كلمتها حيل ضايقتني

[روح الدنيا]

طوفي و افترضي حسن النيه والله يعينج

 

[! بــدويه وآآيــد !]

:~



حبيبتي عآآدي انا رفيجتــي يومين مآ احآجيهآ تقول لي شخبآآري ياالمغــبره بالعكــس استآآنس احـس ان هالتفهر القصيره بس فقدتنــي .،.



وبــعــدين يمكن قآلتهآ بطيب نيه او انهآآآ تغآآر حيل وتبي تنرفزج الله واعلـــم .،.




:~

 

[أسيرة_أحزاني]

من صجج ؟؟ عاااادي انا دايما اقولها فششششله لايكون يفهموني غلط @@

 

[CUTE ENGINEER]

حبيبتي ترى الكلمة عادية والبنية مبين عليها قلبها أبيض
حتى بسوالف الغيرة أحس غيرتها طفولية
مو من هاللي قلوبهم سودة
لا تصيؤين حساسة وايد وبالعكس كسبيها صديقة ولاتكسبينها عدوة
على سالفة ماتسوى

 

[ماما نونا]

حياتي إنتي وايد حساسه لا يوقف عندج الموضوع على كلمه قالتها اشدعوااااااا طااااااااف طاف وعيشي حياتج ولا تقطعين فيها إنتوا أهل

 

[brettey]

حياكم الله يا قلبي
dancing qween الي ضايقني ان انا على طول ادز لها مسجات مو قاطعه والاسبوع الي طاف مسولفين بالمسجات يعني متواصله معاها مو مقاطعتها وانا ما اتضايق من الكلمه عادي بس الي ضايقني ان انا متواصله معاها
شوفي لو قاطعه عنها بالاشهر او السنه والسنتين واكثر ما ادز مسجات ولا اتصل جان عادي تقبلتها مافيها شي يحق لها تقولها
وانا عادي اقولها حق رفيجاتي الي ما يتصلون من فتره قاطعيني بالاشهر والسنين عادي حتى لما يشوفوني صديقاتي او اتصل عليهم ونكون نفس الشي قاطعين فتره طويله يقولونها لي عادي
لكن اتواصل مع وحده بالمسجات وعلى طول اسال بين فتره والثانيه وتوصلها مسجات اسبوعيه مني يعني مو قاطعه بس حسستني جني ما اسال كلش
بس شكلي بلتمس لها العذر وببطل ادز مسجات مثل اول

 

[كويتية ورديه]

بريتي خلاص حبيبتي .. لاتتضايقين ولاشي كلمه ومرت عابره احيانا يزل اللسان .. بس المشكله انا شخصيا لو مثلا مابيني وبين احد ميانه او عشره مثلا طويله مااقول هالكلمه لأن معرفتج فيها اتوقع سطحيه صح مو العلاقه الرفيجه اللي حيل حيل ..

 

[EartH AnGeL]

حبوبة مادري احس الكلمة مافيها شي
يعني يمكن تقصد(( قديمة)) لانها مو سامعة صوووتج منزمان
لانه الي بينكم وبين بعض مسجات بس... مو كلام بالتلفون او سوالف فيس تو فيس عرفتي

بعدين حتى كلمتها الثانية ((ماعندج سالفة)) ماشووف فيها شي يعني ماتعتبر اهانة لج
يعني هالكلمات من الكلمات الدارجة بقاموسنا وعلى طول على لسانا احنا الكويتيات مو شي يديد
حبيبتي يمكن انتي حساسة زيادة عن اللزوم اخذي كلامها بحسن نية ولا تتضايقين ولا شي
وبالعكس خلج علطووول واثقة من نفسج وياجبل مايهزك ريييح

 

[brettey]

حياكم يا قلبي
كويتيه ورديه فعلا احنا علاقتنا تعتبر مو قويه حيل
earth angel فعلا انا حساسه زياده عن اللزوم بس مادري الي ضايقني اني متواصله معاها مو قاطعتها
والله العالم بنيتها
اهي عادي انا مو معتبرتها مشكله كبيره بس بقضفض

 

[GoLdeN~$~LaDy]

اشلونكم يا حلوات
ابي نصايحكم بسالفه اهي ما تعتبر مشكله بس رايكم يهمني
فيه وحده تصير حق خالتي ام زوجي من بعيد بس ماخذه واحد من عيال اخوان خالتي واهي اصغر مني بسنه اهيه البنت بالبدايه ما كنا متوالمين وعقب تصادقنا اهي حيل حبوبه بس عيبها وايد تغار مني والغالبيه ملاحظين حتى خالتي ام زوجي وحماتي منتبهين حق هالشغله وكله تبي تاكل الجو يعني كل ما اقول شي ولا سويت ولا شريت ولا ريلي مدح كله طريقتها اي حتى انا شريت وريلي ومادري شنو .....الخ خصوصا اذا شافت احد مدحني سواء لبسي او مكياجي تعتفس وساعات تستفزني بس هم التمس لها العذر عقليتها شوي طفوليه وساعات تكون حبوبه وساعات تعر احسها متناقضه
المهم انا طبعي اني ادز لها مسجات نكت او مسجات عاديه او مسجات اسال عليها سواء لها او لغيرها وعلى سالفه الغيره اقول الله يهديها انا ما احب اسوي عداوات مع احد
المهم انا الاسبوع الي فات دزيت لها مسج اسال عنها وسالتها شالدنيا فيج واشلونج واشلون عيالج من زمان ما شفناج وردت عليي انا بخير بس لاهيه اجهز لمعرض حق الملابس جان اقول لها موفقه ان شاء الله جان تقول اذا جهزته راح اقول لج عشان تشرفينا قلتلها باذن الله كان هذا كله بالمسجات

امس اتصلت عليها من تلفون الدوام ماعرفتني لانها ما تعرف رقم الدوام جان تقول لي منو جان اقول لها انا فلانه جان تقول بيه قديمه (بما معناه ان شخباري انتي )انا كلمتها حيل ضايقتني الصراحه يعني الاسبوع الي طاف دازه لها مسج اسال عنها وتقول لي قديمه ؟ وبين فتره والثانيه ادز لها مسجات واهي نادر ماتدز
عاد قلت لها انتي الي وينج ما نشوفج ولا تسالين حتى خالتي تتشره انكم ما تزورونها واهي مريضه جان تقول اي ان شاء الله بزوركم انا شوي لهيت وسولفنا شوى يعني المكالمه كانت يمكن 5 دقايق وسكرنا
مادري هل اهي مقصوده كلمتها ولا قالتها عن حسن نيه لان قلت عقب هالسالفه ماراح ادز مسجات ولا اسال
انتوا شرايكم ؟ ولا انا حساسه زياده عن اللزوم

انا حسيت ان عادي

خصوصا اذا كان في بينكم ميانه

بس انا دايما اقول الفكره الأولى غالبا ما تكون صح

يعني اذا نقزج قلبج من كلمتها وحسيتي انها بايخه ومالها داعي يمكن يكون احساسج صايب

مهما كان انتي ادرى منا في البنيه

وانتي الوحيده اللي قادره تحكمين هل قالت هالشي عن نيه صافيه ولا تقصد شي

ورايي ان طوفي احسن لأن في وااااايد ناس ماعندها اسلوب ونتفاجئ شلون ترد جذي واحنا ماندري ان الناس مو سوى

ومستوى تفكيرها واسلوبها بالكلام يختلف عنا

يمكن هذا اللي ضايقج منها

 

[brettey]

ماشاء الله عليج حبوبه جنج تدرين بالي قاعده افكر فيه بالضبط انا جذيه قاعده افكر

 

[بطاط مهروس]

الله يهديها ...... يمكن فهمتى غلط او مو قصدها
الله يصفى النفوس

 

[كويتية منسية]

حبيبتي
اذا تسمعين مني أقولج انت انت الطيبة والحبوبة وانت وايد حساسة وتحبين الناس تعاملج مثل ما انتي تعاملينهم بالخير والاحسان والمحبة وهي مهما كانت أخلاقها فأحس انت احسن منها لانج دايما تبادرين بالخير والله يوفقج

التوقيع

كويتية منسية

 

[شندوخه]

اسمحيلي اختي بريتي وبدون زعل اغلب مواضيعج دايما تعتقدين كل الناس تغار منج
خواتج ورفيجاتج وحمولتج وحمواتج وحريم حموانج ... ليش ؟؟

 

[brettey]

حبيبتي واختي العزيزه شندوخه مادري اذا انتي شايفه ان اغلب مواضيعي جذيه كيفج بس لا تعبين روحج وتردين
تصدقين انا استانست يوم قريت اسمج بموضوعي لان كنت استانس عليج بس صدمتيني
وحمولتي ذهبه الحمدلله خالتي طيبه وحبوبه وحمواتي كذلك واهل زوجي كلهم حليوين خلاته وعماته وبناتهم احبهم ويحبوني دليل انج ماقريتي مواضيعي عدل

ويا حلوه ماعندي حريم حموان ورفيجاتي بالدوام صج في بعضهم مشاكل بس ما فيه وحده حسيتها تغار مني

انتي شكلج بس تبين تهاجمين يمكن نفسيتج تعبانه هاليومين حطيتي الحره فيني

يا بنت الناس انا ما اعرفج ولا تعرفيني وكافه خيري وشري عنج واتمنى انتي بعد تكفين خيرج وشرج وتظلين اخت عزيزه وغاليه

 

[باربية الكوووويت]

حبيبتي يمكن اهي من النوع ادفش واسلوبها همجي ماتثمن الكلمه قبل لا تقطها عادي طوفي لا تحاسبينها على هشي لانها دفشه اكررررررررررررره الدفااااشه

 

[brettey]

حياج حبوبه
ومن الحين اقولها الي تبي ترد يا ترد بشي سنع ولا تحتفظ بردها لنفسها

 

[ET_girl]

الصراحه مادري احس كلمتها جدا طبيعيه
بس انتي تبين الناس تعاملج مثل ما انتي تعاملينها بس هالشي مستحيييييييييييييل يصير
في وحده من البنات مثلها دفشه بالردود
كل ما تقول كلمه دفشه ومو ابمحلها
اقولها فلانه والله ما تستحين هاذي كلمه تنقال؟؟؟ظبس طبعا ماقولها بحده او ابتعصيبه لا
اخلي نبرة صوتي جنها على غشمره وضحك
هالطريقه سويتها مره مرتين ليما حست على دمها وعدلت اسلوبها معاي حييييييييييييييييييل
ختى رفيجاتي الباجين مستغربين إنها تسنعت
وانتي يا عمري لا تصيرين حساسه
وحطي هالفكره دايما براسج إنه لا اتوقعين الناس كلها راح تعاملج مثل ما نتي تعاملينها

 

[brettey]

على قولتج يا قلبي انا اعترف انا حيل حساسه

 

[ياوحشة غيابك]

حبيبتي عطيها طااف وانتي تقولين لاحظتي بطبعها دفاشه طنشينها ولاتسالين عنها وايد عشان ماتشوف نفسها