السلام عليكم
ما أدري أن شفتوا صور إعلان بالشوارع فيه صورة شاب يغمز وبنت تغمز ومكتوب wink ومعناتها غمزة
والإعلان مبهم بس برأيي قلة أدب ومصخرة
واللي يثير الضغط أن حتى المساجد ما أحترموا مكانها حاطين إعلانهم بحجم كبير وفيه حرمتين ويغمزون وكاتبين الغمزة بيني وبينج . يا سلام هذي آخرتها مسخرة
المهم مع أني ما أحب اللي يخربون بس من باجر مريت عند المسجد لقيتهم راشين صبغ على الإعلان وما ألومهم لأن فعلاً حدها قلة أدب ناس تروح تصلي وتشوف الدعوة لقلة الأدب جدامهم
وبحط لكم صورة الإعلان المرشوش لووول
هذي صورة الإعلان من قريب
وهذي صورته عند مواقف المسجد
حبيبتي شنو قلة الادب والمسخرة اللي موجودة في الاعلان ؟؟؟ ويه المرة و الريال و اهمه يغمزون شنو المسخرة بالموضوووع ؟؟ لا اهم حاطين وحدة مرصرصة بلبس و لا حاطين احد بدون ثياب !
حاطين صورة وحدة و كاتبين كلام (بيني و بينج )يعني حاطين وحدة تعلن حق حريم ,, شنو الغلط ؟ ليش بالكم كله يروح صووب قلة الادب و المسخرة :flower: ليش التفكير ياخذكم لأوسخ المواضيع ؟؟
:gr4uu:و بصراااحة شي مو حضاري انه الناس يخربوون اللوحات ,, الواحد يحاول يسنع بديرته مو يخربها ,,, مو عاجبهم الاعلان يروحون يشتكوون و الحكومة اتيي اشيله من عرجه و ما يخلوونه شعره منه ,,
بصراحة انتووو جذي اتحبطوون شركااات التسوووويق و شركاات الاعلانات ,, عسى ما حطوو فكرة الا دقرتووهم و تطنزتو عليهم و حقرتووهم ,,, ترا اغلبهم موظفين كويتيين من خيرة شبابنا المتعلمين الواعين ,, انتوو جذي اتكسروون مياديفهم ,, انتووو للحين ما عرفتووو شنو اهوو المنتج ما عرفتوو خيره من شره بس مسرع ما نتفتووو الاعلان و طلعتووه ضد الاخلاق و يحرض على الرذيلة و الفسق و الفجووور و طلبتووو القصاص !!
شوي شوي عليهم ,,,, خفووو عليهم ,,,,
