الســــــــــــلااااااام علييييييكم بنات.,, شلوونكم؟؟
اشوى اني طحت على هالتجمع الحلوو..
انا يايه اقووولكم قصة حياتي..>>عاد انا توني ببداية الحياةلوول
لا بس صج .. انا طوول عمري نفسكم بنت بين ثلاث صبيان و ترتيبي الثاني..
شنو كنت اتحلم بالاخت اشوف بنات خالي و بنات عمي..اشوف اللي معاي بالمدرسه خوات ثنتين يدشون مع بعض ااه..
و يقوولولي يا حظج ما عندج خواات؟!! كانت تقتلني هالكلمة..
ياما بجيت برووحي ليش ماعندي اخت اسولف معاها مو هالوحوش اللي كله مهاوش..يعني للأسف شفت بنات ما عندهم خوات
لكن اخوانهم كانو حنونين معاهم صاروا لهم الاخو و الاخت لكن انا هه لا هذا ولا ذااكـ..
و يوم امي يابت اخوي الثالث كنت متأملة ان يكون بنت و الكل أملني معااه كنت وقتها عمري 8سنين
كنت مستااانسة خاصة ان امي كانت تقولي مرة حلمت اني ماسكة بنات توم و مرة بدلة بنات ولما عرفت امي ان فيها ولد سكتت و ماقالتلي!
بعدها امي ولدت ويابت ولد.. ولد ولد هالكلمة كانت ترن بأذني صدمتني بس يعني بعدها استانست بالياهل ونسيت كل شي كنت ياهل..لكني تذكرت هالشي واايد لما..لما امي حملت مره ثانيه قبل 9 شهور من الحين..و عقب تسع سنيين من آخر حملة..كانت امي موقفة حماال خلاص بس سبحان الله..
كانت هالحملة بدوون تخطيط و كلنا متفاجئين امي نفسها تفاجأت انها حااامل ..
لما امي حملت ولما كنا نروح نجهز حق البيبي كانت مي بس تشوف هدوم البنات تتشوق و تخمط منهم وانا كنت اعصب..لأني خلاص ماراح اسمح حق اي احد يلعب بأعصابي ..و ماراح اعيد نفس الغلطة اللي صارت قبل تسع سنين.,
و المشكلة ان امي كانت ماتبي تعرف شنو اللي فيها تقول احلى لما يطلعونه من بطني ويقولولي شنو فيني..
ليما يا اليوم اللي ولدت أمي فيه كنا انا وابوي ننطر امي بره و ايدنا على قلوبنا بس نبي سلامتها لانهها كانت فتح بطن..
و كل ما انفتح الباب نطل لما طلعوا ياهل صغيير ركضت وسألت السستر قالت لي ايه ان هذا بيبي امي..قمت اطالعها بعيوني
بنت ولا ولد كانت متنحة احر ما عندي ابرد ما عندها كنت منفعلة و مثل المينونه اطالع البيبي و أطالعها و اهيا مثل المنصدمة رديت اصرخ مرة ثانيه قيرل اور بوي قيرل اور بوي؟؟ سكتت شوي جان تقول :اتس ا قيرل قيرل؟!!!!!!!!!!!!!!!!!!!!!!!!!!!!!!!
شنو شعوووري كنت مصدوومه و مثل الي كاتين عليها ماي بارد حتى ابوي اخترع ماكان منتبه شنو قالت السستر عباله ان ولد لان شاف ويهي بدوون تعابير..! طبعا عقبها كل من درى خالاتي كانو يبجون و يلمووني وانا..؟ انا كنت بدوون شعور..
.. لا تلوموني طوول عمري كنت وحيدة كنت انطر البنت وما يتني ..لما خلاص تأقلمت عالوضع وصكيت الباب على هالموضووع..
بس عقب 17 سنه الله رزقني بأخت..يتني حاله مادري شلون مثل صدمــة قوية كل ما اقعد بمكان بروحي ابجي:krkrkr:..شلون بقول اختي؟اصلا هالكلمة ما عمري ذقتها وماعرف باحساسها..اسمع ابووي يقول بنيتي التفت لاء ابوي ماعنده بنت غيري شلون يقول ابوي بناتي؟؟احس هالكلمه شاذة..لا تخافون ماغار اذا كنت بغار على شي بغار ان اختي انولدت وعندها اخت بالدنيا انطرتها 17 سنه ..هذا اللي اذا غرت بغار على شانه..تدرون بنات لما احد يسألني عن اختي او اذا بتكلم عنها مادري شقوول ماقدر قول اسمها ولا اقدر اقول اختي احس هالشي صعب والله صعب احس ني بحلم..قمت اقول البيبية الصغيرة اي شي المهم ما اقول اسمها لان بالاساس لساني ما يقدر ينطقه؟!!!
لاااا تقولون شدعوه ..والله هذا اللي صار فيني من الصدمــة..لدرجة انا لما كنا بالمستشفى كنت اقوول حق امي يما احس بس جذي ياهل استانس عليها و اصورها و..مثل كل مرة بعدين ارجعها حق امها..!!!!!! قلت يمكن لما نرجع البيت راح احس انها صج اختي..
لااا حسيت انها لعبــــه نلبسها و نرضعها و نغيرلها نفس البيبي بورن اللي تبجي و توصخ عمرها؟!!!!!ههههه والله ترا هذا الكلام توه ماصارله شهر مكن اسبوعين بس.. يعني فرش.,,
_03ba:
سامحووني على لطواله بس صج محتاجة افتح قلبي حق احد
