الرضاعة الطبيعية .... جد واجتهاد

[opera]

يـــبـــــيـــــله

 

[نور-الكويت]

بنات ساعدوني علموني شسوي ولدي يرضع طبيعي الحمدالله بس ما في خروج صارله 4 ايام ما خرج شالحل واهو عمره شهرين ونص وانا مستغربه اشلون يرضع طبيعي وما يخرج قولولي شسالفه !!!

 

[الشيخه فطامي]

معاكم ام حيدر او ابرا او بحر الغموض صج ليبرو احسن

نور الكويت ديربالج يمكن فيه امساك وديه الطبيب

ام حيدر تدرين بعد الهياته اهم شي يعني اقصد اذا بترضعين 6 اشهر تقعدين 6 اشهر ماكو لا سينما ولا مجمعات عل الاقل هههههههههههه

مراسي تردين بالسلامه حبيبتي

 

[mariam_q8]

السلام عليكم
اشلونكم؟

بنات مت من عوار صدري والله صاير صخر ارضعه او اشفط بعد دقايق صخر شنو الحل
ابي شي يخفف الحليييييييييييب شنو؟ لان تعبت من العوار والله

 

[ipink]

السلام
شوونكم
توه قريت اللي طافني بحووره نفس الحاله اللي مريتي فيها بالضاعه انا الحين قاعد امر فيها والمشكله انه انا ما احب قعدت البيت وشكلي لازم اتاقلم عليها عشاني ارضع

امس رحت بيت اهل ريلي وبنتي شزينها ساكته وهاديه قلت الحمدلله بس صارخت ياعت اتاازمت قعدت اب دار بروحي واررضعها

 

[ipink]

بنتي صارلي ساعتين ارضعها تغط شوي تغمض احطها بفراشها تقوم وتصارخ مني مسكره الليتات والحين قامت تفرفر وماتسكت بس ما ادري ماشبعت ولا بطنها وحيل تصارخ دهنتها وغيرتلها شوي سكتت وردت تصارخ وخذيتها ارضعها وما ادري شسوي المشكله اني اتنرفز منالصراخ ولمن اشيلها مثل ادزني وانا اقعد ابجي وياها شالحل ؟

 

[بحر الغموض]

حبيبتي ايبنك سمعي شنو قالتلي امي وماصدقت الين جربت

تقولي لو شفتي الياهل متعسر ويصيح لا تتنرفزين لانه يحس فيج ويزيد خليج ريلاكس واذا فيج نومه قولي باي يانومه
علشان تهيئن نفسج له وتكونين ريلاكس وطولي بالج ترى في شي مضايقها لاتتنرفزين وذكري الله وادع كثر ماتقدرين ترى دعائج مستجاب
معليش فتره وبتعدي وراح تفهمين بنوتج بعدها



تعالوا كلكم تقولون ليبرو ماطرى على بالي اجربه ولا اعرفه
بس شكلي بشتريه باول روحه للجمعيه

وبعدين بالنسبه للتجمع ياريت والله
انا بخاطري هالشي باجر لو اعيالنا كبروا وبنوديهم الالعاب ودج بصديقه ولدها كبرج يلعبون مع بعض وانا وصديقتي نسولف ونسلي بعضنا
ولنا نفس الاهتمامات تقريبا من ناحيه التربيه

نفس الاجانب تشوفونهم صديقات رايحين لمطعم ماكدونالدز وكل وحده شايله بيبيها بالاشهر اشحلاتهم يونسون


على التجمع انا موافقه وبشده

 

[ipink]

اي مشكلتي عصبيه وايد وامي هم اتزفني انتي باجر بتروحين بيتكم شبتسوين ولا تبجين تضايقين تحس فيج ترى بس احس غصبا علي بس شالحل بعوار بطنها ماكو الا اشربها وتسكت وامي كله تقول لي ماشبعت فاجه حلجها واقولهلا توه مشربتها تقول خليها تمص بس خل ترتاح وتسكت وهذي حالتي طول اليوم شسوي

ابي اشفط وايد ما اقدر الا حدي مميه ولا ثننتين باليوم انزين وشلون اعرف اذا خف الحليب امس شقته شوي شوي بالقطاره ينزل اخترعت بس الحمدلله اليوم رد طبيعي

 

[ipink]

اي ليبرو احسن شي انا جربتهم ويا هاجيز اول شي ارتحتلخهم بعدين حسيتهم خفاف ماعجبوني رديت عالليبرو

 

[بحر الغموض]

مريم حبيبتي معليش هالالم والثقل والتيبس لازم بتمرين عليه

ماقدر اقولج لا تاكلين صحتج تبي عافيه

معليش مساج خفيف مع ماي دافي ككمادات وشفط بين الفتره والثانيه

الله يسهل عليج يارب ويهون امرج

 

[ipink]

بحوور ماجاوبتي علي ؟؟

 

[بحر الغموض]

هلا حبيبتي توني اشوف كلامج الثاني

معليش حبيبتي ترى التربيه راح تعلمج الصبر وطوله البال وراح تحسين بنفسج

انتي لج شهرين ميخالف ترى كل طفل يختلف عن الثاني في اطفال مثل بنت اخوي 24 ساعه تبجي والله اذكر انهم ينزلون اخر الليل يقعدون امي ويقولون متنا شنو نسوي فيها؟
ويركضون فيها من طبيب الى الثاني وكل طبيب يقولهم بنتكم مافيها الا الدلع
تصيح وتفحط وهذه اهي صارت مره اسم الله عليها وطبعا عسر اشوي وعصبيه هههههههه ببس اسم الله عليها تسمع الكلام

انتي خليج هاديه معاها عطيها صدرج الين تسكت وبعدين ابدي شوفي البامبرز خليها تلعب من غيره
سوي مساج لبطنها بزيت زيتون دافي
نوميها على بطنها وخليج يمها عشان لا تتعب وتختنق
كل هالامور مو تسوينها مره وحده تلعوزينها لا اشوي اشوي الين ما تعرفين اهي ليش تبجي
وممكن يكون طبعها جذي بهالفتره وبعدين تهدا
احضنيها لصدرج خليها تشم ريحتج يمكن عشان جذي تبي صدرج تكون تبي ريحتج بالاصح
وترى سالت الطبيب قلت له ولدي ارضعه بس يهد اشوي الا يصيح يبي يرضع اخاف ينقث قالي عطيييييييييييه حرام عليج
حليبج خفيف ما يقثه عطيه كثر ما تقدرين بالعكس شي زين قلت له اخاف يرجع قال حتى لو رجع وعطيتيه صدرج ومسكه عطيه عادي
قلت طيب

طولي بالج وعلى فكره ترى البيبي يعرف اذا انتي لاهيه عنه وماتعطينه بال
بعمر بنتج كنت احطه يحضنج يسكت من اطقطق عاللابتوب يعفر ويتضايق ويتبجبج سبحان الله مايبيج تلتهين عنه


انا دايما اهاوش خدامتي تنرفز البيبي لو مثل وصخ وفجاه سوى نافوره تنفعل وتقول اوووووووووه واااااااي يو ميك بي بي؟ اهي ماتهاوش بس تقولها يعني تبي تضحك والياهل يسمع نبره هالصوت تصروع وهات اصياح مااااااااااااااات بجي
والا تلبسه بسرعه ابسرعه او تحطه عالسرير وبعدين تركض اتييب له المصاص واهو يبجي
قلت لها شيليه سوي اللي اهو يبيه امشي فيه معليش بس اول ما يهدا ويصير ريلاكس سوي اللي تبينه بكل هدوء
احيانا ينفع انج تتخيلين نفسج مكان البيبي بصراحه انسوي لهم حركات تنرفز انا متضايقه وزعلانه والقى احط يخضني والا يهذر فوق راسي والا يشيلني من حضن الى حضن

المفتاح السحري خليج هاديه وبالج طويل يالغاليه
جربي عطيها ماي غريب وماي دافي اوغاز او حبه حلوه مع سكر نباته وااااااااااااايد تريح البيبي جربي

 

[الشيخه فطامي]

انا ليبرو عطوني ياه المستشفى او ما غيرته جربيه بحور

 

[بحر الغموض]

اوك... مالي خلق اطلع اليوم احس متكسره
والخدامه تبيني اوديها البنك تبي تفتح لها احساب
بودي الاسبوع الياي مالي خلق بنوك
اليوم زواره مالي خلق للحين اشور نفسي

 

[ام الداده]

ليبرو

اول مره اسمع فيه

الفلوس كيفها اهم شي راحة البيبيات

يكسرون الخاطر

فتحت حق بنيتي

حساب الخير

خوووووووووش بطاقه

استفيد منها

لتوفير بخمس دنانير


اسبوع ويجيبونها البيت

واله حلوه

حتى شكلها حلو

ومنها اجر

البنك يعطي نسبة 5%

للحج والعمره



في احد؟؟؟

 

[نور-الكويت]

بنات ما قلتولي ولدي صارله اربع ايام ما خرج وقبلها خمسة ايام شسووي عادي واهو يرضع طبيعي
المشكله مو قاعد يصيح من عوار بطنه شسوي بنات عطيته تمر منقوع بماي ماكو فايده
الياهل في عمر شهرين يرضع طبيعي جم مره يخرج تقريبا ؟؟؟

 

[مراسي الحب]

بنات ما قلتولي ولدي صارله اربع ايام ما خرج وقبلها خمسة ايام شسووي عادي واهو يرضع طبيعي
المشكله مو قاعد يصيح من عوار بطنه شسوي بنات عطيته تمر منقوع بماي ماكو فايده
الياهل في عمر شهرين يرضع طبيعي جم مره يخرج تقريبا ؟؟؟

حبيبتي اعتقد من الافضل تستشيرين طبيب اطفال ...

على فكرة لما سالت دكتورتي من عنده اروح لما تطلع اجازة قالت لي روحي عند د. منال الشماع في عيادة الشعب ومن قبل دكتورتي مالت الولادة قالت لي عنها

يمدحونها بالها طويل وما تستعيل بالموعد ...

واذا على الطلعة ابي ابي ابي وانا اصلا قاعدة افكر فيها من مدة بس نطروني ارد يوم الثلاثا ان شاء الله

 

[نيلفار]

انا جربت ليبرو ماعجبتني وااايد تسرب

وبامبرز سببتله احمرار


والحين مستمره على هاجينز بس المشكله ما احصله لا بجمعيتنا ولا بمركز السلطان لازم افرفر اكثر من جمعيه يالله احصله

 

[ipink]

نيلفار انا لمن بغيت هاجيز مالقيته بكل مكان وفريت لمن الوالد الله يخلي راح يايبلي اياه من جمعيه الخالديه

 

[بحر الغموض]

غريبه هاجيز القاها وين ما اروح

بمركز سلطان وجمعيه سلوى وجمعيه الخالديه

عالعموم انا لي روحه باجر لجمعيه بجرب ليبرو


ويسعدلي مساكم