++ تجمع خاص للي تبي تحمل ببنت ++ @ حياكم @

[شيخة البلادين]

حتى انتو في الكويت عندكم هالسوالف والله على بالي بس بيت اهل زوجي :0bee2e8d89:

مادري شنو يستفيدون لمن يغبون

بس انا بيت اهل زوجي يطولون على مايولدون يعني عادي تكمل العاشر

وتولد وانا بضبط يوم الي اغتسل فيه في نفس التاريخ اولد او قبله بيومين

يمكن على شان جذي مايتكلمون يتفشلون من روحهم

هلا ام زاكي.. شخبارج..

عندنا وعندكم خير....

 

[شيخة البلادين]

بنات.. الدكتورة عطتني مع وصفة الغسول الحمضي ورقة فيها العوامل التي تؤثر على تحديد جنس المولود سواء ولد ولا بنت..

وانا بطبع لكم طبعا العوامل الخاصة بالبنت..


العوامل التي تؤثر على تحديد جنس المولود..(زيادة نسبة الاناث)

1) النظام الغذائي:
- تفاح..أناناس.. عرموط.. خيار.. خس.. جزر.. كرنب.. منتجات الالبان
- الامتناع عن الملح والاطعمة المالحة.
-تقليل الدهون والالياف.
-تجنب المياه الغازية (الكولا..البيبسي..وغيرها..) التي تمنع امتصاص الكالسيوم.

2)توقيت الجماع:
- ان يكون الجماع قبل وقت التبويض أي بعد الانتهاء من الدورة الى يوم 12 من نزول الدورة.

3) طريقة الجماع سطحي ويعمل دش مهبلي حمضي قبل الجماع (ملعقة خل ابيض مع نصف لتر ماء).

والاتكال على الله الذي يرزق من يشاء الذكور ومن يشاء الاناث.

 

[meme33]

صباح الخير يا بناااااااااااااااااااات
شاونكم وشخباركم
باركولي امس سويت سونار
واااااااااااااااي فديت البيبي
سمعت النبض
وشفتة ياحالاااااااااااااااااته
بس قالتلي الدكتورة النبض سريع احتمال ولد
يعني انا احتمال برا التجمع[/




ليش اشدعوه بره التجمع
انا بتم بالتجمع بعد اذن مبدعه لحد ما ربي يرزقني بالبنت وابشركم انشالله
تعالي يبه سطري وياي حياج يا قلبي

 

[meme33]

شدعوه يا الغاليه تبجين..ترا اللى تجيب الولد تجيب البنت..ومو زين عليج هالاحساس..تحمدي ربج على النعمه اللى انتى فيها..

انا كنت ميته عالبنت اول حملتين..بعدين صار عادى عندى..بس اللى حوالى شفقانين يشوفون بنياتى..

واللى يحز بالنفس ان ام البنيات تخاف على بنياتها منى..قلت حتى انا اخاف على عيالي منها..:dddds:

وودى ببنيه تشيلنى انا وابوها تالى عمرنا..توقف يمى بعروس اخوانها..تصير صديقتى وسري مثل ما احنا مع امنا الحين عسى الله يخليها لنا ان شاء الله..

عسى الله يرزقنا ولا يحرمنا ...يااااااااااااااااااااارب..يا كريييييييييييييم..

مشكوره ياقلبي
والله لا يحرمنا من البنات انشالله
ويرزقنا فيهم قريب انشالله

 

[سما الكويت]

اشلونكم بنات..

بشرونا عنكم..

اليوم جابتلكم موضوع جديد نتكلم فيه لين تجي اخبار البنات..

احلامكم والحمل..

سولفولنا شنو تحلمون وتصدق احلامكم والا لآ...طبعا الاحلام اللى تتعلق بجنس الجنين..

 

[شيخة البلادين]

هلا وغلا..شلونج سما عساج طيبة..

ان شاء الله اشارك بموضوعج الخاص باحلام الحوامل لما الله يكتب لي الحمل...

بس اذكر ان الاحلام وقت الحمل تكون كثيرة.. واغلبها خرابيط وامور متداخلة.. وماحاول الاقي لها اي تفسير..

 

[سما الكويت]

بنات.. الدكتورة عطتني مع وصفة الغسول الحمضي ورقة فيها العوامل التي تؤثر على تحديد جنس المولود سواء ولد ولا بنت..

وانا بطبع لكم طبعا العوامل الخاصة بالبنت..


العوامل التي تؤثر على تحديد جنس المولود..(زيادة نسبة الاناث)

1) النظام الغذائي:
- تفاح..أناناس.. عرموط.. خيار.. خس.. جزر.. كرنب.. منتجات الالبان
- الامتناع عن الملح والاطعمة المالحة.
-تقليل الدهون والالياف.
-تجنب المياه الغازية (الكولا..البيبسي..وغيرها..) التي تمنع امتصاص الكالسيوم.

2)توقيت الجماع:
- ان يكون الجماع قبل وقت التبويض أي بعد الانتهاء من الدورة الى يوم 12 من نزول الدورة.

3) طريقة الجماع سطحي ويعمل دش مهبلي حمضي قبل الجماع (ملعقة خل ابيض مع نصف لتر ماء).

والاتكال على الله الذي يرزق من يشاء الذكور ومن يشاء الاناث.

وى..وانا مخليه الخيار اقول مايصير..

وهم ركزو على المكسرات..اللوز والجوز بس مو مملحين..والبيض هم يصير..

جزاج الله خير يا الغلا..وان شاء الله هالشهر التزم صح..والله يرزقنا ولا يحرمنا اللون الوردي

 

[سما الكويت]

هلا وغلا..شلونج سما عساج طيبة..

ان شاء الله اشارك بموضوعج الخاص باحلام الحوامل لما الله يكتب لي الحمل...

بس اذكر ان الاحلام وقت الحمل تكون كثيرة.. واغلبها خرابيط وامور متداخلة.. وماحاول الاقي لها اي تفسير..

اهلن شيوخ..

انا احسن منج..احلامى كلها لها معنى..وتصدق بشكل مرعب..:eh_s(1):

بس بقولكم اللى تتعلق بجنس الجنين وفسروها لى وماصدقت..

مره كنت حامل انا وبنت عمى..احلمت انى وياها داخلين عند صايغ..وهى اشترت خاتم وقالتلى تعالى اخذى منه..وقلت لا والله مابي الخواتم عندى مكودين..ابي ساعه..وخذيت ساعه..((هذا حلم بنت عمى))

وفسروه انها بتجيب ولد..وانا لانى قلت الخواتم مكودين قصدى عيالي اسمله عليهم وخذيت ساعه يعنى بنت..

وفعلا جابت ولد...وانا جبت ولد..

باجر اقولكم حلم ثانى..:tomato2:

 

[شيخة البلادين]

آآآه...

الخواتم على اساس انها اسم مذكر..

والساعة اسم مؤنث...


عسى الله يرزقنا بالساعات والخواتم... قصدي بالاولاد والبنات...:eh_s(6):

 

[سما الكويت]

لووووووووول...

شفتى ياختج..ياكثر سوالف الحلوم اللى تعيشنى بجو ثانى واتفاجأ يوم الولاده..بس من التعب احلى بشاره لما يقولون ولد وطيب..

فيه بعد حلم ثانى قبل احمل..بس لما اشوف تفاعل البنات...

 

[um hamed]

السلااااااااااام
شلووونكم
وشلووون احلاامكم
اناا اذكر مره زوجي حلم انه يكلم الله سبحانه وتعالى وعطاااه جوهره وسكر ايده عليهااا
ولما قعد من النووم لقى ايده متسكره مثل الحلم قاام على طوول خذه كتااب التفسير ولقى انهاا هدية من رب العالمين اللي اهياا بنيه
وكنت وقتهاا حامل والحمدلله يبت بنيه

هذاا اللي اذكره

 

[شيخة البلادين]

وعليكم السلام ورحمة الله وبركاته

هلا والله ام حامد اشلونج..

ماشاء الله وهذي احلى هدية من رب العالمين..

عسى الله يبارك لكم فيها..

 

[الفرفورةرفرف]

السلام عليكم
صباح الخير
بنوتااااااااااااااات
اليوم عيدميلادي
صفقولي وغنولــي

 

[شيخة البلادين]

اهلين فرفورة...

هابي بيرث داي..:ggdw:

كل عام وانتي بخير وعافية...

 

[المبدعة]

فرفورة كل عام و انت بخير

العمر كله بطاعت رب العالمين

و عقبال المليون ديناااااااااااااااااار

لوووووووووووووووووووول

 

[المبدعة]

بنات امس رحت السلام

الدورة متاخرة

وعادة دورتي ما تاخرة منتظمة

المهم قلت اروح احلل احسن

رحت حللت

وطبعا التحليل يبيله وقت على ما تطلع النتيجة

المهم قلت خل اروح غرفة الاطفال

يحليلهم شفت البونتات و الاولاد الصغار

وعقبها قلت خل اشوف اجنحة دسمان

بصراحة وايد حلوين

وخذيت كتولجهم عشان اشوفهم اكثر

و الله لا يويريكم الاسعار
نااااااااااااااااااار يا حبيبي نااااااااااااااااااار

ردينا قعدنا بالكفي

وسوالف وقرقة
ولما حان موعد النتيجة

رحنا

ودقات قلبي

طق

طق
طق

وانا بيني و بين نفسي اقول اني مو حامل

والنتيجة اكييييييييييييييييييييد نجتف

المهم

خذينا الورقة
و كانت النتيجة


















negative


طبعا اكيد حاطين بالكم اني تضايقت

بالعكس كنت مستانسة لان مو حاطة بالي الحين بعد

والحمدلله على كل حال

 

[الكريستال]

السلام عليكم
كل وحدة تنتظر حملها تستهلك فاحص حمل وتستعجل تحلل مبجر
واذا ما بينت النتيجة تقول جان صبرت
وتحاليل الحمل اللي عندنا بالكويت تلقط هرمون الحمل لما توصل نسبته 100miu\ml
انا بعد اسبوع بتوصلني تحاليل تلقط من اول ما يوصل الهرمون 10miu\ml
وفوق هذا سعره (( بدينار ))
يعني لو تستخدمين اكثر من واحد ما تتحسفين
اللي حابة تحجز تدز لي رسالة بالعدد اللي تبينه
والله يرزقكم بالحمل السليم ياااارب

 

[ام زاكي]

هلا وغلا بنات شلونكم ولهت عليكم

المبدعه انشالله تحملين الشهر الجاي

انا عادتا تسويلي جذي تتأخر علي قبل لا احمل بشهر

تكون منتضمه طول الاشهر الي قبل وقبل حمالي بشهر تتأخر كم يوم وتنزل والشهر

الي بعده احمل انشالله تحملين ببنوته حلوه قمر سليمه ومتعافيه ياااارب وكل البنات اااامين

 

[شيخة البلادين]

وااااي المبدعة...

توني بغيت ايبب لج...!!!

بس ان شاء الله خيرها بغيرها.... وحاول مرة أخرى..

وعسى الله يكتب لج البنوته المتعافية ويرزقج برها.. اللهم آمين..

 

[شيخة البلادين]

هلا ام زاكي شلونج حبيبتي...