تجمع أولياء أمور مدرسة التكامل(صباح السالم)للعام الدراسي2009-2010

[بشوشه]

اشكرج واااااايد رفرف و تشرفت بمعرفتج اتمنى نلتقي عن قريب عاد الحين كل ما ايب ولدي راح اتخيل اي ام واقفه بالصف انها انتي لووووووووووول

 

[رفرف]

ههه بشوشه عاد انا الي اودي واييب بنتي يعني بتشوفيني اول وتالي ..

اليوم استانسنا المس قعدت اتمدح فيها بالهدة واهيه ماصدقت ما بقى ابوها ولا خالتها دقدقت ع العايله كلها تبلغها عاد مسرع ما تغتر وتتصدق .. ومن ردينا البيت وهي شالعة قلبي ولا تزال بحل الواجب وعسى ما احاجيها الا وقالتلي خو المس قالت انا شاطرة انتي ما تعرفين ..
شلعت قلبي بكلمة إسراء صار لها ساعة تنقش وتتفنتق من اغفل عنها القاها ماخذه المسطرة وراسمه الكلمة وكل حرف شطولة جنه عمود وتدري بروحها تقولي تلوع الجبد مسحيها !!!

 

[كويتيه ذربه]

اشلونكم
ماتلاحظون ان دفتر العربي كبير وصار خطهم كبير

 

[manarah]

اشلونكم بنات .. شخباااركم ..

بشوشه ترى الصبيان يشلعون القلب اكثر سأليني انا .. بس انتي شوي شوي عليه يعني انا ولدي بقريد 1 بعد و بالدراسه على حسب مزاجه اهو اذا شفته ماااله خلق قلتله اوكي نخلص ماده مثلا كلمات الانجليزي ونقرا القصه ونحل الماث واقوله روح شوي العب بس من اناديك خلاص ماكو مناقشه تردلي على طول وفعلا كلها 5 دقايق بس مسكين هههه واناديه شسوي قلبي حار بالتدريس والظاهر هذا حال اغلب الامهات اللي توهم يبدون تدريس صج ... واليوم اللي اشوفه مشتط ذيك الساع نخلص كل شي مره وحده وتقريبا الدراسه تاخذ منه ساعه او ساعه ونص ومره بدعنا خذت ساعتين بس كان فيها وايد هوومورك ووايد بريكات

رفرف انا كل من يقوللي ترى هالحماس بس مع اول واحد يدخل المدرسه بعدين الباجي يصير عندج مناعه ضد الصدمات بس انا ما اعتقد يتروالي الحاله بتزيد عندي ..
اقول شفتوا جدول العربي اخر هالاسبوع عندهم املاء عربي !! مو جنه توه الناس عالاملاء يعني اهم العربي مو متعودين يكتبون فيه نفس الانجليزي يتروالي كان لازم ينطرون عليهم شوي لحد ما الياهل يتمكن من احرف الكلمات اللي ماخذينها الحين ..والا اشرايكم ؟

 

[بشوشه]

لاااااااااااااااااااااااااااااااا تكفين مو كافي املاء الانجليزي واااااااااااااااااااااااااي عليهم
اما كلمة اسراء سببتلي عقده كسر خااااااااااطري الهمزه الاولى يكتبها شكبرها و الاخيره كبر الكلمه كلها لوووووووووووووووول
ما عليه
بس انا اعتقد المفروض اليهال يرجعون من المدرسه عارفييييييييييين كل شي انا احس نفسي اني قاعده ادرس من اول و يديد خصوصا الانجليزي شنو هدا يا ريت طول الحصه تدرسهم الكلمات على شان يسهل علينا نحفضهم للاملاء
بس الحمدالله اليوم وااااااااااااااااااااااااااااااااااااايد تغير علي وليدي احس اجتهد معاي و الواجب اليوم كان حلو و خفيف خلصنا بسرعه
بس قل اعود برب الفلق وايد يتخربط فيها ما ادري شلون راح يحفضها

 

[بشوشه]

اشلونكم بنات .. شخباااركم ..

بشوشه ترى الصبيان يشلعون القلب اكثر سأليني انا .. بس انتي شوي شوي عليه يعني انا ولدي بقريد 1 بعد و بالدراسه على حسب مزاجه اهو اذا شفته ماااله خلق قلتله اوكي نخلص ماده مثلا كلمات الانجليزي ونقرا القصه ونحل الماث واقوله روح شوي العب بس من اناديك خلاص ماكو مناقشه تردلي على طول وفعلا كلها 5 دقايق بس مسكين هههه واناديه شسوي قلبي حار بالتدريس والظاهر هذا حال اغلب الامهات اللي توهم يبدون تدريس صج ... واليوم اللي اشوفه مشتط ذيك الساع نخلص كل شي مره وحده وتقريبا الدراسه تاخذ منه ساعه او ساعه ونص ومره بدعنا خذت ساعتين بس كان فيها وايد هوومورك ووايد بريكات

رفرف انا كل من يقوللي ترى هالحماس بس مع اول واحد يدخل المدرسه بعدين الباجي يصير عندج مناعه ضد الصدمات بس انا ما اعتقد يتروالي الحاله بتزيد عندي ..
اقول شفتوا جدول العربي اخر هالاسبوع عندهم املاء عربي !! مو جنه توه الناس عالاملاء يعني اهم العربي مو متعودين يكتبون فيه نفس الانجليزي يتروالي كان لازم ينطرون عليهم شوي لحد ما الياهل يتمكن من احرف الكلمات اللي ماخذينها الحين ..والا اشرايكم ؟

يا بعد قلبي كلامج شجعني يا حلاتكم انشالله نتجمع في احدا المناسبات المدرسيه نتعرف على بعض بس عاد نتفق بالخاص اخاف ما ادخل هني مرات
الله يعيني على هالولد طيوب و ما يبي يتعبني و عباله انه افلاطون و كلش بس الكلمه اشوه صارت عالسطر بس لج عليها مشربكه كل الاحرف لازقين ببعض

 

[رفرف]

يا شلعة قلبي من إسراااااء اليوم حاشني انهيار منها .. الدرس الاول الخط اشزينه مادري ليش وصلنا عند إسراء وعكينا وبدت الابداعات تهل لا واملاء ؟؟ شغل عدل والله اصلا اليوم كثر ما انشلع قلبي من إسراء هديت كلمات الانجلش تولي قلت ادرسها باجر الصبح وانا بالعادة احفظها العشر كلمات من اول يوم بس شسوي مو مني من الظيم كرهت اسم اسراء عاد عفيه لا تطلع وحده فيكم اسمها إسراء وتحقد علي ترا من اللي شفته اليوم !!!

 

[manarah]

:dddds: والله بنات اقرا اللي كاتبينه وميته ضحك حالتنا حااااله هذا واحنا تونا بقريد 1 الله يعينا والله ....
رفرف انا كرهت اسم أمل من قبل والله والحين يت اسراء كملنا بس مانقول الا الله يستر مادري شبيسوون اعيالنا يوم الخميس مع امل واسراء .. والله كنت احب الفراشه قبل احسها مخلوق مسكين مادري ليش بس الحين بعيد النظر

 

[Miss_Tiger79]

مناره - رفرف - بشوشه
شخباركم
وصج والله اشوف سوالفكم اضحك لانه حالي من حالكم
وترى املاء العربي كان من امل فراشة بيضاء لانه شفته بدفتر العربي

عيل ولدي كله ناسي الهمزة سواء باسراء او بيضاء

بشوشه ولدج منو ؟ لايكون رفيج ولدي
تخيلي يسوون في بعض دقات ...

 

[رفرف]

اي ضحكو ضحكو شوراكم انا الحين اضحك والعصر يحوشني انهيار عصبي .. امس بالليل عقب ما نامو قلت حق ريلي انا بطللللع بس يبيلي نقاهه من عقب إسراء !!

لالالالا مناره حدج عن أمل كانت خوش بنية الله يذكرها بالخير مارضى عليها محللة يا أمل .. اسمها لطيف وخفيف وظريف أقصى مشاكلنا معاه ان اللام ما تنزلها تحت السطر وتكتب الضمة شكبرها وحلينا هالمشكلة ..

أما إسراء واي بنبط منها الهمزة شي مرة فوق مرة تحت اي بعد توهم مدرسينهم أمل الهمزة كانت فوق ليش ناوين يعقدونهم ؟؟
والسين بروحها اكشن اكشن كل سنة بعاير وحدة طويلة وحدة قصيرة وحدة عوية وحدة عورة ..
والمد ماعندي مشاكل معاه لأن بنتي كله ناسيته الحمدلله ما تكتبه خير شر .. وان كتبته حطت فوقه همزة .. بعد منهجهم مادري شلون صاير كله ألفات وكل وحدة غير عن الثانية تلخبطو اليهال ..
والهمزة الاخيرة مادري شقول كبر الكلمة
شقووووول شحجي عن اسراء .. بس ماني قايلة شي .. إبداااع الصراحة ..
تشوفين دفتر بنتي تحلفين ان اللي كاتبة اول درس مو اهيه ابدا ابدا اللي كاتبة كلمة إسراء !!


تايقر ..
متى خذو املاء ؟؟؟!! شفتهم ناسخين والابلة مصلحة ماكو شي عليه درجات ..

 

[بشوشه]

مناره - رفرف - بشوشه
شخباركم
وصج والله اشوف سوالفكم اضحك لانه حالي من حالكم
وترى املاء العربي كان من امل فراشة بيضاء لانه شفته بدفتر العربي

عيل ولدي كله ناسي الهمزة سواء باسراء او بيضاء

بشوشه ولدج منو ؟ لايكون رفيج ولدي
تخيلي يسوون في بعض دقات ...

هلا يا قلبي انا ولدي اسمه صلاح عسى ربي يصلحه
سؤال بليز؟
انتو تحفضون الكلمات من اول يوم او كل يوم كم كلمه تراني مو مستوعبه مخي وقف الله يعين عيالنا
تكفون علموني ابي طريقه احفظه الكلمات لا و بعد يايبتله مدرسه انجليزيه تدرسه وااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااي
ابي ابوي ابي امي ابي زوجي خلاااااااااااص ابي ارد للعزوبيه
و الله طلع الزوج مو هين على قولت امي كله تزفني و تقولي انتو بس تبون عيال ما تدرون و راهم تعب ما يكبر راس الا مشيب 100 راس

 

[رفرف]

بشوشه ..
نصيحة اذا ولدج ما يحتاج لا اتييبين له مدرسين يكره الدراسة ماله داعي كله اولى ابتدائي .. ما يحتاج بالبيت الا متابعة واجبات وبالويك ايند ووقت اللي تحسين روحج فاضية حاولي تراجعين له ابطاقات او لعب او غيره ترا حرام ياهل بو 5 او 6 سنين دراسة من 7ونص لي 2ونص وتالي واجبات بالبيت وهم مدرسين ! متى يعيش الياهل طفولته ويلعب ويستانس (نصيرة الأطفال) مهما كان مستواه احس وايد ضغط عليه كافي المدرسة والواجبات ولا تدرسينه ولا حرف زيادة بالبيت الا بالويكيند والعطل .. وترا الواجبات كافي تثبت اللي درسه بالمدرسة بمخه بس انتي لا تحلينهم عنه خليهم يحل ويتعلم ويغلط عاااادي

والكلمات انا احفظها كل الكلمات اذا حسيت الواجبات خفيفة وخلصنا مبجر اخليها تلعب وتريح وقبل لا تنام امليها الكلمات .. بس مثل امس لا والله ما مداني ما حفظتها ولا كلمة كسرت خاطري من 3 الا ربع لي 5 وهي تحل طفنا الساعتين قلت بس كافي عليها خل تستمتع اباجي اليوم

 

[jolie_q8]

الحمدلله الحمدلله عبالي بس انا اعاني من العربي

طلع الشعب كله يعاني ,,

اول شي صباح الخير (تو الناس) شلونك وشخباركم

انا امس الله لا يوريكم الجمله كل كلمه على سطر ,, يبتدي من السطر الاول ينتهي بالسطر الثالث

واااي اسراء اصلا صعب الاسم انا اعرف اكتبه لول

صج الله يعينهم

واللي قالته ابلته لي انه هالاسبوع راح يمتحنون بالجملتين (امل فراشة بيضاء + اسراء فراشة ملونة)

لانه الاسبوع اللي طاف مو الكل مستلم الكتاب ,, علشان جذيه ما عطوهم املاء

مأجورين حبيباتي

 

[POOBAA]

مرحبا بنات
انا ولدي بقريد 2e عند مس ايفون
ولدي من الاسبوع اللي طف اقولي انهم اودونه صف ثاني اهوا مع جم واحد واردون وخلونهم يقرون ويكتبون
اظاهر اودونهم مثل تقويه
عفيه بنات اللي عندها احد بصف ولدي تشرحلي اشصاير
وتقولي بعد اشلون المس مالتهم
وشكراااااااااا

 

[jolie_q8]

ما عندي فكره بصراحه

انا ولدي بصف ثاني ومايبلي طاري هالشي ,,

تواصلي مع ابلته وسأليها عن الموضوع

 

[كويتيه ذربه]

ماادري والله انا بنتي بصف ثاني وماعندي علم

 

[manarah]

مس تايقر ترى صرقعتينا ... اي دفتر شفتي فيه الاملاء ؟؟؟؟؟؟؟؟

بشوشه من صجج مدرسه من الحين حرام عليج .. الولد من الصبح لي فوق ال 2 واهو بالمدرسه واخر شي بالبيت هم رعب ؟؟ بذمتي شوفي اشكالهم واهم رادين من المدرسه طااافيييين يكسرون الخاطر واحنا نجابلهم فوق الساعه واجبات بعد والله كاسرين خاطري بعد هالمره انتي كملتيها ومدرسه ... انا اعتقد ولدج بس يبيله تأسيس أحرف يعني كل يوم جابلولكم بس 5 احرف وقبل النوم على اي دفتر اي ورقه يكتبهم لج ويسمعلج الساوند وخلاص انتهت المشكله .. والا اشرايج ؟

رفرف والله امس بالليل وانا راسي عالمخده اتساءل شنو الحكمه اختاروا كلمه اسراء ؟؟ وبعدين مازلت مصره انه امل مو حلوه بعد احنا الفتحه تلصق بالميم واللام مابي اتكلم عنها ماله داعي

 

[jolie_q8]

انا بس داشة أقولكم انه الجمله صارت

اسراء فراء ملونة << ناسخها بالمدرسه 3 مرات ,, وبالبيت هم كتبها نفس الشي

 

[jolie_q8]

ويح قلبي

<< تسجيل موقف

 

[manarah]

:dddds: جولي احنا عاد احسن منكم .. احنا فراشة صارت (فراشةء) وملونه صارت (ملونهء) لأن الله يسلمج ولدي كان ينسى الهمزه وكله اذكره فيها جان يفك روحه ويكتبها لي ورا كل كلمه :krkrkr: