++ تجمع خاص للي تبي تحمل ببنت ++ @ حياكم @

[ام زاكي]

هلا وغلا حبيبتي شيخه

شخبارج

 

[شيخة البلادين]

انا الحمدلله بخير عساك بخير...

 

[شيخة البلادين]

المبدعة..

على طاري السلام...

انا وصلني ايميل بصورهم... روووعة..

ومعاهم اسعارهم...!!!.. شي موطبيعي...!!!

 

[ام زاكي]

شيخه اقولج شي انتي يصيرلج جذي

توني من اغتسلت اسبوعين وركي يعورني

وفي صدري نغزات غريبه اول مره تصير معاي

انا عادتا يعورني بس هالمره نغزات

 

[شيخة البلادين]

لا مايصرلي جذي بعد الدورة...

ممكن اثناءها او قبلها...

بس يا ام زاكي... لازم الحين احنا مانسكت عن اي شي نحس فيه.. حتى وان كان بسيط..

عشان ياختج نتطمن على روحنا... مع امراض هالوقت اللي نسمع عنها...

عسى الله يحفظنا وياكم من كل شر..

وروحي الطبيب لا تخلين..

 

[ام زاكي]

اي والله صدقتي ياوخيتي

ماندري الدنيا هالايام تخوف

يبلي باجراروح اشيك على نفسي

 

[شيخة البلادين]

عاد توني جاية من زوارتي عند اهلي..

وكنا نسولف انا وخواتي عن الحملة اللي صايرة هالايام لتشيج الحريم على الفحص المبكر للثدي..

وحدة من خواتي راحت للكشف.. والدكتور يقولها ليش جاية..!! ايش حاسة فيه..!!

قالت له بس الحملة شجعتني عشان اتطمن على نفسي..

قام يضحك عليها ويقول بس وانتوا ماصدقتوا وجيتوا تراكضون...!!!.. لازم بالاول تكونين حاسة بش معين..!!!


هذا كلام عاد...

الحين بالحملة ينبهون الحريم بان لازم يكون فيه فحص دوري عشان لاقدر الله كان في شي ممكن يتلاحقون عليه قبل لا تقدم الحالة..

وهذا يتطنز...!!

بس انا قلت لها مالنا شغل براي هالدكتور.. كيفه.. المهم الوحدة تتطمن على صحتها..

 

[شيخة البلادين]

ماتشوفين شر يا الغالية..

وطمنينا عليج..

 

[ام زاكي]

اي عاد احنا يالعرب كله جذي ...بدول الاروبيه

مستعدين حق المرض قبل لايجي لاسمح الله

ويكسرون مجاديفنا مايخلونا نتشجع ونسوي فحوصات

 

[سما الكويت]

شلونكم يا الغوالي..

مازلت مواصله على الحميه...عقب ماخربطت بالدوره..

 

[ام زاكي]

هلا سما شخبارج

ليش مسويه حميه ؟

 

[شيخة البلادين]

اهلين سما...

عفية عليج.... وربج ما يخيب التعب ان شاء الله..

 

[سما الكويت]

اهلين ام زاكى...حميه علشان البنيه اذا الله كاتبها لى...

شيوخ ايه والله ياوخيتى ادعيلي..

سألت دكتوره بمنتدى ثانى شنو التحاليل اللى لازم سويها علشان اتأكد من ان وضعى تمام ومهيئه للحمل..

تقولي لا تسوين تحاليل ولا شي..راقبي تبويضج بالاشعه..

انتو شرايكم!!!!!!!!

 

[ام زاكي]

سوي مثل ماقالت لج

مافي حل ثاني

ونشالله تحملين هالشهر ببنوته قمر مثلج ويتمم عليج

الا ماقلتي لي كم عندج من ولد

 

[شيخة البلادين]

صباح الخير جميعا...

والله يا سما يا اختي مادري عن فكرة متابعة التبويض بالاشعة...

انا عيل قالت لي الدكتورة.. خل يكون الجماع بالايام 12 و13 و14 من بداية الدورة..

وعسى الله يسهل لنا معاج.. ويكتب اللي فيه خير وصالح لنا..

 

[المبدعة]

هلا وغلا بنات شلونكم ولهت عليكم

المبدعه انشالله تحملين الشهر الجاي

انا عادتا تسويلي جذي تتأخر علي قبل لا احمل بشهر

تكون منتضمه طول الاشهر الي قبل وقبل حمالي بشهر تتأخر كم يوم وتنزل والشهر

الي بعده احمل انشالله تحملين ببنوته حلوه قمر سليمه ومتعافيه ياااارب وكل البنات اااامين

اللهم امين

وااااي المبدعة...

توني بغيت ايبب لج...!!!

بس ان شاء الله خيرها بغيرها.... وحاول مرة أخرى..

وعسى الله يكتب لج البنوته المتعافية ويرزقج برها.. اللهم آمين..

الللهم امين

المبدعة..

على طاري السلام...

انا وصلني ايميل بصورهم... روووعة..

ومعاهم اسعارهم...!!!.. شي موطبيعي...!!!

اي واللله اسعارهم نار يا حبيبي نار

صباح الخير جميعا...

والله يا سما يا اختي مادري عن فكرة متابعة التبويض بالاشعة...

انا عيل قالت لي الدكتورة.. خل يكون الجماع بالايام 12 و13 و14 من بداية الدورة..

وعسى الله يسهل لنا معاج.. ويكتب اللي فيه خير وصالح لنا..

صباح النور

ان شالله اللي ييسر امورنا بالخير يا رب

 

[المبدعة]

ادعوا اليوم الجمعة الدعاء فيها مستجاب

اللهم ارحم امي رحمة واسعة

وادخلها جنتك الواسعة

يا رب

و يا رب ارزق بنات هالتجمع الحمل السليم الثابت

و الطفل السليم

و يارب ترزقنا بنااااااااااااااااااااااااات

الهم امين

 

[المبدعة]

مرحبا بنات كيفكم


معلومه قالتها لي الدكتوره وشكلها متأكده منها انا ببداية الشهر الثاني والحموضه بالمعده والحرقان لاعب فيني لعب
الله يعظم الأجر ويصبرني بس


قالت لي الدكتوره اللي يجيها حموضه من بداية الحمل بتكون حامل ببنت

وأنا متبعه جدول ووقت التبويض للحمل بولد

حتى خدامتي الفلبينيه قالت لي اني حامل ببنت

اللهم لا اعتراض بس لي سنه اتابع التبويض وماخليت طريقه وجمع معلومات للحمل بولد
عشان زوجي واهله يبون الحفيد الأول لهم :eh_s(1):


زوجي لما قلت له احتمال كبير انه بنت عصب وقال طفشتيني وعندي طرق واخرتها بنت


استغفر الله ليش الرجال تفكيرهم كذا والله يعين الحريم على التعب:eh_s(14):
يقولي اذا بنت بالكثير 5شهور واحملي بعد البنت


الله يصبرني وتكفون اللي عندها معلومه عن الحموضه بالشهور الأولى وانجاب البناتت تقول لي


دعواتكم بنات

هذه وحدة من العضوات كاتبة هالموضوع انتو شرايكم ؟؟؟؟؟؟؟؟؟؟؟؟؟؟؟؟؟؟

 

[meme33]

هلا والله المبدعه
اشلونج وشخبارج

ربي يعوضج انشالله بالمره اليايه وتحملين بالبنوته يارب

بالنسبه للحموضه انا ابد ما تفارقني

وشوفت عينج اللي فيني ولد يعني موشرط

 

[شيخة البلادين]

ادعوا اليوم الجمعة الدعاء فيها مستجاب

اللهم ارحم امي رحمة واسعة

وادخلها جنتك الواسعة

يا رب

و يا رب ارزق بنات هالتجمع الحمل السليم الثابت

و الطفل السليم

و يارب ترزقنا بنااااااااااااااااااااااااات

الهم امين

اللهم آمين يارب العالمين.. ربي يستجيب لك ولايرد لك دعاء..آمين

عسى الله يرزق كل وحدة منا باللي يتمناه قلبها.. اللهم آمين يارب العالمين..


وجزاك الله خير حياتي على التذكير..