كل وحده تدش وتسولفلنا عن تجربتها مع الولاده

[ام سارونة]

رد: ولدت الحمدالله والحين دور النفاس ساعدوني

الحمدلله عالسلامه والف مبروك عالبنوته تتربى بعزكم ان شاءالله

 

[ام مهدي]

السلام عليكم بناات ،، انا الله يسلمكم كنت بأول يوم بالتاسع وكان رمضان وقاعدة اتفطر ابيت عمي وعلى الفطور نزل علي مااي احرجني :eh_s(22): ورحت المستشفى بدون عوار وماكنت متوقعة ولادة بس دخلوني الملاحظة لي ثاني يوم الظهر وطول الليل كنت أتالم طلق ياااساتر يذبح تعبني حيل لين قررت أخذ ابرة الظهر وارتحت لما خذيتها وولادتي كلها على بعض خذت عشر دقايق بس والف الحمدلله والشكر على عطيته كان شعور حلو وممتع :eh_s(9): اني اشوف ولدي يطلع من بطني وبدون آلام ...

الله يعطي كل محرومة يارب ويفرح قلبها

 

[ذكريات]

ليش المشرفات ما يثبتون هذا الموضوع ؟؟؟

 

[الفنانه79]

امبييييييييييييييييييه انا طماشه يوم ولادتي شوفوا راح اقولكم القصه بالتفصيل

انا ولدت قيصريه فقبلها بيومين كنت بالمستشفى كانت معاي وحده انفيييييييييسه اتشوفني ماتسلم المهم عطوني دوا قبل العمليه خلاني بس اظحك تخيلوا جني ماخذه حبوب هلوسه المهم طول مااهم ساحبيني بالممر وانا اظحك دخلت العمليات لا قمت اكركر هههههههههه حتى شكو في امري نادوا دكتوري جان يقولي اشلونج زينه ؟؟ فيج شي ؟؟

المهم واهم قاعدين يحطولي ابره البنج والمغذي ولا اشوف النفيسه جان اسلم عليها واقعد اسلم عليها واظحك الحمدلله والشكر
ومادريت بنفسي الا انا والده والدكاتره يقولولي جبتي ولدين توأم زي القمر رحت الافاقه ولجيتهم اي سستر تمر من يمي اسألها شنو يبت تخيلواانا ادري واسأل لحد ماتأذوا مني جان يقولون خلاص ودوها الجناح
طلعوني بره المهم شفت النفيسه يابولها بنتها حطوها على صدرها اتحبها
وانا مايابولي اعيالي وسويتها مناااااااااااااااحه مت من البجي تخيلوا وعمليه والدكتور يقولي لاتبجين موزين على العمليه والله اعيالج مافيهم شي الحين اطلعهم معاج الجناح وانا مناااااااااااحه
المهم طلعت الجناح اطلعوا الناس على اشهاقي هههههههههه ومارضيت يعطوني المنوم الا لما شفتهم اثنينهم وحبيتهم يالله عطوني المنوم اللي بعد العمليه ونمممممممممممممممممممت
عسى الله يخليهم لي يارب بس صج كنت طمااااااااااااشه ههههههههههه

 

[donat]

والله المرة مسكينة

 

[سفرجل]

شنو سميتيهم يالفنانه 79
ويتربون بعزج ان شاءاللهعقبالنا

 

[sara-25]

رد: ولدت الحمدالله والحين دور النفاس ساعدوني

مبروك وانا ولدت لندن كلينك زينين ومشيت على الحسو المردود عشر ايام ويبت رداد والله الترديد حلو خاصه بعد السابع او العاشر كانت ام على الرداده دهنتنى ودهنت بطنى ورفعت الرحم عندى وعطتنى اعشاب والحين الحمدالله حامل

 

[الامل المجروح]

قصة ولادتي .. تعالوا اقروهااا ..>>><<<

شلونكم شخباركم عساكم بخير يا أعز بنات بمنتديات كويتيات

انا عضوه بمنتدى كويتيات من شهور ومتابعه جميع مواضيع العضوات
وهذا اول موضوع لي بالمنتدى .. وحبيت اكتب لكم قصة ولادتي


هذا اول حمل لي وكان موعد ولادتي 3/3/2007
وكل ما سألت أحد يقول البجر تاخذ الشهر كله ومو متوقعه إني راح أولد قبل هالموعد بس المهم إني ولدت جبت بنوته حلوه ...

وهذي أحداث القصه
في يوم 22/2/2007

طلب مني زوجي أسويله صينيه بالفرن وكان مالي خلق وتعبانه وتوني جايه من السوق ومكمله باجي اغراضي رحت المطبخ تقريبا من حملت ما طبخت الله يخلي لي ام زوجي ما قصرت معاي ..,,

وعلى الساعه أربع الفجر بتاريخ 23/2/2007

حسيت بعوار بالظهر والبطن قلت خلني أكمل النومه وما قدرت انام قعدت اتقلب
وماني قادره أمشي من ألالم ويرد وأقول لا مو ولاده لأنه الالم كان فيني قبل يومين ولمن سألت امي إتقول هاذي إطلوق تهل على الحامل من اول الشهر التاسع ..,,

قعدت أمشي بصالتي يروح الالم ويرد واقول لا يمكن في اقوى منه هذا الم دوره وعادي مرت الساعات وانا امشي وكل شوي اقول يقعد زوجي عشان اروح المستشفى يخف على الالم اقول ما فيني شي ..,,

وقعدت اجهز اغراضي حق المستشفى قلت يمكن ولاده وقعدت اشحن الكاميرا
(فاضيه حدي ومعاي دفتر لعبة سودوكو وقاعده احل )

على الساعه7.30 الصبح حسيت اني راح اولد جان اقعد زوجي وعلى الساعه 8 طلعنا ومن ركبت السياره وكل بعد 5 دقايق يجيني الالم وصلنا على الساعه 8.20

دخلت مستشفى السلام وكان فاضي رحت قسم الطوارئ وسالت منو الدكاتره الموجودين قالوا :د. إيمان و د. كتور بكري وأنا دكتورتي نجمه

قلت بدخل على د.إيمان وقعدت بغرفة الملاحظه انطر الدكتوره وحطت السستر علي الاجهزه بتشوف حركة البيبي وسرعة الطلق وقاعده أقول لا مو ولاده ..,,

وبعد نص ساعه جتني الدكتوره إيمان قالت: لي في طلوق خليني افحص يوم فحصت الا الرحم مفتوح 4 سم جان تقول يله غرفة الولاده كان هذا الساعه 10 الصبح تقريبا ..,,


وقالت راح تولدين على الساعه 3 العصر وكنت مستانسه مو خايفه ولا أدري عن الولاده إنها جذي تخرع ..,,,

والمهم صعدوني غرفة الولاده وحطوا علي الاجهزه ودرب .. وقبلها اسألتني الدكتوره إيمان منو تبين تولدج قلت د. نجمه بس مدري حسيت إني إرتحت لدكتوره إيمان اكثر كانت حبوبه حيييل ..,,,

جتني بغرفة الولاده وقالت لازم ابط الماي عشان تولدين على الساعه 3 العصر ..,,,

بعدين قالت شمي الكمام عشان تتخدرين اول مره اشم الكمام قعدت اشم أشم وحسيت بدوخه والم وقعدت اصارخ أبجي صوتي يروح ويرد وإنبط الماي ...,,,


حسيت بدوخه والدموع اربع اربع ... قعدت للساعه 12 الظهر والطلق صار بارد جت السستر تفحص فاتح 5 سم ..,,,

وقعدت انطر متى تجي الساعه 3 العصر بعدين فحصت واقف على 5 سم قالت بحط طلق صناعي وحزتها خفت من الطلق الصناعي وقعدت اقرا آيات عسى الله يهون علي ولادتي ..,,

وتجي الدكتوره إيمان تفحص 7 سم والالم يزيد يقولون شمي كمام اشم اشوي والالم يزيد لازم أشم حيل عشان أتخدر من قوة الالم قطيته واصيح اقول ابي د.نجمه خلوا نجمه تجي ...,,

وتفحص السستر 9سم وانا ابجي مابي اشم الكمام والسسترات كانوا عسل وطيبين
حيل أتقول لي السستر ( ساعدني ربي يساعديكي ) وإستانست على كلمتها ..,,
والا تجي د.نجمه وإيمان ويسكرون الليتات ويحطون الاجهزه ويحطون علي اللبس الاخضر وحسيت أنه السالفه صج ولاده ..,,

وتوقف جمبي د. إيمان على اليسار والسستر على اليمين ود.نجمه جدامي ..,,

كانت الساعه 2.30 قبل اذان العصر

كل ماجت طلقه يقولن شدي وانا ابجي اشد معاهم يقولون غنتي ماتشدين اقولهم والله اشد وشكلي يكسر الخاطر الم حيل شوي واموت يقولون شمي شمي الكمام اشم أقول ماكو فايده منه وابجي يقولون البيبي صاعد فوق واقفه عنديد. إيمان إتقول شدي
عشان ماتولدين عمليه وكل ماجت الطلقه تضغط على بطني د.إيمان والسستر وأنا ابجي لا كمام ولاشي واصيح يما يما يما .... ياليتني قلت حق امي انا اقول ماني قايله حق احد احسن اخليها مفاجاه لهم ..


وكل طلقه يضغطون على ظهري قلت خلاص بموت واقعد اجر شعري ...,,
قالت نجمه خلاص عمليه واحس انها معصبه مدري شفيها وتقول د.إيمان ساعديني عشان ما تولدين عمليه وكل طلقه تجي ماكو فايده ..,,

قالت د. نجمه حق إيمان روحي عند زوجها قولي له عمليه مو راضي يطلع البيبي ولا راضيه تساعدنا وانا ابجي بموت بموت ....

دخل زوجي مع الدكتوره إيمان وقف جمبي يقول ساعديهم حرام عمليه وانتي واصله وجت طلقه وطلقتين ويقولون شدي واشد ماكو فايده الجاهل صاعد جان أتقول د. نجمه بنشفطه وتقول الحوض ضيج عندها من تحت شوي قالت لازم افتح فيه وانا اصيح ..

وجت طلقه وتضغط علي د.ايمان والسستر والا الجاهل جدامي ماسكينه مع رجوله وراسه على بطني عليه ماده بيضه نفس الجلده شفتها حلوه جان تبجي وتخدرت نمت مدري عن شي ومدري شنو صار فيني ..,,,



زوجي دق على امي وخالتي يبشرهم ود.نجمه ود.ايمان عندي ..,,
صار فيني نزيف وأهم داخل عندي وزوجي بره ينطر قعد ساعه ونص مدري شنو يسون نزيف وتخيط فيني نجمه الظاهر مسويه فيني شي ..,,

وعلى الساعه 4.30 العصر جتني خالتي ام زوجي وغدخلت علي إلا تشوفني مخدره والارض كلها دم وتقعد تدق على امي تعالي بنتج تعبانه حيل وتبجي وخافت علي ..,,

وعلى الساعه 5 المغرب قعدت قلت ابي اطلع قالوا لا الساعه 7 تطلعين وانتي تعبانه وطلعت من الغرفه على الساعه 7 المغرب ..,,



والله رزقني ابنت حلوه سميتها شهوده هونت كل اللي صار فيني بس ما افكر اني احمل كلش قبل كنت اقول ابي اربع اللحين مابي شي كافي وحده الله تعين امهاتنا اول جابوا على عشر ولاكمام ولاشي


كلمه اخيره :

الله يسهل على كل الحوامل



أختكــــــــــم:

غلاالمشتــــــــــاق / أم شهد

 

[سنا الفضه]

رد: قصة ولادتي .. تعالوا اقروهااا ..>>><<<

:eh_s(2): حررام عليج

انا كل مااتذكر الولاده يضيق خلقي لاني مجربتها واعرف شنو يعني طلووووووق وشنو يعني واق وويق وسهر

يممممممممممممممممممممممممممممممممه


الله يستر والله يعينا على الي بيي

وصاجه مادري شلون امهاتنا يابونا جم واحد لا كمام ولا تخدير على الله


يله الحمد لله على السلامه ومبروك ماياج تتربى بعزج ان شالله:eh_s(17):​

 

[Q8tya_GirL]

رد: قصة ولادتي .. تعالوا اقروهااا ..>>><<<

الحمدالله على السلامه

ومبروك ما ياج وتتربي بعزج حبيبتي

 

[جارة القمر]

رد: قصة ولادتي .. تعالوا اقروهااا ..>>><<<

الحمد الله علي السلامة حبيبتي

وتتربي بعزج يارب

 

[أم بدير]

رد: قصة ولادتي .. تعالوا اقروهااا ..>>><<<

شلون ماخذيتي ابرة الظهر؟
الحين حتى مستشفى الصباح مايولدون الا فيها
انا ماولدت فيها لأن الحمدالله ولاداتي كانوا سهاله
بس لو مستعسره جان خذيتها​

 

[ذكريات]

رد: قصة ولادتي .. تعالوا اقروهااا ..>>><<<

وااااااااااااااااااااي

صج الولادة تخرع

بس المهم الحمدلله على سلامتج و سلامة البنوتة

 

[سبحان الله^الحمدلله]

رد: قصة ولادتي .. تعالوا اقروهااا ..>>><<<

لا تخرعونا حرام عليكم

ولا تقولين بس مابي عيال يقولون بالامثال( يا طلقة منسية ياربي يعودج عليا) مادري صح الي قلتة والا غلط بس هالمعنى خخخ

عالعموم حمدلله عالسلامة

 

[جكورة]

رد: قصة ولادتي .. تعالوا اقروهااا ..>>><<<

حمــــدلله على سلامتـــج..:eh_s(7):

وتتربى بعــزكم إن شاء الله

 

[عنايد]

رد: قصة ولادتي .. تعالوا اقروهااا ..>>><<<

الحمدلله على سلامتج

 

[^^ ريان^^]

رد: قصة ولادتي .. تعالوا اقروهااا ..>>><<<

الحمد للة على السلامة ومبروك ماجاك .
معروف مستشفى السلام بكمامة الزفت

 

[makeup story]

رد: قصة ولادتي .. تعالوا اقروهااا ..>>><<<

حمدالله على السلامه وتتربى بعزكم ان شاء الله وحبيبتي ان شاء الله بس تكبر بنتج شوي بتشتاقييين للحمال والولادة ولووويه اليهال انا اطلع من الولاده مني اقول مابي احمل وبعدين الحمدالله على النعمه واحمل وانا مستانسه

 

[الحــــــلا كله]

رد: قصة ولادتي .. تعالوا اقروهااا ..>>><<<

الحمد الله على سلامتج
والله يخليلج بنوتج يارب

 

[سارة_kw]

رد: قصة ولادتي .. تعالوا اقروهااا ..>>><<<

الحمد لله على السلامة ومبرووك ما ياج