رودي للاستشارات الهندسية

[cuta.19]

يتراوالي الفاتح احسن عشان الغرفة تصير اوسع واريح .. بس جد جد محتااااااااارة حتى محتارة البردة اي لون ؟؟ لان اغلب الطوف بتصير منقااوي

 

[adool70]

يعطيكم العافية ابي اسوي كبتات نجارة محتارة اسويها عند منو
منو فيكم تقدر تفيدني بليز و شكرا

 

[rudy]

اليوم وانا اتصفح النت حبيت انقل لكم بعض الصور الي عجبتني

منقول- المهندس

 

[So Elegant]

عفيه عفيه عفيه

ساعدوني بشقتي محتاره بألوانها وانا توني عروس يديده

بنبدي انا وريلي بغرفه الجلوس ومحتاره بالألوان حدي .. صبغ الغرفه لونها على قولته شاي حليب ترخيم او مايله لليموني

والشقه ايجار واتفقنا انا وياه اننا نصبغ طوفه وحده بس لان الشقه مو ملك لنا .. وحدي محتاره باللون

مره اقول ابي اللون برتقالي ومره احمر ومره اقول مادري

بليز ساعدوني ^____^ .. وجزاكم الله خير وتقبل الله طاعتكم

 

[ملكة زماني]

عاجل يابنات

اول شي يعطيكم العافيه

ثاني شي

عندي اول ما اصعد السلم في بيتي صالة اصغير
الطوفه مالت صعدت السلم صبغتها المقلم درجات الاورنج

ومحتارة الحين شنو احط قنفة
يبله شي اصغير


انا كنت امفكرة اصبغها دانتيل ابيض واسود واحط اريكة حمرا << المساحة اتكفي اريكة


بس ماصار وصبغته امقلم

الحين شنو احط قعده

ينفع الاريكة مع الامقلمة

 

[rudy]

مرحبا ملكة زماني

اي ينفع ليش لا

+++++++++++++++++++++++

مرحبا سو الجنت
اذا الغرفة صغيرة لاتصبغين لون غامج خليك على الفواتح
اللون الاساسي يمشي معاه الوان وايد مثل الاخضر والسماوي

+++++++++++++++++++++++++

 

[dectora 7elwa]

مرحبا رودي يعطيج العافيه ابي اسال احنا خلصنا الخريطه وخلاص رخصناها من شهروالحين اكتشفنا ان في اخطاء بالواحهه ونبي نعدلها هل لازم نرجع للمكتب نرخص مرة ثانيه ولا بس مع المقاول وقت البنيان - زاذا رجعنا للمكتب راح ندفع بعد فلوس ولالا وشاكرتلج جدا

 

[cuta.19]

رودي مارديتي على اسئلتي ليييييييييييييييييييش شدعوااااااااااااااا ؟؟؟ وحتى الصور مو طالعتلي ترااااااااا

 

[rudy]

حبيبتي بسألج اذا بسوي غرفتي لون منقاوي واثاثي لونه خشبي فاتح .. شنو ادخل مع المنقااوي ؟؟ انا قلت اخلي 3 طوف منقاوي والطوفة اللي ورا فراشي اخليها لون خشبي فاااتح يعني تعتيق نفس لون الاثاث .. بس مادري محتارة واايد مرات اقول اخليها اوف وايت مرات اقول خشبي فاتح وايد .. وقياس غرفتي 4*4.5 .. ومحتارة وايد وبليز ابي الرد بسرعه لان باجر الصبااغ بيكون عندنااااااااا عشان اختار اللون .. دزيلي رسالة عالخاااص

اقترح ان الون الي ادخلينه مع صبغ غرفتك هو اللون القرميدي هو بين البني والبرتقالي وايضا الاوف وايت حلو وراح يحلي الغرفة وكبرها وخلي فيه تعتيق من لون باقي الغرفة ( المنقاوي)

 

[rudy]

مرحبا رودي يعطيج العافيه ابي اسال احنا خلصنا الخريطه وخلاص رخصناها من شهروالحين اكتشفنا ان في اخطاء بالواحهه ونبي نعدلها هل لازم نرجع للمكتب نرخص مرة ثانيه ولا بس مع المقاول وقت البنيان - زاذا رجعنا للمكتب راح ندفع بعد فلوس ولالا وشاكرتلج جدا

مرحبا اختي
لازم ترجعين للمكتب ولا يحتاج انك اترخصين الترخيص هو لمصطح البناء وليس للواجهات والمكتب ماله حق ياخذ منك ولا فلس هذي مشكلته وسمعة مكتبة

 

[ريشه123]

حبوووبتي استفساااري مارديتي عليه ادري بوووويه ... بس الله يعطيج العافيه

 

[rudy]

مرحبااااا رودي وكيكه ..

عندي استفسارات وايد وياليت تطولون بالكم علي ...

بقولكم شقتي شلون وتصورو معااااي:
3 غرف وحده منهم ماستر
وصاله
ومطبخ وتكرمون حمامين

بالنسبه لغرفة الماستر ( غرفتي))
حمامها حيل حيل حيل صغير 1م *1.5م ففكرتي فيه اني مااحط بانيو قدم من نفس السيراميك وباب زجاج (( السيراميك عباره عن فسيفساء بطوفة الشاور كلها والارضيه مالت الشور)) وباااقي الحمام سيراميك ابيض ساده بس اسوووي حركه بالسراميك بالطوفه اللي بحط فيها المغسله وهي عباره عن الخط العريض على قد المغسله او اكبر بالفسيفساء... انشاءالله وصلت الفكره ...

نجي حق الكبت :
ابي نجاره ويكوووون باب الكبت جرار مو اللي يفتح عادي لان مثل ماانتو عارفين المكان حيل صغير

الغرفه نفسها :
4*4 م
ودريشتها كبيره
ففكرت اني اسوووي استااايل الغرفه مودرن لان اهو اللي يكون فيه اللعب بالحركات من ناحية المساحات يعني الواحد يقدر يتحكم بالديكور والنتيجه تكون مناااسبه
اللوان اللي في بالي حاليا ويمكن تتغير : انا شايفه ول بيبر في ابيات عباره عن اسود وليموني فاااتح وابيض وبيج فااتح هل ينفع؟؟؟

افيدوني باالوان والافكار اللي تناااسب


اجي للمطبخ :

5*6

ماسووويته كله كبتااات بس حر ل وبالوسط سووويت طاوله مع الكبتاات وفييها مجال لتجزين 2م*1.8م
اللوان السيراميك ابيض وشريط لووونه ازق وبيج واسود

تصميم الكبت سويته بس محتاره بالالوان ...؟؟ والكبت المنيوووووم ؟؟؟


افيدوووني طولتها معاكم بس ادري مابتخيبوووني وباااقي الشقه اذا رديتو على استفساراتي

والله انا قريت موضوعك وحسيت انك انتي مقررة شنو بتحطين ومقترحاتك وايد وايد عملية
مثل الكبت الجرار و شور الجمام
وختيارك للمودرن ممتاز جدا لأن المساحة صغيرة والمودرن هو الي ينفع وبالنسبة لجزيرة المطبخ انا مجربتها عملية جدا وتشيل اغراض وايد وبالنسبة للالوان يعتمد على ذوقك دخلي اللون الخشبي مع لون سادة ابيض او برتقالي او رمادي
مادري هذا رايي والراي بالنهاية لك طبعا

 

[dlo3at aboha]

السلام عليكم رودي
حبيبتي انا متوهقة بحمامي (عزج الله) بصبغة بصبغ رش ينفع ما يضرة لمدى بعيد يعني يتقشر او يتغير لونة؟
لانة صعبة اغير البورسلان او احط صبغ عادي لانة يطول و انا بغير الحين لانة عندي مناسبة
حياتي ضروري تردين علي حتى لو ع الخاص مشكووووووورة

 

[ميس الريم]

يعطيج العافيه حبيبتي

ماشالله الموووضوع روووووووعه وماشالله عليج وع المجهود اللي تبذلينيه يعطيج الف عافيه حبيبتي وذووقج وايد حلوو ماشالله

وينه الموضوع عني من سنه هههههههههههههههه

لان قاعدين نبيني البيت وحايسين حوووسه ههههههههههههه

اللحين وصلنااا التشطيبااات تقريبااا

بيتنا عباره عن صالتين او ثلاث يمكن كبار مفتوحين ع مطبخ داخلي وغرفه ضيوف وحمام الله يعزج للضيوف

و3 غرف نوووم

الرئيسيه غرفه عاديه فيها غرفه التبديل وحمام الله يعزج اما الثنتين الثانين عباره عن غرفه بطابقين يعني تدخلين الغرفه يكون صااله وتصعدين فووق غرفه النوم والحمامات بعد كل غرفه فيها غرفه حماها الله يعزج تحت ف الصاله والثانيه حمامها الله يعزج ف فوق ف غرفه النوم

وملحق خارجي عباره عن مجلس خارجي ومطبخ ومخزن وحمام الله يعزج وغرفه غسيل

بقوولج الاشياء الباااقيه واذا عندج اي شي قوووليلي

بيتناا طاابق ونص وصغنون مو كبير وفيه حوض سباحه ف الحووش

الباااقي الله يسلمج بيبااان البيت للحين ما اخترناا اشكال البيباان

وباقي سور البيت

والصبغ

تقريبا هاي الاشياء الكبيره اللي بقت

يعني لو ما عليج امر

تقترحين لي ولا تعطيني معلوومات ولا اخر الموديلات ف هاي الاشياااء

مو شرط اذا كانت معلومات ولا صوور اي شي قدرتي عليه

عن باااب الحوش وباب الكارااج

بيبااان البيت من داااخل

وباب الحماام الله يعزج انا بخاطري اخليه زجاااج شرايج انتي .. الحمامات كلها الله يعزج عشان ما يطلع وايد فرق بس قلت يمكن كل واحد بشكل بس ان يكون كله نفس النوع .. انتي شرااايج

وسور البيت

وعن الصبخ وورق الجدرااان ولا اي شي حق الطووفه يعني فناتك جديده

واذا عندج اي فكره ولا اي اضااافه ياريت انج تقولين لي عنها


ويعطيج الف عافيه حبيبتي وماقصرتي

 

[rudy]

السلام عليكم رودي
حبيبتي انا متوهقة بحمامي (عزج الله) بصبغة بصبغ رش ينفع ما يضرة لمدى بعيد يعني يتقشر او يتغير لونة؟
لانة صعبة اغير البورسلان او احط صبغ عادي لانة يطول و انا بغير الحين لانة عندي مناسبة
حياتي ضروري تردين علي حتى لو ع الخاص مشكووووووورة

اذا عندك مناسبة الافضل انك تيبين نجار يلبس الحوائط خشب وبعدين تيبين الول بيبر وتركبينة فوق الخشب وياد كشخة راح يصير احسن من صبغ الرش

 

[ميس الريم]

ناااطره ردج اختي

 

[dectora 7elwa]

مشكوره وايد رودي تدرين زوجي ما سمع النصيحه وراح للمكتب وطلب منه 250 د ك وريلي دفع 100 عربون وقاله ان تراخيص البلديه لازم تتغير انا حيل انصدمت

 

[OmoOma]

مرحباااااااااااااا rudy


ممكن مساعده منج ومن الخوات عاجله وجزاكم الله خير انا بغير شقتي في بيت حمولتي لأن حماي طلع له بيت وباخذ شقته وبفتحها على صاله كبيره جدام الشقه
وابي احط فيها كنب وجلسات ارضيه لأنها كبيره تقريبا الطول 6متر والعرض 5 متر وجدامه باب الشقه اللي باخذها فيه ممر اوصاله صغيره حيل العرض
4متر والطول 3 متر احنا بنفتحهم على بعض بس ما احس اني بستفيد منها لأن فيها على على يميني باب المطبخ وعلى زاويه باب غرفتي النوم
مع حمامها داخلي
وعلى يساري فيه قوس فيه مدخل للحمام وغرفتين للجهال ابي تصميم لشقتي بحيث اضم فيها كنب وقعده ارضيه وطاولة طعام صغيره 6كراسي
ومشكورين ترا انا بغير مكان البيبان يعني وين تنصحوني احطها وبحط ديكورات جديده وصبغ ابي مساعده سواء بصوراو اقتراح لطلبي
وجزاكم الله خير

 

[fatma90]

يعطييييييييييييج العافيه على الموضوع الاكثر من رائع



ب حبيت اسالج عن الارضيات الخشبيه

شنو احسن الباركيه الخشبي ؟ ولا السيراميك ؟؟ ولا البلاستك الرول


انا ابي يكون مثل الخشم قطع كبيره و ابي احسن شي من ناحيه الشكل و يالتنظيف

و شنو مساووء و مميزات كل قطعه منهم ؟؟



يعطيج العاافيه

 

[بنت الحساوي]

رودي ..... عساج على القوة والله ما تقصرين في ردج السريع على البنات

حااابة اسألج سؤال وراح تنقذيني فيه إنشاءالله

احنا عندنا طوفة بالبيت تقريبا مساحتها 3 امتار وودي اسويها م الحجر الداخلي بس ما اعرف من وين ينباع وبجم وخاصة اني بسوي هالشي بروحي وريلي مسافر يعني بسويها مفاجأة حق ريلي لوووووووووول اول مرة اسوي مفاجأة من هالنوع فنقذيني خاصة انه راح يرجع من السفر بعد 4 ايام وودي اخلص قبلها

واكون شاكرتلج حبيبتي