معزوفت حزن
New member
- إنضم
- 24 أغسطس 2009
- المشاركات
- 198
- مستوى التفاعل
- 0
- النقاط
- 0
- العمر
- 34
بنات بقولكم شغله
ترى انتو حسيت فهمتو كلامي بالغلط
مع اني حاولت اوضح لكم وايد بس ماعرف اشرح :\
انا ما اقولكم اني ما اكلم امي , بالعكس عادي نسولف ونضحك ونقعد بالصاله وعاادي
واسلم عليها كل يوم واحب راسها
وتشتريلي كل شي مااتقصر عني بأي شي
بسسس
المشكله
ان احس مرات بجفاف بيننا
مادري شلون اشرحه لكم
من الناحيه الماديه كلللللسش مو مقصره معااي
ومن الناحيه العاطفيه اهني التقصير يعني ما تلمني لا مره , مع ان عادي كل شي تمام
ولا مره انا قربت منها ولميتها ولا اخواني , بالعكس اخواني زينين معاها وحتى انا
بس احنا بيتنا ما تعودنا على اللم والحميميه هذي فهمتو علي؟
يعني انا اهي جذي عاديه وانا حدي رومانسيه وحدي عاطفيه << هههه حلوه هذي
ممم ماتسولف لي وايد سوالف خصوصيه
استحي اقولها يتلي الدوره ههههههههه مادري ليش احس اني ياهل
مع ااني كبيييييره ياربي مادري ليش احساسي غريب معاهاااااااااااااااا
واذا اهي بجت استحي المها مادري ليش انا جذي!!
بس اهي عادي عندها وهم انا يعني مافيه بيننا هوشات ,,لا عاديه العلاقه بس انا لما اشوف بنات يلمون امهم او لما اشوف امهات ينادون بناتهم بكلمه مثلا ( حبيبتي دلوله تعالي صبي لي شاي ) امبيييييي تدرون لو امي تقولي جذي والله اصب لها وانا مستاااااانسه
ودي امي تقولي ( لاا يماا لاتروحين اخااف عليج ) اهي لا تقولي ( لا بس ماكو روحه ) هههههه شوفو الفرق
ودي تقول لي ( يما حبيبتي تعالي ساعديني ) موو تقولي ( قومي شيلي الطاوله واشوف ما تسمعين الكلام ) هههههههه شوفو الفرق
اهي طيبه حدهااااااااااا ومتدينه وملتزمه بس مادري شفيني ابيها تتغير بس ماراح تتغير ههههه
خلاص تعودنا على جذي
بس خلااص خل نغير موضوع النكد هذاا هههه
اهم شي اني راضيه ربي وراضيه امي وابوي والباجي على الله,,
نفسي بس خلاص انا احس انه تعودت بس والله لما تقولي كلام حلوا اطير من الفرح ومره قالت له يما اذا بتقعدني من النوم قولي لي حبيبتي حياتي عمري قولي كلام حلو وانا انط من الفراش وطبقت هالطريقه فتره بعدين ماصارت تقولي جذي
التعديل الأخير:
