رودي للاستشارات الهندسية

[rudy]

هلا رودي حبيبتي مشكورة عالرد
بس انا اثثاثي مو احمر بس الاسفنجه مالت الكرسي (القعده ) والكرس اسود يعني بس قعدة الكرسي حمره والكرسي الثاني اسود وماافي احمر فاثاثي
والجاكار ماعرفته يمكن عندكم فالكويت هذا مسماه مادري ماسمعت عنه اذا بتحطين لي صورته تسوين خير
والورق جدران اللي اخترته ارضيته بيج على اوف وايت والنقشات السوده والحمره والاورنج يدوب يبينون يعني نقشات صغيره يجيج غصن اسود وفيه وردتين اورنج واحمر بس واايد صغيرة النقشه يعني اللون الطاغي الاوف وايت والطوفه الثاني ارضيته اوف وايت وفيه خطوط موزعه سوده واورنج واحمر بس خطوط دقييقه وايد
الحين انا محتاره الارضيه شاسوي احط اي لون
ترى اللون الاحمر مو طاغي وايد والستاره خذتها سوده كامله ترتر وايد حلوة او ماشفته ماتقبلته بس يوم دققت فيه عجبني وايد ومايبين انه ترتر بس فيه لمعه الترتر
مافي لون احمر فالغرفه الا القشات ويدوب يبينون وقعده الكرسي بس
والكرسي بحط له مخدات ملونه بعد بدخل الزيبرا وووايد الون

وطاوله الطعام قزاز وفيه قطعه تحت الطاوله سوده والكراسي بيضه

اي وانا يوم اخترت اسوي طوفه وحده حمره عشان يكسر لون الاوف وايت

عطيني رايج الحين
ومشكورة حبيبتي تعبتج معاي

اها الحين فهمت انا تخيلت الون الغالب احمر بس ظنى مو في محله
على العموم اقترح لون الارضية رمادي
وانا جدامي الحين مجلة ديكور مودرن لاحظت ان جميع ارضياتهم من هالالوان( اسود - رمادي - ابيض - او خشب باركيه)
وبنسبة للجاكار هي النقشة الملكية وتكون مكررة ومن نفس لون الارضية بس تختلف بدرجة تلقين منها اقمشة وورق جدران وسجاد. اكيد انتي شايفتها

 

[هتان مون]

بس مافي شي رمادي فالغرفه حلو يطلع ولا الباركية البني الفاتح احلى اشرايج ؟؟
والرمادي اخذ سيراميك ولا شنو ؟؟
ترى ماعرف وايد فالبلاط وهالسوالف والجاكار يمكن شايفته بس ماعرف اسمه
اي الورق جدران اللي اخترته مو ورق عادي تحسينه صبغ يعني النقشت تحسينه مرسومه بارزة شوي

وفي طوفه نفس الحاجز صغير وايد صغير قلت بصبغه اوف وايت نفس ارضيه ورق الجدار وبخلي الرسام يرسملي ورقده وحده بالطول تكون الورده اورنج والورقه حمره والغصن اشرايج اخليه يسويه اخضر ولا اسود؟؟ نفس ورق الجدران
وايد اسال بس محتاره وخاصه فالارضيه
ونسيت اقولج خذت سجاد صغير حق تحت طاولة الطعام لونه اسود ومرسوم علية وردة حمرة والثانية بيضه هي محدده على شي ورده من داخل اسود يعني

انطر ردج ومشكورة حبيبتي على تعبج معاي

 

[omnasor]

يعطيج العافية انا عند غرفة 5 في 5 لبناتي الثنتين في عمر 13 ابي استفيد من خبرتج شنو احط الارضية علما باني مابي سراميك لانه بارد عليهم وشنو احط الالوان وشلون اسوي الكبت لان كل وحدة تبي بروحها والغرفة ضيجه ابي استقل المكان

 

[منوووره]

السلااام عليكم شلونج رودي اخبارج ياقلبي بصراحه انا حييييييييييييييييييل محتاره مع غرفة نومي ابوي اختارلي لون السراميك درجات البرتقالي ومقلم اهو حلو بس انا احترت اصبغ غرفتي اي لون عقب باجر بصبغها وغرفتي طويله وفيها عرض شوي مو حيل ابي تكون غرفتي بناتية freash وودي ادخل معاها الوان البنفسجي والاخضر التفاحي والليموني بس خايفه تطلع مو شي ابي الكل يينبهر من غرفة نومي واكون شاكرتلج

 

[عنآيد]

السلآآم عليكمـ ..
اشكرج اخت رودي ع المجهـود صرآحه موضوع أكثر من رآئع ..
بالنسبه لي .. فبقولج مشكلتنآ اللي انا وامي وابوي صآرلنآ شهر نتنآقش فيهآ ؟..
عندنآ صآله 6 × 6 ... حلـو ..!
المشكلـه ان أبوي يبي طآوله تكفي لـ 10 اشخآص فيهآ وتكون سمبل يعني مو فخمـه ..
وبنفس الوقت يبون يحطون قعدهـ فيهآ .. وتلفزيون وهيكـ ..
فمحتآرين لان المكآن لمآ شفنآه حسيت انه شوي ضيق وتوهقت ما عرفت شقولهم او اقترح عليهم فيآليت عندج أفكآر .. للمكآن الضيج وبنفس الوقت الحآجه الملحه لاستغلاله .. =)
اتمنى مآ اكون ططولت عليج .. تشكرآتي ..

 

[rudy]

يعطيج العافية انا عند غرفة 5 في 5 لبناتي الثنتين في عمر 13 ابي استفيد من خبرتج شنو احط الارضية علما باني مابي سراميك لانه بارد عليهم وشنو احط الالوان وشلون اسوي الكبت لان كل وحدة تبي بروحها والغرفة ضيجه ابي استقل المكان

مرحبا اختي ترا انا رادة علي سؤالك من يوم الخميس بس مادري ليش انمسح
حسافة
علي العموم بحاول اتذكر كل شي كتبته وانشاء الله ما انسى شي

الارضية فرشيها رول بلاستك على نقشة الباركية وحطي قطع سجاد للممرات بين السريرين وعند الخزانة
والخزانة اخذيها من ايكيا وحرصي ان الابواب تكون جر عشان تعطي اتساع لغرفة
وبالنسبة للالوان ابتدي بشي معين مثلا لقيتي كفر سرير حلو والوانه اعجبتك كملي الغرفة عليه او مثلا خام الستاير لقيتي نقشة او لون حلو هم كملي عليه والصبغ آخر شي لأن جميع الالوان متوفرة​

 

[jours]

مشكورة حبيبتي رودي سويت نفس ماقلتي بس حصلت ورق جدران وووايد حلو من عند ابيات وارخص من اللي مجابل البحر

 

[أم الحارث]

الله يجزيكم خير ومبارك عليكم شهر رمضان بغيت اسوى صبة أسمنتية لغرفة المعيشة وأحط عليها أسفنج وأسوى قعدة بس أبيها تصميم حلو وياريت أذا فى صور لأنى محتارة

 

[لؤلؤه قطر]

مرحبا اختى شلونج
انا ابى اعدل غرفتى وابى احط ورق حائط بس ماعرف يعنى احط الغرفه كلها ورق ولا احط جهتين والباقى اصبغهم
بجد محتاره
للعلم غرفتى لونها بنى جذى على عنابى غامج
ومادرى شحط اى لون
ارجوا المساعده
واكون شاكره لج اختى

 

[rudy]

الله يجزيكم خير ومبارك عليكم شهر رمضان بغيت اسوى صبة أسمنتية لغرفة المعيشة وأحط عليها أسفنج وأسوى قعدة بس أبيها تصميم حلو وياريت أذا فى صور لأنى محتارة

مرحبا ام الحارث ومبارك عليكم باقي الشهر
شرايك بدال ما تسوين صبة اسمنت تسوين مثل الصندوق الخشب وتلبسينة من برة الي تبين مثل سيراميك او غيرة وتستفيدين من هالصندوق للتخزين تدرين احنا اغراضنا وايد وبحاجة لمخازن

 

[rudy]

مرحبا اختى شلونج
انا ابى اعدل غرفتى وابى احط ورق حائط بس ماعرف يعنى احط الغرفه كلها ورق ولا احط جهتين والباقى اصبغهم
بجد محتاره
للعلم غرفتى لونها بنى جذى على عنابى غامج
ومادرى شحط اى لون
ارجوا المساعده
واكون شاكره لج اختى

الورق حلاته في جهة وحدة او ثنتين والهدف انه يبرز ويبين وخلي باقي الغرفة صبغ

 

[om mariam]

واااااااااااااااااااااو رووووووووووووووووووووووووووووعة بصراحة افكارج عقبال ماافرش بيتي واييلج اشتكيلج

 

[نور138]

ما شاء الله رودي أفكار ولا أروع
يارب يوفقك
اختيارات موفقه

 

[عاشقة الجنان88]

مرحبا اختي ماشاء الله دوقك وايد راقي اناابي اصبغ داري يعني الكبت والسرير والتسريحة لونهم ابيض وابيه بني غامج يصير يعني ما يخترب وبصبغ الطوفة لون الكراميل وبحط كفر واكسسسوار لون احمر شنو رايك انا وايد اثق بدوقك وجزاك الله خير

 

[أم الحارث]

الله يجزيج خير يالغالية

 

[rudy]

واااااااااااااااااااااو رووووووووووووووووووووووووووووعة بصراحة افكارج عقبال ماافرش بيتي واييلج اشتكيلج

مشكورة حبيبتي
وانا بالخدمة​

 

[rudy]

واااااااااااااااااااااو رووووووووووووووووووووووووووووعة بصراحة افكارج عقبال ماافرش بيتي واييلج اشتكيلج

ما شاء الله رودي أفكار ولا أروع
يارب يوفقك
اختيارات موفقه

العفو حبيبتي​

 

[ريشه123]

مرحبااااا رودي وكيكه ..

عندي استفسارات وايد وياليت تطولون بالكم علي ...

بقولكم شقتي شلون وتصورو معااااي:
3 غرف وحده منهم ماستر
وصاله
ومطبخ وتكرمون حمامين

بالنسبه لغرفة الماستر ( غرفتي))
حمامها حيل حيل حيل صغير 1م *1.5م ففكرتي فيه اني مااحط بانيو قدم من نفس السيراميك وباب زجاج (( السيراميك عباره عن فسيفساء بطوفة الشاور كلها والارضيه مالت الشور)) وباااقي الحمام سيراميك ابيض ساده بس اسوووي حركه بالسراميك بالطوفه اللي بحط فيها المغسله وهي عباره عن الخط العريض على قد المغسله او اكبر بالفسيفساء... انشاءالله وصلت الفكره ...

نجي حق الكبت :
ابي نجاره ويكوووون باب الكبت جرار مو اللي يفتح عادي لان مثل ماانتو عارفين المكان حيل صغير

الغرفه نفسها :
4*4 م
ودريشتها كبيره
ففكرت اني اسوووي استااايل الغرفه مودرن لان اهو اللي يكون فيه اللعب بالحركات من ناحية المساحات يعني الواحد يقدر يتحكم بالديكور والنتيجه تكون مناااسبه
اللوان اللي في بالي حاليا ويمكن تتغير : انا شايفه ول بيبر في ابيات عباره عن اسود وليموني فاااتح وابيض وبيج فااتح هل ينفع؟؟؟

افيدوني باالوان والافكار اللي تناااسب


اجي للمطبخ :

5*6

ماسووويته كله كبتااات بس حر ل وبالوسط سووويت طاوله مع الكبتاات وفييها مجال لتجزين 2م*1.8م
اللوان السيراميك ابيض وشريط لووونه ازق وبيج واسود

تصميم الكبت سويته بس محتاره بالالوان ...؟؟ والكبت المنيوووووم ؟؟؟


افيدوووني طولتها معاكم بس ادري مابتخيبوووني وباااقي الشقه اذا رديتو على استفساراتي

 

[cuta.19]

حبيبتي بسألج اذا بسوي غرفتي لون منقاوي واثاثي لونه خشبي فاتح .. شنو ادخل مع المنقااوي ؟؟ انا قلت اخلي 3 طوف منقاوي والطوفة اللي ورا فراشي اخليها لون خشبي فاااتح يعني تعتيق نفس لون الاثاث .. بس مادري محتارة واايد مرات اقول اخليها اوف وايت مرات اقول خشبي فاتح وايد .. وقياس غرفتي 4*4.5 .. ومحتارة وايد وبليز ابي الرد بسرعه لان باجر الصبااغ بيكون عندنااااااااا عشان اختار اللون .. دزيلي رسالة عالخاااص

 

[cuta.19]

وهم محتارة الطوفة اللي ورا راسي تكون غامجة بعد يعني بني غامج