ديوانية سوالف حريم اللي فوق الثلاثين حياكم الله ..........

[OmRashed]

الله يهداج ام حنونه

هذي لكزس مو لانسر

انا مرة طق عندي بنجر ما حسيت فية ولا سمعته

من كثر ماهي هادية وما لها صوت

ايوااااااااا خوش دعايه :dddds:

 

[ام حنونة]

بغيت آخذ جيب فولفو ....خلاص نويت ....عيالي ما رضوا....

 

[ام ادم]

انا عمري 33 سنه وام لاربع بنات وولد واحد علي فكره انا بحرينيه

 

[ام حنونة]

هلا فيج ....الله يخليهم لج ويخليج لهم ....

 

[OmRashed]

ام حنونه .. ماحبها الفولفو مالها سوق وقت البيع مومثل باجي السيارات

في سيارات وايد حلوه وقويه .. عموما الله يوفقج وتشترين سيارها ويعطيج خيرها ويكافيج شرها

 

[هوفه]

اشدراني

اتقول تسمعين صوت التواير على القار

ماكو شغل

وصل سعرها 17 الف

وليما اللحين نسمع صوت القار

 

[ام حنونة]

الله يجزيج خير أم راشد ....

 

[OmRashed]

انا عمري 33 سنه وام لاربع بنات وولد واحد علي فكره انا بحرينيه

حياالله اهل البحرين .. والله يخليلج عيالج ويعطيج طولة العمر ان شاءالله

 

[ام حنونة]

هوفه يطالعوني في البيت أضحك بروحي ....حق الشماته ياهوفه ...

 

[OmRashed]

هوفه .. انا ماقط مره جربت اللكزس بس ادري واسمع عنها انها صوتها وسياقتها وايد ناعمه وهاديه

حتى يوم بقيت اشتري سياره ريلي قالي اخذي لكزس بس ما خذبتها

 

[هوفه]

انا عمري 33 سنه وام لاربع بنات وولد واحد علي فكره انا بحرينيه

حيالله اهل البحرين

اشلونج

واشلون البنات وظابطهم

 

[OmRashed]

ام حنونه .. تسلمين واجمعين ان شاءالله

 

[ام حنونة]

ما شاء الله أم راشد عندج لكزس ...؟؟

 

[هوفه]

وايد ناعمه

حدهاااااااااااااااااااا

وانصح فيها

هادية وما فيها صوت ومكيفها بارد

واتشوف لي ورا

خخخخخخخخخخخ

 

[ام حنونة]

خلاص باجر راح أتهاوش مع أخوي واخليه ياخذها لي ......

 

[هوفه]

خذبتها

خذيتيها

والا رديتها

والا خربتيها

 

[OmRashed]

ام حنونه .. لا ماعندي لكزس كنت بشتري سياره وريلي قالي اخذي لكزس بس ماخذيتها

احب الجيب وجيب لكزس لصغير مايعجبني والجيب لكبير وايد كبير علي اضيع فيه

 

[هوفه]

ام حنونه اتهاوشي مع فلوسج

اذا عندج بيزات روحي طقيهاا

وعزميني على العشا بعد

 

[ام حنونة]

ان شاء الله ....كنت باخذها بس ما لقيت اللون الصدفي ونطرت اييبونها ....بعدها حصل اختلاف في وجهات النظر ...وكثر النقد على فئات كثيرة ومنها اللكزس ....قلت لهم الظاهر راح أصفى على السكوتر ..

 

[OmRashed]

هوفه .. هالجمله اللي كاتبها كلشوي اكتشف بدليه وعدل فيها اقصد ماخذيتها

ومالي خلق اعدل بس ثلاث مرات معدله فيها :dddds: