كلمتها حيل ضايقتني

[rosemary]

احسها خذتها بعفويه او على ضحك او اهي اسلوبها جذي كللش مااعتقد قاصدتهاا

 

[Whisper ~]

لحظه ..!
شاللي يضايق بـ الكلمه بفهم ؟!
مدري .. اشوفها عاديه جداً
انتي اللي حساسه زياده عن اللزوم اللي ماتتقبلين كلمة " قديمه " و " ماعندج سالفه "
الكل يقولها قلبوو ، مو انتي عشان حاطه ببالج انها تغار فـ قمتي تقعدين لها على كل كلمه
تيك إت ايزي ولا تحطين حواجز بينج وبينها ، مبين البنت على نياتها

 

[الصعيريه]

حبيبتي لاتحطين ببالج انا من قريت موضوعج وردودج عالبنات تأكدت انه طبعها دفش من عقب ماقالت انتي ماعندج سالفه!!!!

وانتي ماقصرتي معاها كله تسألين وبالاخير تقول شخبااري قديمه ماعندهاا سالفه


هذي نصيحتي واللي انا اتبعهاا "" عاملي الناس مثل مايعاملونج""

في وحده من رفيجاتي كله ادق عليها وادزلها مسجات وماترد خير شر مع انه قبلها كنت رايحتلها البيت ومعزيتها بأبوها واللي حرني انها ترد على كل البنات وهم يقولون لي انها ترد عليناا وعقبها بجم شهر رفيجتي دقت علي قالت ام فلانه توفت ديزيتلها مسج ماردت المهم سويت الواجب ورحت عزيت والمشكله انه كل شوي تجيني وحده من خواتها تقول فلانه تعبانه ماتقدر تقابل احد عزيتهم وطلعت للعلم انا الوحيده اللي من رفيجاتها رحت العزاا ومااقابلتني !!
وقبل امس دقت رفيجتي وقالت بنروح حق .... تجين قلت لااااا موفاضيه قالت هي كلمتنا واتفقنا نروحلهاا!!!
قلت على راحتكم ماتشوفون شر..
فأقولج عاملي الناس مثل مايعاملونج..

 

[Dancing^Queen]

حياكم الله يا قلبي
dancing qween الي ضايقني ان انا على طول ادز لها مسجات مو قاطعه والاسبوع الي طاف مسولفين بالمسجات يعني متواصله معاها مو مقاطعتها وانا ما اتضايق من الكلمه عادي بس الي ضايقني ان انا متواصله معاها
شوفي لو قاطعه عنها بالاشهر او السنه والسنتين واكثر ما ادز مسجات ولا اتصل جان عادي تقبلتها مافيها شي يحق لها تقولها
وانا عادي اقولها حق رفيجاتي الي ما يتصلون من فتره قاطعيني بالاشهر والسنين عادي حتى لما يشوفوني صديقاتي او اتصل عليهم ونكون نفس الشي قاطعين فتره طويله يقولونها لي عادي
لكن اتواصل مع وحده بالمسجات وعلى طول اسال بين فتره والثانيه وتوصلها مسجات اسبوعيه مني يعني مو قاطعه بس حسستني جني ما اسال كلش
بس شكلي بلتمس لها العذر وببطل ادز مسجات مثل اول

اهلين بريتي

احب ارد اكرر هالرد

حبوبة مادري احس الكلمة مافيها شي
يعني يمكن تقصد(( قديمة)) لانها مو سامعة صوووتج منزمان
لانه الي بينكم وبين بعض مسجات بس... مو كلام بالتلفون او سوالف فيس تو فيس عرفتي

بعدين حتى كلمتها الثانية ((ماعندج سالفة)) ماشووف فيها شي يعني ماتعتبر اهانة لج
يعني هالكلمات من الكلمات الدارجة بقاموسنا وعلى طول على لسانا احنا الكويتيات مو شي يديد
حبيبتي يمكن انتي حساسة زيادة عن اللزوم اخذي كلامها بحسن نية ولا تتضايقين ولا شي
وبالعكس خلج علطووول واثقة من نفسج وياجبل مايهزك ريييح

كلمه قديمه مو اهانه
والبنت لو بخاطرها شي ما ضحكت وياج ومونت نفسها عليج وقالتلج قديمه
بالعكس هذي تدل انها ولهت عليج
والمسج صج تواصل
بس مو بدرجه تلفون
مو انتي مقصره
ولا اهي مواصلتج وانتي قطعتيها علشان الكلمه تحز بخاطرج
بس الكلمه صج عاديه ترا
لما وحده ماسمع صوتها من زمان واحنا نتواصل علي طول مسجات
اول ماتدق اوقلها بيييييييه شخبارج حبيبتي عاش من سمع صوتج من زمان عنج<<هل معناتها انها مقصره بتواصلها معاي او اني انا مقصره بتواصلي معاها بفرض ان علي طول بينا مسجات حتا لو يوميه
لأ
معناتها اني اشتق اسمع صوتها واكلمها دايركت
ومن معزتها قلت هالكلام
كلمه قديمه مو اهانه ولاتقليل من قدرج وشانج ولا تنقيص من تواصلج لانج ماقصرتي
فلاتزعلين صديقيني

 

[brettey]

جزاكم الله خير
عاد الي بره كلهم قالوا لي كلمتها مافيها شي بس ماله داعي تقولها وانتي متواصله معاها مو قاطعه عنها
وسالفه ماعندج سالفه تعتبر قويه انا مره قلتها حق وحده رفيجه رفيجتي تونا متعرفين وثاني قعده بينا شاشت وزعلت لان جذيه ماكنا ميانه وطلعت انا الغلطانه وقاموا يقولون فشله تقولينها حق وحده ما بينج وبينها ميانه مع ان قلتها بحسن نيه وخذيتها على انها فشله تنقال حق احد مابيني وبينه ميانه

 

[مناوي الكويت]

شوفي ياقلبي
كل انسان له طبعه الخاص
كان الرسول صلى الله عليه وسلم لما يضايقون او يقولون عنه كلام كان طبعه التسامح والطيبه فاحنا مو احسن منه

ما تدرين يمكن قالتها لج لانها مشغوله بشئ او ودها ان انتي داقه عليها من زمان
لا تاخذين الامون بحساسيه هذي شغلات عاديه تحصل حتى بين الخوات
يابخته الي يسال عن الناس واحوالهم عند ربه

فاقولج وايد في ناس جذيه يبون يبينون ان اهم احسن من غيرهم
فخليج انتي الاحسن انتي امبين عليج ان قلبج ابيض وما يشيل على احد
اعتبريها انسانه جاهله انتي الافضل لا تقولين عندها شهاده او شئ
الانسان باسلوبه وقلبه النظيف

كل ماصار شئ دقي عليها وسالي عن احوالها واعيالها لان لج الاجر
والانسان الحين يبي الاجر نبي نرضي ربنا مو الناس
لان الناس مهما تسويلهم لو تعطينهم عيونج ماراح يرضون ناكريم الجميل

شوفي الدنيا ربنا عطانا كل شئ والانسان مو حامد ربه
فما بالج الانسان مع بعض

طنش تعش كنشه صيري انتي الاحسن
وابي اقولج نصيحه لا تتكلمين عن زوجج واعيالج وبيتج عند اي احد ما تدرين منه الحبيب الي يتمنالج الخير وما تدرين منه عدوج الي يتمنالج الشر
الله يحفظج ادري قرقه

 

[Miss Seven]

هلا حبيبتي ..
أنا اشوف الكلمة عاديه ..
صحيح " مو حلوه " .. أو بمعنى ثاني " مو ذربة " ..
بس يمكن قالتها بطريقة عفوية يعني مو مقصودة ..

أو يمكن تفاجئت بإتصالج و طلعت الكلمة جذي ..
أنا أقول ما تزعلين ولا تتضايقين لأن الكلمة ما تسوى ..
و لو إستدعت السالفة دزي لها و واصليها ..

 

[Saroon]

ترا عادية الكلمة انا ساعات اكوون امس مكلمة رفيجتي ولما تدق اكح واقوولها غباار غباار لووول

 

[brettey]

بعد عمري ما قصرتوا
وعلى قولتكم يمكن مو قاصدتها

 

[FoOosHiia]

شوفي ياقلبي
كل انسان له طبعه الخاص
كان الرسول صلى الله عليه وسلم لما يضايقون او يقولون عنه كلام كان طبعه التسامح والطيبه فاحنا مو احسن منه

صح كلامها و ماكو احسن من الرسول عليه الصلاه و السلام قدوة لنا
بس انا اشوف انه كلمتها عادية !!
خلي قلبج ابيض و سامحيها حتى لو اهيا غلطان

 

[متجولة *]

نصيحة لا تسولفين عن رجلج عند الحريم ترى مو زين تخلينهم يغارون منج واخرشيء تقولين ليش يغارون
اما بخصوص شنو تقصد=الاسلام قال لنا لازم نطلع 70 عذر للاشخاص يمكن سببها موسبب لي تفكرين فية

 

[pama girl]

اخذيها بحسن نيه يمكن قالتها بعفوية

بس بنفس الوقت تحوطي يعني لا تطيحين الميانه معاها ..عقولتهم الباب الي اييك منه ريح سده واستريح

 

[حمام شاقني فنه]

؟

شنو يعني
عادي !

اجل الي تقولج حدج غبار كح كح شبتسوين لول دايم تقال لي عاادي

 

[kunkush]

عادى حبيبتى بريتى طوفى يا قلبى شفنا وياما انشوف بس انتى دام هذا طبعها او طريقتها لا تقطعين ولا تغيرين عوايدج سوى باصلج واستمرى على ما انتى عليه بس صيرى رسميه اشوى معاها لا اتطيحين الميانه يختج ساعات نضطر انه نلبس شخصيه او انمثل دور مو لنا مع الناس بس مضطرين لانه فى ناس ما يبون الطيبه والكلام الطيب فتضطرين تدوسين على نفسج وتقومين بدور ماهو لج شنسوى الشكوى لله بس خلج حذره منها وتعاملى رسمى والكلمه اللى تستحى منها بدها قالت لج اغبار قوليلها مثلج وشرواج لاتخلين بقلبج حبيبتى ردى على طةل لاتصيرين مثلى اتواكل وحرق بنفسى لا حار بحار واذا على الغيره يختج الناس اتحسد على كل شى يعنى اعطيج مثلا على البياض يحسدونج بعد الله اخلقج جذى شتسوين لا ولا اخر زمن عشان انتى الله معطيج ومرهى عليج وعشانج مقتدره مو بس حسد لا كره يا بريتى انزين شنو ذنب هالانسانه ان الله خلها من هالعايله ماتدرين خلاص دامج جذى فانتى عليج اكسااااااااااات ما اقول الا الله يشافى ويعافى

 

[ضحكه مستعاره]

عقليتها عقلية ياهل خليها عنج ولاتهتمين لها لانه اللي جذي حدهم السلام عليكم وعليكم السلام كافي معاهم

 

[سبائك]

بريتي حبيبتي ترى كلمتها عاديه لاتصيرين حساسه وايد

انتي ماتدرين شنو بنيتها يوم تقولها يمكن تقصد من زمان عنج فانتي الافضل لج وعلشان ترتاحين فسريها تفسير يريحج ما يخليج تفكرين وايد وشيليها من مخج يتروالي في اشياء وايد اهم بحياتج منها

انا بصراحه كنت مثلج وايد حساسه والكلمه لي 1000 تفسير لها وكلهم يعذبوني نفسيا ليما وقفت نفسي عند حدها وقمت التفت للاشياء الاهم بحياتي مو معقولة على كلمه ولا نظره بقعد افكر ليل ونهار

 

[viva la glam]

طنشي يمكن مو قاصدتها

 

[ماما_عودا]

اكلمة احسها عاديه حيل بس انتي ماخذه مواقف منها من قبل فحسيتيها مقصوده

كلمة وييييييييي قديمه هذي كلمتي ودايماً اقولها اذا وحده مااكون مكلمتها من زمان وتفاجأني بأتصالها فأقول هالكلمة عفويه وترى مرات اقولها اذا توهقت ومالقيت كلمة تناسب

 

[cheese cake 84]

حبيبتي بقولج شغله انا لاحظت من حجيج انج مو مرتاحه وايد من تصرفاتها وغيرتها فانتي تحاولين تقربين منها وتلطفين الجو عشان جذي على طول ادقين وادزين مسجات شوفي حبيبتيي الكلمه اللي قالتها عاديه انا واايد مع رفيجاتي لويومين ماكلمها ان دقت اقولها ويييه مغبره انتي من وين طالعه ومرات اكون بس 3 ايام مو مكلمتها عاديه جدا الكلمه بس نصيحه مني اهى مو قريبه لج حيييل يعني ليش تعبين عمرج وادقين ودزيلها مسجات واخرتها تسمعين كلمه ماتعجبج بكل بساطه ان شفتيها عند خالتج عادي سلمي وسولفي وان سالتج وينج قوليلها لاهيه مع اليهال والدوام وجذي انتي ماعاديتيها ولا قطعتيها ان مرت خالتج قعدي معاها وان غطت ومادقت فتره طويله ماتشوف شر طاااف من امه

 

[kunkush]

يا جماعه اهى مو مشكلتها الكلمه اهى عندها احساس وتلقين يابريتى انه فى مواقف وايد صارتلج منها واتحسين انها غريبه والف استفهام عليها ليش اتسوى جذى اشفيكم يا ناس ترا فى قطات تكون مقصوده وقطات تكون مو مقصوده اكيد مرتوا بالشى هذا فى ناس سبحان الله يقولون كلام مادرى اتحسون ان فيه شى من وراهم طريقة اللى قطوا فيها الكلام وفى ناس لا والله يبينون اشفيكم الانسان واحساسه الواحد يحس ترا فى ناس الله معطيهم الشى هذا يحسون فى اللى جدامهم وانا متأكده ان بريتى انتى مو مضشكلتج الكلمه هذى الكلمه هذى مثال بسيط من بعض مايصدر من هذى الانسانه من تصرفات اتحسين بنظراتها بطريقة كلامها ان فى شى بقلبها ناحيتج صح؟؟؟؟ انا حاسه فيج لان عندى وحده جذى اقولج بتموت منى كل قطه اكبر من الثانيه وانا فهمه قطاتها اتدور مغثتى فانا قاعده اقولج طوفى ولاتحسسينها بشى بالعكس عامليها بالمثل سوى نفسج ان انتى توأمها بس ها لا رديتى البيت فصخى شخصيتها لان ساعات فى شخصيات لمن نتقمصها تعلق معانا وتاثر فى حياتنا لا حبيبتى حطى بالج انا لامسه من كلامج ان فعلا فيها غيره بس الاسباب مجهوله اصلا انسيها ولاتحطينها فى بالج انتى كلمى نفسج جذى حتن لو مضطرة كل يوم اتشوفينها قولى حق نفسج معذوره من حر مافيها بس ماخليها اتاثر فينى انتى اثرى فيها مو اهى اتاثر عليج لا قلبى المعادله حبيبتى وطلعيها من راسج لاهى امج ولاهى اختج اللى اتديرين لها بال تيك ات ايزى يا عزيزى