تجمع أولياء أمور مدرسة التكامل(صباح السالم)للعام الدراسي2009-2010

[رفرف]

يحليلها مس فرح الثانية توني ادري انها بنت فوزية الدريع بلى عرفتها ضعيفة ومتحجبة حتى بنتي تحبها ..

جولي ..
انا بديت اصير نسرة على بنتي !! الواجب ينحل اول ما نوصل البيت والله حتى قبل ما تتغدى او تبدل ملابسها .. وما نقوم لين يخلص .. طبعا تحلطم وحنة وجريب تبجي .. بس انا ادري فيها ان خليتها تريح خلاص ما تنصاد وهي تتعسر وانا اعصب ويصير الهوموورك عذاب وشوي واكفخها ..
الحين نوعا ما اقتنعت انها لو شنوووو ماراح تهد الهوموورك لين يخلص فأحسن لها تخلصه مبجر ..
احس اني مجرمة بس ماضرنا واحنا صغار احسن خل تتعود هذا طبع زين انها تخلص واجباتها اول باول مبجر ..

وشدعوه بردان وتعبان والله هاليهال عليهم اعذار عجيبة .. صبوية ياتها فترة بكيجي2 ماتلعب معاهم بالبي اي .. وابلتها تقولي ترا مادري شفيها وتبجي لي غصبناها تلعب !! اقولها ليش ؟ تقول اخاف العب وانتشل او خشمي ينسد !! وخل ينسد خير انشالله ؟ عفية شهالعذر !! مالقيتي شي احسن ؟

 

[كويتيه ذربه]

صح انا وحده قايلتلي انه بنت فوزيه دريع ادرس بالتكامل ,, بس مادري شلون شكلها

ضعيفه سميره اشوي اسمها فرح
انا امس عرفت من التسجيل انها بنت فوزيه

 

[كويتيه ذربه]

يحليلها مس فرح الثانية توني ادري انها بنت فوزية الدريع بلى عرفتها ضعيفة ومتحجبة حتى بنتي تحبها ..

جولي ..
انا بديت اصير نسرة على بنتي !! الواجب ينحل اول ما نوصل البيت والله حتى قبل ما تتغدى او تبدل ملابسها .. وما نقوم لين يخلص .. طبعا تحلطم وحنة وجريب تبجي .. بس انا ادري فيها ان خليتها تريح خلاص ما تنصاد وهي تتعسر وانا اعصب ويصير الهوموورك عذاب وشوي واكفخها ..
الحين نوعا ما اقتنعت انها لو شنوووو ماراح تهد الهوموورك لين يخلص فأحسن لها تخلصه مبجر ..
احس اني مجرمة بس ماضرنا واحنا صغار احسن خل تتعود هذا طبع زين انها تخلص واجباتها اول باول مبجر ..

وشدعوه بردان وتعبان والله هاليهال عليهم اعذار عجيبة .. صبوية ياتها فترة بكيجي2 ماتلعب معاهم بالبي اي .. وابلتها تقولي ترا مادري شفيها وتبجي لي غصبناها تلعب !! اقولها ليش ؟ تقول اخاف العب وانتشل او خشمي ينسد !! وخل ينسد خير انشالله ؟ عفية شهالعذر !! مالقيتي شي احسن ؟

انتي نفسي انا هاليومين بس صراخ وحالتي حاله علما تخلص الواجب
ماادري ليش صايره وايد بطيئه حتى اليوم الظهر رحت اخذها شفت كل صفها قاعدين بره سالت المس بنتي وينها قالت للحين ماخلصت كتابه لمن تخلص تيي حدي اخترعت قلت وين راحت وكلما قلت لها ليش صرتي بطيئه تقول عادي حتى اللي يمي ماتخلص بسرعه
اليوم قلنا خلاص اذا ماخلصتي الواجب بساعتين ماكو طلعه بالويك اند وماكو هدايا اشوف جنه صارت احسن

 

[manarah]

السلام عليكم .. شخبار الامهات المكافحات اللي بدوا بالجد ... احنا اليوم الحمدلله الولد ناسي الفولدر اللي فيه الهوم ورك بالصف .. عادي قلب ميت .. المهم اني خليته يكتب العشر كلمات الانجليزي وقلتله ودهم باجر روهم التيتشر والعربي معطينه نسخ كلمه أمل بس مو كاتبين جم مره ينسخه المهم بطلعه الروح نسخناها 10 مرات ومادري والله يبون اكثر والا بس جذي مو محددين غلطتهم ... يعني اليوم احنا بروحنا ألفنا واجباتنا شسوي فيه .. احنا عطونا بس كتب الاسلاميه والقران وما عطونا العربي ...

 

[كويتيه ذربه]

مناره تدرين اهما ياخذون كل الملفات معاهم داخل ولمن بيطلعون من الوناسه يركضون حق الجنطه وعادي ينسون الملفات بالصف


عجبتني طريقه اليوم اشلون طلعوهم نهايه الدوام وقععدوهم ارتب من كل مره

 

[manarah]

مس تايقر الله يسلمج من الشر مشكوره وما تقصرين ... قلتي اعيالج عندهم نادي يعني مكملين عالسباحه الحين وليلحين بنادي الكويت ؟؟ انا عزوز وده يرد للسباحه بس والله انا اللي خايفه انه ما يمدينا بعدين مع الدراسه والهوم وورك ( جامعه مو قريد 1 ) بس والله الحين قمت افكر اقول يمكن لي دششته نادي يكون عنده دافع انه يخلص الهوموورك بسرعه..

 

[Miss_Tiger79]

رفرف
لا بس كتاب القرأن والاسلاميه ودفتر العربي

جولي
بالليل ؟؟؟؟؟
انزين ما تدرين شنو يصير بالاوبن هوم ؟؟؟؟
يحليله ولدج بدع يقول اقولهم بردان يخلوني ارتاح


ومس فرح المتحجبه اول مره ادري انها بنت فوزيه دريع .... عاد كان عبود عندها بس شفتها بارده ونقلته عن الابله الي يبيها ولما نقلته قالي لالالالا انا احب مس فرح بردلها ... نلعب احنا ..

تعالو ما تدرون بدو بالكي جي يسوون افتر سكول club
لانه لويه واحد اخذه الساعه2 والثاني الساعه2.20

مناره
اي والله كملو بس بنادي اليرموك
لانه الحي خلاص انضمو للنادي لان بالصيف كان للاشتراكات بس الحين لا حق اعضاء النادي
ولاتحاتين النادي تدريبهم الساعه 5.30
وترى يبون يهال صغار اذا ولدج يبي وديه احسن

 

[manarah]

مناره تدرين اهما ياخذون كل الملفات معاهم داخل ولمن بيطلعون من الوناسه يركضون حق الجنطه وعادي ينسون الملفات بالصف


عجبتني طريقه اليوم اشلون طلعوهم نهايه الدوام وقععدوهم ارتب من كل مره

والله كويتيه ألفلي قصه طويله عريضه كلها لف ودوران عشان لا يقوللي انه ناسي الفولدر عشان لا ينزف بس ما فهمت منه اذا اهم اللي ياخذون الفولدر والا التيشر توزعه عليهم اخر شي لان قاللي نست تعطينا اياه كلنا .. طبعا ما عنده سالفه

 

[كويتيه ذربه]

مناره يحليله ولدج الله يحفظه انشاءالله

 

[manarah]

تسلمين كويتيه ويوفق اعيالج انشالله ..
مس تايقر النادي كل يوم والا يوم وترك .. والتدريب مدته ساعه والا اكثر

 

[رفرف]

ذربة عندنا وعندج خير ..
اليوم اليهال واهمه طالعين بالهدة اهمه يمشون ورا المس وعقب ساااعة بينت بنتي سرحانة وطايرة بوهتها والصف وصلو خلاص واهيه توها تتمشى .. مشكلة هالبطء مادري شنو الحل وااااااايد بطيئة بكل شي ..
مادري احنا اللي اعيله والا اهمه بطيئين !!
وصاجة اليوم واااااايد ارتب بالهدة بس هم مشكلة الزحمة شكله مالها حل ولا لما يصير جدامج سايق ذكي مايعرف يتصرف يسد الشارع وينطر السيايير تختفي علشان يطوف !!

مناره ..
احس الوقت مايكفي حق اي فعاليات اخرى ايام الدراسة انا ودي اطلعهم امشيهم ماكو وقت اليوم بسرعة يخلص وهم ينامون امبجر احس نادي والتزام ما يمدي بس اذا ولدج ينام شوي متأخر يعني 8 وفوق اي يمديه انشالله ..

تايقر ..
زين اشوه عبالي بعد ماخذينه وناسيته ..

 

[كويتيه ذربه]

تسلمين كويتيه ويوفق اعيالج انشالله ..
مس تايقر النادي كل يوم والا يوم وترك .. والتدريب مدته ساعه والا اكثر

الله يسلمج

 

[كويتيه ذربه]

ذربة عندنا وعندج خير ..
اليوم اليهال واهمه طالعين بالهدة اهمه يمشون ورا المس وعقب ساااعة بينت بنتي سرحانة وطايرة بوهتها والصف وصلو خلاص واهيه توها تتمشى .. مشكلة هالبطء مادري شنو الحل وااااااايد بطيئة بكل شي ..
مادري احنا اللي اعيله والا اهمه بطيئين !!
وصاجة اليوم واااااايد ارتب بالهدة بس هم مشكلة الزحمة شكله مالها حل ولا لما يصير جدامج سايق ذكي مايعرف يتصرف يسد الشارع وينطر السيايير تختفي علشان يطوف !!

مناره ..
احس الوقت مايكفي حق اي فعاليات اخرى ايام الدراسة انا ودي اطلعهم امشيهم ماكو وقت اليوم بسرعة يخلص وهم ينامون امبجر احس نادي والتزام ما يمدي بس اذا ولدج ينام شوي متأخر يعني 8 وفوق اي يمديه انشالله ..

تايقر ..
زين اشوه عبالي بعد ماخذينه وناسيته ..

اي نفس الحاله انا بعد دايما مستعيله وبنتي بطيئه بكل تصرفاتها

انا اصعد صعده البراحه واصفط بالبراحه لاادش بالزحمه ولا شي حتى لمن بطلع
وادخل من باب الاداره او الكي جي تو بس اليوم تسلطوا وصكوهم مع انا العام كل من نفس الباب ندش ودايما مفتوح

 

[Miss_Tiger79]

كويتيه ذربه ورفرف
ترى البنات اكثرهم باردين بنات هالوقت
يحلوهم والله البنات


مناره
تدريبهم ساعه الا ربع وكل يوم

 

[نواره الحلوة]

السلام عليكم ياأمهات عساكم بخير
اليوم أنا حققت أول انتصاراتي >>>>> معركة مو دراسة
أول ما وصل وليدي من المدرسة فرضت شروطي وقلتله اتخلص الهوموورك وتكتب الكلمات واتحفظ الآيات تلعب psp ساعة كاملة وبعد عمري ما صدق كتب وهو يتغدا حتى قالي وكليني ما أقدر امسك القلم والإ القفشة خبركم ولهان عليها آنا شايلتها من بدت المدرسة وكت بوحل الماث بروحه و بسرعة مومثل كل يوم اصرخ واهاوش ويضيع الوقت وبعد ما عطيته اياها جنها نازله عليه من السما استانس وافتكيت من حنت كل يوم

وأخيراً انتصرنا والناصر الله

 

[Miss_Tiger79]

نواره
مبرووووووووووووووك الفوز
زين تسوين والله
الله يهديه انشالله

 

[al7noona]

السلام

انا بنتي انقبلت بالمقابله بس مارحت سجلتها سبحان الله مادري ليش ورحت سجلتها بروضه عالم الطفل والحين علشان المرض قالوا راح يداومون 1-12

فيصير ادخلها الحين التكامل ولا انطر روضتها؟؟؟؟؟؟؟؟

 

[نواره الحلوة]

السلام

انا بنتي انقبلت بالمقابله بس مارحت سجلتها سبحان الله مادري ليش ورحت سجلتها بروضه عالم الطفل والحين علشان المرض قالوا راح يداومون 1-12

فيصير ادخلها الحين التكامل ولا انطر روضتها؟؟؟؟؟؟؟؟

ما أظن يصير بس التكامل بعد أجلوا كي جي 1 لي شهر 12 بس كي جي 2 داوموا

 

[كويتيه ذربه]

اشلونكم
بتروحون المدرسه اليوم؟؟؟؟

 

[Miss_Tiger79]

كويتيه ذربه
والله مادري شكلي دااااااااااايخه لاني مونايمه بالليل الا شويه
انزين شنو فيه الاوبن هوم
بس اروح صفه واكلم ابلته وشنو بعد؟؟؟؟؟؟؟