رد: ولدت الحمدالله والحين دور النفاس ساعدوني
طبعا اتصلت عالدكتوره وقالتلي روحي المستشفى كانت الساعه 4,30 على ما اتصلت على امي وقعدت زوجي وصلنا 5 الفجر المستشفى كان فاضي وانا صعدت الدور الثاني واحوس ادور الدكتوره شافني الهندي ودخلني جناح الولاده الدكتوره كانت هناك ناطرتني مع دكاتره الطوارئ اللي موجودين بالمستشفى رحبوا فيني ودخلتني الدكتوره غرفه الولاده وكانت السستر موجوده دشيت وانتوا بكرامه الحمام وبدلت هدومي وطلعت قعدت عالسرير فحصتني دكتورتي وقالت ان شاءالله بعد الصلاة تولدين
مع ان كاتبين عند باب الجناح يسمح بدخول مرافق واحد فقط بس امي وزوجي شفتهم داشين عندي غرفه الولاده وقعدوا وكان الطلق باارد والدكتوره خلتني بالغرفه ليما يحمى الطلق والسستر كانت حبوبه عطتني الكمام قالت كل ماتحسين بالطلق اخذي نفس عميق وانا بصراحه اول مره اجرب الكمام بعيالي اروح موصله واولد على طول فماجربت الكمام
بصراحه الكمام اول ما اخذته ماحسيت بشي لكن مع الوقت والتعب والطلق صرت بعالم ثااااني صج شي موطبيعي
