تجمع أولياء أمور مدرسة التكامل(صباح السالم)للعام الدراسي2009-2010

[رفرف]

تايقر

انا يومها شكيت لأن صبا مايابت الفولدر وسألتها اذا كانت ناسيته كالعاده قالت لا التيجر ما عطتنا اياه فآنا مستغربة ..
وهالصفحة اصلا كان مكتوب يمها نوت challenge (not required) فليش حاطتلها ساد فيس عليها ..؟؟

 

[ام _خلودي]

قووه

شلونكم ان شاء الله بخير

بغيت اعرف شلون الحين على الكى جى اناا قالوولى اجلووا الدراسه الى 6/12
بس للحين ماستملت اليونفروم وشلون على الرسوم راح ندفعها كامله ولالا
ولازم امرهم هالشهر ادفعلهم الدفعه الاول ولا انطر ياريت الى عندهاا خبر او تقدر تسالى

تفيدين

 

[Miss_Tiger79]

أم خلودي
والله مادري شلون على الكي جي1
روحي سأليهم احسن

 

[jolie_q8]

صباح الخير ,,,

شلونكم يا امهات ,, وشمسوين مع جيل المستقبل

انا اللي عندي بقريد 1 اليوم شكثر بجى والتيشر تقولي حتى امس بجى مع انه شاطر ,, قلت لها اهوا وايد حساس وعاطفي

الله يعدي هالفتره على خير ,,

وشلونكم مع القراءه؟ تخلونهم يقرون القصه يوميا؟

والعربي (امل فراشة بيضاء) واااااي ماراح اقولكم شلون يكتبها ولدي ,, الخط حدث ولا حرج بس انا ما اشد عليه

مابي يكره العربي من البدايه لول

بالعكس اشجعه واقوله يهبل ,, طبعا يكتب بالصف بس ما تعطيهم واجب !!

وللحين ما عطته كتاب ,, اليوم كلمت الاسستانت قلت لها ترى ما عطتوه الكتب ولا عطونه ورقه الاسبوع ( لا العربي ولا الاسلاميه)

وهذي ا خباري باختصار مع اللي بأولى

-----------------

اللي بثانيه ,, احس بدت الدراسه تصعب ,, واهوا للحين ما يبي يبذل مجهود مضاعف ياللا يسوي الواجب ويقوم

وبالنسبة لسورة العاديات حفظ كلها والا للآيه الخامسه؟

ياليت اللي ولدها بثانيه تفيدني

 

[رفرف]

جولي ..

الله يعينكم ع القلب المحتاس دلعووووه لين يتأقلم مرده بيتأقلم انشالله ..
انا بنتي اوكي بالعربي ليلحين والله اكتبها وانسخها بالبيت وهم بالمدرسة يكتبونها مابي خطها يصير خايس كافي بالانجليزي كل حرف بعاير ع الاقل بالعربي زوين خل تطلع علي خطي حلو
والقصة الصراحة قرتها بروحها امس وانا كنت اجيك على فولدراتها ما سمعتها وهي تقرا صح غلط مادري وكملنا الباجي لأني كنت متعسرة امس طشرت البيت كله بس بالعادة كل يوم نقراها وحتى الكلمات كل مرة امليها بس امس ما مليتها بس خليتها تنسخ اول 5 بدون ما امليها مو اقولكم متعسرة .. وحفظتها القرآن وحلت الماث ..

 

[كويتيه ذربه]

صباح الخير ,,,

شلونكم يا امهات ,, وشمسوين مع جيل المستقبل

انا اللي عندي بقريد 1 اليوم شكثر بجى والتيشر تقولي حتى امس بجى مع انه شاطر ,, قلت لها اهوا وايد حساس وعاطفي

الله يعدي هالفتره على خير ,,

وشلونكم مع القراءه؟ تخلونهم يقرون القصه يوميا؟

والعربي (امل فراشة بيضاء) واااااي ماراح اقولكم شلون يكتبها ولدي ,, الخط حدث ولا حرج بس انا ما اشد عليه

مابي يكره العربي من البدايه لول

بالعكس اشجعه واقوله يهبل ,, طبعا يكتب بالصف بس ما تعطيهم واجب !!

وللحين ما عطته كتاب ,, اليوم كلمت الاسستانت قلت لها ترى ما عطتوه الكتب ولا عطونه ورقه الاسبوع ( لا العربي ولا الاسلاميه)

وهذي ا خباري باختصار مع اللي بأولى

-----------------

اللي بثانيه ,, احس بدت الدراسه تصعب ,, واهوا للحين ما يبي يبذل مجهود مضاعف ياللا يسوي الواجب ويقوم

وبالنسبة لسورة العاديات حفظ كلها والا للآيه الخامسه؟

ياليت اللي ولدها بثانيه تفيدني

اشلونج بالنسبه لثانيه انا بعد انصدمت من الكلمات اللي امس صج دراستهم بدت تصعب
والعاديات امس عطوهم من ايه 6 لي اخر شي
انا بنتي بطيئه وعلما تخلص الواجب احس روحي تطلع يالله نلحق نحفظها الايه

 

[نواره الحلوة]

وآنا بعد وياكم انصدمت من كلمات السبيلنغ بس لاحظت انها نفس الكلمات اللي بالتروفي بوك اللي ماخذينها الاسبوع اللي طاف ولما قلت حق ولدي اختار كلمتين وسوها جملة اختار كلمة handsome وكتب الجملة

Im a handsome boy

من الثقة والله

 

[الخيلاء]

السلام عليكم
صح ثانيه ابتدائي راح تشوفون الفرق و راح يبين مستوى عيالكم ..بس مادري شفيهم هالسنه داخلين بقوه ؟؟؟ انا ولدي حده ملول يقول مو لازم نحل كل الورقات كافي عليهم اول ورقتين ....وااااي الاولاد غير .. و صح انا ولدي ما عطوه كل الكتب

 

[كويتيه ذربه]

وعليكم السلام
الخيلاء ولدج باي صف؟؟؟

 

[Miss_Tiger79]

جولي
اهلين .. شخبار
يحلو الدعله والله
الله يعينج يمكن يدلع عشان يكمل العطله

رفرف
سلامات انشالله
انا حالة العساره صارلها يمكن 3 ايام واليوم ال4 .. مادري ليش
الله يعينج


نواره الحلوه
الخيلاء
كويتيه ذربه
من كلامكم حسيت ان ثانيه تخرع ....
ويمكن باديين بقوه لانه يمكن المفروض يبتدون ابجر من جذي

والله يعينا ويعينكم

انا ريبورتي اليومين هذيله
طبعا الي ب1
يرد ويمكس البي اس بي وطبعا صراخ وتهديد يهدها ويكتب الواجب وطبعا عينه على اللعبه

والي بكي جي2
كل يوم اقوله شخذيتو يقولي ما خذينا شي بس سولفنا
اقوله والله شكلك ضايع بالطوشه بالصف .. يعصب

 

[البقشة]

خواتي بغيت اسال فيه حضانة بمدرسة التكامل وجم اسعارهم ومن عمر جم يسقبلون الياهل ياليت تفيدوني ضروري

 

[كويتيه ذربه]

البقشه لامافي حضانه عندهم من الروضه

 

[manarah]

السلام عليكم ...
ااااخ واااااه وهم اااااخ والله قايله ماني قايلتلكم السالفه بس تقرقع بقلبي ماقدر ماقولها ... اقروا ياطويلات العمر : الاسبوع اللي فات ابلتنا ماعطتنا الفولدر يومين (مسكين ظلمت ولدي وقلت ناسيه) المهم يوم الاوبن دي قالت ان اهي غلطانه وأجلتلهم التيست وتسليم الهوم ورك لي يوم الأحد .. ياني الولد امس وقالي ما كتب كلمات التيست كلهم ماعرف .. نععممممممم خييييييييييير شنوووووو اشلون ماعرفت وانت بالبيت تكتبهم وصح وماتعبت بتدريسه فيهم لانهم اصلا مارين عليهم بالكيجي 2 .. شلت قشي اليوم واروح حق التيشر جان ترويني الدفتر والا الكلمات hat , cat , وفي كلمات ثانيه نسيتهم قلتلها شنو هذا؟؟ التيست ياماما مو بهذوله قاموا يتطالعون اهي والاسستانت واعترفوا بغطلهم .. يحليليهم .. واليوم سوتلهم التيست مره ثانيه وقالي كتبتهم قلنا الحمدلله .... وطبعا هم في شي ثاني لما وصلني الدفتر اللي فيه نوقع على قراية القصه كل يوم والا كاتبه القصه Nan Cat هم فهمتها وقلتلها القصه اليوميه اهي تكون من دفتر الريدنغ جان يتطالعون اهي والاسستانت جان تقولي غلطه المساعده ماقالتها . لا والله حلفوا بس انتوا الثنتين ..... المهم طلعت منهم ورحت حق براين طبعا انا ما كلمته على نقل ولدي و اكتفيت لما كلمته اختي وما رضى لأن ادري فيه اهو نحيس ونو وي يغير اللي امسويه المهم تناجرت وياه عالنقل وقال ان المدرسه يديده بالكويت بس مو يديده بالتدريس وثقي باختياري نختار المدرسين على مستوى عالي ووعدني ان يكلمها ويشوف شسالفتها ... اهي للأمانه قاعده تعترف بأغلاطها وتبرر موقفها انها يديده ومو عارفه للسيستم لحد الحين بس عاد ما يصير جذي حطيتوا مدرسه فهموها بالضبط شسالفه مو تخلونها ضايعه وتضيعونا وياها .. والا اشرايكم ؟

خلاص نرجع لمحور حديثنا ... القصه نقراها كل يوم .. الكلمات نكتبهم كل يوم .. حلينا الماث .. واجب العربي لحد يحاجيني عنه بقيت اقط روحي من الدريشه بسبته معطينهم نسخ جمله أمل فراشه بيضاء ثلاااااااث مرات وورقه العمل اللي متروسه كلمه فراشه ياربي وايد عليهم .. قمت ادعي على أمل وبراين مع بعض :eh_s(14):

 

[manarah]

سؤال واللي يعافيكم .. الحين بالماث نبدي نحفظ الجمع والا عادي يحط سيركلز ويعدهم أو يعد على اصابعه .. انا ولدي طريقته يعد باصابعه بس بعرف متى يبدون يحفظون الناتج وعلى طول يكتبونه .. امهات قريد 2 فيدونا يزاكم الله خير

 

[كويتيه ذربه]

الله يعينج والله مناره
بالنسبه للجمع انتي لاتعلمينه على طريقتج انا بنتي كنت اعلمها على طريقتي وطلعت طريقه المس غير ولمن كلمتها قالت انتي لاتعلمينها احنا نعلمها وانتي بس راجعي وراها خاصه بالجمع لان اكثر من طريقه مكن تشتتينها

 

[manarah]

كويتيه ذربه والله ضاق خلقي على مدرسته بس انشالله تكون زينه وامضيعه بس اول الايام ننطر الايام اليايه ونشوف شيصير الله يعين انشالله .. انا ماعلمته اي طريقه اهو قاللي بالكلاس نعد على اصابعنا يمكن بالبدايه بس لما يركز بمخهم

 

[Miss_Tiger79]

مناره
الله يعينج
اهيه صج شغله تحر
بس مدام ابلته زينه خليه بس يمكن يبيلها تعرف على طريقة التدريس
بس مدامج كلمتيها اتوقع بتحرص على طريقتها اكثر معاهم


وعلى طريقة الجمع بالماث
انا ما ادري على طريقة يمشون ولا ولدي مادري اقوله شتسوون يقولي ما نسوي فعلمته على طريقتي
ويمكن اليوم او باجر اسألها عن طريقة الجمع شلون

 

[jolie_q8]

صباح الخير

مناره : انا لو يصير معاي جذيه هم راح احتر بصراحه ,, انا صار نفس الموقف مع تيشر اللي ثانيه ,, بس للحين ما كلمتها خليت ولدي يرد الكتاب وياخذ كتاب ثاني (القصه) لانه معطيته كتاب تمارين حق الريدنق !!

وبالنسبه حق اللي باولى ,, انا الحين اعلمه يعد باصابعه ,, بس تبين الصج انا اهنيه حسيت بالخلل اللي بمدرسته (بكي جي 2)

المفروض يطلع يعرف الجمع على الاقل ,, انا ولدي الثاني اول ما دش اولى كان ممتاز بالجمع ,, خاصه الارقام اللي من 1-10

لانه بعدين راح يصير الجمع على رقمين

انا بصراحه امس وانا احل معاه الماث وايد احتريت اكتشفت انه ايشر الاجابه ويطالعني !!

قلت له عد باصابعك ومشى الوضع ,, بس انا متأكده انه مس سلفيا راح تساعده بهالخصوص بالايام اليايه

** على فكره انا محتره من مدرس الاسلاميه ومدرسه العربي هالاسبوع ما عطونا لا ورقه الواجبات والمنهج ولا كتاب العربي !! وامس

كلمت المساعده مالتهم وعطتني ورقه الاسلاميه مالت الاسبوع اللي طاف !!



واللي بثانيه : طبعا امس هلك من الواجبات ,, بس الحمدلله ,, احسن من الاسبوع اللي طاف وقام يعطي من نفسه شويه

والله كريم

 

[manarah]

هلا بنات ...
مس تايقر أبلته زينه واهو يحبها واهي شكلها حنونه مو من النوع اللي يصرخ بس بالتدريس الله يستر من الياي .. انا الحين وياه استجواب عن كل شي يعني اشلون شرحتلكم القصه وشنو قالت وتدربتوا عالكلمات بالكلاس والا لا وتقرون والا لا يعني ابي شي يطمني والله كريم .... بالنسبه للماث حتى انا ما سألتها عن طريقتها بس بكلمها انشالله وهم انشوف ابلتكم شتقول عن الطريقه ..

جولي والله انا ليلحين كل ما سألت احد عن اشلون حليتوا الهووم وورك يقولولي يعد باصابعه ويكتب يعني الكل ما طلعوا من كيجي 2 حافظ الجمع وولدي مرات يجاوبني على مسائل على طول يعني للارقام اللي من 5 واقل ومن غير ما يعد على اصابعه بس لي زادت الارقام اهني لازم اصابعه .. واروراق العربي والاسلاميه احنا لحد الحين مضبوطين معانا بس كتاب العربي ليلحين محد استلمه وبالجتماع قالوا ان ليلحين مو واصلهم .

 

[Miss_Tiger79]

جولي
هذا بالضبط الي يصير مع ولدي مرات يشير ويقعد يطالعني او يعد الارقام من الاول لي الاخر عشان اختار
تخيلي
بعدين قتله يعد ابأصابعه واشوه مشت معاه يقولي عندنا طريقتين نعد فيهم بالصف الاصابع والثانيه مثل الكور مافهمته الصراحه ..

مناره
زين تسويين سأليه احسن

رفرف
اليوم شفتج بالهده وما قدرت اسلم عليج من اللويه مالت اليهال

اليوم شفت مس فرح ابلت عيال مناره ورفرف يحليلها حامل وصايره ثقيله مستانسه على ولدي