باجر عندى عزا...شرايكم البس عدسات رماديه وله زرقه؟؟؟

[Fesforya]

اي شي !! حمدالله والشكر

 

[كويتية و لكن]

والله يا بنات انا استغرب من هاللي اسمعه ----- مو معقول انا رحت عزا كثر ما رحت والله ما صادفني هذا اللي تقولونه وكان العزا كل المستويات فقاره واغنياء كانوا عادي وفي منتهي الادب والاحترام حق انفسهم وحق اهل المتوفي وحنا الكويتيين ما عمرنل خذنا شنط بالعزا لا بنات ولا حريم مو سلكنا ولا طبيعتنا علشان جذي انا اتعجب هذا وين اللي تقولونه قاعد يصير واذا كانوا الحريم كاشخين
فلانهم الحمدالله الكويت واهل الكويت بخير ونعمه وهذي حياتهم وهذا لبسهم حلو ونظيف وكشخه حتي لبس الجمعيه ولبس السوق ولبس العزا فيه ذوق وترتيب بس المكياج لا ولا والف لا وانا شخصيا ما شفت ومره شفت وحده وبس سالت عنها طلعت مسويه المكياج الدائم اللي هو رسم الشفايف ورسم الحواجب والعياذ بالله والله يهدي الجميع ااااااااااااامين

 

[الحراير]

بصراحه ناس ماتستحي انا بعزا ولد خالتي شفت بنات لابسين عدسات والمكياج وصبغ اظافر الفاقع والجناط الماركه حتي ماحترموا اهل الميت

 

[خاشووقه]

التربيه تلعب دووور
الله يهديهم

 

[بنات حواء2]

في شي اسمه حرمت الميت
و الي مايحرتم ميت في عزاه محد بيحترمه في عزاه
الله يهديهم

 

[روح مغليهآ]

الله يعين بس تبقى حالات نادرة

 

[زهرة الفردوس]

صدمتوني والله!!!!!!!1

 

[حلم الأمومة]

يااااااارب اتخليلي امى ...

والله يابنات اذا بغينا نروح عزا والله ماتخلينى اروح بجنطتى تخيلوووو؟؟ اقوليها يما مايصير اغراضي بالجنطه وتلفونى ..وتقولي عادي كلها نص ساعه وبنطلع ماتقدرين تصبرين هذاااا عزااا مو استقبال اترززين بجنطتج ؟؟؟
وغير هذااا ماتحب انروح بعباية فيها موديل او كرستال او زري .... ساااااااااده والله يابنات حتى الكعب ماااااااااا اتخلينا نلبسة والله العظيم تقول تخيلي شكلج داشة على العالم وصوت الكعب طق طق طق طق ... فشششششششششله

صج التربية لها دوووووور وانا الحين مشيت على هالشغله اللي امى عودتنا عليها

 

[عبق الورد]

للاسف هذا الشيء منتشر لانه الناس ماتت قلوبها مافيه خوف من الموت .. صار الموت شيء عادي
عمر بن الخطاب يقول (( كفى بالموت واعضا )) يعني اذا الموت ما اثر فينا شنو اللي راح يأثر فينا !!
مره كنت بعزا والناس متأثره وهدوء وصخه .. والا بنت موبايلها يدق والا رنتها اغنيه مصريه موقف صراحه قمه بالمسخره !!!
اصلا معروف عيب تدخلين العزا بجنطتج ونقالج .... اسال الله العفو والعافيه

 

[pama girl]

الله يهديهم


بس صج ليقالو صار استقبال مو عزا

 

[Judy abbott]

اول مره اسمع ناس تروح صالون عشان تسوي مكياج وتسريحه عزا

هههههههههههههههههههههههه

صرت اتوقع الغير متوقع

بس على طاري الجواتي والجناط عاديييييي ماله شغل بالعزى كل وااحد حر يلبس جنطه ماركه ولا عاديه

 

[shaikhat elbnat]

هذا اسمه قلة حيا و عدم احساس
يدخلون العزا جنهم يايين يسوون show طبعا مو الكل
تلبسلج احلى جوتي و يكون كله ستراس ولا كعبه اشكبره جنا مال حفلات و اتحط لج الاساور جنها معزومه و تلبس الساعه ز اتمكيج و اتمد البرطم و اتدش
والله لو انا راعية من اهل المتوفي جان اقولها طلعي
يايه اتزيننا و اتشاركيننا حزننا ولا يايه تستعرضين
الناس حالتهم حاله مالهم خلق شي و هذيلا متفرغين

 

[الجفول&]

لاحول ولا قوة الا بالله
اللله يهديهم

 

[happy&single]

واااايد اللي ما يستحون
سكتوا انا رايحه مرة لناس امهم متوفية دخلت وعزيت جان يقولون لي بناتها هناك قاعدين رحت ادورهم ولا شنو اشوف
المكياج mat وكحل وماسكارا وعباية مخصرة وزياده لفتها اللي تحتها مخده اتوقع لأن تدرون العادة انبوس راس اللي المتوفية قربه عليهم انا بست المخااااد اللي على روسهم ،،، والله فشلة يتني الضحكة
واللي مو متحجبين الشعر البف واللي قصير سبايكي والله العظيم ما زدت عليكم ،، واللي يحر اللي صابغة شعرها اشقر ولا بلاتين وفالته !! اهو بدون شي يلفت الانتباه ليش فالته لهالدرجه مو قادرة اتحطين ملفع على راسج هاليوم بس!!
وزياده انا اكرهه اللي يوقفون عند الباب ترحب وتهلي باللي يدش جنه استقبال عيـــــــــــــــــــــــــــــــــــب
:tek:
بس تدورن امصخ شي اللي يايه ريحتها حمسة ولا شمس ما ودج تمر عليج اتسلم عليج
ليش ياحافظ غسلي وتعطري وتعالي حق الاوادم ...
شي يحر ،،،​

 

[انصاريه قمره]

قطع شهالعالم اللي ما تحس
الله لا يقوله لو يصير لنا عزاا واشوف وحده من هالاشكال اطردهاا بصراحه يايه تعزي ولا تبارك الاخت

 

[][ sarah ][]

اللي يقهر اكثر لما اهل المتوفي يسوون هالشي اهني شنو نقووووووووول ؟؟

 

[عيش و مرق]

اى عادى واااااااااااايد ناس يشوفون الموضوع طبيعى على قولتكم امها وله ابوها وحاطه مكيااااااااااج اشدعوه لى هدرجه ماتقدرين تستغنين عن المكياج:0bee2e8d89:


لالالالالالالا والحين ياينا الرمضان انشاله اكو ناس ولا كنه رمضان ميكب عادى واكو ناس وقت الصيام ماكو ميك اب ............
_03BA:



ومن ياذن انترس الوقت مكياج يعنى فطرنا خلاص:dddds: الحين عادى خو شهر واحد بالسنه كلها شهر فضيل وله حرمه حتى الشياطين اتربط فى ماقول قعدو وتبهدلو لالالالا
:eh_s(1):



كشخو وسيرو واستانسو بس مو اوفر يعنى هلسكنى واللجنز:tomato2::eh_s(6): ماله داعى وعموما هذه راى ووجهة نظرى الشخصيه محد ملزوم فيها لكم مطلق الحريه اتشاركون بارائكم ,,,,,,,,,,,,,,,,,وتطرحون العكس

 

[إستبرق]

اي والله قهر بعرف الاوادم صاروا ماكو احساس
يعني يبا مجامله مجامله استحمل وما احط مكياج
هذيج المره رحت عزا ولا يدخلون جم وحده لا ومن اهل العزا تقريبا يعني مو من بعيد
والحبايب كحل وشدو ومسكره لا وكحل اخضر ما ادري ازرق
استغفر الله يربي اصلن شكل الوحده غلط ويفشل
الله يهديهم ولايبلانا

 

[ريحانة_14]

الله المستعان على ما يصفون

 

[manarah]

الله يهديهم انشالله يعني حتى بالعزا مو قادرين يقابلون الناس بويهم من غير اي خرابيط !! وسالفه السوالف والضحك بالبريكات هذي انا شفتها شخصيا بعزا خالي الله يرحمه اللي لاعت جبدي وما قمت اقعد حزه الغذا الظهر