الحياة كانت احلى واحنا صغار

[قطوه ورديه]

السلام عليكم ورحمة الله وبركاته

شنو ذكرياتكم وانتو يهال

وانا ببتدي

اتذكر في بيت ماماعوده الله يرحمها
<<ام امي
كنت كل اصعد فوق مع خالي فديته
واطالع ببايات معاه

وكانت خالتي حبيبتي كل تاخذني انا واخواني
واتودينا شقتها نلعب مع اعيالها


اتذكرلما كنت اخاف من بيتنا
شكله واحد قاص علي قايلي انه في اسد :dddds:

اتذكر لما كنا ناكل ليمون وماماعود الله يرحمها اتزفنا

اتذكر لما كانت اختي توقف على الجامه تبي تنتحر
لان اخوي مطفرها ههههههه

اتذكر لما كنت اروح المدرسه مشي مع اخواني
صج صج هالايام احلى الايام
وياليتها اترد
حسافه في وايد اشياء ناسيتها
واذا تذكرت شي بقوله

وانتو بنات قولولنا شنو ذكرياتكم

اختكم قطوه ورديه

:tek:

 

[Spoildish]

ايي والله ايام حلوة كنت ارد من الروضه اطالع دونالد داك ولا سنديريلا ولا مسرحيات هدى حسين واااااااااااي وكل خميس بليل ابوي الله يطول بعمره كان يودينا انا و اخوي الارنب الجائع بكيفان ويكون زححححححححححمه من اليهال بس هم نلعب و نستانس و بعدين ناكل و نرد نلعب و اي اذكر كنت اطالع خالتي قماشه امي كانت تستغرب مني ولا والحين بنتي ام سنه ونص تحب تطالع خالتي قماشه لوووول كانوا يحطونه على فنون قبل فترة :dddds:

 

[fatomy]

ايام حلوه كانت ايام حبك

أيييييييييييييييييييي ذكرتيني بلى مضى

 

[đeɱɛɼɑ™]

اتذكر لما كانت اختي توقف على الجامه تبي تنتحر
لان اخوي مطفرها ههههههه


:tek:

ههههههههههه مت من الضحك على هالموقف :dddds: ~

صراااحة مووضووعج شحلووووه ويشوووق
اييييييييه يا ذكريات الطفووولة ~.

اتذكر اول في البيت العوود مع عيال عماتي وعمامي نلعب الالوان والشيطاان
ونلعب بالوووعاات لوووووووول وهدوو المسلسل هدووه ترااهوو ياكم هدووه :eh_s(6): .. وشلون نروح الجمعية كل خمييس لانه يمعتنا
ولاازم نخطر الجسسسر وكناا شكثرنا مااشااااء الله ~.

واذكر بالشاااليه نلعب " بلووووه " و "عنببر "

ولما نزعل من بعض نسوي حركة الصبع فوووق الشفااايف واذا وصلنا اخر الشفاايف خلااص مااكوو سمااااح
واذا نبي نتساامح نمد صبعنا الصغيييررر <<< امبيه الشرح عجيييب

واذكر كنت اشاارك برقصااات المدررسة وشكللي بدييييع

وكانت خالتي كله تشتريلي اغاااني ومسرحياات هدى حسسييين
ومرة مسويلي مفاجاة امي وخالاتي رحت مسرحية ليلى والذيب ويعني حاجزين لي بالكراسي الاولية
ولما صاار مقطع الذياااابة قمت اصاارخ وابجي فشششلتهم :dddds:

الله ونااسة ذكرتيني باللذي مضى ~..

 

[هيوونه@]

ايي والله يا حلو ذيك الايام
الفكر خالي والقلب ابيض
الله يرحم ذيج الايام

 

[a7la_frawla]

اي والله ذكرتينا صج والله مرات اتمنى ترجع صج ماكنا ندري عن عمرنا نسوي اللي نبيه الحين كله هموم لاعت جبدي اف
والله ايام عجيبه اذكر كله كنت اتهاوش مع بنت عمتي اتذكر خالي كل اربعا يودينا ماك يشتريلي برد ولا فانيلا بعد وي وندمر عمرنا امبي ذكريات وايد وايد

يعطيج العافيه حبيبتي موضوعج صججج روعه

 

[اللوحة الناقصة]

اي والله صاجة

انا واخواني لما كنا صغار قبل العيد بيوم مزهبين ملابسنا

وانا معلقة النفنوف وفوقه الشباصات والجنطه وتحته الجوتي والدلاغ تكرمون

وهالحنه جنه ملاكمين :dddds::dddds:

ويوم العيد نقوم من فير الله ليش مادري :dddds:

ونروح نغسل الحنه ونستانس لما تطبع على ايدنا شكل بطه

وطبعا ثاني يوم من كل عيد لازم يودينا ابوي الله يعطيه الصحه والعافية ( نحن والاطفال ) جان تتذكرونه

عشان نحلل العيادي عدل :dddds: وطبعا انا كنت لازم باربي او بيتها او سيارتها وكل عيد اكمل شي من اغراضها

وهالالعاب كنا ما نشتريهم الا اذا نجحنا والا بالعيد فقط مو عيال هالوقت كل يوم لعبه ولا حسين بقيمتها بدقيقه يكسرونها


ايام والله حلوة ياريتها ترد


ولما نركب السيارة نتهاوش على من الي ينام فوق عند الجامه الخلفية للسيارة >>> صج فاضين وماكو شغل:dddds:


ولازم نروح الفرع مع خدامه بيت يدي الله يرحمه لما نزورهم يعني شي من الضروريات :dddds:


وكل خميس كان ابوي الله يطول بعمره يودينا حديقة الشعب على نظامها القديم ايام العروسه :dddds: وبالعيد المدينه الترفيهية

واااايد والله ذكريات الطفولة ودايما تطري على بالي من فترة لفترة من كثر ما حبيتها واستمتعت فيها وعشتها عدل


تصدقين عاد خنقتني العبرة وانا اكتبلج :eh_s(2)::eh_s(2)::eh_s(2):

زين جذي بجيتيني الله يسامحج

بس موضوعج يهبل الصراحة مشكورة :tek:​

 

[قطوه ورديه]

فديتكم والله نورتو موضوعي
،، ام يوسف انشالله دوم الضحكه

شنو تقصدين بلعبة الالوان والشيطان
ولعبة بالوعات شنو ؟؟؟

عيونج الحلوه حبيبتي

وكانت خالتي كله تشتريلي اغاااني ومسرحياات هدى حسسييين
ومرة مسويلي مفاجاة امي وخالاتي رحت مسرحية ليلى والذيب ويعني حاجزين لي بالكراسي الاولية
ولما صاار مقطع الذياااابة قمت اصاارخ وابجي فشششلتهم

الله ونااسة ذكرتيني باللذي مضى

لوووووووول والله ضحكتيني من قلب

 

[قطوه ورديه]

اي وصج تذكرت لمن

باباعود يودينا الفرع

ونكون حدنا مستانسين
وانقوله اخر شي مشكور

اي صج وكنا وايد نلعب لعبة خطوات

صج كانت ايام روعه

 

[CUTE ENGINEER]

يا حلاة أيام الطفولة البال خالي ما همنا إلا
العصر ننطر أمي تعطينا نصيبنا من البفك والكاكاو ونجابل هالتلفزيون ننطر الميكي
ولا نطلع نلعب بالحوش حي الميد
وبالعطلة ماننام إلا الصبح نقعد نلعب بالصالة ونحذف بعض بالكوشيات
ونعفس الدنيا وقبل لاتقعد أمي الله يحفظها نعدل الصالة ولا جنا مسوين شي
والأتاري ياحلوه أول نقعد نلعب آنا وأخوي اللي أصغر مني
ومانشوف إلا أخواني اللي أكبر منا هجموا وخمطوا اللعبة منا وقعدوا يلعبون
وإذا عصبوا يحدفون الريموت ويكسرونه ونقعد آنا وأخوي نبجي من الحرة
ليش لعبتنا إحنا
ولا بالشتا نقعد يم الدوا يالبرد ونقرا قصص المغامرين الخمسة
ياحلوها من أيام
لا وكله صوب ورمضان صوب هذا سوالفه شي ثاني
يعطيج العافية عالموضوع

 

[ملكة بأخلاقي]

اتذكر روحتنا ليوم البحاار

صج صج كااان وناااااااااسه ومتعه مو الحين استغفر الله يسد النفس

اذكر عشى الخميس من الارنب الجااااااااااائع

ووواى العصير الى حاطين بغلاف جنه قصدير ما قمت اشوفه بالجمعيااات

اذكر سااالي معشووقة الجمااهير
اذكر اشرطة الفيديو مالت افتح يا سمسم
اذكر سهراتنا مع ابوي على اشرطة عالم الحيوان (صج كنا فرااااغه)
والله قبل اياام عسسسسسسسسسسل

 

[النملة نواري]

الله على ايام الطفولة
ما نشيل لا هم و لا شي
كان اكبر همنا لعبتنا
الله...ذكرتي بجمعتنا يوم الجمعة لما كان خالي يودينا الجمعية
كنا دايما نكسر الميزانية المحددة
و يردنا خالي البيت و هو معصب:dddds:
و ع العموم مشكورة على اعادة الماضي و على هالموضوع الجميل

 

[فجر الغلا]

ايه والله صاجه
اكبر كذبه عشناها واحنا صغار يلا متى نكبر

 

[ghalaty]

اه انا ما ابي اتذكر نفس الشي هم بهم

 

[Judy abbott]

وااي ذكرتيني بالذي مضى
واي يا حلوهاا من اياام

كن نتيمع فبيت يدتي الله يرحمهاا ونرووح الجمعيه مشي و24 ساعه متنقعيين فماكدونالدززززز وطبعا نروح مشي ونرجع مشي
واذكر حديقه كنا كلا نروحلها نسميها حديقه الابلات نلعب كمبيوتر صخر جان تذكروونه لعبه الحييه وكناا نووصل مرااحل اخر شي يقومونآ ههههه

وكناا نلعب لعبه الاواان الي فيها الشيطان والام ولاا لعبه خروف مسلسل ولا لعبه حركه حركه ستووب نسوي حركات بويويهناا ولآزم ما نضحك والي يضحك يطلع من اللعبه
وتذكر لم اكنا اناام فبيت ماماعووده كل ما اناام عندها انيننها الفير واتقول والله راح ادق على ابو كل وحده فيكم ايي ياخذهااا وقبل لا اناام كاانت تقولناا قصه السلطـآن حفظناها من كثر ما تعيدهاا ولما يصير الصبح اتوديناا سووق لكوييت اروح نشتري من بو 100 الله ايااااااااااااااااااااام والله

بييييييييه ويين اياام قبل او وين ايام الحييين :0bee2e8d89:

جانزيين ترجع ايام قبل كلهاا براائه

 

[Judy abbott]

وااي وتذكرت بعد بدله العييد الي قبل العيد بيووم بس اتمقلين فيهااااا جنج مو مصدقه شاريه بدلـه

ولا لاصالون باول يوم العييد حر وخيسه وزحمممممممممممممممممممممه واخر شي شعرج يكش هههههههههه

 

[Mazyoona]

موضوع رووعه


حتى انتي تسمين ماما عوده


أيام الطفوله يا حلاتها

أذكر ايام الروضه و كل ما ادش بنت خالي تبوق جيس الحلاو اللي عندي
و اذكر اني كنت اسوي روحي مريضه علشان اغيب و اشوف little mermaid
و سالي الله شكثر كنت احبهاا و سندريلاا

أذكر ايام الابتدائي نلعب الوان و الشيطان و خشيشه و marco.. polo و
السباق نشوف منو اسرع واحد >> كان شي مهم

أذكر ايام المتوسط أيام المرح و العفويه و الوناسه قبل لا ندش المدرسه لازم اخوي يدش
البقاله يشتري مؤونتنا اليوميه من الككاوات و الحلاو و البفك لانه ابوي يمنعهم في البيت
اذكر انه اخواني يحلفووني ما افتن على شي و اذا احد سألني لا ارادياَ اقوول
اذكر اخواني اول مل نزلت السوني قالولي بنشتري سوني بفلوس العيد حطي معانا
نلعبج ويانا .. عاد انا طرت من الفرح قلتلهم اوكي حسبالي سوني جلب لانه جلب خالي
كان اسمه سوني عاد اول ما شروها زعلت بس لعبوني نص ساعه معاهم بالسرداب و من
يومها ما شفتها

اذكر انه لازم كل اسبوع نتسبح بحمام السباحه كل العايله بنات و صبيان نلعب و بعدها يوكلوننا
معكرونيه و بطاط و همبرجر << الوجبه الرسميه

اذكر يدي الله يرحمه يعطيننا عشره انا و اخواني يقول لنا نرووح البقاله و كل واحد له نص
نردله خمسه ونخش اغراضنا نقوله الكتكات اليوم غاللي << اسهم و انا ما ادري
عااد اهوا يزفنا و نضحك نفرفشه و اليوم الثاني نعيد نفس الحركه !!!


أيام الطفووله ايام حمييييله بس احلااهم كانت المتوسط

لاحظوا قبل جم سنه المتوسط بريئين و عفويين اللي بقلبهم على لسانهم بس الحين
كل شي تغيير << يا ترى شلوون

مشكووره حبووبه عالنقاش الحلو

 

[مجروحة الكويت]

ذكرياتي ماتساعد ان الواحد يذكرها :"(

 

[عوآآآآآآشه]

اييي والله حدها كانت احلى واحلى

اذكر كنه نروح الشاليه كنه نتيمع مع خوال ابوي وخالاته كلهم وعيالهم وعيال عيالهم
بس الحين كلهم متهاوشين معاي ومتهاوشة معاهم

كنه نلعب كرة قدم ونلعب عنبر وكان في مكان فاضي كبير شوي ورى شاليه يدتي كنه نقول انا واختي والبنات راح نسويه دوانية حقنا و كنه نيمع سراميك نحطه على الارض يعني احنا بنبنيه

و كنه نروح القهوة الشعبية نلعب سيجا
ويوم البحار عشان ناكل خبز رقاق و مشوياتهم كانت عجيبة
وكان على ايام ماكدونلز و برجر كنج اللي على البحر اشوف الشباب يغازلون البنات وحنجي يطيح بالارض منصدمة


وامي كانت تشتريلي افتح يا سمسم وبباي سنان والبابانا توتة و طمطوم

كانت بعد شاريتلي مسرحية باربي وكنت اروح بيت ييرانه انا وبنت ييرانه نقلدهم مره انا اصير باربي واهيه الحطاب والعكس

هم برمضان احلى ايام والله كنه نتحدى بعض انا واخواني منو اللي يكمل 30 يوم واهوه صايم

والقرقيعان لازم نقرقع لين صار عمري 13 وانا اقرقع مع عيال فريجنا

و العيد واااي كان الليل طويييييييييييييل كنت انام واقعد اطالع الساعه وارد انام وطبعا لازم كل شي يكون زاهب قبل النوم

والله وناسة كل شي كان حلو

حتى هلا فبراير كان غير العيد الوطني كان غير


مع انه في بنات وايد لمن اسولف لهم عن ايام قبل وبسني يستغربون يقولون احنا مانروح هالاماكن ولا نقرقع ولا شي


بس احلى اماكن والله واحلى ايام واحلى احساس بريييييييييء ​

 

[قطوه ورديه]

شكر لكل من نور موضوعي بالرد الحلو

للرفع