تجمع امهات العالمية الامريكية

[ملكة بيتها]

شلونكم مامات عساكم بخير ....فوز حياتي الله يسلمج من كل شر وإنشاء الله تتعدل أوضاعج حبيبتي
مروو .....لا يضيق خلقج هالتجمع بيظل عامر بس الأمهات لاهين مع اليهال أنا عن نفسي صاير أطلع طول اليوم ولما أرجع بالليل متأخر مافيني بس أبي الفراش ...

 

[mr000]

سلام أمهات اشلونكم شخباركم! الجو يضيق الخلق استغفرالله حر وغبار الواحد يالله يطلع حق شغله ضروريه علشان جذي دورت حق ولدي نادي يكون وقته مناسب فحصلت له كراتيه في بلاتينيوم الساعه 6 ونص 3 مرات بالأسبوع ويروح حوض سباحه كل خميس!

 

[mr000]

سلام أمهات العالميه اشلونكم شخباركم دشوا طمنونا عليكم! ليالي اشلونج مع البيبي كراميلا أشلونج مع الحمال والثقل عسى ياتج خدامه؟ ريمان اشلونج فوز شخبارج ملكه باقي البنات وينكم؟!

 

[ملكة بيتها]

مرووو .....وعليكم السلام والرحمه أنا بخير .....سلامي لباجي البنات

 

[mr000]

أهلين ملكه أشلونكم مع الأجازه وين سجلتي بنتج بالصيف؟ آنا شكلي بجدد أشتراك ولدي بالنادي مع أنه بآخر أسبوع ماراح يروح لأنه بيداوم ب26/8 بس ميخالف أحسن من طول الوقت مجابل البلي ستيشن واحتمال أسجله بتشامبينز!! باجي البنات شخباركم؟!

 

[caramella]

salam omahat eshloonkom
tesa`al 3annech el3afya mroo ma ga9artay
wallah ly al7eeen 3endy hal galga at9abbar feeha ma bega shay 3ala ermethann
eshlooonnkom ma3a el 7arrrrr
wallah ana men al7eeeen a7aty eshloon bawaddy weldy o bayeeeba el madrsa eb shahar 8
eb 3ez el7ar o ermethan ya rab er7amnah hal ermethan o barred 3lainnah

 

[ملكة بيتها]

سلام أمهات شلونكم شخباركم ....مروو أنا كنت مسجله بنتي بنادي مدرسه الحياه والحين خلص الإشتراك وهم ودي أدخلها بمكان ثاني ...
كاررميلا ... شلونج حبيبتي ... صاجه الله يعينا على توصيل المدارس ....

 

[mr000]

سلام أمهات اشلونكم! الله يعينج كراميلا خاصه أنج حامل وتعب عليج قعدة الصبح حق التوصيل بس تصدقين آنا لاحظت شغله العام قبل دوام مدارس الحكومه كان مافيه زحمه ونوصل المدرسه بسرعه بس تفاجأت لما داوموا الطريج صار زحمه وماوصل ولدي المدرسه أل8 ألا ربع يعني هالسنه شهر رمضان كله نوصلهم بدون زحمه!بس حرام دوامهم طويل برمضان حق اللي كبر ولدي بالتكامل كان يطلع قبل بنص ساعه!!

 

[sara999]

هلوووو هلوووو كيفكوووون شو عامليييين ؟؟؟شو اتأت اليكون يا الله شووو متوحشتكم؟؟؟ايييه تأبشوني

 

[mr000]

سلام أمهات أشلونكم سارا شخبارج من وين طالعه اليوم؟ زين تذكرتينا شخبارج!

 

[ReeMaN]

قووووووووه امهاااااااااااااااااااتي صديقاااااااااااااااااااتي حبيباااااااااااااااااااااااتي وبالاخص المديره مرووووو يابعد طوايفي فديتكم شخباركم كاراميله ومامات وفوز وليالينا وسارونا وقموره وغيرهم من الامهات اللي نسيتهم ...عساكم طيبين ابي اخباركم فردا فردا ,,,,,, دوام المدرسه قرررررررررب ماشالله جنى احنا المدرسه الوحيده اللى راح اتداوم بالرمضان اعاده الله علينا يالخير وكل عام وانتم طيبات ......

لاتزعلين يامديرتنا الغاليه تدرين الاجازه وماتسوي قريب بيداومون عيالنا وبنستانس وبنتحلطك وبنآزر بعض بالسراء والضراء وعساها دوم سراء يارب .... ابي ابتسامتج يالغاليه <--- خايفه من العقاب والحبس

 

[ReeMaN]

يالله من اولها اشتغلنا بدليه ..... بنتحلطك - بنتحلطم

 

[حمرة الورد]

بنات انا عيالي في الانجليزيه وابي احولهم امريكيه اوكي هل الفصول مفصوله ادري حلم بس يمكن يتحقق والي تعرف مدرسه امريكيه ولا انجليزيه يفصلون البنات عن الصبيان بليز تساعدني

 

[ReeMaN]

هلا حبيبتى ام نيرمانا اى في وايد مدارس امريكيه وانجليزيه ماعندهم اختلاط عندج الابداع الامريكيه و اظن اذا مانى غلطانه التكامل بعد وياليت يصححون لى المعلومه البنات اذا خلط وانشالله يساعدونج اكثر بس انتى وايييييييييييييييييييييييد متاخره بالتسجيل الا اذا نويتى عالسنه اليايه موفقه انشالله قلبي

 

[mr000]

سلاااااام أمهات أشلونكم شخباركم ريمااااااااااااااااااااااااااااااااااان شخبارج حبيبتي زين تذكرتينا! نا والله زعلت بالبدايه وعصبت لما أنقطعتوا وقمت أشب وأطفي جني فحمة بخور لي انطفيت مره وحده وسكت! أي والله مابقى شي عالدوام بس تصدقين صج العالميه يداومون مبجر مو كل المدارس معانا وفي مدارس يخلون الصغار تالي مو مثل العالميه يعني الخليج اللي ورا ليلى غاليري عندهم الروضه والريسيبشن عقبنا ب10 أيام هذا حسب كلام وحده من أهلنا حتى بنت أخوي بالكويت الأنجليزيه أعتقد بأول 9!آنا ناويه أدق عالمدرسه لأنهم داوموا بسأل عن دوام رمضان الساعه كم ماشفت بالسايت مالهم وبشوف توزيع الصفوف مابي يحطونه مع الشياطين!! أم نيرمانا التكامل مختلط لي غريد 5 بس عندج الأمريكيه للبنات والأنجليزيه للبنات كلهم بسلوى!والابداع !!

 

[mr000]

ريمان شوفي الكلندر مالت هالسنه بالسايت مالهم عطلة الكريسمس 16 يوم بس حسافه العام شهر بس آنا أقولج ليش هالسنه مغيرين نظام أجتماعات أولياء الأمور بعد كل ريبورت مخلينهم يغيبون يومين العام كان بس يوم واحد يعني بس أجتماع بدون ما الطلبه يداومون وكل شهر هالشغله بعدين هالسنه يعطلون قبل بالصيف يعني الأمتحانات اللي طافت ولدي خلص يوم 12/6 هالسنه يخلص 3/6 وعطلة الأيستر جدموها لي 2/4 العام كانت ب10/4!

 

[sara999]

راح اينننن واستخف
ودي ولدي يكون بالمدرسه من الحضانه بس لا حلو ولا قوة الا بالله تاريخ ميلاده
ما يقبلونه الا على 4 سنوات بالضبط
واااي

 

[ReeMaN]

هلا والله حبيبتي مرووو شخبارج يالغاليه شلون عيالج واحفادج انشالله كلهم بخير والله ياحلوه انا كنت مثلج اول مابدت العطله وعيزت فيهم سحبت وحده وحده وصرت مثلج على نااااااااااااااااار ليش مايشاركون ... بس ماينلامون العطله خلتنا غصب نلهى عن التجمع بس لاتحاتين شوفي الاسبوع الياي الكل بيشارك انشالله وماراح تلحقين على اسئلتنا وترد ديوانيتنا ذات بهجه يارب

انا شفت الكالندر صاجه والله العطله قصيره وايد بس اسبوعين بس وايد عطل عندهم واحسن عشان لايملون الطلبه من الدراسه والحلو ان يعطلون مبجر اخر السنه ....جنى خابره الاسبوع الياي يداومون الاداره

 

[lyale]

......... وااااااااااااي من زمان عنكم شخباركم مامات كلكم مرووو ريمان ملكه سارونه كراميلا فوز
انا بخير واسمحولي مامات من زمان ما شاركت بسبب والله حايسه مع عيالي كلا نوادي وبعد كبروو شوي قامو ما يتفقون علي مكان فا لويههه شوي وبيبي يبي رعايه خاصه ومجابل
انتووو شلونكم وشمسوين بالعطله

 

[حمرة الورد]

هلا حبيبتى ام نيرمانا اى في وايد مدارس امريكيه وانجليزيه ماعندهم اختلاط عندج الابداع الامريكيه و اظن اذا مانى غلطانه التكامل بعد وياليت يصححون لى المعلومه البنات اذا خلط وانشالله يساعدونج اكثر بس انتى وايييييييييييييييييييييييد متاخره بالتسجيل الا اذا نويتى عالسنه اليايه موفقه انشالله قلبي

لا حبيبتي اهم بخليهم ببالانجلش سكول السنه هذي ابي حق السنه اليايه ابي امريكيه الابداع تعتبر امريكيه ولا ثنائيه والتكامل خوفج يخربون انجليزيه اعيالي اهم دارسين برا شلون انجليزيتهم ومشكوره قلبي