شنو الاشياء اللي تحسون فيها بعد قراءة سورة البقره؟؟

[لولو الكويتيه]

بنات انا صارلي 10 ايام اقرا سورة البقره كل ليله قبل ماانام وانا اقراها احس اني برجع بس امسك نفسي وبعد مااقراها احس اني نعسانه واايد وكله اتثاوب ومن ثاني يوم بطني يطلع اصوات واايد وبصراحه سوري على هالكلمه بس يصير فيني كل يوم(اسهال) بس احس كل يوم اني اصير مرتاحه اكثر... حبيت اعرف بنات هالاعراض من شنو؟؟؟ واستمر او اوقف؟؟؟

 

[حكاية شهرزاد]

شوفي انا مابحط بذمتي ..

بس بقولج جزء من قصتي ..

الشيخه انتي محظوظة لما قريت سورة البقرة وطلعت معاج هالاعراض .. اانا مابي احط بذمتي بس انا كان عندي سحر وكان يصيدني اكثر منج ..

قولي الحمدلله لما تقرينها جذيه يصيدج يمكن فيج سحر مشروب او مؤكول .. والحمدلله لين تقرين سورة البقرة السحر يبي يطلع من جذيه الاسهال والتعب ..

حاولي تكررين قرايتها .. اسمعيها وشغليها بالبيت دوم .. بعد ماتقرينها هفي بالماي واشربيه وحطي منه على قلبج وبطنج ..

وادعي اذا فيج سحر او عين تطلع .. والحمدلله الحين عندنا الرقية الشرعيه موجوده على صفحات النت .. حطي المايك واسمعيها دوم ,,

شوفي القران هو اللي حل مشكلتي .. والدعاء ...

والاهم من كل هذا انه ماتخلين احد يفج لج فال علشان يقولج منو مسوي لج السحر ولا غيره علشان ماتدخلين في مداخل اكبر ..

وااكد لج اللي فيج يمكن مو سحر ولا عين .. ويمكن سحر ويمكن عين .. الله اعلم .. بس انا كان فيني وتعالجت واتركي عنج

شيوخ الرقية ان اهما يطلعون السحر لانه الشيخ فقط يقرى عليج ويقولج اقري وهو مو بيده شي ..انتي اطلبي من الله

الشفاء لانه هالامر بيد الله والشفاء منه فقط .. والشيخ بيقولج نفس الكلام بيقولج اقري سورة البقرة وسورة الصافات والمعوذات وآية الكرسي ..

محد يطلعه الا كلام الله .. اقوى من اي شي .. ولا حول ولا قوة الآ باللله ..

 

[لولو الكويتيه]

مشكوووره شهرزاد حبيبتي والله يعطيج العافيه والله كريم
اشدعوه بنات وين ردودكم

 

[قلبي للفردالصمد]

ياختي انا مادري بس انصحك تستمرين بقريتها ولا تتركينها وحااولي
تشغلينها بالبيت بستمرار:eh_s(6):
واقري الاذكار واستغفري يا في ناااس انفكت مشاكلهم بسبب الاستغفار
وتقبلي مروري:tek:

 

[Great-Me]

اقريها اقريها حبيبتي ولاتتركينها ولا يوووووووووووووووووووووووووم

انا لمه اقراها احس ابي انااام وواحس بزهقه استغفرالله ( احس فكري مشتت يعني احس كاني ابي اسكر المصحف واحس ملل

استغفرالله ياربي

واحس اني نعسااااااااانه وعيوني من فوق جفوني تعورني حيل حيل احسها تصير ناشفه والنفس عندي ينكتم تشوفيني اقرا وانا الهث كاني اركض
واحس بدووخه واحس قلبي دقاته تزيد بشكل مخيف ( واول ماوقف قراءه ارد طبيعيه

مادري من شنو كل هذا؟( مادري هذي اعراض شنو عفيا اللي تعرف خلللللللل تقووووووووووووووووووووووووولي

بس لاحظت اني صرت انام عالاقل انام عدل شوي والحمدلله صرت اقوم وانا مرتاحه
قبل انام وكل ربع ساعه اقعد وغير هذا لمه اقوم كنت احس بضييييقة خلق واحس ابي ابجي ابي اموت استغفرالله​

 

[حكاية شهرزاد]

لاتاخذون ردي على انه افتاء لاني مو مرشدة دينية .. واتعلم اهني واهناك .. بس سمعت اللي مثل حالتج
great me

مالت الزهق والنوم والنعسان هذي يمكن عين .. اسمعيها وايد بالسيارة بالبيت بلتلفزيون بالنت .. لين ما من كثر ماتسمعينها تصير سهله

لين تقرينها وتحسين انج حفظتيها .. وسورة البقرة تبعد السحر والعين والشياطين .. والبيت اللي دوم تنحط فيه سورة البقرة مايدشه

الشيطان ..

 

[ام عيون صغيرة]

السلام عليكم بنات شلونكم
اختي لولو انا انصحج انج تحاولين كثر ما تقدرين انج ما تهدينها
والله انا داومت عليها شهرين , وكنت اتثاوب ومرات انام مثل ما انا على سجادة الصلاة بس كنت لما اقوم اتوضا وكملها ولو شنو يصير ما خليتها , وسبحان الله صرت احلم احلام تبين لي انه فيني مس جن وظليت اقرا ليما يوم الحمدلله صار لي شي كان الفرج منه من الله سبحانه وبركة سورة البقرة ( انا مرح اقول الشي عشان ما اخوفج) والحمدلله الحين انا احسن بوايد من اول واعراض وايد كنت احس فيها واختفت بفضل هالسورة بس صدقيتي ما يريح الانسان الا الذكر والقران .

 

[طووم]

الله يكفيج كل شر واستمري بقرايتها ولاتقطعين ترا كله ماتاخذ ساعه بس عندي سؤال يصير انه اقراء شوي واقوم اسوي شغلي بالبيت وارد اكمل انا الحمد لله بالبيل اقعد ساعه بركن بالبيت واقراها كلها

 

[ترتر وزري]

انا يصير فيني شي غير عنكم ؟؟؟​

انا لما اقراها .. يكون يمي ماي وانفث في الماي وازيد عليه قراءة المعوذات والفاتحه وامسح وجهي وجسمي وارش البيت وفراشي كله وزوايا البيت واشرب منه واشرب ريلي منه

بس يصير فيني شي غير عنكم ؟؟؟ عقبه بيوم .. يعني قريتها الليله .. ثاني يوم يصيير فيني شي وهو

انه اتصير هوووووووووووشه كبيرررررررررررررره بيني وبين ريلي والسبب شغله تافهه تافهه تافهه بس مادري شلون تكبر والسبب انا بطريقه انه يمد ايده علي او تصير صكه قويه قويه لدرجه انه يصير فيني انهيار من الهوشه ورده فعل ريلي وطريقته واقوم اعصب واكسر الاغراض واكسر موبايلي اصير مو طبيعيه .. ولما عقب فتره نتصالح .. يقولي انتي كنتي مو طبيعيه بتصرفاتج .. طبعا عقبه بثالث يوم .. اقعد من نومي اسال نفسي انا ليش سويت جذيه انا شلون عصبت جذيه انا انا والسبب تافه

انا ما اقرا وايد سوره البقره يمكن بالشهر مره او 3 اسابيع .. بس اليوم اللي اقراه ليلتها انام مطمنه وطيبه بس ثاني يوم يصير هالهوشه والعصبيه مع ريلي بس مع ريلي ؟؟

مع العلم اني الحمد الله رب العالمين انسانه جدا والحمد الله مواضبه عصلاة الفجر وجميع صلواتي بوقتها والسنن والاذكار صباحا ومساء وقبل النوم وقراءة القران يوميا حتي ان كانت صفحتين .. .. يعني ابتدي من سوره البقره الي ان اختم القران يوميا احاول اقرا سوره كامله او حتي صفحات

هل تعرفون شنو معناته

وجزاها الله خير صاحبه الموضوع ع الموضوع الطيب وجزاكن الله خيرا للي ترد علي

 

[جنى q8]

ختي ترتر وزري

هذا الي فيج معروووووف عند اكثر الناس ان هذا هو الشيطان يصورلج هالشي عشان يبعدج عن سوره البقره لانها عظيمه وما يقدر عليها
الرسول صلى الله عليه وسلم يقول لا يستطيعها البطله يعني لا السحره ولا غيره يقدر عليها وان اخذها بركه وتركها حسره

انا مثلج بس اقراها تصير مشاكل في البيت واحس ان الشيطان يهمس بإذني ويقولي بس تخلصين شوفي المشاكل بس انا اقول لا ما راح تصير المشاكل واقول اللهم لا خير الا خيرك ولا طير الا طيرك ولا إلها غيرك وسبحان الله فعلا ما قامت تصير المشاكل ولله الحمد

وجزاكم الله خير ويعطيكم العافيه خواتي الله يوفقكم ويبعد عنكم الشر يارب

 

[chakletaA]

انا لما اقرااها
احس بالم بطني
ولا اقراها بتعمق
هم احس ابي ابجي
بالنهاايه ارتاااح
والله ياابنات عن تجربه ان كلام الله زييين
وهدي النفس
تبين تطردين الشياطين من بيتج سوره الجن
اقسم ولا جني يجي يمج لان خوااااف من ذكر ربي
امووت انا بكلام ربي
لان ما اخااف من احد الا الله

 

[ET_girl]

انا لمن اقراها احس إني قاعده اتعب وانا اقراها
احس ماكو نفس وجني قاعده اركض ونفسي يروح يعني معانااااااااااااااااااااااااااااااه
الله يثبتنا انشالله

 

[ترتر وزري]

ختي ترتر وزري

هذا الي فيج معروووووف عند اكثر الناس ان هذا هو الشيطان يصورلج هالشي عشان يبعدج عن سوره البقره لانها عظيمه وما يقدر عليها
الرسول صلى الله عليه وسلم يقول لا يستطيعها البطله يعني لا السحره ولا غيره يقدر عليها وان اخذها بركه وتركها حسره

انا مثلج بس اقراها تصير مشاكل في البيت واحس ان الشيطان يهمس بإذني ويقولي بس تخلصين شوفي المشاكل بس انا اقول لا ما راح تصير المشاكل واقول اللهم لا خير الا خيرك ولا طير الا طيرك ولا إلها غيرك وسبحان الله فعلا ما قامت تصير المشاكل ولله الحمد

وجزاكم الله خير ويعطيكم العافيه خواتي الله يوفقكم ويبعد عنكم الشر يارب

اعتقد صحيح كلامج وتفاءلت بردج .. بقراها وختصير مشاكل وهم بتم بقراها وختصير وانا عندي قناعه بعد كلامج وردج انه .انه من كيد الشيطان ان كيد الشيطان كان ضعيفا


لكن عندي سوال .. فيه حديث يقول لما نقرا سوره البقره كامله يخرج الشيطان من المنزل 3 ايام .. فشلون تصير هالمشاكل ؟؟ ودخول الشيطان ويسوي الوسوسه ؟؟؟

 

[نسومة الجزائرية]

كملي اربعين يوم
وارجعي خبريني بايش صار معك

 

[ترتر وزري]

رديت قريتها .. وعقب 3 ايام قريتها
والحمد الله كانت عندي قناعه واقتنعت من كلام الاخت جنى q8

والحمد الله ما صار الا العافيه والخير ..وبدون مشاكل

سبحان الله والحمد الله ولا اله الا الله والله اكبر ولا حول ولا قوه الا بالله العلي العظيم الرحمن الرحيم الكبير المتعال احبك يالله فأحببني الي كل عمل يقربني الي رضاك ومحبتك .. آمين آمين آمين

 

[مسيره يشتاق]

الله يشفى الجميع ويبعد عنهم الشر
بس حبيباتي أقروا قسم أسلاميات صفحه 25 وحده كاتب فيج سحر عين مس وكاتبه الاعراض وفيه منها ذكره البعض واللي تحب أرسل لها ع الخاص تراسلني لاني نسخت الموضوع

 

[مادرى شسمى]

الله يعنا على تحصين انفسنا وبيوتنا وذريتنا من كيد الشيطان واعوانه اللهم امين

 

[دارين]

ارسليه علي الخاص

 

[still_waiting]

انا اقراها بس ما احس بأي شي
ولا انعس ولا اتثاوب
وعندي سهله ىلما اقراها
الحمد لله ما فيني الا العافيه
ويسلموووووو

 

[يــاغربـــالي]

يمكن عين /

شوفوا اليوتيوب مقطع للدكتور محمد العريفي عن اعراض العين

واذا هالاعراض تحسون انها موطبيعيه راجعوا شيخ