باجر عندى عزا...شرايكم البس عدسات رماديه وله زرقه؟؟؟

[om-HaSsoOon]

شر البليه مايضحك

قريت التوبك واشتغربت قلت عدسات وعزا ؟ شلون بتبجي هذي العدسات ماتضر عيونها بالله ؟ الحمدلله والشكر

 

[زلابيا]

اللهم لاتعاقبنا بما فعل السفهاء منا ...


انصدمت منكم ان في صالونات يحطون مكياج عزا !!!!


الناس شنو ماقامت اتخاف من الموت .. ولا في شي اسمه احترام للميت

 

[في بحرهم عذبوني]

واااي اولا عنوان الموضوع صدمني
ثانيا صج في ناس ما تستحي و الله يعني لو اهم بمكان اهل المتوفي طبعا ما يرضون
و ترى على سالفه الجنطات الماركه ترى يعني عادي يعني يمكن اهم متعودين جذي
بس سالفه الكعب لالا مالها داعي ويعاا صج ما يستحون
\

و ترى على سالفه الصالون الي فيه مكياج عزا صج صج الدنيا انخفست استغفر الله

\
و بقول شي انه يوعانه و احين الساعه 3 و نص الفير
و شفت نكج و يعت هههههههههههه


\


يسلمو بعد جبدي

 

[LittLeQueen]

صاجه والله تصدقين انا مره صار عندنا عزا ونفس ماقلتي تسريحات واكسسوارات ومكياج والله والله انى ضااااق خلقي حيييل حيييل قلت اشدعوا كل هذا؟؟ انتوا يايين تواسونا وتعزونا والا يايين تستعرضون صج مايستحووون والله مايحس فيها الا اهل المتوفي لمن يشوفون هالمنظر!!! عيب علييييييكم والله عيييب راعوا شعورنا حسوا بأهل الميت !!!! لا والموقف المضحك المبكي انه نسينا انه عندنا احد متوفي واندمجنا مع الأزياء والموضه والصنادل <<< بس ناقص عروسا تدخل !!!
ماكنت مستوعبه اني بعزااا شي صج يحرررر .. يعطيج العافيه على هالموضوع

 

[أم حسون]

انا اقول هم العدسات العسليه والخضره تسوي شغل لووووووووووول


لالااتغشمر يختي صج الناس مادري شلون قايلين ياتروحون العزا باحترامكم ولا لاتروحون احسن

 

[ام ابوها]

حبيبتي نسيتي الساعات والخواتم اللي تبرق برق مايدرون انهم ماشين بنفس الطريج

 

[Spoildish]

مره خالة بنت عمي ام زوجها يعني اهيا مو متحجبه يت عزا يدي بذاك الشعر الاصفر تقول باربي وقاطه الملفع على راسها قط و الحمرة الورديييييييييية!! و الحواجب التاتو ولا وين داشه عزا عيم تعالي شوفي الحريم شلون يخزونها و لا بنت عمي الهبله تدافع عنها تقول هذه مو حمرة تاتو ماتقدر تشيله! يا سلااااااااااااااااااااام طبعا بنات عمي ثنتينهم ولا جنه عزا يدهم لابسين الجنز على قولتكم المكياج الخفيف وقاطين عبايه الراس على جتوفهم و رافعينها من جدام شكلهم حده xxx
صج ناس ما تستحي على ويها

 

[كويتية ورديه]

وييي عندنا وعندج خير انا بعزا خالتي الله يرحمها .. وحده دخلت لابسه جنطه حمرا وتكرمين جوتي احمر وحمره حمره ؟؟ تخيلي وغير الشوارفسكي وكحل ومسكره .. يعني لهدرجه البنات مويقدرون يمسكون نفسهم لو دقايق بس

 

[يمة يادلبي]

إن دل على شي
فهوا يدل على جكرهم
يعني اهما جياكر لي درجة ان اهما مايقدرون يستغنون عن المكياج حتى في العزا

انا مرة في عزا وحدة ياية اهي وبنتها العبي والملافع اتلق من الشوارفسكي وطبعا الكبة والمكياج الكامل والحمرة الحمرررررررة ياتني ضحكة لما شفتهم شنووو هذا احترموا مشاعر اهل الميت عالأقل :s

بس ان كنت لا تستحي فافعل ماتشتهي

 

[Spoildish]

انزين قولوا بناات هالوقت مايعرفون ولا يقدرون يستغنون عن المكياج حتى بالعزا, الحريم الكبار شنو عذرهم؟؟؟؟ ولا الحريم الي يشوفون بنتهم رايحه عزا بهالشكل ما يكلمونها؟؟؟؟
:gr4uu::gr4uu:

 

[لافلي روز]

حسبي الله ونعم الوكيل

فعلا اللي اختشوا ماتوا ,,, وهذا كلام صحيح 100% وانا شايفته بعيني ,,,,

اللي تروحلش العزا تسولف وتضحك والعلج في حلجها وهاذيك الشيلة كلها خرز وفصوص جنها رايحة عرس ,,,,

استغفر الله العلي العظيم


جزاج الله الف خير حبيبتي ع الاقل تنويه لكل البنات

 

[لي طبعي الخاص]

والله انج صاجة بعض الحريم موالكل مايستحون ولا يحترمون اهل الميت

يعني لو الميت من اهلج بتسوين جذي اكيد لا

الله لا يبلانا والله يرحم اموااات المسلمين

تقبلي مروري

اختج

لي طبعي الخاص

 

[بيتي بوب بس كويتيه]

امبيه معني احط مكياج بس مرات بالطلعه العاديه ما احط مالي خلق
شلون هذيل مكياج وتسريحه امبيه فشله
امممممممممممممم غريب امرهم يمكن يبون ينخطبون
بس عاد المكياج حتى لو خفيف ببين

 

[ألماس وردي]

على الطاااري سمعي عيل خنقولج

مره كنت قاعده اسوي شعري بالصالون شوي ولا اسمع من وانا قاعده وحده تكلم امها تقولها يمه جذي مكيااجي زيين ؟؟؟

ولا امها تقولها اي اي بس حلو زين جذي ,, تقولها البنت يعني ماازيد شووي احس ويهي ناقصه شي ! ولا تقولها الام لالالا بس فشله بعد مكيااج العزاا مو حلوو يطلع وااظح وايد فشله

طبعن كل هالحوار انا قاعده اسمعه وانا معطيتهم ظهري للحين ماشفت شي ,, جاان اقوم الف ويهي بشووف لان والله علبالي الام والبنت يتغشمرون ويا بعظ يوم لفييت ولا هالمكيااج الخفيف والبفففف اللي شكبرااا !!

جان اسأل الكوافيرا اللي قاعده تسويلي , اقولها من صجهم هذيل ياين صالون حق عزاا ؟؟

جان تقولي ايي والله هذيل مو اول نااس ايوونا حق مكياج وتسريحة عزا !!!


عاد انا قاعده افكر بيني وبين نفسي يعني هالللي ميييته عالمكياااج وماااتقدر ومستحيييل تطلع بدونه وتبي تحط مكياج عزاا على قولتهم

يعني هالمكياج شيبيلا كريم اساس وكحله خفييفه وحمرا لحميه ,, بعد شحقه صاالون وخبه !!

والله الناس مستخفه...

ههههههههههههههههههه بصراحه عشنا وشفنا

 

[hneen2]

ابيه من صجهم هاذيل والله عشنا وشفنا جد صارت بعض الناس مافيهم ذره احساس استغفر الله :eh_s(14):

 

[Dancing^Queen]

اتمني ان هالستايل ماينتشر بالكويت
والله العظيم بناتنا حلوين
والواجب احلا
ويزاكم الله خير ياللي توجبون اهل الميت من طيب اصلكم
بس ماله داعي ، الوحده تنذكر بموقفها مع اهل المتوفي مو بشكلها صدقوني

ماتئلبوش المواجع
ذكرتوني بعزا الغالي الله يرحمه ويرحم موتي المسلمين
خلو الناس اللي يايين يعزون علي كتر اقدر كل من ياني وعزاني بغض النظر عن مكياج تسريحه او عدسات او ستايل فسفوري المهم انهم ماقصرو بواجب
اكثر شي يحز بالقلب وقت البريك ان صح التعبير اي استراحه المحارب بين الاشواط
وقت الغدا
تعالو شوفو الشوو اللي يصير
من لبس
من ضحك ونناسه
ومن حش وسوالف ومخازز ووحده ترد علي الثانيه
واهل الميت ضايعين بالنص جنه اللي مات صفحه مامداها تنطوي
حتا لو كان من مبدأ نبي نخفف عن اهلا لميت ونسري عنهم
ترا المتوفي غالي علي القلب
مو تونا دفناه وقعدنا نشوف شخباركم شلونكم ومن وين دراريعكم وااااااي بشترج متعدله !
وهالسوالف

ماقصرتو وجبتو الناس وعطيتو من نفسكم ووقتكم
بس كملو الجميل

 

[الحزن عنواني]

الحمدالله والشكر

عشنا وشفنا أول مره اسمع جذي بعد !!

مشكوووره عالموضوع المفيد

 

[روح الدنيا]

مشكله الجياكر .. الله يهديهم

 

[جوري وبنفسج]

السلام عليكم

ما نقول ألا الحمدلله والشكر لله على هذه القلوب الميتة . إذا كان الموت ما يهز الناس وللحين متعلقين بالدنيا وزينتها فهذي قلوب ميتة . ومثل ما قالوا البنات بس مو شرط الجكر السبب الرئيسي عدم الثقة بالنفس يعني ما يتخيلون نفسهم بدون مكياج لو بتعذبينهم أخذي منهم المكياج أعرف وحدة بعزا جدها حاطة فاونديشن تحت عيونها ومسكرا خفيفة أختها زعلت عليها وعطتها كلمتين بالعظم .​

 

[Spoildish]

مشكله الجياكر .. الله يهديهم

:dddds::dddds: