weight loss success stories

[ام بنتها]

مشالل الله يتمم عليج
ستاف شدي حيلج و انا و كل البنات وياج انشالله انا بعد ماكو اراده و اسوي الرجيم نص يوم بس صيره بس اكل و لي كليت اتحسف بس شالفايده و زوجي يبيني أضعف و انا ماكو احساس
انا قبل لا اتزوج كنت ضعيفه و الجسم شحلاته الحين جسمي مأسااااااة و كل مكان سترج مارك و لازقه بالعبايه أستحي ألبس و مالي خلق اطلع مع ريلي لاتي لي طلعت اتحبط من جسمي
و احسه مل و ماقام يصدقني لاني اقوله بسوي رجيم و بلتزم و يوم بس و ثاني يوم ارد اكل انشاله انشالله اطبق رجيم حيا ريلي و مشكوووووووره ما تقصرين عالرجيم و الله يتمم عليج و تضعفين بصح و عافيه و تردين منيكاان حق زووجج ياااااارب

 

[oum 5ald]

قوووه ..

انا الله يسلمج كنت متينه من وانا صغيره وعمري ماسويت رجيم ونجحت فيه ..
قبل جم سنه سويت بالون معده وكان عمري يمكن 15 سنه بس وماكو فايده شلته ووزني 86

اكلت حبوب زين الاتات الخضر عقب ماشلت البالون يمكن 3 شهور وصار وزني 69 وكان جسمي اينن بس مايخلى من الكرش وكان عمري 17 الا جم شهر ..

تزوجت وكان وزني ثابت عال 74 وكان عمري 17 لووول
وبعدين نزلته صار 70 ورديت اصعد شوي شوي ايام المطاعم اقصد ايام الملجه لووووووووووول لين صار 79 وحملت ..
انا حملت ولا انفجرت ..؟
لووووووول يمكن انفجرت لووووووووووووول وطلع مني بيبي نتيفه وزنه 2 ونص بس
وكان وزني وانا حامل 100 كيلو وعمري 18 لوووووووووووووووووووووووووول

طلعت من الاربعين وزني 88.8 ..
ومابقاااا شي ماااجربته .. بس ماكدونلدز وربعه ماخلولي شي
المهم بعد معاااناااة وصلت وزني 73 باللللعززززررر لووووول
يومين رجيم وعشره بلع لووووووووووول

المهم رديت قاعده اصعد ماكو اراده

وحدي ضايق خلقي يعني الحين عادي وزني 78 وشوي

بس قياسي تغير اليوم شريت حق العيد مقاس 44 بعد ماكنت البس 50 او 48 ..
ادعولي تكفوووووووووووووووووووووون ترد ارادتي نفس اول وارجع انزل
انا موووغاااثني الا كرشي اللي جنه لسان بقره متدندل وشكبره

وسوري عالاطاله حبايبي لووووول تو الناس ادري ...

 

[حياة ريلي]

ام بنتها يالغالية و الله ترى العباية هي سر عدم ارادتج !!
اولا تعطيج احساس خاطيء بشكلج يعني تضعفج ..
ثانيا اذا زدتي 3 او اربع كيلوات ما تحسين فيهم
ثالثا اذا ادبتي جسمج يتادب يعني لبسي حتى لو مو حلو او وسيع بس المهم البنطلون يكون حدة حدة عشان بس يزيد الوزن كيلو او تثقلين بالاكل و البنطلون قام يضايقج بعد الوجبة الدسمة تتادبين و تحترمين نفسج !!
بعدين لا راح الريل اسم الله عليج بتضعفين من الحسرة الله يكافينا وياج الشر .. كل ما رحتي الثلاجة او انعزمتي تخيلي يطالع وحدة ضعيفة و انتي بتنسد نفسج اسفه اني صايرة شريرة معاج بس والله عشان مصلحتج ..
نصيحة راح تنفعج واااايد : طلعي كل الكاكاو و البطاط و الكيك اللي في بيتكم عطيهم بيت امج مثلا , لا تروووووووحين عزايم وقت العشا او الغدا !! اذا استلزم الامر دشي و طلعي قبل لا يحطون الاكل و كوني ماكلة ببيتكم اكل رجيمج بعدين طلعي .. و كثر ما تقدرين تحاشي العزايم !! و لا تقولين لاحد مسوية رجيم .. اولا عشان الحريم من يدرون وحدة مسوية رجيم ما يرتاحون لما يتسلطون عليها : و الله ما يبيلج ضعف .. عشاني هالمرة اكلي و بدي من باجر .. اشدعوة على حظ عزيمتي مسوية رجييييم !!
و الله انا تنبط جبدي من اللي يسوين جذي بالعالم !!
ثالث شي طلعي مع ريلج لو انتي عرض الكبت !! يعني هم متينة و هم كله عباية و هم ما تعطينه ويه انتي بايعه ريلج !! حبيبتي لا تزعلين بس لازم اقولج الواقع و اصدمج شوي :*
شوفي يا حبيبتي ابتدي برجيمي على طول و الله يضعف انا مستمرة علية وانا كل يو ادش المنتدى عشان انشجع بعض انا و انتي واي احد يحب ينضم حتى لو برجيم مختلف

 

[حياة ريلي]

ام خالد حبيبتي جم عمرج ؟
احلى ايام عمرج متينة !! ترى انا بس ازف !!
بعدين لا تتحججون بالبيبي هذه مشكلتكم يا بنات الكويت
ما تشوفون هالاجانب يجيبون البيبي من هني و البطن لازق بالظهر من هني !!
بعدين هذا انتي قلتيها البيبي كيلوين و نص لو بنقول وزن الماي 10 كيلو و الباقي حجية ؟!!!
حياتي انتي مو عشان حامل تاكلون اللي تبونة .. انا امي عمرها خمسين و احنا 8 و اضعف مني ما شاء الله تبارك الرحمن
كل ولاداتها بره و من تحمل اتابع مع دكتور تغذية لما تولد تكون اضعف من يوم احملت اسم الله عليها
بعدين من تولد كله قيصرية من ثاني يوم يدزونها دز بره الفراش هالامريكان و يقولونلها امشي و مو عشان الجرح مثل ما هالناس عبالهم لا , عشان عضلات البطن مقصصة تقصص اسم الله عليكم من العملية فما يبونها تخمل و احنا هنييييي لا تقومين لا يطقج هوا بالله شنو يعني يطقني هوا وعلامهم هالاجانب ما يطقهم هوا و علامه الهوا ما يطقني طول عمري الحين بيطقني يقولونلج رحمج مفتوح شنو يعني هو دكان مفتوح !! ما انتي لابسة و الا مفصخة شلون بيدش الهوا .. و الطامه العظمى هالكورسيهات اللي لا تشد ولا طل الا ترخي اكثر لا بطنج و انتي بتعتمدون عليه لازم بروج تشفطين بطنج و توين تمارين من ثاني يوم ولادة .
يا بعد عمري انتي و الله التزمي برجيم و تابعي معانا او مع اي مجموعة او طبيب و صيري منيكااااااان و الله يخلي لج خلود :*

 

[ستاف]

مشالل الله يتمم عليج
ستاف شدي حيلج و انا و كل البنات وياج انشالله انا بعد ماكو اراده و اسوي الرجيم نص يوم بس صيره بس اكل و لي كليت اتحسف بس شالفايده و زوجي يبيني أضعف و انا ماكو احساس
انا قبل لا اتزوج كنت ضعيفه و الجسم شحلاته الحين جسمي مأسااااااة و كل مكان سترج مارك و لازقه بالعبايه أستحي ألبس و مالي خلق اطلع مع ريلي لاتي لي طلعت اتحبط من جسمي
و احسه مل و ماقام يصدقني لاني اقوله بسوي رجيم و بلتزم و يوم بس و ثاني يوم ارد اكل انشاله انشالله اطبق رجيم حيا ريلي و مشكوووووووره ما تقصرين عالرجيم و الله يتمم عليج و تضعفين بصح و عافيه و تردين منيكاان حق زووجج ياااااارب

[اميييييييييييييييييييين اجمعين ]
بس انتي لا وايد تتحبطين وحاولي تلبسين وتكشخين من المحلات الخاصه بالاوزان و المقاسات الكبيره انا اسوي جذي ما اقدر وايد احبط من نفسي على الاقل جدام عين الريل واطلع معاه بعد على سنكت عشره (بس بعد الطلعات قلت احس دايما اقول حق نفسي باجر اضعف وطلع معاه وانا باينه اصغر مو العكس الحين جني انا الاكبر والمنه على هالمتن الله يكافينا شره ) شدي حيلج وان شاء الله نوصل

 

[ستاف]

هلا والله بالغاليه حياة ريلي نورتي وحجيج بعد يرد الثقه والروح حق الوحده بس ياربي الوحده فينا جنها تعاند روحها وصحتها ؟؟؟
وانا اخر ولاده لي قيصريه وطبعا الحجي اللي قلتيه مال الهوا قالولي اياه وانا ادري انه مو صج والحمد الله كنت امشى واقوم وتحرك ورضع ولدي بس كنت خايفه لاني متينه ههههههههههههه خخخخخخخ
الله يهديني والتزم من باجر ادعولي يارب التزم صح مو اسبوع وطناش

 

[حياة ريلي]

ستاف حبيبتي من بعد اذن صاحبة الموضوع احنا بنتجمع هني كل يوم و نشجع بعض و نعلن الحرب على العصلاااات خطافاااات الرجااااله صار فلم مصري على فكرة اليوم لي خامس اول يوم كان وزني 88.9 و اليوم 84.4 يعني 4 كيلو و نص !! مع رجيم بدر النصر الله الله يوفقه ان شاء الله و من غير رياضة و لا حتى شوي لان مانعني من الرياضة هالاسبوع عشان يشوف معدل النزول عندي قالي لا تتوقعين وايد حدج كيلو واحد بس ابي اشوف ويهه لما اوقف عالميزان و نازلة 5 !! على فكرة انا اكل تقريبا كل ساعة @@
اي حاطلي فطور وسحور و بينهم ارررررربع سناااكات يم يم

 

[oum 5ald]

ام خالد حبيبتي جم عمرج ؟
احلى ايام عمرج متينة !! ترى انا بس ازف !!
بعدين لا تتحججون بالبيبي هذه مشكلتكم يا بنات الكويت
ما تشوفون هالاجانب يجيبون البيبي من هني و البطن لازق بالظهر من هني !!
بعدين هذا انتي قلتيها البيبي كيلوين و نص لو بنقول وزن الماي 10 كيلو و الباقي حجية ؟!!!
حياتي انتي مو عشان حامل تاكلون اللي تبونة .. انا امي عمرها خمسين و احنا 8 و اضعف مني ما شاء الله تبارك الرحمن
كل ولاداتها بره و من تحمل اتابع مع دكتور تغذية لما تولد تكون اضعف من يوم احملت اسم الله عليها
بعدين من تولد كله قيصرية من ثاني يوم يدزونها دز بره الفراش هالامريكان و يقولونلها امشي و مو عشان الجرح مثل ما هالناس عبالهم لا , عشان عضلات البطن مقصصة تقصص اسم الله عليكم من العملية فما يبونها تخمل و احنا هنييييي لا تقومين لا يطقج هوا بالله شنو يعني يطقني هوا وعلامهم هالاجانب ما يطقهم هوا و علامه الهوا ما يطقني طول عمري الحين بيطقني يقولونلج رحمج مفتوح شنو يعني هو دكان مفتوح !! ما انتي لابسة و الا مفصخة شلون بيدش الهوا .. و الطامه العظمى هالكورسيهات اللي لا تشد ولا طل الا ترخي اكثر لا بطنج و انتي بتعتمدون عليه لازم بروج تشفطين بطنج و توين تمارين من ثاني يوم ولادة .
يا بعد عمري انتي و الله التزمي برجيم و تابعي معانا او مع اي مجموعة او طبيب و صيري منيكااااااان و الله يخلي لج خلود :*

بكمل 19 يوم 23-9

شفتي شلون احلى ايام عمري راحت بالمتن
انا ولادتي كانت قيصريه وكنت امشي ومالي شغل بعيون الناس ..
ان شاء الله .. بس مفكره ما اضغط على نفسي برمضان وبعد العيد انظم وقتي واسوي رجيم ..
لأن نومي معفوس وندور للعيد ..
بس والله اكلي مو نفس قبل .. قمت بسرررعه اشبع ..
ان شاء الله خير ..
قست وزني اليوم 77.2 وميييته لو قبل العيد يصير وزني 70 ولا 72 راضيه لووول
بخاطري بس 5 كيلو .._03ba:

 

[ستاف]

حياة ريلي الموضوع اساسا للتشجيع ومشاركتم فيه احلى تشجيع وام خالد العمر كله ان شاء الله وتضعفين بالصحه والعافيه ويله خل نتشجع واهم شي اليمعات وقفت الاسبوع الياي حق التشري والتنضيف للعيد فحتى لوا نقص 3 كيو احس احسن من ماكو والله كريم
حياة ريلي keep going وانا وام خالد let's start ويارب تثبتنا ونقدر نواصل

 

[حياة ريلي]

بناااااات النجدة امس ياتني الدورة بعد الفطور ما خليت حلو بالبيت ما اكلته اهيء اهيء اليوم قعدت وزني زايد كيييييلوووو لاااااااا عفية يا بنات وحدة فيكم تبتدي وتشجعني والله حاسة بالقهر

 

[ستاف]

طبيعي اللي مريتي فيه لان الدوره الشهريه تبي طاقه تساعدها على النزل بسهاله فعادي تلجئين للحلويات والكيلو اللي زدتيه كان كيلو من الماء
اكيد من كلام الدكتور قالج بس كيلو بس الظاهر جسمج وايد حابس ماي لما بديتي بالرجيم فنزلو بسهاله ومعروف مع الدوره الهرمون عند بعض النساء يحبس الماي بالجسم فا لا تخافين وكملي عاديييييييييييييييييي
انا اليوم وزنت ناقصه 500 جرام نعمه احسن ما ازيدهم وناسه وشدو الهمه الظاهر من المشى امس +تخفيف في الاكل
ولنا عوده

 

[oum 5ald]

انا قاعده استعمل خلطه حق الجسم ..
عاد امس حطيتها 4 ساعات وعقب مشيت مشي سريع هد حيلي نص ساعه ولعبت عالكريزي فت 20 دقيقه ..

بس انا كنت ماكله كنافه قطعه كبيره حيل فخربت على عمري ..

بالنسبه للأكل ماودي اضغط على عمري مع ان المفروض اضغط على نفسي ودي اطلع طلعه بالعيد ..
بس مادري يعني عالفطور ما آكل وايد والسحور صمونه بس شوفي من اي مطعم لوووول

البلوه بالحلو اللي آكله ..

اليوم بكتفي بالسوق لأن فيني النوم .. حدي دايخه بس بتسبح وبنام لوووول حتى بخلي الخلطه بس ساعه على جسمي ..

ماشفت منها نتيجه مع ان البنات شافو نتيجتها من 3 يوم مصدومين منها ..
مادري ليش ..؟

ادعولي لوووول ..

وعاااشت ستاااف

 

[حياة ريلي]

ايواااااااااااااا تعجبيني يا ستاف تخيلي لو كل يوم نص كيلو شنو تاكلين فضفضي يا بنية قولي
عاشت ام خالد .. شوفي حبيبتي صراحة خلطات خارجية ما تنفع, داخلية يمكن بس خارجية صعبة فكري فيها اذا كل شي نحطة على جسمنا من برة يدش لي الدم جان احنا من زمان مفنقشين و دمنا كلة بيبي اويل و عطور و مكياج !! حبيبتي الجلد الله خالقة عشان يحمي الاعضاء الداخلية و يصير عازل مو موصل لا تعبين نفسج بعدين الكنافة حرقتيها بالمشي السريع و ما يضر بس من غيرها احسن يختج مافي احلى من الاناناس الفرش و الخوووووووخ العسل البارد اللي كلة ماي يسرسح عالقلب من زين الكنافة عاد !! لا تمتنعين حتى اذا اشتهيتي حطي لج يوم فري بس مو تبدعين و تطيرين اللي ضعفتيهم ديري بالج يعني اكلي سندويشة مو لازم وجبة باليوم الفري واكلي نص قطعة كنافة مو لازم كاملة و بس و سوي رياضة و ردي على رجيمج عادي .. يعني مو اليوم كله فري
على فكرة رحت اليوم حق الدكتور بدر وطلعت نازله 3 كيلو لاني صارلي يومين ما اسد حلجي .. عطاني رجيم ممتاز واحد حق هالاسبوع و واحد حق السفر لاني بسافر السبت ان شاء الله , اثنيناتهم عجيبين اللي بالسفر اكل عادي من مطاعم و ككاو و كيك وجذي واللي بالكويت هم زين , وهو كالتالي :
عند الاذان >>>>> 2 قلاص ماي + 3 تمر + 5 حبات مكسرات اي نوع و لكن نية منغير نكهات او ملح
بعد نص ساعة >>>> مشوي + سلطة
بعد الفطور بساعتين >>>>2 حبة فاكهة
الساعة 11 >>>>>حبة فاكهة وحدة
السحور> >>>>> الخيار الاول : شوربة + سلطة
الخيار الثاني : روب + سلطة

 

[ستاف]

وايد حلو الرجيم وان شاء الله تستانسين بالسفر ومبروك النزول وشدي الحيل
ام خالد والله اختي حياة ريلي صاجه بالنسبه للخلطات ركزي الحين على الاشياء اللي تدخل الجسم مثل شاي الاعشاب اللي تحبينه وبالنسبه حق الكنافه عوافي غلطه تفوت بس مو كل يوم))))))))))) وكملي موفقه
اما انا نزلت على التخفيف وما احرم روحي وقمت الحين اتحرك احسن من اول والله كريم ادعولي

 

[حياة ريلي]

الللللله يوفقج يالغالية يا ستاف و الله ما شفتي شي كل ما ضعفي بتقولين قبل شلون شايلة عمري ؟ بس هاااا احرص عليج لا تقولين لاحد انج تخففين او شي ولا انج ضعفتي و الله ايطلعون عينج
ام خالد وينج يالغالية قولي لنا اشتفطرتي اليوم ؟ انا اكلت قطعة سمك مشوي مع ليمون و فلفل و سلطة خضرا مع خل و ليمو و زيت زيتون + 3 تمرات + 5 حبات جوز + ماي + فيمتو دايت
يالله قولولنا اشمتفطرين يا بنات ؟

 

[حياة ريلي]

ويييينكم ؟ ستااااااااااف ؟
ام خااااااالللللد ؟

 

[ستاف]

هلا وغلا بنات اسفه طولت بالرد خبركم العيد على الابواب وكل عام وانتم بخير والتجهيزات من التنظيف للمشتروات وان شاء الله تعودونه
انا نزلت مع التخفيف ما يقارب 1.500 خلال 10 ايام اعتبره وايد وايد زين مع اني من الاوزان الثقيله الحمد الله على الاقل اسمه نزول والله يضعفنا بالصحه والعافيه ولنا عوده

 

[حياة ريلي]

ايواااااااااااااااا عاشت ستاف

 

[ستاف]

Up
up

 

[شلبديه]

آب آب


معــآكمـ معـآكمـ يآلله ببلش ويآكم من بآجر وعــــــــــــــــــــد