your favorites..أغراضج المفضله بالشهر :))

[manoooram]

لوليتا حبي الصور مو طالعه

 

[لــوليتـــا^88]

صج انا بالاب والايفون طالعين عندي :/

 

[raneen]

قوووه ياحلوات بالعافيه عليكم مشترياتكم....

لوليتا الصور طالعين عندي وبالعافيه عليج حبوبه....

 

[manoooram]

لوليتا الشرف لي الغاليه
الصور طلعت تتهنين يا قلبي

 

[لــوليتـــا^88]

الله يعافيكم حبوبات

 

[PuPa^^SWeeT]

اب اب اب
اب اب
اب

 

[لــوليتـــا^88]

بدال لا يكون الاغراض المفضله كل شهر راح نخليها بأي وقت لان اكتشفت مو شرط كل شهر يكون عندي شي حابته غير عن الشهر اللي قبله
يلا نبي مشاركات مافي حس بالموضوع كلللش

 

[يــــارا♥]

موضوع حلووو حبيت اشارك :eh_s(9):
واااااايد اشياء عجبتني بس باحاول اختصر واذكر كم شي

1- Kiehls Ultra Face Moisturizer
مرطب للوجه من كيلز

صارلي فترة طويـــــــــــــــلة ادور على مرطب للوجه بس اغلب الي استخدمتهم
كانوا ينشفون بسرعة او يكونون ملزقين ((باختصار)) ما ينفعون بس رفيجتي نصحتني
استخدم هالكريم وبصراحة فضيييييييييييييع يرطب بشكل غير طبيعي ويخلي
الوجه نااااااااعم ومناسب جدا خاصة قبل المكياج وانصحكم فيه :rerrerek:


2- Nars Illuminator

كريم اضاءة للوجه يستخدم كبلاشر او هايلاتر وفي كذا درجة
والحلو انج اذا استخدمتي كمية قليلة اتحصلين النتيجة المطلوبة
الي عجبوني Orgasm وCopacabana

Orgasm

عالايد

(اللون في الصج اخف من جذي مع الدمج)

Copacabana

عالايد

لمعته وايد حلوة بس اقوى شوي من الثانية



3-نظارة شانيل

احبها واايد عملية


4- Nail Polish H&M

ماتوقعت انه بيكون حلو لما شريته بس لما جربته لقيت انه لونه صج حلوو
وحبيته خاصة حق الصيف وابي اجرب الوانهم الثانية


5- Cover Crystal

انا اموووت علي الاشياء الي تلمع فلما جفت هالكفر قلت لاااازم اخذه خاصة
انه بالصدفه لقيت كفر بالموقع على اسمي (حسيت انه يناديني لوووول)*



وبسسسسسس
اتمنى الموضوع يستمر عشان الكل يستفيد :eh_s(7):
​

 

[لــوليتـــا^88]

يــارا منووره بمشاركتج
انا مجربه إضاءة نارس الصوره الاولى وايد عاجبني

 

[منيره84]

موضووووووع بقمة الروعة والتجديد والفائدة الله يعطيج الف الف عافيه

 

[manoooram]

up up up up up

 

[أحلى من الخيال]

عليكم بالعافية​

 

[manoooram]

يــــارا♥
عليج بألف عافيه مشترياتج اتينن
هايلايتر Nars رهيب وكفر الفون رووووعه

 

[Melazlaza]

الموضوع عجيب
برجعله

 

[لعبة ايام]

لي عودة ان شاءالله

 

[SaD FaCe]

خوش موضوع ..

بس باليت توفيسد كلش كلش مو حلوووو الالوان ماتبين الا لما اغمج عليها ..

مشكوره :*

 

[يــــارا♥]

يــارا منووره بمشاركتج
انا مجربه إضاءة نارس الصوره الاولى وايد عاجبني

لــوليتـــا^88 حبيبتي النور نورج اي والله وايد عجبني

يــــارا♥
عليج بألف عافيه مشترياتج اتينن
هايلايتر nars رهيب وكفر الفون رووووعه

الله يعافيج حبيبتي manoooram من ذوقج


يالله بنات وين اغراضكم المفضلة بالشهر الي طاف​

 

[Twilighteya]

الموضوع صار صخه وينكم بنات . بصور اغراضي وبرجع لكم .

 

[دانه بين البشر1]

اب اب الموضوع عجييييييب

 

[Twilighteya]

اغراضي المفضله لشهر 6 ...

ابتدي بالملابس ..

المنقط polka dots وواجد حبيت هالموديل وودي البسه بس للحين مو عارفه شنو اركب معاه



تنوره هاي ويست عجيبه تطلع الجسم سمبتيك



تنوره تشوق كيوت خذيت منها 3 الوان وكان وقت تنزيلات عالبضاعه فاستغليت الفرصه



توب اعجر اقول عنه راقي وروعه باللبس




حبيت لون هالتوب فاقع وحلو للصيف . العاده ما البس فاقع بس هذا شوقني وتجرأت خخخ




نفنوف دانتيل مو طبيعي باللبس





نجي الحين للاكسسوارات لهالشهر ...

بانداتي المفضلين



الجنطتين اللي هابه فيهم حاليا



واخيرا ..



نبتدي من اليمين ..

1) Jergens natural glow يهبل يهبل يهبل لوشن تحطينه لمدة اسبوع ويعطيج تان خفيف اللي يصير مايل على ذهبي مو برتقالي وما فيه ريحة حنه كلش اشكر صاحبة الموضوع عرفتني عليه من خلال عرضه بهالموضوع.
2) بودر بوندس البنفسجي اموت على ريحته وزوجي يستخف علي اذا حطيته "نقزه يا متزوجات اشتروه "
3) حبيب قلبي عاد هذا غسول كيرفري الجديد بالصبار احلى بواجد من القديم ومو مفكره اغيره ريحته نظاااااااافه.
4) عطر جوفان وايت مسك مال الفلبن احبه مع انه رجالي خخخ.
5) لوشن بلوك اند وايت بابايا ريحه منعشه ونعومه وتفتيح بسيط واعتمدته لوشني المفضل.
6) واكس للشعر VO5 بيرفكت اذا كان شعرج بوي وبتسوين فيه حركه.
7) بانانا بوت سن تان سبراي الجديد . واااو صراحه انا قبل كنت استخدم بانانا بوت العادي بس هذا ثبت لون التان اكثر وواجد طلع لوني حلو وبسبته ابي اصبغ اشقر علشان يكتمل اللوك بس ناطره شعري يطول.


وthat's it for this month

see ya girls !!