa]

واخيرااااااااااااااااااا رجعت فطوووم ما بغيتي نسيت القصة تدرين :d

عندي سؤال منو اللي يكتب البارتات انتي ولا صاحبة القصه اللي اهي روان ؟؟

وبليييييييز كمليها لان مليينا واحنا ننطر وااااايد طولت القصة فياريت تختصرينها نفس آخرر بارت ومشكوووووورة

 

[alMzYona]

:lololoe:قــــــــــــــــــــوه بنــــــــــــــــــــــــــات
شلووونكم شخبااركم !!!
بقولكم احنا مانبي على اخر شي نخرب القصه ونكتبها باختصاار نطرو اشوي على شااان تطلع النهااايه عدله وحوله !! اوكي :eh_s(15):
وALyaNa اي صاحبة القصه اهي الي قاعده تتكتب
والله يعافيكم
ومشكوريين عالتشجيع والنطره :krkrkr:​

 

[7sawya 3sal]

Laa t5t9roon .. 3ade nan6r bs manbe e5t9arat nbe bel taf9el el.momel lool o mashokren 7baybe ;**

 

[warood]

Yalla plz '3ebt youmain o maku faida!! Maku shay ydeed!! Yalla plz plz sar3ay!! Nabi nigra shay!! PLLLLLLLLLLZZZZ!! Yal ba6ee2a

 

[RaAaRy]

يالله فطووووووووووووووومي وين البارت حدي متشوقة بعرف النهاية بس بليز بدون اختصارات

 

[fatma90]

في بيت خالده:

روان: انا بغرفتي الحين مادري ... ليش شصار ؟
حسين: رحت لها اليوم و كلمتها و قتلها ابي اخطب روان و ناطر الرد... ليش اهي ما كلمتج؟
روان: لا كلش ما كلمتني ولا يابت الطاري ... حتى كلام عادي و وسوالف ما دارت بينا كلش...امبيه حسين حبيبي حدي خايفه !! قتلها ان بينا علاقه؟؟
حسين: لأ لأتخافين ولا شي ... فهمتها كل شي و قتلها انا ياي بنيتني زواج مو لعب وانا مافكرت ببنتج الا كزوجه .. و مافكرت العب عليها ولا شي...
روان: بس انا خايفه والله .. انا اعرف امي عدل... الله يستر بس ... بس اهي ليلحين ما كلمتني ولا قالت لي شي!؟
حسين: خلاص لاتخافييين....هانت ما بقى شي و تكونين لي ..... واكون لج ..... الله يا حياتي ... كل يوم احلم انج يمي .. بطول الوقت ...... اتخليج معاي بكل لحظه ..... اتخيلج بالنفنوف الابيض........وانتي طالعه قمر ... وماسكه الورد بيدج .... و ماسكه ايدي بايدج الثانيه .... و نمشي انا معاج ... و مانبي احد بهاللحظه... غير انا معااااااج ... اتخيلج تتغدين معاي .... تتعشين معاي... نقوم من الصبح نسوي الريوق ..... لأ لأ ما اتعبج معااي .. انا وياج اساعدج بكل شي .... ماخليج بروحج .... انا ابيج شريكة حياتي ..مو زوجتي... تعرفين شالفرق؟؟ انا اقولج ............ شريكة حياتي .. يعني انا وياج نقسم اللقمه ما بينا ........ كل شي تشاركيني فيه .. اما زوجتي اللي نعررفه لازم تطبخلي و تربي عيالها و ..و... لأ ... ابيج شريكة حياتي .... مالي غيرج ولا لج غيري ...... ابي نكون ربع .. حبايب .. ابيج تكونين لي امي ابوي اختي اخوي ... كل شي بالدنيا تصيريلي ... والله يا روان لا اشيلج بعيوني و اعوضج كل لحظه مرت عليج وانتي زعلانه فيها....... بنعيش حيااتنا ومحد له دخل فينا .....(ورااااح حسيييييين يبني و يخطط للمستقبل ) الا حياتي ... وين تبين يكون شهر العسل ؟؟؟ هههه اهو مو شهر شهر .. يعني اسبوع اسبوعين .. و طبعا اذا انتي معاي شي طبيعي ان عمرنا كله عسل بعسل و اعوضج بعدها ولا تزعلين؟؟
روان:...............................(بعالم ثاني)
حسين: ها حبيبتي؟؟
روان: هلا حبيبي؟ .........(بصوت متغيرو فيه نبرة حزن)
حسين: قلبي اشفيج؟ جني حاس فيج شي؟ جنج مو مستانسه كثر ما انا مستانس ...؟
روان: (طبعا بهالوقت روان غرقانه بالدموع واهي و اهي عارفه ردة فعل امها.....و تسمع امال و احلام حبيبها ... تطير بالهوااااا .... ) حسين .. قول انشالله...
حسين: انشالله حبيبتي انشالله ..........(وضاق خلقه يوم سمعها ..)
روان: الله يرد العواقب سليمه يارب.....
حسين: روا ن عفيه خليج متفاءله .. و صدقيني انا متفااءل .. انا عالنيه مااشي .. و راضي ربي .. وماسويت شي غلط .. و ادعي بكل صلاتي اني يجمعني فيج من بعد كل هالسنين ... تفااءلي ... ماكو شي بعيد على ربج .............صج يا روان ان انتي من مذهب غير وانا غير.........!! لكن هذا ماهو ذنبي ولا ذنبج ..... كلنا من ديره وحده.... ومو بعيده على ربج اللي قدر يجمع غيرنا ... يجمعني انا وياج بالحلال... انا مابي شي بالدنيا غيرج .... مابي الا تكونين يمي بالحلال.... وانام وانا مرتاح ضميري و راضي ربي...... روان والله العظيم اني يوم عرفتج ... عرفت طعم السعاده.... انا عايش وحييييد مالي غير الله ثم ربعي.... يوم عرفتج ... حسيت بمعنى الاسره.... حسيت ان لي اهل مو ضروري يكون بالقرابه......ياروان انا يوم عرفتج .. حسيت اني كأني ولد مضيع امه من سنيييييييييين ... من سنييين طووووويله ... تايهه بالدنيا .... مو عارف اهو ليش موجود فيها ... منو اهو منو ولده ... ليش العالم اضلم حوله ؟؟؟ .... لكن يوم شفتج و عرفتج ... لقيت الشي اللي كان ضايع مني و فاقده سنين ..... انا اابيج انتي ولا ابي غيرج ...ابيج من بين خلق الله كله ... اخترتج انتي !! ...... روان ... باباتي.... لاتكسرين مياديفي بدمعتج.. ولا تسبقين الاحداث..... واحنا ليلحين ماعرفنا راي امج...........قومي صلي ركعتين.... و امانة ادعي فيها ان ربج يجمعنا .... تكفين يا روان .. الحين محتاجين للدعوات اكثر من قبل...روان انتي حبيبتي انتي زوجتي " ....
روان: .............................
حسين: يلا بابا روان عمري انتي ... قومي قومي..(متضايق على كثر ماكان مستانس ......لكن ما يبي يخيب امله... و ليلحين ماعرف الرد )
روان: انشالله ياحسين ... الحين بقوم.... (وقامت راحت اتجهت للسيادة ... وتعدي ربها ان االله يوفقها و يستر عليها و يجمعها اهي مع اللي تحبه و يعوضها الحنان اللي افقدته العمر كله ... وان ماتبي شي بالدنيا غير حسين...وان االله يوفقها بدراسته و تخلص خصوصا ان اهي على امتحانات الفاينل و نهايه السنه الدراسيه)



بيت فوزيه:- طبعا احمد شرا البيت .. دورين .. الطابق العلوي لمنيره و احمد .... و الطابق الارضي ... فوزيه .. و غرفة نواف .. و صالة الاستقبال و الدوانيه و المطبخ .. و الصاله و ...و...

في جناح احمد و منيره ... اللي قاعدين يم بعض يطالعون فلم رومنسي.... و احمد منسدح بحضن منيره...

منيره: احمد...
احمد: هلا حبيبتي ..(و ماسك ايدها يبوسها)
منيره: مادري احس اني دايخه .. مادري مو على بعضي صارلي فتره .. بس خفت اقولك .. لكن اليوم الظهر دخت حيل .. و الحين قاعد تحوشني نفس الدوخه..
احمد: (فز احمد من مكانه....وحط ايده على راسها "يبهتها" ) .. منور حبيبتي خرعتيني شفيييج ؟؟؟ اخاف مصخنه ولا شي ..
منيره : مادري والله يمكن .... الظاهر صخونه كله حاسه بكسل وتعب ...
احمد: من صجج انتي؟؟؟؟؟ لا لا من صجج؟؟ قومي قوومي... صارلج جم يوم جذي و ماتتكلمين؟؟؟ ينيتي انتي ولا شنو؟؟؟
منيره: خو احمد قلت عادي يعني يمكن لاني مو نايمه ولا شي... لكن مادري ..
احمد: قومي اوديج المستشفى اشوف شفيج.. وانا اقول شفيها هالمرا نايمه طول اليوم و حاقرتني .... قوومي قوومي اشوف..
منيره: لأ احمد خلاص عادي .. التعب يروح و يرد .. و انشالله اصير احسن ...
احمد: ماكو احسن ما احسن ... اشوف شفيج
منيره: والله مافيني شي خلاص ... وان ماصرت زينه من الحين لي باجر .. ارووح باجر .. ماتسوا احمد .. خلنا قاعدين انا وانت .. نروح و نتعنى عالفاضي.. واخرتها ارهاق ولا تعب..
احمد: اوكي .... بس مره ثانيه لا تعيدينها .. فاهمه ..
منيره: انشالله
احمد: بوسيني اشوف ....
منيره: هههههههه
احمد: يلا يلا بلا حجي زاايد يلا.......مني مني (ويأشر بيده)
منيره: يلا بعد امري لله شسوي هههههههه

(توها بتبوسه ........ولا تقوم فجأة و تركض للحمام وانتو بكرامه ............احمد استغرب قال اشفيها !!؟ ... و خاف عليها و راح وراها .....)

احمد: منووور شفييج شفييج؟
منيره: ...............مادري مادري (وويها اصفر)
احمد: لا يبا لاا... اقول لبسي اهدومج و تعالي نروح الممستشفى ....... لا تقولليلي لا و ما لا .. يلا جداامي
منيره: ............... (وراحت حطت العبايه عليها و الحجاب.. و تعبانه بالقصب تمشي ...............ركبت السيارة اوصلو المستشفى......دخلو عالدكتور ... و قال تحتاج الى تحاليل.... سوت التحاليل الازمه ...واحمد مارضى يمشي الا لمن يتطمن على نتيجة التحليل و يعرف شنو فيها.....وبعد ساعه!)

السستر : منيره ال...
احمد: هلا سستر ...
السستر: تفضلوو نتايج جواا عند الدكتورة ....
(ودش احمد و منيره ... واحمد خايف لا يكون فيها شي..........)
احمد: السلام... هلا دكتورة طمنيني عن منيره ....
الدكتورة: ماكو الا الخير انشالله .... منيره حامل بالشهر الثاني ...
احمد: صصصصصصصصصصصصصصصج؟؟؟؟؟؟....
الله يبشرج بالخيييييييير يا دكتوووووووووورة... (وقام احمد لا اراديااا جاااان يلم منيييييييره )
منيره: احمد احمد .... بعدين بعدين
احمد: (انحررررررج ......! نسى عمره!!) اووو سووري .... مادري بس انفعلت شوي.....ههههههه سامحيني دكتورة و مادري شلون اشكرج !
دكتورة: ههه لا عادي تصير واايد مثل هالحالات .. لا تشكريني اشكر الله .....(وعطته ادويه لتثبيت الحمل و ادويه اللوعه و..و...و التعليمات .... ممنوع تتحرك خلال هال 3 اشهر... ممنوع الانفعال و العصبيه .. ممنووع ال.....وال...و...و....) وطلع احمد من الدكتورة و اهي طااير بمرته و وولده اللي بالطريج ..مايدري شيسوي بالضبط من الوناسه........... الساعه 2 الفجر.... وده يرووح يطير بالخبر عند امه ! .. لكن الوقت مو مناسب .... ااااااااااخ شينطرني لييي باجر الصبح ...
وراح احمد مع منيره البيت ....و دلعها و دللها زيادة فوق الدلع الي اهي فيه ....وراحو صلو ركعتين شكر لله ... و حطو راسهم عالمخده و منيره حاطه راسها على صدر احمد ..ولامها...

احمد: واي يا منورة مو مصدق ماني متخيل اني بصير ابوو.. هههه .. بيكون عندي بيبي 2 بعد .. منور وولدها
منيره: ههه انا بيبي يعني؟
احمد: ااي ها عيل؟.... انتي بيبي و حبيبي و قلبي ....
منيره: شنو تبي بنت ولا ولد
احمد: اللي ايي من الله حيااااااااااهه الله ... بنت ولد كلهم حلوين... و الاحلى و الاحلى ان انتي امهم ,,
منيره: حبيبي ..
احمد: قلبي .........الله لو امي تسمع هالخبر راح تطير تطير من الوناسه...
منيره: امبيه احس مادري مو راكب علي... توني صغيره حيل على اني اصير ام .. مو تسرعنا شوي احمد؟
احمد: لا لاتقولين جذي... هذا رزق من الله .. و صج انج توج نتفه ... لكن حلو ان الام صغيره و الياهل يكبر مع امه ... بس انشالله اشد حيلي و اتخرج من الجامعه ... هااانت اخر سنه بقتلي...و انشالله هم انتي تتخرجين و تجابلينهم ...
منيره: انشالله .. الله كريم
احمد: يلا حياتي ننام؟؟ يلا لميني حييييييييل خل انام ... ولأ لأ مو حيل .. شوي شوي لا افقص الولد...هههه
منيره: ههههههه

(ونام احمد ومنيره و مايدري شلون نام .. وشلون ناطر الصبح يطلع يروح يبشر امه بهالخبر السعيد ...)

قام عالساعه 9 الصبح ........ و نزل ركض تحت عند امه لقاها بدارها قاعده ........

احمد: صباح الخير يا أحلا و اغلى ام بالدنيا
فوزيه: هلا هلا ..
احمد: يما حبيبتي شلونج عساج مرتاحه
فوزيه: الحمدلله بخير .. اشفيك اشوفك مستانس ؟
احمد: يما عندي لج خبر بيطيييرج من الوناسه معاي.......
فوزيه: خير؟
احمد: يمااااااااااا بصير ابوووووو
فوزيه: هاااا؟ مرتك حامل؟
احمد: ااااااييييييي
فوزيه: اها عالبركه... بس مو يما توكم ؟ ماصارلكم من تزوجتو .. مسرع!
احمد: احم.. امر الله هذا .... بعد زين .. قلت ايبلج ياهل يملي عليج البيت ... مو احسين..
فوزيه: أي زين يالله الله يتمم !




بيت خالده:

حسين: معقوله امج ليلحين ما يابت لج الطاري؟
روان: لألألألألألألأ كلشششششش تصدق!!؟ وهم ماقامت تسولف معاي مثل قبل!
حسين: اممممممم ... شباقيلج عالامتحانات انتي؟
روان: بس عقب باجر اخر امتحان و اخلص...
حسين: خلاص انا عقب باجر بروح لها الدوام.....بقولها بعرف الرد ...
روان: اممممم تهقى جذي ؟
حسين: ااي لازم اعرف .. لازم ارسي على بر!!
روان: اوكي الي تشوفه!
حسين: يلا جابلي دراستج الحين.....درسي خلصي... ابي اكلمج بعد شوي خالصه كل شي....
روان:انشالله على امرك سي حسين ههههههه
حسين: شنو سي حسين هذي بعد يانبويه؟؟! .. قولي حاضر على امرك يا زوجي العزيز حسين ... يلا ااسمع
روان: هههه انشالله ........حاضر على امرك يا زوجي العزيز حسين... زين جذي؟
حسين: أي عفيه نسوان ما بتجي الا بالعين الحمره هههههه ... فديتج .. يلا بابا هالله هالله بدروسج ... اخليج انا الحين.. وان تبين أي شي دقي علي.......باي
روان: انشالله ... باي



وبعد يومين انتهاء روان لأمتحاناتها... حسين راح حق ا م روان للدوام.......

حسين: السلام عليكم ...
خالده: عليكم السلام (وارفعت راسها )............!!.....!!!....!! هذا انت!!
حسين:أي ممكن اقعد؟
خالده: ...................عندك شغل بخصوص العمل تفضل.. ماعندك شي .. اهني مكان عمل !!
حسين:صدقيني ماراح اخذ من وقتج ......كلها دقايق وبروح...
خالده: خير.؟
حسين: ماادري ... بس انا يايج بخصوص الموضوع الي قتلج عنه !! ... مارديتلي خبر.. ادري ان اهني مكان عمل و مايصلح لهلأمور ... ااذا اوكي موافقه مبدئيا .. علشان ايلكم البيت و يكون الموضوع رسمي !
خالده: انا اقول شيل هالفكره من راسك احسن ..
حسين:,,,,,,,,, ليييييييييييييييييييييييييييييييييييييش؟؟!؟؟!؟؟!؟؟
خالده: لا احنا من ثوبك ولا انت من ثوبنا......
حسين: خالتي مييخالف .... كل شي ينحل بالتفاهم .. وانا راح اقدرها و احترمها ... و ماراح اجبرها على شي ...و كل اللي يرضيكم راح اسويه .... و من الناحيه الدينيه ... راح يتم كل شي على حاله .. ولا راح احاول اتدخل بهالاشيااء .. صدقيني خالتي ..
خالده: بنتي ماهي رخيصه عندي ... وهذا نسب .. مو لعب يهال.... و اقولك احسن لك انسى هالموضوع .. وانسى شي اسمه روان ... و بنتي توخر عنها احسن .. لا ايلكم شي ما يرضيكم انتو الاثنين ....
حسين: خالتي ماعليه .. انا ليليحين ما فقدت الامل .. فكري بالموضوع .. والله راح اسعدها و اقدرها .. واخليها اسعد انسانه بالدنيا... انا مابي شي غير الحلال...
خالده: كل اللي عندي قتلك ياه .... و رجاءا انا عندي شغل... و لا تيلي الدوام كل ساعه .... شتبي الناس يتكلمون عني و السبه انت؟؟؟ اخر مره اشوفك ياي عندي .....

(قام حسين و طلع من مكتب خالده,,,,,,,وضاق صدره يوم سمع هالرد القاسي !!...)


واطلعت خالده من الدوام معصبه راحت للبيت سيده على غرفة روان...............

خالده: انتي ما تستحين على ويهج؟؟
روان: يما شنو صاير؟
خالده: هذي اخرتها ؟؟ جذي تسوين؟؟؟؟؟
روان:.............................
خالده: و الشي اللي براسج ماراح تسوينه ....
روان: شنو يمه؟؟
خالده: انتي عارفه عدل شعنه اتكلم........ هالشي شيليه من راسج فاهمه ......؟ و اشوف عطيني تليفونج
روان:يمااااا ليييييييش؟؟؟!
خالده: لا يما ولا مو يماا عطييني اشووووووف (وخذت تليفونها وطلعت عنها )

طلعت خالده من اهني.... و الهم و الحزن رحب بروان من الصوب الثاني ............... تمت روان على هالوضع من البجي و الدموع اسبوع .......... فقدت حسين ..... و امها تخلت عنها ... حاقرتها ......... حست بمأساة منيره ... لكن الفرق كان ما بينيها و بين منيره ..... ان منور امها ما كانت تدري عنها و لاتخلت عنها ...... ولا قست عليها....... اما روان ... كل البيبان تسكرو بويها ... و اللي كانت امها الحضن القريب لها .... خلتها وابتعدت عنها........
وحسين .. من اول يوم يدق مغلق.... اليوم الي وراه مغلق ... بعد 3 ...4 .... مغلق اسبوع واهو يدقدق على تليفون رواااان "........اااااااااخ ليكووووووووووون صااااااارت !!! استغفر الله ا لعظيييييم ... ليكوووووووون امهاااا" ....... انقطت كل الاخبار عن روان........ و غير جذي .... ان روان في عطله و اجازة 3 اشهر.... حتن الدوام ماكو علشان يعرف شصار و يتطمن عالوضع... يعني كلش مايقدر يعرف اخبارها ...... مر اسبوع كاااامل و حسين شاااب ناااااار .... يبي يعرررف شصااااااير ...... نطر.... فكر ... قال شسوي شسوي ...وين اروووح يبي أي شي يطمنه برووان .. و روان نفس الشي.... تبي حسين .. تبي حبيبها ........ مر اسبوع كامل عليها جنها 7 اسنين .......... اليوم طووووووووويل و مهموووم و ممل....... بعدها ... فكر حسين ان يروح حق ام روان للدوام... لكن بعد اخر جمله قالت له اياها ... "لا تيلي شتبي الناس يتكلمون عني من ورراك"........امممممم ... فكر يروح لها ... لكن مايدش لها الدوام و ينطرها بالسياره لي نهايه الدوام يصادفها.... قعد ينطرها من الصبح لي اخر الظهر خاف انها تطلع الصبح ولا تستأذن ....ف يلحق عليها..........وهو بالسياره.... يشوف سيارتها موجودها.... اهو طبعا يعرف سيارتها... لأن كانت روان تطلع مع امها ايام قبل و يشووفها ف يعرف شنو السياره و نوعها و لونها............................... خالده توها وقعت خروج و طالعه .................حيسن شاف خالده طالعه ....... ف رح عند سيارتها........... و فتح الدريشه واهو بسيارته...

حسين: خالتي خالتي....
خالده: (وتلتفت .....انصدمت) ...............................
حسين: خالتي تكفييين
خالده: (وتركب سيارتها و تحقره) ...
حسين: (كان مسكر علي سيارتها ف ماكنت تقدر تطلع) ...... (نزل حسين ...و طق الدريشه)....... عفيه بس بقول شي
خالده : (تنزل الجام) ..... انت شنو ما تستحي على ويهك..؟
حسين: عفيه خااالتي .. انا مابي اوقف لج اهني جدام اللي رايح و اللي رااد .. ولا ابي اييلج اهني ... عفيه خالتي ابي اقولج شي..... ابي كلمتين اقولها ...
خالده: اقول وخر سيارتك احسن لك خل اروح .. احسن من ما اناديلك الامن....
حسين: تيبلي الامن علشان شنو؟ علشان ابي اخطب بنتج بالحلال.... اهي بس كلمتين و بروح ... عفيه عطيني فرصه ... وراح اثبتلج شلون راح اسعدها عفييه
خالده: وخرر خل احرك ... فرصه بعد !! لا لعب اهو مو زواج صح؟؟؟ شنو جرب حظك؟؟؟؟؟؟؟؟ ... وخر وخر بسكر الدريشه ترا
حسين: عفيه خالتي ..... انزي لي طلب ممكن ..؟ بس اخر طلب.. و بمشي؟
خالده: انت ما اذيتني؟؟؟؟؟؟
حسين: عفيه خالتي لا تزعلين روان و لاتتضااايق طلبتج خالتي....
خالده: هذا اللي ناقص بتعلمني شلون اتصرف مع بنتي بعد؟؟ (وصكت الدريشة)

(راح حسين و ركب سيارته... ووده يعرف بس .. شلون الذنب اللي سووواه علشان يصير معاه كل هذا...؟ كل هذا علشان يبي يتزوج بالحلال؟ كل هذا علشان ماصار حاله حال الشبااب اللي يخربطون و يلعبون على بنات الناس و يخلونهم.......... كل هذا علشان نيته شريفه حق روان و يبيها زوجته بالحلال.!؟!؟!؟!؟!؟!؟ ......... لكن مو ذنبي ان انا من مذهب واهي من مذهب غير.......... ذنب قلبي اللي حبها .....!!!!! ضـــــــــــــاقت فيــــنــــــي الوسيـــــعه !!)



ومر الاسبوع الثاني ................ وروان ليلحين بدارها لا تطلع من غرفتها ولا شي.......... و البجي و الصياح ملازمها ............. ام روان تطق عليها الباب ....

خالده: بطلي الباب يا روان....
روان:..............................(حست ان يالها الفرج و ان امها بترضيها و بتوافق بعد ما شافت وضعها .. او ان في اخبار يديده عن حسين ..)
خالده: بطلي اقوولج .... صارلج اسبوع ما اشوفج تطلعين من غرفتج و هذا الاسبوع الثاني بطلي ....
روان: ..............................
خالده: بطلي اقووووولج....مضربه عن الطعام يعني...قومي اكلي

روان:.............مابي (واهي تبجي)
خالده: كيفج ....... بالطقاق.....لكن لا اللي ابالج ماراح تسوينه ولا تفكرين فيييه (وراحت عنها .....)
روان: (ااااااااخييييييه و خاب رجاها..... و تزيييييييييييد بالبجي)........ شنو حالتك ياحسين ........وينك ... شنو اخباارك .... مشتااقتلك ...................!! انت لو تدري عني جان ما خليتيني وانا بهالحاله ... ادري فيك تحبني ...

وتقول روان على لسانها:
"اذا كنت تعبانه
انام واقفل الباب علي
وطول الليل احط السماعه على اذوني اهو يقرا قرآن
ولا يسولف وانا بس اسمع
لين انام يسده
اذا مريضه صج مو لعب
عا صوته حلو صج "



ولكن حسين ليلحين مو مرتاح ,,, مو متطمن !!! .... مر جم يوم و ليلحين ماعرف شنو مصيره ............. و لا عرف اخبار عن روان !!

وروان حابسه روحها بالغرفه ...... وماتطلع من الغرفه اذا كانت امها موجوده بالبيت ........ روان ضعييفه بتموت اذا ما كلمت حسين او عرفت شي عنه ......... وام روا نمو عاجبها الوضع اليي قاعد يصير في بنتها ... لكن مو بيدها .. اهي تبي الشي الزين لبنتها .. واهي وحيدتها مالها غيرها.. ماتقدر تفرط فيها بسهوله .. خصوصا ان روان انحرمت من حضن ابوها من اهي صغيره .. ف ما تبيها تتمرر حتى بزواجها .............. بعد مرور اسبوعين وشي و تليفون روان ليلحين يعطي "الجهاز مغلق او خارج منطقة التغطيه....."


حسين ما تحمل هالوضع .... و ماتحمل هالبعد ... ف تذكر شي ؟؟؟ّ!!!!!!!!!!! ....اااااييي !! مالي الا ابووووها......!
مع ان يدري ان علاقة ابوها فيهم منقطعه من زمان .. ببس قال ييمكن احاول لعل و عسى! وانا ماني خسران شي ..!

طلع الرقم اللي كان مخزنه عنده ... واللي كان معطيه روان....! و اتصل ..

عبدالعزيز(بوروان) : الو؟؟
حسين: السلام عليكم
عبدالعزيز : عليكم السلام ؟؟هلا؟
حسين: معاي عبدالعزيز ال... ؟
عبدالعزيز: اي نعم ؟ مو معاي؟؟؟
حسين: انا حسين ال... ....,, والله بصراحه مادري من وين ابتدي .... لكن انا يايك و طالب القرب..
عبدالعزيز: نعم ؟؟ القرب من منو
حسين: من بنتك !!
عبدالعزيز : اي بنت ؟؟
حسين: بنتك روان.....!!!!!!!!! انا عرفت انك ابوها ف قلت اكلمك واقولك ...
عبدالعزيز: اها .. وانت منو ولده وين تشتغل شنو شهادتك و شنو ....وشنو......؟
حسين: انا ولد فلان عمري...................الخ
عبدالعزيز : اها .. انا ماعندي مانع ...........لكن شاور امها و شوف شيصير ..
حسين: امها؟؟!!!!!! ..... مو يمكن امها ما توافق ..!
عبدالعزيز: بعد ما توافق يعني ماكو نصيب ...
حسين: امممممممم ...(عرف ان الحل و الربط كله بايد امها ).... خلاص على خير انشالله... مع السلامه
عبدالعزيز : حياك الله .



حسين يبي يحسم الموضوع .,...ف قال " انا لازم احسم الامر ..... يا ابيض يا اسود !! .. ولا ان روان يصير فيها كل هذا و تذوق الويل ... انا لازم اروح لدوام امها ... و احطها جدام الامر الواقع .............." نطر حسين لي بدايه الاسبوع الياي وقت الداوم ... و للمره الثالثه حسين . . . يروح يقابل خالده ....... دخل حسين مكتب خالدة

حسين: السلام عليكم ...
خالده: (اعرفت صووووووته قبل لا ترفع راسها) ..........لاحول الله ...!!!!
حسين: خالتي .. ممكن اعرف شاللي صاير ؟؟ ليش كل هذا ؟؟ انا ييت طقيت البيت من الباب و قلت ابي بنتج ... ما نطيت من الدريشه !!! .. ليش كل هالمعامله وانتي اساسا ما عرفتيني ولا عرفتي طبعي ولا سالتي عني؟؟
خالده: ياسلام تقولي باب و دريشه؟؟ انت ناسي شسويت؟ من بعد مالعبت عالبنت سنين و علقتها فييك ........ وبعدين شنوا لزواجه اهي قصب؟؟؟ قلنا ماعندنا بنات للزواج شلون يعني..؟
حسين: انتي ماعرفتي عني شي ولا عطيتيني فرصه اقولج ...!.
خالده: مايحتاج اعرف الموضوع من اساسه مو ماشي..! ف ليش اسال و ما اسال .. و لوسمحت اانا حذرتك وايد قبل هالمره ان لا اشوفك عندي بالدوام ..... ولا حاب افضحك اهني واشرشحك جدام الناس...
حسين: خالتي شالحجي الله يهداج .. انا ماني ياهل ولا مراهق ... وبعدين شبتقولين ؟ بتقولين هذا يكلم بنتي و بنتي تحبه من سنين؟ ذكري الله خالتي و كل الامور ناخذها بالتفاهم ... انا كل اللي ابيه ... انج تعطيني فررصه .. واناا اوعدج اني ما راح ايلج المكتب اهني مره ثانيه ...بس عطيني فرصه ايي اخطب و سالي عني .............!كلمي عمامها خوالها يسالوني عني... انا ياي اخطب حالي حال اي احد...و شوفوا ذا يوافقون ولا لا .... لا تسكرين البيبان بويهي عفيه !!
خالده: ...........................................ماراح نخلص منك؟؟؟
حسين: تكفين خالتي اذا تبين الخير لبنتج!
خالده: خلاص خلاص...حط رقمك عالمكتب اهني.. و متى ما فضيتا كلمك
حسين: (رد فيه الامل ) مشككككككككككككككووووووووووووورة خالتي ....(وكتب رقمه بسرعه و طلع)
خالده: ...........(هييييين ... بشوف منو يمشي كلمته عالثاني !)

وبعد ما حالة روان تدمرت... و روان كانت مثل الورده ... والحين اذبلت ... صارت عيونها حمر من البجي ... صارت كأنها ياهل حارمينه من لعبته !!.......... وكله بدارها و ماتطلع ...................و ام روان قلبها يتقطع على بنتها ... ماتكلمها كلش ... كله بدارها ... ضعفت حييييل روان .. و تعبت حيييل.......و ام روان تحاول تقنعها ان تطلع من اللي اهيا فيه .. ان تبطل الباب .... البنت قاعده تضيع من ايدها....... و ام روان تطالع ....... بحدود الشهر روان ما كلمت امها .. و كله بدارها و ماتبي تطلع و لا تروح .. و راح منها الحيويه اللي كانت فيه ............ف ا م روان قالتلها :

خالده: بطلي الباب يا روان .........مايصير هاللي تسوينه بنفسج ...... بتروحين من ايدي .......... روان ذكري ربج و بطلي الباب ...... انا ابي لج الزين ............

وراحت ام روان تتوسل لبنتها انها تفتح الباب ... ولكن روان ........ ولا كلمة تكلمت ........ سااااكته كالعاده...

خالده: بطلي الباب ... حسين يبي ايي يخطبج (ما لقت الا هالحيله)
روان: ( فز قلبها لمن يابت طاري حسين ).......................
خالده: ماتبين؟؟؟؟؟؟؟؟ ترا اقوله ما اييي ....!
روان: (مترردده تبطل ولا لأ ,,,) .. يما تقصين علي!!
خالده: يايمه لأ ما اقص عليج وكاهو رقمه بيدي .. وانا بشوف له يوم و بدق على خوالج و على عمامج و ايي البيت ...
روان: ( روان بقلبها ... معقوله امي بترضى فيه؟ معقوله بتوافق..؟ اي ليش لأ.. يمكن كسرت خاطرها.. و عرفت شكثر اهو يحبني و يبيني ... اااااااااخ بس لو عندي موبايلي جان عرفت شلي قاعد يصير ...) ..........
خالده: يلا اذا ما بطلتي و ما طلعتي .... ماراح يطب هالولد بيتنا..... و انا نازله الحين تحت ...


ونزلت خالده و كلمت خوال روان و عمامها و هم بعد احمد عن الولد و ان اهم لازم يكونون موجودين علشان يقابلونه لأن البنت راح تروح من ايدها أذا ما الحقت عليها..... اتفقو على يوم معين " الثلاثا " .... و دقت على حسين ووافقت له ايي يوم الثلاثا البيت .....


خل اختصر لكم الي صار ........... يوم "الثلاثا"

تجمعو العمام و الخوال....... ووصل حسين و دش عندهم ....
اسالووه عن اسمه و اهله و عمره و وظيفته ... و حسين قاعد يجاوبهم على اسئلتهم ...... و خالده اقعدت معاهم ............... اما روان ... قاعده فوق بدارها ......... واهي تدري ان حبيبها اليوم ياي لهم البيت يخطبها .......... واهي تااكل بنفسها ,,,,, حبيبها اكيد وصل! اكيد موجود ! اكيد يه ! اي اهو ما يتأخر علي ... اهو يبيني ....... بس شلون اعرف اذا موجود ولأ لأ ..........واااااي شهر مادري عن اخباااااره ... فقدته شهر ...... لأااااااا ... شلون جذي ....... ما اقدرت تستحمل اكثر من جذي ........ ف قررت .................!!!
انها تنزل تحت وتشوف اذا ووصل ولا لا........ تنزل شوي شوي عالدري
شوي شوي تطل على باب الاستقبال
تسمع صوت الريايل يتناقشووون و يسالون
فجأة
صوووت حسييين !؟؟؟
اااي ااي هذا حسييييين...
هذا حبيبي .......!!
تحس قلبها يتقطع علييييييييه
حسين في بيتنا وانا ادوررره

حسين يالي لي بيتنا ؟!؟!؟!؟
شسوت ؟؟

لا اراديا راااااااحت لغرفة الاستقبال .... افتحت البااب..
الموجودين العمام و الخوال و الام و حسين و احمد......
فتحت روان الباب.....
الكل التفت ناحيه الباب ولا !!! روان!!!!

افتحت روان الباب و اقفت متسمته ....... مااهتمت حق اي احد موجود..... عيونها طاحت سيده على حسيييييين...........
حسييين اهنييي..
و شافت حسين
والود ودها تقوووووم ركض و تلمه حييييييييييييييييييييل تعوض حنان الشهر اللي افقدته ..

خالده: اشياايبج انتي اهني...
روان: حسين !!
خالده: صعدي فووق دااارج
روان: حسيييييييين !!
خالده: روانووووو (واهي معصبه وتصارخ عليه)
روان: ابييييييه !! ابي حسييييين .. مابي اصعد .. ابيه

خالده استنكرت من الوضع و من الجرااءه اللي اطلعت من روان ..... روان اللي ما تراادد ولا تعلي صوتها .. الحين قامت تعاند... وحسين قاعد يطالع عيونها واهي تدمع و اهي غرقانه هم و حزن ..........
خالده: (قامت خالده من مكانها و راحت عند روان) ... اقوولج قومي فضحتيينااا جدام الاوااادم....
روان: ابييييييه حسيييين وماني رااايحه ... انتو ليش تسوووون فينا جذي........ احنا شسووووينا.... ليش تعاقبووووناااااااااااااا (وتبجيييي ... و اوقفت من مكانها مو وراضيه تتحرك )

حسين: روان ...
روان ... روحي غرفتج ....
روان: حسين انا ابيك.....

حسين: يا روان ...... سمعي كلام امج

(وهالموقف صار جدام الموجودين كلهم ...)
خالده: انتي صج ما تستحين على ويهج يلا اشوف جدامي ... (و اسحبتها.. ووطلعتها بره ) ...

حسين : (حسين ما قدر يتحمل الللي صار جدام عيونه....و قلبه انعصر عليييييييها.. و حس بخنقه ..... لكن شنو يقدر يسوي... حبيبته؟؟؟ اي حبيبته ...... لكن هذي امها !!)......يا جماعه انا استاذن الحين.....

الموجودين: حياك الله
حسين: عندي طلب ياليت لو يوصل حق ام روان .... ياليت لو ما تقسى على بنتها وحيدتها ..... كافي الزمن قسى عليها ... و حملها اكثر من طاقتها ... الحب لاهو جريمه ولا شي .... "وان كان الحب جريمة فليشهد التاريخ اني اعشق الاجرام "..........) وطلع واهو بسيارته مقموت مهموم ... حبيبته اللي ما عرف عنها اخبار من شهر .. الحين يشوف واهي حالتها متدهوره ..... و امها تقسى عليها جدامها ... واهو اللي ما يرضى ان الشووكه تحوش طرف من صبعها ... ولا نسمه الهوا تضايقها ........ الحين امها تسوي جذي جدامه ) ....... طلع واهو مايدري وين يروح ...... واهو يمشي بالطريج .... ولا الرادو ...... حاطين اغنيه
حس ان الاغنيه اهداء حقه
واهي يمشي بالشارع حزة المغرب
و عيونه تدمع
مع كلمات الاغنيه .....


اممم تبون تعرفون شنو الاغنيه؟؟

"عبدالله الرويشد .." وحشت الدار...

http://www.6arab.net/ViewSong/217692.html

سمعوها...



وحشت الدار يا حبيب ... وحشت الدار
وحشنا قلبك الطيب ... وحشت الدار

وحشنا ولا تمر شالمانع عسى ماشر
لا طاري ولا اخبار .. وحشت الدار

مو بس الدار ولهانه مو بس الدار
شيّر سكتنه وأغصانه مو بس الدار

فريج أظلم بعد عينك
وكل شي يسألك وينك
لا طاري ولا اخبار
وحشت الدار

حمام الدار سافر لك حمام الدار
ترك عشه ورحل يمك حمام الدار
مو بسك عاد متغيب كفاية يا حبيّب
لا طاري ولا اخبار ... وحشت الدار



وتزيد دموعه .......و يتذكر روان ...
وشريط الذكريات يشتغل من اول يوم المعهد .. الى اخر لحظه شافها.. اللي اهي قبل دقايق قليله ..

حسين كبر و كبرت معاه روان ..... عاش حياته كلها مع روان ............ لكن حسين....." ناطر رد اهل روان ... واللي اهو اعتبره اخر باب امل له ..."

ويتذكر وضع روان و ماهان عليييييييييييييه .........!


.... ومر على السالفه اسبوع......... بعدها دق على الخال ... و قاله .... شصار عالموضوع ....... الخال رد عليه .....

الخال: اسمحلي يا حسين .. للأسف مافيه نصيب ...!!!!
حسين: لييش؟ ممكن اعرف....
الخال: والله احنا ساءلين عنك والنعم و ماكو اي شي... بس انت تدري بحكم اختلاف المذاهب .... و هذا نسب.. يعني وراكم عيال و و و ,,, ماراح تعيشون بروحكم .... و الله يوفقك و تلقى اللي يسعدك .. مع السلامه ..

وبعدها حسين خاب الرجا فيه ........ و روانا عرفت الخبر.... و انهارت مره ثانيه .......

واتصل احمد على ام روان ..... قالها خالتي انا ابي اقعد شوي مع روان ......... وافقت الام .... و يالها البيت

روان: (حست بالفرج و حست ان يمكن يكون فيه ولو اخر امل ... و حست تبي تفضفض حق احد يفهم لها و يحس فيها.... روان قاعده و عيونها بالارض... و الدموع مو راضيه توقف ) ............احمد انا احبه ..... اهو عوضني عن كل شي فقدته انا ......اهو احن واحد علي بالدنيا كلها... والله والله والله ..... انتو مادري ليش مو مصدقيني .... مادري ليش ما تبون لي الخير..... انا احبه واهو يحبني ......................(واستمرت روان بالكلام عن حسين اللي طالع من قلبها ...)
احمد: روان ( و يمسح دموعها بكلنكس ... اللي ماهان عليه يشووف روان بهالحاله ) .....سمعيني ... انا اكثر واحد حاس فيج.........لكن يا روان ..... كل شي باالدنيا نصيب... وادري انج تحبينه و الولد يحبج ... وانا كلمته شخصيا .... لكن الكل عارف هالامور اللي تمنع ... و امانه الولد شااريج و يبيج ..... لكن في شي بالدنيا اسمه " النصيب " ..........






وبعد جم يوم ما اقدرت روان .. تشوف حبها يموت جدامها
وراحت تواجهه امها
وتكلمها ..
وتساحلها...
وتتراجهااا
و الام كلش ........ مستحيل تقولها شيلي هالفكره من راسج و لاتحاولين انج تفكرين بالموضوع و اللي اسمه حسين هذا تنسينه للابد
لييييش؟؟؟
بس خلاص ... كافي اختلاف المذاهب .. وهذا اكبر شي .. يخليني ارفض
لكن يا يمه مو بيدي و لا بيده !!
خلاص ...... نصيبه موعندج .. ولا نصيبج عنده

ولكن حسين و روا ن حاولو و حالوو ...
وروان و حسين قالو خل نقولهم انك صرت" سني " ... حسين اعجبته الفكره ... لكن قال .. لأ يا روان ... ما نبي نبديها بجذبه !
وبعدين اهلي كلهم غير ....
و روان و حسين حاولو وايد ... و تمو سنه كامله ....
واهم يقنعون اهل روان
مابقى احد ما دخلو يتوسط
لكن الام ما تبي
"الزواج لازم ينبني على اساس صح علشان يستمر صح"


روان بعد يومين ... شافت امها طالعه من البيت ... سيده راحت للتليفون و دقت عليه .........

روان: حسيييييييييين ...(و تبجي)

حسين: طبعا حسين مافهم من كلامها شي غير البجي .... خلاص خلاص روووااان .... وين امج ؟؟؟؟

روان: امي اطلعتتتتتتتتتتتت
حسين: روان حبيبتي ........... روان تكفييييييين لا تبجيين تكفين ...... و حسين يدمع معاااااااه ..... الله يخليج لاتزيديني هم فوق الهم اللي انا فيني ........... لا تقطعين قلبي...... (ولو بيده لو ايي و ياخذها من بيتهم و يطيير فيها بعيييييييد بعيييييييد عن الناااااااااااس... مايبي احد مايبي شي بالدنيا غيررررررررها )


روان: انا لازم اصكه الحين امي راح تيييييي ....احبك حسييييييين واااااايد وااااايد

حسين: روان حبيبتي... اول ما تطلع امج باجر ولا اي يوم ... دقي علي .. انا شاريلج تليفون و خط .. خليهم عندج علشان تطمنيني عليج .. تكفين يا رووان قلبي يتقطع واعرف اخبارج......


وسكرته رووان ... و انطرت من باجر مها تطلع ولا تروح مكان ....... من حسن حظها انها بتروح الجمعيه .. ف دقت على حسين .... و قالها 10 دقايق... تطرش احد ياخذ الجيس من برااا ... حاط فيه تليفون و خط ... و قالها خشيه بمكان محد يدري عنه ... انشالله لو تلزقين تحت سريرج علشان محد يشووفه ...

و تمو بحدود السنه كامله تقريبا و روان تقنع امها........ و خلال اول اشهر كل ما تطلع ام روان ... حسين يطلع بويهاا و يترجااهااااا......... بعد هالسنه الامل انقطع خلاص ....!
وتمت خالده علاقتها كلش مو زينه في بنتها روان
وباللي سوته
و ماقامت تخليها تطلع و لا تروح مكان الا معاها
ولا حتى تزور بيت رفيجاتها كلش
يعني ما تطلع الا من البيت لي الجامعه ..
وبعد كل محاضره تدق عليها.. و جدولها بيد امها
ومتى ما تخلص ترد البيت على طول ..

الاحداث خلال هالسنه .................

بيت فوزيه:
وخلال الزواره .... بما ان الام في بيت احمد ساكنه ... اخوانه يزورون امه .... ف القعده دايم كانت تنتهي بهوشه ....
و شلون انت ساكن بهالبيت الكبير ...
وماخذ حلال امنا ... اهو مو من حقك .....
ولا بهوشه حريم اخوانهم .....
و احمد دايم يعصب عليهم : و يخلي لهم البيت و يطلع..
الا ان يه يوم و زاادو علييييه ...
ف ماسكت عالوضع ...
احمد: الحشيمه مو لكم ... الحشيمه حق امي... لكن والله لو ما اخاف ربي.. و ما اكون سبب في قطع صلة الرحم ... جان ما خليتكم تطبون بيتي خير شر...
ودام هذا اسلوبكم معاي.... تفضلو طلعوو براا .... واللي يبي يزور البيت باحترامه حياه الله ... غير جذي... لا يزور مانبيه ..
اخوانه : تطردنا من بيت امنا؟ هذا وانت بايق حلالها بعد ... احنا ماشين الحين... لكن تأكد محنا مخليلنك تبوق حلال امنا و تقص عليها واحنا ساكتين ... سلام
احمد: حياكم الله ....!!! اللي ما تطولونه بيدكم واصلوه بريلكم !
منيره تعششششششششق شي اسمه احمد ... و احمد بعد يموت بشي اسمه منيره .... تغار منه من كل شي و ما ترضى احد ياخذه منها ولا يحط عينه عليييييييه ..... اهو مالهاااا ..
منيره ولدت .....

يابت توأم بنات شحلاتهم ........



بعد ولادتها ب 6 اشهر... خلت اليهال و سافرت مع امها علاج بالخارج و اخوها... بعد ما ازدادت حالة ام منيره ... عندها القلب و الضغط و السكر...... و لمده اشهر ... بعدها ردت للكويت.. العيال صارو عند ام احمد ... و اخت منيره الكبيره مها ..... تمرهم كل يوم و تجابلهم ..... لانهم يحتاجون رعايه لانهم حيل صغار.. و لو ما الضروف جان ما خلتهم منيره وراحت عنهم ..... و بعدها ردت لهم
وصار عند احمد 3 اطفال ... و عاد منيره معاهم ...
يعني يشتري لهم شي .. يشتري حق منيره معاهم لو حلاو 
ومنيره وقفت قيدها و بوقت الولاده.... سنه كامله ... بعدها كملت دراسه و تخرجت ... واحمد بعد تخرج ... و اشتغل و تحسن وضعه ...
و كبرو البنات ... والحين صار عمرهم سنتين .....
وكان احمد يحب بناته واايد و حيييييييل متعلق فييهم ..... وبناته يحبون ابووهم ... ف هم كانو يغاااروون من امهم .......... لوول .. و كل وحده تبي تحضى بالنصيب الاكثر من الحب و الحنان من عند احمد ....!
و عاش احمد سعيد بحياته... لكن دايم يتعرض حق هجوم اخوانه له .......

وروان و حسين........... القدر ما جمهم مع بعض...... و قرر حسين ان يبعد روان عنه ..... لأن ماكو امل و الامل مفقود .. ف ما يبي يعلقها و يقطع قلبها اكثر........... و فكر بطريقه ان يخليها تنساااااااه للأبد ...... لأن مو زين لا حق حسين ولا حقها و ان النهايه معروفه .... ففكر يخدعها بسالفه .. كل هذا لمصلحتها...... و ان يبعدها عنه باي طريقه ..... و انها تشوف حياتها خصوصا ان العمر قاعد يمشي فيها ... ولا تنطره .. خل تشوف نصيبها .................... و يمكن ان يتلاقوون بعد عمر طويل.... او اذا الله يبي يجمهم مع بعض... يجمعهم بأي طريقه ............ ف الخطه اللي سواها ... قالها روان .. ابي اشوفج بعد المحاضرات ضرووري...
قالتله ماتقدر ان امها وايد مششده عليها .... و قالت خلاص عالمحاضره الاخيره ...... اكشت فيها ........ و اشووفك
راحت له ...... طبعا في مكان قريب و بعيد عن الناس.....
حسين: روان .... ابي اقولج كلمتين و اذا تعزيني حطيهم ببالج ... انا تعبتج معاي وبمشاكلني
مشكوره على وقفتج معاي وتحملتيني
روان:..........................( دمووووع تخر.. طبعا من اول ما شافته قعدت تدمع لانها من زمان مو شايفته من عقب السالفه )
حسين: يمكن ربج ماجمعنا بالدنيا ....... و يمكن يجمعنا بعدين .. او نجتمع انا وياج بالاخره ....... احسن من الدنيا مليون مره
روان: بس انا ابييييييك ...
حسين بهالجمله قطعت قلبه .... الكلمه طلعت صادقه من قلبها .. لكن حب انها ينسيها حسين ... و لو باي شي ...بس المهم تعيش حياتها و تعيش سعيده...... و لقاله حييله يحتال فيها..
حسين: اسف يا روان.... وانا اعدج حسبة اختي ...!
روان:....................................................................................(انصدمت)
حسين يدمع لا اراديا من بعد ما شاف روان شلون انصدمت...
روان: انت كنت تقولي .. روان انتي حبيبتي انتي زوجتي .... الحين تقولي انتي اختي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

(ومشت روان .... معنها تدري ان اهو قالها مو من قلبه ... لكن طلعت جذي علشان يبعدها عنه ... لكن هالشي ما اثر بروان ..... و حبته اكثر من قبل .... ان قعد يضحي بنفسه ... علشان يسعدها و ينسيهاااااااا حبه اللي اعتبرته جريمة و عقاب مو حب !)


كلام روان:-

هدينا بعض
علشان لا نتعب اكثر ويقدر اهو يكمل حياته وانا اكمل حياتي
هدينا بعض من سنه
بس للحين بينا مسجات
وللحين ايي يشوفني
وللحين يخاف علي
وللحين يحبني وانا بعد
تعبت بين فتره وفتره اشم ريحته
احس فيه يمي بكل مكان
اسمع صوته باذني

بس مشكله اذا حبيتي احد و تعلقتي فيه ماتفكرين حتن شنو اصله ولا شنو جنسيته اصلا
وانا ما هقيت الموضوه عند اهلي لي هالدرجه
ولا عند اهله
سوالي كل شي عوضني عن كل شي
ما اقدر
اهو مشاكله وايد
وانا احاتيه حيييل
واهو نفس الشي
محتاجته يمي
واكثر مده طولت فيها اسبوعين
مانقدر
احتاج افضفض له
واهو بعد
هذا اول حب بحياتي
علاقتنا صارلها 5 سنين
من ايام الثنويه
اي صار لي ابو وصار لي اخو وصديق
والله حتى صرف كان يصرف علي
يمكن عبالهم اهلي ان راح يغيرني يخليني اصير على مذهبه ...
لمن اهو قالهم لأ ...
واهو قالهم هالشي
وقال لهم نملج بمحكمه سنه
وعيالي كيفهم يصيرون الي يبونه
بس مارضوا على قولتهم هذا نسب
والله مو بيدي انساه
اثنينا عندنا هموم و مشاكل
ومحتاجين لبعض
اهو تيي له ايام يحقرني
ومايرد علي
ويصير ناشف معاي
متعمد
علشان بس لا يعور قلبي
ولما اقوله ابي اشوفه لو من بعيد
يرفض اول شي
بعدين يقولي اوكي من بعيد لا تقربين
اقوله اوكي
تصير مره ومرتين وثلاث
بس عقب خص اهو مايقدر
انا عشت معاه 5 سنين من عمري
وعشت معاه كل مشاكله
شفت دموعه من اقرب الناس له واهله
وراضيه بكل هذا


والله مابي شي بس ابيه
لكن بالنهايه قالي اذا يالج نصيبح تروحين وانتي ناسيتني ......... وابي بس اكون ذكرى حلوة بحياتج ......

واهو نفسه قالي
انا بوصلج لي بيت ريلج
وعقبها ماراح تشوفيني حتى لو اشوف منج مسجات
وهذا الي بصير
خلاص والحين لو نشوف بعض والله من بعيد لي بعيد
والمسجات الي بينا بس نتطمن على بعض ونعرف اخبار بعض
بس تيي لي ايام احن له

انا عايشه الواقع الحين
عايشته
بس قاعده اتعب
وخلاص قمت ما افكر و احاول انسى
لا والله ما افكر
وعايشه عادي اروح وارجع مو مثل اول الايام
لكن تييلي ايام اخق فيها ...! ما اقدر ..! في شي ناقصني
: بس تمر علي هالقمته
ابي اسمع صوته
: مره ومره
اذا انا قطعت فتره اهو يدز
بس علشان يتأكد اني انا مافيني شي ...
واهو ليلحين مو متزوج ...
يقول مابي اظلم بنت الناس معاي
مالها ذنب ! اعيش معاها جسد و قلبي مع غيرها !
اتمنى انساه ...
لكن ماقدر والله ماقدر صعب
وتتمنين واحد جذي بس تدرين ماراح القى
اهو والله كل المواصفات فيه
كل شي

لكن كل شي بالاخر اسمه " النصيب "

الكاتب يوسف السالم




وروان الحين تخرجت من الجامعه .....عمرها 22
وحسين عمره 28 و ليلحين ما تزوج ..
قرروو ينسون بعض
لكن الحب اكبر منهم
بكل مناسبه مسج ....
و فوزيه حبت منيره ...... و اعرفت انها خوش بنت ... و انها ما تستاهل هاللي صار لها ... و انها غير عن حريم عيالها الباجي ...... خصوصا بعد طيحة فوزيه اكثر من مره .... و منيره اهي الوحيده اللي اهتمت فيها و راعتها و توديها الطبيب و تييبها خصوصا بغيااب احمد و بوقت دوامه ....ف كانت دايما تقول " الله ما رزقني ببنات لكن رزقني بمنيره"

 

[fatma90]

اشكر كلمن قرا قصتي و تابعني ........... و تحملني بعد لووول

و الشكر اولا لصاحبة القصه ......... عطتنا كل النفاصيل فيها ...
لوول و ترا اهي موجوده معانا بالمنتدى :eh_s(9):

واشكر الحنه .... بنت عمتي واهي تصدع راسي بحنتها علي..

وانشالله تعجبكم القصه ... مع ان ادري ان النهايه مو سعيده ....
لكن هذي قصه حقيقيه وواقعيه ......

وشكرا على تشجيعكم

وسامحوني عالقصووووور :bye22:

:nbvppw:

 

[rwanoo]

يعطيج العافيه

 

[fatma90]

يعافيج حياتي ...

سوري ضيقت خلوقكم ... بس جذي النهايه .. .ّّّ

 

[لن ننساك]

امبييه لا مو صج واااايد تاثرت بالقصه الله يهدي ام روان

مشكووووره على القصه الاكثر من روعه

 

[fatma90]

بنااات ابي اعرف القرااااء اللي يقرون هالقصه


ف بليز اللي يدش يقراها ... يسجل حضوورة و لو بكلمه ......

ويقولي رااااايه بالكتابه .... مدح او نقد راح اتقبل


وميييرسي عالمتابعه