تجمع امهاات 2007 خلونا نستفيد من بعض

[منورة الكويتية]

اي سميلاك يسوي امساك ذكرت اعتقد اس 26 زين اذا ماخانتني الذاكره منوره

على فكره ياهل عن ياهل يفرق والدكتور يحددلج الحليب احسن

الحين قطعت سيميلاك واستخدم اس 26 شفت بالجمعية اس 26 الذهبي اليديد وتلقفت وشريته واحس ماارتاحت له كله ترجع شكلي برد على اس 26 الاخضر وعليه عليها حسرت فيها مابقى حليب مااستخدمته وبعرف اي دكتور الي يحددلي ؟ مال المستوصف؟

 

[منورة الكويتية]

هايي منوره اشلونج واشلون النونو

انا بنتي الله يخليها بتكمل 5 شهور وبتدخل بالسادس بس اللي يشوفها يقول عمرها شهرين او ثلاثه بالكثير

استخدم لها سيميلاك وعلى الشهر الياي بسال الطبيب علشان اغير لها الحليب

وحفاضاتها دارلينغز

هلا وغلا بعشق
هلا بام رفيجة بنتي لووول يحلاتها فطوومه اهيا وجريمبتها وشكلها صج بتيييت الله يخليها لج وسيميلاك محد مدحه كلهم يقولون غازات وانا لمن جربته كله رغووه

وشلون حفاظات دارلينغز؟

 

[منورة الكويتية]

الحمدلله على سلامتج ومبروك العروسه الصغيره
حبيبتي

​

اول شي سميلاك معروف ابو الغازات وعزكم الله الأمساك
انصحج بحليب أس 26 وحفظات بامبرز حلوه
كل يوم تكونين منقعه 4 حبات تمر في ماي دافي بالليل والضحى قبل أذان الظهر تقومين تشخلين نقوع التمر بس بالأول لأن اول مره تعطينها تمر يكفي اول ثلاث ايام رقم وبعدين عادي اذا حبته عطيها رقمين ترى التمر مذكور بالسنه وله فوائد
ومثل ماقالت وحده من الخوات روحي اشتري اعشاب حبه الحلوه _ ينسون _كراويه وخلطيهم كلهم بعلبه واخذي قفشه الجاي مع ربع كوب ماي وخليهم يغلون وعقب عطيها عادي مرتين في اليوم وعقب الشهرين ثلاث مرات
وهاتجنبي ووخري بالمره عن سكر النبات لان هو ابو المصايب بدليل كل الاطباء ماينصحون فيه حطي لها سكر اسمر موجود في الجمعيات او عسل شويه
وهاااااااااااا في قطره اسمها دسفلاتين كل يوم قبل النوم عطيها بحلجها مو بالمميه 6 نقط الى 8 عادي حبيبتي
واهم اهم شي القماط وفي لهجه ثانيه المهاد على طول لفيها عدل اهم شي لما تنام لان المهاد هو اللي يحفظ الطفل
أتمنى أكون فدتج وأعذريني على القرقه
وأخر شي ماعليج من احد اذا قالو لج تو الناس مايصير تعطين الطفل بهالعمر تمر وأعشاب حبيبتي عادي انا خبره من اللي حوالي ومن خبرتي بعيالي الأثنين انا أظمن كل شي كتبته لج ويكون بعلمج انا حتى عصير البرتقال اعطيه عيالي لما يكملون 25 يوم ورقم واحد مره يوميا

الله يسلمج ياقلبي
انا استخدم اس 26 وبعدين تلقفت شفت اس 26 اليديد الذهبي وجربته معاها ماناسبها ترجع منه برد على اس 26 الاخضر
وانا اعطيها منقوع تمر بس ماخليه طول الليل لاا بس اهرسه واخذ مايه واعطيها اياه تشرب رقمين
وشريت الاعشان اليانسون والكراوية والحبه الحلوه اعطيها مره باليوم
واعطيها سكر نبات
وليش مو زين سكر النبات؟ اول مره اسمع بهالشيئ ؟ يعني طبيعي ليش يكون ضار؟ والسكر الاسمر مو وايد حالي عليها؟
القطره هذي عطانا اياها الطبيب واستخدمتها كذا مره معاها بس اختي وامي يقولولي لاا تعودينها على الادوية
وعالمهاد مرات افله واخليها تتمغط على كيف كيفهااا احسها ترتاح وارد الفها بعدين اذا تعمقت بالنومة
ومشكورة ياقلبي على نصايحج الحلووة الثمينه والله يخليلج عيالج ويقرعينج فيهم

 

[منورة الكويتية]

الله يخليلج العروسة وانا انشالله عن قريب أنضم لكم هني عقب ما اولد انشالله ..

بس بقولج من خبرتي السابقة ابنتي ..

الحليب كنت ارضعها طبيعي ماعطيتها صناعي كلش بس احتياط شريت بيبيلاك لأن بنت خالتي دكتورة أطفال ومدحته لي بس ما استعملته ...
لما كبرت وقمت اعطيها صناعي عطيتها نان2 زين تفخها كانت عصلة الظاهر حليبي لو فات ...
وعقب السنة بروجرس والحين عقب ال3 سنين نيدو3 .....


والحفاظات بامبرز كان يسويلها حساسية مو طبيعية ...
وجربت كل الانواع اللي يسرب واللي مادري شنو ما ناسبها الا هغيز بس في نوعين منه ...
اللي استخدمته جنه اسمه فريدوم وجيسته لونها كحلي وأخضر فسفوري عليها صورة كوشيات وياهل يلعب فوقهم هذا رووووووووووووعة مايسرب ولا يحسس ولا شي بس غالي اغلى من البامبرز وعيبه ما تحصلينه بكل مكان ...
ومن عقبه ليبيرو ...

وهالمرة ناوية استعمل لايبيرو انشالله بس الحين خذيت بامبرز لأن مقاسه أصغر حق بيبي توه مولود علشان ما يسرب وبشوف اذا مشى معاي بكمل عليه وان ما مشى باخذ ليبيرو لأني مجربته ...

وبنتي لما كانت بيبيه كنت اعطيها ينسون وهم دكتورها قالي وايد زين حق اليهال حق الغازات بس خفت احطلها شغلات ثانية تطلع مو زينة مع ان امي تقول مافيها شي الناس يعطون عيالهم بابونج وكمون جنه حق الغازات بس ما جربت ...
والتمر عطيتها بس حسيته ثقيل عليها كانت اترجعه فما كنت اعطيها بكل يوم وكنت اسويه وايد خفيف وانشالله ما منه ضرر دام الرسول صلى الله عليه وسلم سن التحنيك بالتمر يعني أكيد أكيد ما يضر ....

هلا وغلا برفرف
الله يهون عليج وعلى كل الحوامل وتولدين بالسلامة يارب
واختي بعد تستخدم نان شكله زين وخفيف قريب لحليب الام
وصاجه اليانسوون وايد زين والتمر بعد مفيد

 

[منورة الكويتية]

الحمدالله على سلامتش والله يبارك لش بالبنيه

أنا ولدى ععمره شهرين الله يخليه لي بس في النفاس استخدمة له نان وما حسيت بزياده في وزنه وكله غازات والحين عطيته 26 والحمدالله

بس حبيت أسال عن قطرة دسفلاتين شنو فايدتها

الله يسلمج ياقلبي يبارك في حياتج
وسبحان الله الحليب ترى يفرق من ياهل لي الثاني وانا بعد استخدم اس 26 واحسه مناسبها
والقطره هذي تحطينها مع الحليب انا الطبيب قالي5 نقاط وتخفف الغازات بس انا مااحس انها فرقت معاي

 

[منورة الكويتية]

السلام عليكم
هلا اختى منوره ..
بنتى نور حياتي اسمها نوره نفس بنيتج ربي يحفظهم .. والله يسلمج للاسف ما قدرت ارضعها .. الظاهر كل نوره جذي دلوعه و ماتبي ترضع طبيعي هههههه بس صج يعني كانت تعصب و تصييييييح و اصلا انا ماكان فيني حليب !!!!!!!!!!!!

كنت اعطيها سميلاك بس كانت ترجع وايد وو صار فيها امساك.. فغيرته لها و الحين اعطيها اس 26

و استخدم حفاظات بامبرز .......

مره وحده عطيتها يانسون و تمر بس اخاف الصراحه احسها وايد عنونه هلى هالسوالف .. و في ناس يقولون عادي و ناس يقولون لا مو زين !!

ماي غريب اعطيها شوي يعني لما احسها تعبانه من المغص ..
بس المشكله فديت قلبها تعبانه صار لها فتره.. البلغم ملعوزها و الكحه و الحين نشله ادعولها بنات ربي يشافيها و يحفظها ان شاء الله


اختى الجوهره ....ز
قطرة دسفلاتين هذه حق الغازات

هلا والله وغلا ب ملاك الروح
خخخخ صدقتي الظاهر كل نوره دلووووعه
الله يعيينا شنسوي بعد بناتنا ولازم ندلعهم
وانا نفسج بخصوص الرضاعه الطبيعية جذي ماترضى تركد ومستعيله حيييل يعني جربت اوقات تكون فيها شبعانه مو يوعانه نفس النتيجة وماكو فايدة
والله حسافه انا كان ودي ارضعها لان فوايد الرضاعه كبيره بس للاسف موراضية
وهم اهيا فيها بلغم بعد عمري واحس صدرها يخرخش
الله يشافي بنت ويعافيها يارب

 

[منورة الكويتية]

بنات وينكم نبي تفاعل

 

[cat women]

منوره حاولي مره ومرتين وثلاث لين تتعود على صدرج وعطيها من صدرج ومن الحليب العادي والله انا جربت حق بنتي يمكن 5 انواع حليب ماطاح عليها غير (ابتاميل كومفرت) مو ابتاميل العادي شي عجيب هالحليب حتى خلاها تمتن ولما اتسوينه ريحته جنها سيريلاك حلو

 

[malak_alroo7]

سلاااااام بناات
شخبااركم و شخباار بيبياااتكم

بنات بغيت اسال.. الياهل لازم يصخن لما يطعمونه والا مو شرط؟؟

 

[Miss_Tiger79]

ها بنات اشلونكم

امبيييييييه انا صاير نومي ثقيل حيل يمكن من قلة النوم حتى بنتي تبجي بالليل وما اسمعها
المشكلة خايفه لما ارد البيت وتبجي بالليل وايولها عيالي وانا ما اسمعها لانه عيالي صغار
واحاتي هالسالفه

 

[ساره ستايل]

سلاااااام بناات
شخبااركم و شخباار بيبياااتكم

بنات بغيت اسال.. الياهل لازم يصخن لما يطعمونه والا مو شرط؟؟

ملاك مو لازم بشرط : اذا على طول جابلتيه بالكمادات الدافيه

انا قبل اسبوعين طعمت ولدي تطعيم الشهرين وقالت لي السستر كمديه عشان ما يصخن

وعلى طول رديت البيت وكل مابدلت له الحفاظه سويت له كمادات.. لمدة 24 ساعه والحمدلله ما صخن
بس المشكله انه راح ايسنح .. يكون تعبان وماله خلق ايناغي بس نايم ومتخثل
لمدة يوم كامل عقب التطعيم

والحين حمدالله عدت على خير
لاتنسين الكمادات ..

بنااااااااات شخباركم
منورة - مس تايقر - مس ديور - ام غمازات

من زمان ما دشيت عندكم
قاعده اسوي ريجيم وشاده حيلي .. ومانزلت غير 2.7كجم ب3 اسابيع:eh_s(9):
يلله احسن من ماكو

 

[ساره ستايل]

اي نسيت

الحفاظات بنات انصحكم ب ليبرو ممتاااااااااااااااااااااااااااااااااااز
انا كنت مع ولدي البجر استخدم بامبرز الله يقطعهم سببوله حساسية فظيعه جنها حرق

قطعته وجربت الدارلنغز .. زينه بس وايد يقعد ولدي بوشهرين من كثر ما تسرب البول لي برا اهدومه مع ان مااطول على طول ابدل له

جربت الحين ليبرو وقطيت الدارلنغز بلزباله
والله حتى ولدي قام ايطول بالنومه لأن ما كو بلل برا الحفاظه
حتى ريلي مره كان توا راد من الدوام وسألني : توج امنومته؟
قلت له لأ..ليش..
قال لأن مهاده امرتب ..
قلت له لأنه مرتاح من الحفاظه اليديده من جذي نايم ابهدوء وماتقلب وايد اسم الله عليه

 

[malak_alroo7]

السلام عليكم
هلا والله ساره تسلمين حبيبتى على الرد..
و بالنسبه للحفاظات شكلى عيل بستخدم ليبرو وايد اسمع عنه و يمدحونه البنات

قوليلي شلونج مع الرجيم؟

 

[منورة الكويتية]

منوره حاولي مره ومرتين وثلاث لين تتعود على صدرج وعطيها من صدرج ومن الحليب العادي والله انا جربت حق بنتي يمكن 5 انواع حليب ماطاح عليها غير (ابتاميل كومفرت) مو ابتاميل العادي شي عجيب هالحليب حتى خلاها تمتن ولما اتسوينه ريحته جنها سيريلاك حلو

هلا بالزين هلا هلا بكات ومن هلا
والله حاولت وحاولت وحاولت بكل الاوقات والاوضاع حاولت واهيا شبعانه واهيا يوعانه واهيا قاعده ماكووووو ماتصبر على طول تصارخ وتصيح وماتكمل ولاا والله حيييل كان ودي ارضعها طبيعي بس الشكوى لله

ونورني وجودج يالغالية

 

[منورة الكويتية]

سلاااااام بناات
شخبااركم و شخباار بيبياااتكم

بنات بغيت اسال.. الياهل لازم يصخن لما يطعمونه والا مو شرط؟؟

هلا والله وغلا بملاك الروح

بخير الله يسلمج ونوير تسلم على بيبتج
ووالله ماعندي علم بهالشيئ ان شاء الله البنات يفيدونج

 

[منورة الكويتية]

ها بنات اشلونكم

امبيييييييه انا صاير نومي ثقيل حيل يمكن من قلة النوم حتى بنتي تبجي بالليل وما اسمعها
المشكلة خايفه لما ارد البيت وتبجي بالليل وايولها عيالي وانا ما اسمعها لانه عيالي صغار
واحاتي هالسالفه

هلا وغلا ب مس تايقر
ياربي مادري ليش كل ماشفت ردودج استانس

والله صاجه النوم بالنفاس عذاااااب

انا اليوم ماداومت بسبة هالشيئ مانمت الا 5 الفير ومحاضرتي الساعه 9 راحت علي نومه وما رحت

شرايج تحطين لج منبه قووي بس خوفج تزرين عقل الياهل خخ ولا ابوه بس ميخالف انتي لمن تقومين كل ساعتين او 3 خلااص اوتومياتيك انتي كل ساعتين بتقومين والله يسهل وييسر عليج ياقلبي

 

[منورة الكويتية]

بنااااااااات شخباركم
منورة - مس تايقر - مس ديور - ام غمازات

من زمان ما دشيت عندكم
قاعده اسوي ريجيم وشاده حيلي .. ومانزلت غير 2.7كجم ب3 اسابيع:eh_s(9):
يلله احسن من ماكو

هلا والله وغلا بسارررونه ياهلا

بخير الله يسلمج احنا بخير انتي بشرينا عنج وعن وليدج

والله مشتاقين لج
وزين تسوووين يوم انج تسوين ريجيم انا ودي اسوي ريجيم بس مالي خلق

شالحل!!

 

[منورة الكويتية]

Up
Up
Upp

 

[Miss_Tiger79]

هلا بنات انا امس خلصت نفاسي ورديت بيتي والحمدلله
يحليلج يا ساره ستايل وانا اقري مشاركتج الاخيره جني قاعده اشوف دعاية حفاظات ليبيرو هههههه
مو تزعلين اتغشمر
وشخبارج منوره
وشخباركم مع السهر

 

[ShaYoMa]

السلام عليكم

حبيت اشارك بالتجمع الحلو

ولدي عمره 4 اشهر الحليب سيميلاك ما حاولت اغيره لان مناسب ولدي صج انا فيه غازات بس الدكتور يقول كل حليب صناعي يسوي غازات ما عدا حليب الام

وقاعده استخدم بامبرز حاليا بس ودي اغيره بس مو عارفه اي واحد احسن من الثاني

سوري طولت عليكم :eh_s(6):

يعطيج العافيه منورة على هالموضوع المهم :eh_s(9): وانشاءالله انفيد ونستفيد من خلال موضوعج حبيبتي