ديوانية سوالف حريم اللي فوق الثلاثين حياكم الله ..........

[هوفه]

انا سيارتي لكزس

ممتازة

باردة

اما المرسيدس خبري فيها ب 1998

اخر مرة شريتها

اما الحين عندي لكزس وغيرتها لليديدة

والله كريم

عقبال ما افتح لي بنتلي

 

[ام حنونة]

اي لكزس فيهم ؟؟؟ls ولا غير ....اخوي يقول خراباتها وايد صج ؟؟؟

 

[ام حنونة]

اشلون على قطع الغيار والسيرقيس مو غالي ؟؟؟

 

[OmRashed]

اشلونج أم راشد ....شاخبارج ؟؟؟

انا طيبه طاب حالج ان شاءالله

 

[هوفه]

لا والله ما فيها خرابات

عندي من خمس سنوات ما في احسن منها

بس على السيرفس والبانزين

 

[ام حنونة]

عفيه ....عفيه ...هوفه تحمليني لأني متوهقه ....

 

[هوفه]

افا عليج ام حنونه

تحت امرج

 

[هوى الدار]

هوفه حتى احنا ناظرتنا تغيرت

منو راح لعموريه؟

 

[ام حنونة]

أي نوع من الكزس عندج ؟؟؟

 

[هوفه]

راحت عموريه وكيله مدرستنا القديمه

صارت ناظرة هناك


لكزس 300 اي

 

[OmRashed]

ام حنونه .. اللكزس سياقتها ناعمه ومكيفها بارد وحلوه وماسمعت احد ذم فيها

وهم انا بالنسبالي المرسيدس خبري فيها يوم كان عندي وحده 1995 وبعتها 1998 هم زينه بس تكييفها موبارد

 

[OmRashed]

هلا هوى الدار .. وعليكم السلام ياحلوه

 

[هوفه]

يا هلا يا هلا

اسفرت وانورت واستهلت وامطرت

اشلونج ام راشد

حمد الله على السلامه

 

[ام حنونة]

أهم شي التكييف ....اشلون لمن تمشي في الشارع؟؟؟؟تسمعين صوت التاير على القار ؟؟؟

 

[وطن Q8 النهار]

شلونكم شخباركم
انا توني عمري 19 بس دخلت اسلم
واشوفكم اذا تبون اجيب لكم جاي ,, ماي
>>يعني سنعه

 

[OmRashed]

يه يه من قدي شنو هالترحيب الحلو اخجلتيني

الله يسلمج .. وانا بخير ولله الحمد انتي اشلونج وشلون عيالج؟

 

[ام حنونة]

شلونكم شخباركم
انا توني عمري 19 بس دخلت اسلم
واشوفكم اذا تبون اجيب لكم جاي ,, ماي
>>يعني سنعه

حياج الله ....سنعه ليش مو سنعه ....

 

[OmRashed]

شلونكم شخباركم
انا توني عمري 19 بس دخلت اسلم
واشوفكم اذا تبون اجيب لكم جاي ,, ماي
>>يعني سنعه

حياج الله ويانا وطبعا انتي ام السنع كله

انا ابي ماي لان ماشرب جاي

 

[هوفه]

أهم شي التكييف ....اشلون لمن تمشي في الشارع؟؟؟؟تسمعين صوت التاير على القار ؟؟؟

الله يهداج ام حنونه

هذي لكزس مو لانسر

انا مرة طق عندي بنجر ما حسيت فية ولا سمعته

من كثر ماهي هادية وما لها صوت

 

[ام حنونة]

الله يهداج ام حنونه

هذي لكزس مو لانسر

انا مرة طق عندي بنجر ما حسيت فية ولا سمعته

من كثر ماهي هادية وما لها صوت

:dddds::dddds::dddds::dddds::dddds::dddds::dddds::dddds:


مت من الضحك ...الله يغربل بليسج ...