رابطة "دودات الكتب " .. حياكم

[camilia]

الكافيه في مجمع امنية


نفس المجمع الي فيه فندق ايبيس


بالسالمية شارع سالم المبارك


مقابل ليلى غاليري


كنت ناوية اروحه يوم الاثنين عاد تصدقون ؟ بروح استطلع اشوف الوضع


صايره احب اقرا بكافيهات

و ذاك اليوم فازعه من 6 و نص الصبح جان البس و اروح ستاربكس مشرف " مادري ليش مع اني مقاطعه ستاربكس ...!.!.!.! "


و ما عجبتني قعدتهم كلش مو مالت قراءة بصراحة مع انه اعرف وايد ناس يروحون يقرون هناك ..ناس معانا برابطة الادباء و جم واحد من الجريدة كان قايلي عنه انه مكانهم كبير و شرح و جذي ..

بس ما يه في بالي انه الناس هذوله شبااااااب مو بنات فعادي عندهم الوضع يقعدون يمدون ريلهم عالطاولة او الكرسي الي جدامهم فياخذون راحتهم ..

فالقعده مو حلوة حق بناااااااااات ! ستاربكس مشرررف مو مال قراية بناااات !
اهو حلو حق قعده لانه صج شرررح و كبير

و مادري الصبح حسيته ازعاج ! يعني وايد طلبه قاعدين يدرسون الظاهر مالوت الكلية الاسترالية و جامعة الخليج لانهم في مشرف ، و بعدين عالساعه 9 من طلعو الطلبة من امتحانات متوسط و ثانوي لقيتهم يو الكافيه و صار لويه حده !



المكاااان الي اعتبره حلو و مناااااسب حق قراية بنات


ذا كوفي بين آند تي ليف ، الي جبال الديوان الاميري ...

معزووووووووووول و مافيه قطوووووووووو


و كذلك ... كافيه سوبريم المنطقة الحرة " بس اتوقع رح يصير زحمه ذيك الايام ماكان زحمه عشان توه فاتحينه و محد كان يدري عنه "


و هم بعد عندكم ستاربكس سلوى فاضي ..


وووووووووووو .. ساعات يطق ببالي اروح عند البحر اصفط و شوي اسدح الكشن " شوي مو حيل " .. اسكر البيبان و ابطل الفتحه الي فوق اذا الجو حلو .. و اقعد اقرا

و اشغل قناة 92.5 ! وايد حلوة كلها موسيقى هااااادية .. انصحكم تسمعونها والله بنات تريح الاعصااااااب

احسن من مارينا اف ام المزعجه ياربي القناة كل مالها و تصير اتفه و اتفه و اتفه


ليش جذي


لا اغاني سنعه .. لا برامج حلوة ... كله تمصخر و مواضيع فاضية و ازعاج

و 103.7 خووو هذي دنيا بروحها استغفر الله العظيم

و البرنامج العام صراحة احب اسمعه بس مو كل وقت

احب مسلسلاتهم الي يحطونها عجيييييييييبه ، و هم بعد احب نجوم على القمة ، و نافذة على التاريخ " خووووووووش برنامج عجيب " ، و احب عند جهينة الخبر اليقين ))))


يعني انا راديو سيارتي الى حد ما الي يركب معاي تلوع جبده !

يا بحطله البرنامج العام اسمعه مسلسل اذاعي ..

او احطله bbc arabic اسمع اخبار ..

او موسيقى هاديه


و اذا فاصله حدي رح اشغل سي دي كله اغاني نقازية عبيطة !!!!!!!!!!!!! طبعا لا تسألوني شنو هالاغاني لانه فشله ... رح يبين لكم شكثر ذوقي هابط و مابي اطيح من عينكم بصراحة


بس يكفي اني اقولكم فيه اغنية انكسرت الشيشه ..و على هذا المنوال يعني !

عاد انا فيني طبع ماارتاح اقرا الا بهدووووء وانا عالسرير غير جذي ما افهم ولا حرف اقراه !
حتى بالمطارات الترانزيت مرات 9 ساعات بس انسي اقراا كتاب مااستوعب والله .. حتى بالطيارة احاول ادخل جو ومود الرواية بس ماقدر اتشتت من اسمع صيحة اليهال .

بخصوص الراديو لوول والله جنج اختي احسكم you'll make good friends .. نفسج تحب تكتب وتقرا وايد جرايد ومقالات ومن هالسوالف وهم تحب تسمع اخبااار بالراديو ... عاد انا مرات اسمع اخبار بس غالبا ما اشغل الايبود واسمع الاغاني على ذوقي احسن من سوالف وتفاهة برامج مارينا وغيرها مع احترامي للي يحبون هالموجة

 

[camilia]

هااااااي بنات يايبتلكم TOP 10 من اوبرا book club في كتب قاريتها وفي كتب مادري عنها :eh_s(6):

بحطلكم اياهم وقولولنا شنو قريتوا من هاللستة

10. A Fine Balance by Rohinton Mistry






9. Fall On Your Knees by Ann-Marie MacDonald






8. Midwives by Chris Bohjalian






7. A Lesson Before Dying by Ernest J. Gaines






6. Cry, the Beloved Country by Alan Paton






5. House of Sand and Fog by Andre Dubus III






4. East of Eden by John Steinbeck






3. One Hundred Years of Solitude by Gabriel Garcia Marquez






2. The Heart Is a Lonely Hunter by Carson McCullers






1. Anna Karenina by Leo Tolstoy







ناااااطرتكم :ggdw:​

والله فيه جم عنوان شدني ! انا قريت انا كارنينا ومن احلى الكتب بالنسبة لي .. اما House of sand and fog
شفت الفلم ماله وماعجبني ..خاصة النهاية وايد مأساويه بطريقه مبالغ فيها يعني سدعوووة ! بس تصدقون وايد يمدحون الفلم عكسي والناس اذواق, و البطل من بعد الفلم وايد تأثر الظاهر بالثقافه الايرانية اللي قام عاد مراسيم زواجه وسواها عالطريقه الفارسيه ! والبطل ممثل مشهور جانكم تعرفونه اسمه بين كينغسلي !

 

[camilia]

هذا اهو الكتاب رفيجتي اليوم يابت لي ماقصرت ..

فكرته عجبتني وهم غلافه عجيب وقريت نبذه اللي ورا الاسلوب حلو ماشاءالله مو ترجمه ركيكيه..

احد قرا؟؟



والعفو ولو حبوبه..

حياج الله..

امين يارب..

جزاج الله خير..

شخبار قراءتج؟؟

عندي ياه بس للحن مابديت فيه .. عموما هالكاتب احبه وعمره ما اخذلتني كتاباته

قراءة ممتعه رونة !

 

[camilia]

هلا والله حبيبتي شلونج ؟؟؟ لا بعد قلبي شدعوة ما وراكم ازعاج بالعكس هالشي يفرحني
انا بخير ولهانة عليكم وايد .... طبعا مرت فترة صرت كسوله بالقراءة بس الحين اشوة الحمدالله رديت ...

الحين قاعدة اقرا الخيميائي وايد حلو ليلحين عاجبني ... بسيط وفكرتة حلوة

والمسلسل ان شاء الله راح اردة بس يخلصون امتحانات ...

مشكورة وايد على السؤال نمووووووووووون حياتي وقوليلي انتي شلون الصغار ... وشصار على الخدامة ؟ ​

من احلى الكتب اللي قريتها الخيميائي .. بس فيني لقافه .. اي مسلسل تقصدين لوول

 

[.]

عندي ياه بس للحن مابديت فيه .. عموما هالكاتب احبه وعمره ما اخذلتني كتاباته

قراءة ممتعه رونة !

هلا كاميليا..

للحين 3 عندنا نسخ منه يالله مسابقه منو تخلصه قبل خخ سوالف الطفوله..

مشكوره..

 

[MISS __Fato0]

--------------


مس فاتو ..

بصراحة بصراحة اخجللللللللللللللللتي تواضعي فعلااااااااااااااا
و خليتيني حدي استاااانس على ردج الي يبرد الجبد يا قلللللللللللبي

وااااااااااااااااي وناسة من صجج متابعه 118 صفحة بصمت ؟؟ و الحين بس قررتي تشاركين ؟

حياج الله و ان ما وسعلج المكان .. العين اوسع

---------------------------
يا بعد جبدي .. لتوووول . .. اعذرني تءخرت برد

والله صرااحه ما ادري شقوولج وصارلي اكثر من 3 شهور وانا مطيحه برابطه وشبه مدمنه عليها...
وتوني تشجعت اني اشارك.. مع اني احب القرايه بس لهييييت بالامتحانات ودراسه << وترى اعتبر تووني مبتدئه وما ادري اذا اقدر اقايشكم بالكتب الي تقرونها ..
بس مدام ان بدت العطله ان شا الله بتفرغ ...وواصلووو
..

 

[ra'3ad]

رونة
Rawona
العفو حبايبي :eh_s(6):

طوق البنفسج
انا كارنينيا تهبــــــــــــــل الرواية وحتى فيلمها اينن و100 عام من العزلة ماقريتها بس زين قلتيلنا عنها

كاميليا وردة الرابطة
عرفتــــــــــــــــه الفيلم اللي قلتي عنه واااااااااي يابلي الكآبة الصراحة وبين كينغسلي مو نفسه اللي مثل فيلم غاندي؟؟؟؟ اهوا جنه اشتهر بهالفيلم بس صج صج كان فيلم اما house of sand ما عجبني الفيلم وما يندرى عن الرواية لان ساعات يكون اختلاف ما بينهم وانا كارنينيا لا خلاف على رقة الرواية وكلاسيكيتها

​

 

[ra'3ad]

نسيت اعلق على موضوع الاذاعة

انا ماسمع اغاني تصدع راسي .. موسيقى فقط

يا 92.5 او موسيقى kneG

او موسيقى الفرقة اليابانية Final Fantasy امبيـــــــــــــــه مو طبيعية موسيقتهم صج اللي يحب الموسيقى انصحه فيها اذا يصير احط رابط قولولي عشان اسمعكم

وبعد في فرقة موسيقية هم وايد احبها Secret Garden

طبعا الفرقتين تعتمد بموسيقتها بشكل اساسي على البيانو والكمان

لا تقولولي لا شااااااااي ولا قهوة هذه الموسيقى اللي تعدل الراااس :ggdw:​

 

[حبيبه امها]

من احلى الكتب اللي قريتها الخيميائي .. بس فيني لقافه .. اي مسلسل تقصدين لوول

هلا كاميليا ... فعلا الكتاب انا مستمتعه فيه وايد مستانسة اني تعرفت على هالكاتب ...
ودي الحين اشتري روايتة الي قالت عنها رونة

والمسلسل اللة يسلمج اني كنت شارية كتاب عن غيفارا وكنت اكتب حق البنات عنه ... واستانسوا علية وخصوصا لتووول طلع واحد من حبايبها تدرين وايد :eh_s(6):
وطبعا بما انه الكتاب طويل فخليتة على حلقات كل يوم شوية .. واساسا ما كتبتلهم الا 3 حلقات وقفت الشهر هذا ... والحين ما ادري ودي ارد اكتب خصوصا انه مالقوا الكتاب ​

 

[ام حديجان]

السلامـ عليكمـ ورحمة الله وبركاته

شلووونكمـ بنآآت

انـا توني الحين حبيت القرايه .. اول علاقتي مع الكتاب موووشي

اول كتاب قريته توه قبل شهر او اقل ..

ودي باذن الله انظمـ لكمـ واصير من دودات الكتب ..



سبحان الله حسيت شعوور حلوو لما تمسكين الكتاب وتقرين وادشين جوو مع الكاتب واسلووبه .. وتسرحين بتفكيرج وخيااالج ..

اتمنى منكمـ انكمـ تذكروون لي احسن الكتب اللي قريتوها عشان ابدا فيها ..

الحين عندنا الصيف ووو فاضيين .. وانشالله اليوم برووح المكتبه ..

وماعندي خلفيه كللللش عن الكتب الزينه ..

ادري طولت عليكمـ .. بس ابي اسمـ كمـ كتااب من توصياتكمـ عشان اشتريهمـ ..


وسلامتكمـ .. اختكمـ امـ حدحد ​

 

[camilia]

السلامـ عليكمـ ورحمة الله وبركاته

شلووونكمـ بنآآت

انـا توني الحين حبيت القرايه .. اول علاقتي مع الكتاب موووشي

اول كتاب قريته توه قبل شهر او اقل ..

ودي باذن الله انظمـ لكمـ واصير من دودات الكتب ..



سبحان الله حسيت شعوور حلوو لما تمسكين الكتاب وتقرين وادشين جوو مع الكاتب واسلووبه .. وتسرحين بتفكيرج وخيااالج ..

اتمنى منكمـ انكمـ تذكروون لي احسن الكتب اللي قريتوها عشان ابدا فيها ..

الحين عندنا الصيف ووو فاضيين .. وانشالله اليوم برووح المكتبه ..

وماعندي خلفيه كللللش عن الكتب الزينه ..

ادري طولت عليكمـ .. بس ابي اسمـ كمـ كتااب من توصياتكمـ عشان اشتريهمـ ..


وسلامتكمـ .. اختكمـ امـ حدحد ​

حياج اختي .. تبين الصراحة مادري شنو ارشحلج لاني ماعرف نوعية المواضيع اللي تميلين لها .. يعني فيه روايات والروايات تنقسم لرومانسية كوميدية وكلاسيكية وفلسفه ورعب وتشويق الخ .. وعندج كتب تطوير الذات مثل كيفية الفوز بالسعادة و التفوق في العمل الوظيفي ..الخ .. وعندج كتب عبارة عن مذكرات سواء لشخصيات عالمية سياسية فنية اعلامية او لناس عاديين .. هذا غير الكتب الدينية وجذي!
فانتي قولي اي نوع تحبين تقرين وانا ارشحلج كتب من مكتبتي واعطيج نبذة عنهم والاختيار ييعود لج .. والبنات اهني بعد ماراح يقصرون معاج طبعا

 

[ام حديجان]

نسيت اعلق على موضوع الاذاعة

انا ماسمع اغاني تصدع راسي .. موسيقى فقط

يا 92.5 او موسيقى kneG

او موسيقى الفرقة اليابانية Final Fantasy امبيـــــــــــــــه مو طبيعية موسيقتهم صج اللي يحب الموسيقى انصحه فيها اذا يصير احط رابط قولولي عشان اسمعكم

وبعد في فرقة موسيقية هم وايد احبها Secret Garden

طبعا الفرقتين تعتمد بموسيقتها بشكل اساسي على البيانو والكمان

لا تقولولي لا شااااااااي ولا قهوة هذه الموسيقى اللي تعدل الراااس :ggdw:​

لووووووووووووووول

امبيه هذيل Scret Garden موووووصج ..

وثقت بذووقج ورحت حملت لهم البووم كامل

عجييييييييييب .. آآآآآه دشيت جووو خيالي ..

:krkrkr:

خاصتن اذا تقرين شي رومنسي ..


يسلمووووو ​

 

[camilia]

هلا كاميليا ... فعلا الكتاب انا مستمتعه فيه وايد مستانسة اني تعرفت على هالكاتب ...
ودي الحين اشتري روايتة الي قالت عنها رونة

والمسلسل اللة يسلمج اني كنت شارية كتاب عن غيفارا وكنت اكتب حق البنات عنه ... واستانسوا علية وخصوصا لتووول طلع واحد من حبايبها تدرين وايد :eh_s(6):
وطبعا بما انه الكتاب طويل فخليتة على حلقات كل يوم شوية .. واساسا ما كتبتلهم الا 3 حلقات وقفت الشهر هذا ... والحين ما ادري ودي ارد اكتب خصوصا انه مالقوا الكتاب ​

اهاا فههمت الحين سالفة المسلسل .. زين عيل ماطافني وايد عشان اتابع معاكم

 

[ام حديجان]

حياج اختي .. تبين الصراحة مادري شنو ارشحلج لاني ماعرف نوعية المواضيع اللي تميلين لها .. يعني فيه روايات والروايات تنقسم لرومانسية كوميدية وكلاسيكية وفلسفه ورعب وتشويق الخ .. وعندج كتب تطوير الذات مثل كيفية الفوز بالسعادة و التفوق في العمل الوظيفي ..الخ .. وعندج كتب عبارة عن مذكرات سواء لشخصيات عالمية سياسية فنية اعلامية او لناس عاديين .. هذا غير الكتب الدينية وجذي!
فانتي قولي اي نوع تحبين تقرين وانا ارشحلج كتب من مكتبتي واعطيج نبذة عنهم والاختيار ييعود لج .. والبنات اهني بعد ماراح يقصرون معاج طبعا

الله يحييج ..



انا ودي اقرا كتاب استمتع فيه ..

خلينا عالروايات ..

شنوو احلى رواية قريتيها ومانسيتيها ..​

 

[camilia]

الله يحييج ..



انا ودي اقرا كتاب استمتع فيه ..

خلينا عالروايات ..

شنوو احلى رواية قريتيها ومانسيتيها ..​

وااايد واايد لوول .. دخلي هالرابط انا متحجية عن جم رواية وكاتبة نبذة عنهم اللي اهم غادة الكاميليا وقصة مدينيتن

http://q8yat.net/showthread.php?t=265135&page=6

عندج بعد روايات رعب على تشويق اقري اي شي حق الكاتب ستيفن كينج ماراح يخيب ظنج ... اهم شي تقريله رواية
Misery بالعربي تلقينها تحت اسم الشيطانة على ماعتقد او ميزري نفسها ..قصتها الله يسلمج كاتب يكتب قصص تقوم وحدة فيها مرض نفسي تحبسه ببيتها وتغصبه ينهي روايته اللي كان قاعد يكتبها بالطريقة اللي اهي تبيها .. وميزري اهي بطلة الرواية اللي يكتبها الكاتب المحبوس .. والمريضة نفسيا وايد متعلقه بهالشخصيه الخياليه واللي عصبها اكثر ان الكاتب كان مقرر ان يقتل ميزري .. حلووة الوراية ترا بس انا شكلي ماعرف اشوق الواحد على شي لوول !

عندج بعد الخيميائي وايد حلووة وفيها قيم اهو رواية على كتاب تنمية ذات ..قصته ان واحد فقير حلم بكنز مدفون بالاهرامات .. ورحلته الطويله بحثا عن هالكنز اللي (حلم فيه) يعني ماشافه بام عينه .. طبعا رحلته وايد طويله ومر بمشاكل وكل مرة كان قريب من الكنز تصيرله مشكله يا انه ينباق او شي جذي والعبرة بالنهاية وايد حلوة وقيمة .

عندج قصة لوليتا اهي شوي جريئة اقصد وايد جريئة لول بس اعجبتني .. قصتها عن واحد بال40 شي جذي واهو انسان وسخ وجنسي ويحب المراهقات .. ومرة كان مسافر شاف أم عزباء عندها بنت بالا14 فهالمريض النفسي خل الام تحبه وتزوجها عشان يقترب من هالبنت وبعدين ينحاش معاها وتتوالى الاحداث .

عندج بعد رواية الميل الاخضر ..هذي بعد من روايات ستيفن كينج اللي قبل شوي تحجيت عنه .. واااي القصه تقهر.. اللي يقول القصة واحد شايب يذكر ايام كان يشتغل بالسجون وشلون قابل احد المتهمين بجريمة قتل وهالمتهم كانت عنده قدرات خارقة انه يشفي حتى ساعد هالضاابط شخصيا .. والضابط يدري انه برييء من التهم بس لانه أسود ايام العنصرية بامريكا فاتهموه بالظلم .. حتى الضابط تعلق فيه وقرر انه ينحشه من السجن بس المتهم رفض وانه مل من هالدنيا ومن هالحجي

ترا رواااايات وايد ماراح نخلص بس اذكر شي ايي اكتبلج

 

[ra'3ad]

لووووووووووووووول

امبيه هذيل Scret Garden موووووصج ..

وثقت بذووقج ورحت حملت لهم البووم كامل

عجييييييييييب .. آآآآآه دشيت جووو خيالي ..

:krkrkr:

خاصتن اذا تقرين شي رومنسي ..


يسلمووووو ​

زيــــــــــــن لقيت وحدة تعرفهم! كلما اقول حق رفيجاتي محد يعرفهم! بس اشرايج فيهم؟ عجيب مو؟

اذا حبيتيهم اكيد راح تحبين final fantasy لان ارقى واحلى ومتنوع مو بس كمان ايييبلج موسيقى يابانية وبيانو وكمان شي شي مو طبيعي


شوفي اذا توج بتقرين بلشي بالروايات العالمية المشهورة مثل:

انا كارنينيا وذهب مع الريح والكونت مونتي كريستو

او بلشي بالروايات العربية ملوت نجيب محفوظ قصته المشهورة (سي السيد) اهيا ثلاثية قصر الشوق اسمها

وعندج روايات اغاثا كريستي تشغل مخج وتخليج تندمجين

او عندج روايات راااقية وترجمتها اتهبل روايات امين معلوف كله اييبلج شغلة من التاريخ ويكملها برواية من نسج خياله مثل روايته (سمرقند) تتكلم عن واحد يدور عن رباعيات الخيام ويحطلج اشعاره وايد حلوة هالرواية

مادري بعد فيه وايد بس انتي قولي شنو ميولج نفس ما قالت كاميليا! ​

 

[camilia]

زيــــــــــــن لقيت وحدة تعرفهم! كلما اقول حق رفيجاتي محد يعرفهم! بس اشرايج فيهم؟ عجيب مو؟

اذا حبيتيهم اكيد راح تحبين final fantasy لان ارقى واحلى ومتنوع مو بس كمان ايييبلج موسيقى يابانية وبيانو وكمان شي شي مو طبيعي


شوفي اذا توج بتقرين بلشي بالروايات العالمية المشهورة مثل:

انا كارنينيا وذهب مع الريح والكونت مونتي كريستو

او بلشي بالروايات العربية ملوت نجيب محفوظ قصته المشهورة (سي السيد) اهيا ثلاثية قصر الشوق اسمها

وعندج روايات اغاثا كريستي تشغل مخج وتخليج تندمجين

او عندج روايات راااقية وترجمتها اتهبل روايات امين معلوف كله اييبلج شغلة من التاريخ ويكملها برواية من نسج خياله مثل روايته (سمرقند) تتكلم عن واحد يدور عن رباعيات الخيام ويحطلج اشعاره وايد حلوة هالرواية

مادري بعد فيه وايد بس انتي قولي شنو ميولج نفس ما قالت كاميليا! ​

وااااااي شلون نسيت الكونت مونتي كريستو ! جد جد رووووعة هالرواية .. شفت الفلم مالها بعد ونهاية الفلم أعجبتني اكثر من الرواية .. بس تظل رواية من احلى الروايات اللي قريتهم !

 

[ra'3ad]

وااااااي شلون نسيت الكونت مونتي كريستو ! جد جد رووووعة هالرواية .. شفت الفلم مالها بعد ونهاية الفلم أعجبتني اكثر من الرواية .. بس تظل رواية من احلى الروايات اللي قريتهم !

نفس رايي بالضبط انا عجبني الفيلم اكثر بواااااااايد من الرواية (اول مرة تصير معاي) العادة الرواية تكون احلى

والنهاية وايد مغيرين فيها !! جزء الانتقام بالفيلم كله مو موجود بالرواية بس صج صج من احلى الروايات نفس ذوقي :ggdw:​

 

[Little_Queen]

بنات
كلكم احبكم

كلكم تهبلون

وايد مواضيع رح ارد عليكم انشالله بس


ونااااااااااااااااااسة ايدي ترجف و قلبي يرقععععع


انا قاعده اكلمكم من الكلية .... توني نازلة من عند دكتورة المحااااسبة

نججججججججججججججججججحت


نججججججججججججججججججججججججججحححححححححححححححححححححححححت !

 

[ra'3ad]

بنات
كلكم احبكم

كلكم تهبلون

وايد مواضيع رح ارد عليكم انشالله بس


ونااااااااااااااااااسة ايدي ترجف و قلبي يرقععععع


انا قاعده اكلمكم من الكلية .... توني نازلة من عند دكتورة المحااااسبة

نججججججججججججججججججحت


نججججججججججججججججججججججججججحححححححححححححححححححححححححت !

الف الف الف مبـــــــــــــــــــــــــــــــــــــــــــــروووووووووووك

:nbvppw:

تستاهلين كل خير يلا عاد نبي حلاوة النجاااااح :eh_s(6):​