Xx نقاط الضعف والقوه في مناهج العلوم الحديثه xX

[mimi_el3so0ola]

سلااام عليكم مدرسات ^____^ شخباركم ؟

ادري اذيتكم بأسئلتي عن العلوم بس والله مالي غيركم وحيييل تهمني آرائكم خواتي ،

بصراحه انا عندي تكليف يخص مناهج علوم الصف الثالث الابتدائي ،
<<<< بس ممكن اسمع آراء تخص مراحل ثانيه بالعلوم مو مشكله يعني ..

.. أبي أستفسر منكم - وبالذات مدرسات العلوم - شنو برايكم نقاط الضعف والقوه في المناهج اليديده ؟

وشنو ملاحظاتكم ع الكتب الدراسيه وماتحويه من معلومات .. او تعليقاتكم على طريقة التحضير المطالبين فيها ؟؟

وهل تعتقدون ان كمية المعلومات كبيره او صعبه ومعقده ع الطفل او عاديه ؟؟


..:: يليت اللي بترد علي ماتقصر بردها ^___^ خاطري اسمع أكثر منكم ورايكم يهمني من كل النواحي أبلات ^^

يليت تطلعون كل اللي بقلبكم ، سواء كان ايجابي او سلبي بخصوص مناهج العلوم الحديثه .. وخصوصا الصف الثالث الابتدائي!


" ويعطيكم العافيه مقدما ولكم جزيل الشكر مني ،،

 

[منوره حياتي]

بصراحة المناهج فيها غلطات علمية كثيرة والترجمة مو مضبوطة وفيه كلمات أكبر من مستواهم اما الصعوبة مااعتقد فيه صعوبة

وشوفي بالنسبة للتحضير ريحنا من الابداع اللي في السابق واذا تبين زمن الحصة يكفي التزمي ببنود التحضير وعطي النشاط اكبر وقت

 

[روح عاشقها]

الصراحة ياحلوة المناهج حيل حيل معقدة والترجمة كلها بدليات والمعلومات احسها كبيرة حيل عالبنات
والله انا اكثر من مرة اوقف بنص الحصة مو عارفة اشلون اوصل المعلومة حق البنات والله الله يعينهم
والانشطة احسها زيادة عن اللزوم بس الحسنة الوحيدة بالمناهج الجديدة ان التحضير جاهز عندج وسهل ليتهم مسويين جذي عالمناهج القديمة كنا حيل مرتاحين طبعا قبل الملف الانجازي

 

[طعزة]

صراحة المناهج حلوة واتحسين الطلبة لما يشتغلون بايدهم قاعدين يفهمون بس العيب الوحيد اهو الفوضى من الطلبة لما نسوي الانشطة ودج يكون عدد الطلبة اقل عشان نسيطر عليهم

 

[mimi_el3so0ola]

والله انا وايد اسمع من الاهالي انهم ضايعين بالمناهج مع عيالهم ومو عارفين يدرسونهم @@ اذا مدرسات اسمع انهم مو عارفين للمناهج الحديثه .. شلون الاهالي !!

خاصه انهم كاتبين بنهاية كتاب التطبيقات بالاخير >> الى الاهل يعني مشركين الاهل في العملية التعليميه !!

بس حسب ما سمعت انه فيه عملي وااايد وانشطه منوعه ^^ يعني بعض المدرسات عاجبتهم هالنقطه لان الطفل يجرب بإيده يعني


أحب أسمع أكثر من آراءكم خواتي ~.^ يليت ماتبخلون علينا بتقديم المزيد من الآراء !

.. وشاكره للي أبدوا رايهم والله ^____^ ماتقصرون قلبوشات ،


& تاااااااااانكيوو ،،

 

[سبائك]

انا ولية امر اسمحيلي اقول رايي

بصراحه المنهج حيل دسم بدون هدف

يعني انا عندي بخامس وعندي بثالث اثنينهم ادرسهم دورة حياة الضفدع !!!!!

وحرام ولدي داش المدرسه مبجر مواليد شهر 1 فاحس ان انظلم بكمية المعلومات الي لازم يحفظها بالعلوم

 

[mimi_el3so0ola]

انا ولية امر اسمحيلي اقول رايي

بصراحه المنهج حيل دسم بدون هدف

يعني انا عندي بخامس وعندي بثالث اثنينهم ادرسهم دورة حياة الضفدع !!!!!

وحرام ولدي داش المدرسه مبجر مواليد شهر 1 فاحس ان انظلم بكمية المعلومات الي لازم يحفظها بالعلوم

.. معاج حق اختي @@ انا بعد عندي خواتي وحده بثالثه والثانيه بخامسه ..
وامي وااايد متأذيه معاهم =\ حدها مو عارفه تدرسهم شي ،
فقامت شرت لهم مذكرات من المايسترو او شي جذي .. وهم تقول احس الماده دسمه عليهم ،

مع اني احس ان افضل لهم لو كانت الماده دسمه من صغر !!
انا وايد اسمع ان مخ الصغير ممكن يتقبل المعلومات بشكل اكبر من لو كان بعمر كبير .
ولو تلاحظون ان بالمدارس الخاصه جذي مناهجهم ويمكن اصعب .. لا وبالانجليزي بعد !!!
بس يمكن لان بالمدارس الخاصه .. مدرسينهم Top عكس المدارس الحكوميه @@ تتوقعون كلامي صح والا انا غلطانه ؟

 

[سبائك]

حبيبتي المناهج عندنا لو بتشوفين حشوووووووو عالفاضي

على قولة اختي تقول لما رحت الجامعه تخصص محاسبه ماياني ولاشي من الي درسته بالرياضيات في المدرسه!!!!!!

عيل شفايدة الدراسه كل هالسنين:eh_s(1):

بعدين لازم يحطون ببالهم الفروقات الفرديه بين الطلبه

في طالب نبيه وشاطر يلقط المعلومه من الابله حتى لو كان يسولف ويشاغب

وفي طالب قدرته على قده يجتهد وينتبه للابله بس ماكو فايده غصبن عليه استيعابه قليل

 

[mimi_el3so0ola]

تصدقييين @@ انا بعد احس لو تخرجت من التطبيقي واشتغلت .. ما راح استفيد ولا شي من اللي درسته !!
احس فعلا ان المناهج بصوووب ودراستي انا بصوب ثاني =\

الله يستر جان مايردون يعفسون بالمناهج ع السنه اليايه .. والله محد ماكلها غير اليهال مسكاين !

لا وببداية السنه سوو اجتماع مع الامهات يقولون لهم احنا ندري ان المناهج دسمه ع الطلاب @@ بس لا تقولون لهم عشان نفسياتهم ما تتأثر !!!
اي شي والله ،

 

[mimi_el3so0ola]

مافيه آراء جديده @@ أكتفي بالآراء اللي عندي يعني ^^ ؟

يعطيكم الف عافيه جميعا ^___ والله ماتقصرون خواتي ،
ربي يوفقكم كلكم

سواء اللي شاركوني بآرائهم الحلوه او اللي اطلعوا ع الموضوع بس

 

[ضحـاوي]

انا مو ابلة علوم بس بشارككم كولية امر

الماده قبل كانت ماده سلسه وممتعه للابتدائي

الحين صارت صعبه شوي ودسمه

 

[mimi_el3so0ola]

انا مو ابلة علوم بس بشارككم كولية امر

الماده قبل كانت ماده سلسه وممتعه للابتدائي

الحين صارت صعبه شوي ودسمه

بالعكس حبوبه ^__^ انا يهمني اسمع راي كل من يهمه الامر ،
سواء مدرسة او ولية امر او حتى طالبه

شاكره لج مشاركتج غلاااتي ^^

وكولية أمر فمثل ماذكرت والله وايد اسمع من اولياء الامور انهم حيييل مستصعبين المناهج اليديده ،
وللأمانه بعد أعرف مدرسات هم متضايقين من اللي حاصل من تغيير للمناهج !!

بس حسبت ماسمعت من بعض التلميذات اللي سألتهم انهم مرتاحين من المناهج اليديده كونها أكثر متعه ،
وخاصه انهم يعتمدون على كراسة التطبيقات في نهاية الحصه ويشتغلون بايدهم ويجربون كل شي .. يعني كل طالبه على حده
.. اما ع المعلومات فعندهم عااادي << مو حاسين بالصعوبه اللي الكبار ذايقينها ^^

يعطيج الف الف عافيه حبيبة قلبي ع المرور الكريم والله


& تااااااااااااانكيوو ،،

 

[حبووبة 76]

الماادة مملة

وما أدري ليييش هالتفلسف وتغييير الماادة اللي قبل !!!

أنزييين جاا خلوو نفس المادة وبس جددووا بالصور وغلاف الكتاااب مو جذي !!

والكتاااب العملي كله على رااس الأهل مثل العلووم والرياضيااات !! انزييين ويين المعلمة اللي ما تحل الا 1 % من المعلومات والباجي وااااجب


على فكرة بناتي

وحدة بثاني ووحدة بثاالث .. ومدرستهم أحد مداارس العاصمة ....

 

[PoP-CoORn]

بالعكس انا شوف ما دة العلوم حييييييييييل ممتعة وكلها تجارب احسن من الكتب القديمة اللي المعلومات فيها مالها معنى مثل ننام بالييل ونستيقظ بالصباح ونلبس ملابس ثقيلة بالشتاء وملابس خفيفة بالصيف والشمس تظهر بالصباح والقمر بالليل باللة عليكم هذي معلومات تدرس بالابتدائي هذي حتى اطفال الروضة يعرفونها
نحن معى تطوير المناهج ومواكبة العصر

وبالنسبة اللاخت اللي تقلول مدرسين الخاصة توب

انا اقولج مو كلهم توب بس المناهج قوية المعلومات اللي ياخذها طفل اولى ابتدائي بالحكومة

ياخذها الطفل بالخاص بمرحلة الروضة