شنو الاشياء اللي تحسون فيها بعد قراءة سورة البقره؟؟

[مشمشه76]

اختي في البدايه الحمدلله والشكر له علي كل حال ودايما الله عز وجل يبتلي المؤمن علشان يقربه منه اكثر لان ساعات نلهي في مغريات الزمن والله يسامحنا وانا من الناس اللي الله معاي انشالله ولا ينسى عبده الضعيف وبفضل منالله وسورة البقره الله حفظني وحفظ جنيني في رحمي والله خير حافظ وهو ارحم الراحمين بس من عقب ماولدت اقرا سورة البقره واحس با صوات في بطني واحس حشرات تمشي داخل راسي والمغص اللي دايما يجيني باستمرارو واشياء غريبه مدري شنو اسوي ادعولي الله يشافيني ويحفظني لعيالي وحسبي الله ونعم الوكيل

 

[الاميره ريم]

اية البقرة اخذها بركه وتركها حسره حديث الرسول صلى الله عليه وسلم

 

[توته احلى بنوته]

انا احس براحه والله العظيم يابنات اني كنت تعبانه حيل حيل ولا كنت اقدر اشيل نفسي من التعب وكنت اقراها كل يوم وجد جد احس بعدها بسكينة النفس وراحة البال

 

[الثقة في الله]

اختي لولو هذا الذي تقولين عنه انك اذا قراتي سورة البقرة يصيبكي تقيا ونعسان تبدأ عملية العلاج في البداية اي انسانه تقرأ سورة البقرة لم تحس في اي شي هذا يدل انها ليس فيها شي او لم تركز في القرأ - اما اذا قراتها اصابتها كحه او تثاوب او نعسان او تريد ان تتقيأ فهذا سحر وحسد مع بعض لان الحسد يخرج عن طريق غازات عن طريق الفم او نعسان اما التقيأ او الكحه فهذا سحر ماكول او مشروب او مدفون لان التقيا يخرج بسبب السحر الماكول او المشروب المرشوش والمنثور وساعلمك يا لولو كيف تخرجين السحر والحسد م جسد راسليني عن طريق الرسائل الخاصة مع تحياتي حافظة من حافظات القران الكريم وسافيدكم جميعا ان تحصنوا انفسكم من جنود ابليس واعوانهم يكفينا شرورهم

 

[Miss.KSA]

انا قريتها طول شهر رمضان كنت من اقراها اسمع اصوات ببطني غازات وهواء .. وزي ماقلتي اول مااخلصها
ادخل الحمام على طول تكرمين .. وودي اسال مثلك ايش سبب الغازات وحركة الأمعاء بعد قرائتها وتزيد الغازات في بطني
بس بعد ماادخل الحمام ارتاح مره

والحين هاليومين رجعت لها بقوه وناويه مااتركها برضو نفس الأعراض اصوات ببطني وتجيني غازات واروح الحمام
بس بعدها ارتاح ولله الحمد حتى حلومي والكوابيس راحت

طبعا انا طريقتي في القراءة
اخذ كوب ماي واحطه جمبي واغطيه بكلينكس وابتدي بقراءة سورة البقره كامله وكل خمس صفحات
انفث على صدري وفي الماي وارجع اغطيه واكمل الى الأخير
بعدها انفث بالكوب وارجع اغطيه
واحط ايدي على وجهي
واقرا سورة الفاتحه 7 مرات
وأية الكرسي 7 مرات وانفث بايدي
وامسح على جسمي كله وارجع انفث في الماي واغطيه
وارجع احط ايدي على وجهي واكمل
واقرا سورة الأخلاص 3 مرات - الناس 3 مرات - الفلق 3 مرات
وانفث في ايدي وصدري وامسح على جسمي وانفث في الكوب الماي وارجع اغطيه
بعدها احط ايدي على وجهي واقرا
- بسم الله ارقني من كل داءً يؤذيني من شر كل نفسً أو عين حاسد .. الله يشفيني بسم الله ارقيني ( 3 مرات )
- بسم الله .. اعوذو بكلمات الله التامات من شر ماخلق ( 3 مرات )
- بسم الله .. اعوذو بكلمات الله التامه من كل شيطان وهامه ومن كل عين لامه ( 3 مرات )
- بسم الله .. بسم الله الذي لايضر مع اسمه شيءً في الأرض ولا في السماء وهو السميع العليم ( 3مرات)
- بسم الله .. اللهم رب الناس اذهب البأس وأشفيني انت الشافي لا شفاء الا شفاءك شفاءً لايغادر سقماً (3مرات)
- بسم الله .. بسم الله .. بسم الله .. اعوذو بعزت الله وقدرته من شر مااجد وأحاذر ( 7 مرات )

بعدها انفث بأيدي وصدري وامسح على جسمي كله بايدي وارجع انفث في كوب الماء
واشربه بنفس واحد ..

بعدها انفث في كريماتي واشيائي اللي احطها على جسمي وشعري

طبعا احط في بالي انه علاج لي لمدة 40يوم

وايقني بأن الله سبحانه وتعالى هو الحافظ وهو الشافي .. وشيلي كل الأفكار السوده من بالك وقولي ربي بيفرجها علي باذن الله

وصدقيني مافي رقيه كويسه الا رقية الأنسان لنفسه افضل رقيه

لاتنسين الصدقه كل ماطلعتي تصدقي بأقل شي عندك

واذا جاك رزق من احد او معاش على طول طلعي منه لو دينار وانويها دفعت بلاء ..
وربي بيبارك لك في باقي رزقك سبحان الله

وبعد كل صلاه اقري اية الكرسي بتمعن
بعدها استغفري 100 مره
وسبحي 100 مره
وصلي على النبي 10 مرات
وقولي ..
(لا إله إلا الله وحده لاشريك له .. له الملك وله الحمد يحيي ويميت وهو حيً لايموت بيده الخير وهو على كل شيءً قدير) 10 مرات

وبأذن الله تنفرج عليك وانوي قراءتك لسورة البقره لتيسير الأمور مثل الزواج وسعت الرزق او الحمل او اي شي تعانين منه
مثل العين او السحر

سبحان الله ماتتصورين كيف بعدها تتيسر لك امور ماتتوقعينها عن تجربه والله

انا يوم كنت برمضان كنت اعاني من امور كثيره وربي فتحها علي ولله الحمد ..
بس تركتها ولهيت وقامت ترجع لي الحلوم والكوايس من جديد وكلها دلائل على انها عين سبحان الله

بس الحين رجعت لها بقوه علشان تيسر لي للزواج وسعت الرزق
لأنه احس اني معلقه ونصيبي دايم يتعلق
بس مابعد الصبر الا الفرج والله المستعان

الله يشفيك حبوبه وان شاءالله مافيك الا الخير ( من توكل على الله فهو حسبه )

 

[زهره الجلنار]

انا لما اقرا سورة البقره وايد اتعب بالقراية وبعدها طول اليوم الم في بطني واحس بغازات وغير جذي اكتئاب موطبيعي وكله ابي ابجي ومااتحمل اسمع صوت اي احد يمي حتى امي وابوي ودي اقطعهم وايد نفسيتي تعبانه ومادري شسوي بس انا باذن الله ماراح اقطعها انا ثارلي بس 3اسابيع